ރައީސް ރަސްމީ ދަތުރުފުޅެއްގައި ޗައިނާ އަށް ފުރާވަޑައިގެންފި

ރައީސް ޑރ. މުހައްމަދު މުއިއްޒު އާއި ފޮރިން މިނިސްޓަރު މޫސާ ޒަމީރު ޗައިނާ އަށް ފުރާވަޑައިގަތުމަށް ވެލާނާ އެއާޕޯޓުގައި.-- ފޮޓޯ: ރައީސް އޮފީސް

އިފްރާޒް އަލީ، މިހާރު

08 ޖެނުއަރީ 2024 - 00:23

13 comments

ރައީސް ޑރ. މުހައްމަދު މުއިއްޒުގެ ދެކަނބަލުން ރަސްމީ ދަތުރުފުޅެއްގައި ޗައިނާ އަށް މިރޭ ފުރާވަޑައިގެންފި އެވެ.

ޗައިނާގެ ރައީސް ޝީ ޖިންގްޕިންގެ ދައުވަތަކަށް ރައީސް ކުރައްވާ މި ދަތުރުފުޅުގައި ދިވެހި ސަރުކާރުގެ އިސް ވަފުދެއް އެ މަނިކުފާނުގެ އަރިހުގައި ވަޑައިގެންނެވި އެވެ. އަދި ދިވެހި ބައެއް ނޫސްވެރިން ވެސް ރައީސާ އެކު ދަތުރުކުރައްވަ އެވެ. މި ދަތުރުފުޅު ނިންމަވާލައްވާނީ އަންނަ ހުކުރު ދުވަހު އެވެ.

ރައީސްއާ އެކު މި ދަތުރުފުޅުގައި ބައިވެރިވެވަޑައިގަންނަވަނީ ފޮރިން މިނިސްޓަރު މޫސާ ޒަމީރު، ޑިފެންސް މިނިސްޓަރު މުހައްމަދު ގައްސާން މައުމޫން، އިކޮނޮމިކް މިނިސްޓަރު މުހައްމަދު ސައީދު، ފިޝަރީޒް މިނިސްޓަރު އަހްމަދު ޝިޔާމް، ޓޫރިޒަމް މިނިސްޓަރު އިބްރާހިމް ފައިސަލް، ހައުސިން މިނިސްޓަރު ޑރ. އަލީ ހައިދަރު އަދި ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބެވެ.

އާބަންކޯގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި ޕްރިންސިޕަލް އެޑްވައިޒާ ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓް މުހައްމަދު އަލީ ޖަނާހު ވެސް މި ދަތުރުފުޅުގައި ބައިވެރިވެވަޑައިގަންނަވަ އެވެ.

H.E. President Dr @MMuizzu and H.E. First Lady Sajidha Mohamed departed on the first state visit to the People’s Republic of China today, at the invitation of the President of China, H.E. Xi Jinping. pic.twitter.com/ZuYLcGUWCE
— The President's Office (@presidencymv) January 7, 2024

ރައީސް ޑރ. މުއިއްޒުގެ ދަތުރުފުޅާ ދިމާކޮށް ޗައިނާގައި ރާއްޖޭގެ ބިޒްނަސް ފޯރަމެއް ވެސް ބާއްވަން ތައްޔާރުވަމުން އަންނަ ކަމަށް ވަނީ އެނގިފަ އެވެ.

މިއީ މިދިޔަ އަހަރުގެ ނޮވެމްބަރު 17 ގައި ރައީސްގެ މަގާމާ ޑރ. މުއިއްޒު ހަވާލުވެވަޑައިގެންނެވި ފަހުން ރާއްޖެ އިން ބޭރަށް ކުރައްވާ މިއީ ތިން ވަނަ ރަސްމީ ދަތުރުފުޅެވެ. ރައީސްގެ މަގާމުގެ ހައިސިއްޔަތުން އެ މަނިކުފާނު އެންމެ ފުރަތަމަ ވަޑައިގަތީ ތުރުކީއަށެވެ. އޭގެ ފަހުން ދުބާއީގައި ބޭއްވި ކޮޕް28 ސަމިޓަށް އެ ގައުމަށް ވަޑައިގަތެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ރާއްޖެ-ޗައިނާގެ ގުޅުން ހީނަރުވެފައި އޮތް ނަމަވެސް ރައީސް ޑރ. މުއިއްޒުގެ ވެރިކަމާ އެކު، އެ ގުޅުން ވަނީ ވަރުގަދަ ކުރަން ފައްޓަވައިފަ އެވެ. ރައީސް ޑރ. މުއިއްޒަކީ ވެސް ކުރިއްސުރެ ޗައިނާއާ ވަރަށް ގާތް ބޭފުޅެކެވެ.

ޗައިނާއަކީ ރާއްޖޭގައި ވަރަށް ބިޔަ މަޝްރޫއުތަކެއް ހިންގުމަށް އެކި ގޮތްގޮތުން އެހީތެރިކަން ފޯރުކޮށްދީފައިވާ ގައުމެކެވެ. ހާއްސަކޮށް ސިނަމާލެ ބްރިޖާއި ފްލެޓްތައް އިމާރާތް ކޮށްދިނުމުގެ މަޝްރޫއުތައް ފާހަގަކުރެވެ އެވެ.

ޗައިނާ ރާއްޖެ-ޗައިނާ ރައީސް ޑރ. މުހައްމަދު މުއިއްޒު

13 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޒީމާާ

09 January 2024

ޗައިނާ އަކީ މިރާއްޖެއަށް ގިނަ ކަންތަށްތަކެއްކޮށް ނިންމާފަ ތިބި ބަޔެއް. މިއީ ޓެސްޓްކޮށް ރިޒަލްޓް ނެރެފަ ތިބި ބަޔެއް. ރައީސް މުއިއްޒު ޗައިނާއިން މިގައުމަށް ގިނަ އިންވެސްޓްމަންޓް ވައްދާނެކަމާމެދު ޝައްކެތް ނުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސީހާާ

09 January 2024

ޗައިނާ އާއި ރާއްޖެއަކީ އަބަދުވެސް ގުޅުން ބަދަހި ދެގައުމު. އެހެންނަމަވެސް އިބޫ ސަރުކާރުގައި ޗައިނާ ވަނީ އެކަހެރިކޮށް އިންޑީޔާއަށް ބޮޑަށް ބަރޯސާވެފަ. ޗައިނާއަކީ މިރާއްޖޭގެ ތަރައްޤީގައި ބޮޑު ދައުރެެއް އަދާކުރާބަޔެއް. ރައީސް މުއިއްޒު މި ހީނަރު ވެފައިވާ ގުޅުން ބަދަހިކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިސިޔާސަތެއްނޫން

08 January 2024

ތިހަތުރުވެރި ސިޔާސަތެއް އަހަރެމެން ބޭނުމެއްނޫން. ރާއްޖެއަކީ ޒަމާނުއްސުރެ މެހްމާންދާރީ އަދާކޮށްގެން ކައިބޮއިއުޅޭބައެއް. މިއީ ވަކިޕާޓީއެއްގެ ދިވެހިންގެ ރާއްޖެއެއް ނޫން. މިއީ ދިވެހިރާއްޖެ. މިރާއްޖެ އަނދަވަޅަކަށް ވައްޓާނުލައި ވެރިކަންކުރަން ނޭނގޭނަމަ ދުރަށްޖެހިލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން އަލީ

08 January 2024

އުފާވެރި ހަބަރެއް. ރައީސް މުއިއްޒް ގައުމު ހިންގާލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމުގެ އަގު ވައްޓައިލި ރައީސަކީ މުޢިއްޒު

08 January 2024

ރ. މުޢިއްޒު، 5 ކުޅަނދު ހަމަނުވާ 3 ބޮޓުން ލައްވައި ދިވެހިންނަށް އެތައްގޮތަކުން މަދަދުވެރިވާ އިންޑިއާ އަށް ހުތުރު ބަހުން މަލާމާތް ކުރުވާފައި ޗައިނާއަށް ވަޑައިގަތުމަކު ނުފުދޭނެ އެވެ! ދިވެހިންނަކަށް ބޭސްފަރުވާ އަށް ޗައިނާއަކަށް ނުދެވޭނެ އެވެ. ދާކަށް ނުވެސް ކެރޭނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

5678

08 January 2024

5 އަހަރު ތެރޭ ގައުމަށް ދިނީ ހުސް ގެއްލުން. ބިލީފް ތަފާތު އަދި ތިމަވެންވަރުގެ ބައެއްނެތްކަމަށް ހެދި ހިޓްލަރުގެ ފިލޯސަފީގަ އުޅޭ ދިންދުތްވާ ބަޔަކު ހަމައެކަނި އެހީވާނީ އެމީހުނާ އެއްވިސްނުމުގެ ޒައިނިސްޓުންނަށް. ޒައިނިސްޓުން ހިންދުތްވާ ޖަމާއަތުގެ މުޑުދާރު ކަމާމެދު ކިތަންމެ މަލާމަތެއް ކުރިއަސް ހަމަ ފަހަތުން ދުވުމުގަ އުޅޭ ބަޔަކާ މިގައުމުގެ ރައްޔިތުން ދުރުވުމަކީ ކޮންމެހެން ކުރަންޖެހޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިހިންދު

08 January 2024

އުންމީދުކުރަން ޗައިނާގެ އަސްކަރީ އެހީ ލިބޭނެކަމަށް އިންޑިޔާ ސައިޒުކުރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް ލޮލް

08 January 2024

ދެން ތިތާ ދިރިއުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނބޫ އައުޓް

08 January 2024

އިތުރު ފުލައިޓްތަކާއި ޗައިނާގެ މިލިއަން ފަތުރުވެރީން ރާއްޖޭގެ ހިތްގައިމު ދޮންވެލި ތުނޑިތައް ފުރާލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

08 January 2024

30 ސޮޓޭޓު މިނިސްޓަރުބްނާއި 40 ނައިބުންވެސް ގޮވައިގެން ދާން ފެނނަނީ... ޅޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭދިދަޔާއެވެ

08 January 2024

ތިބާގެ ގައުމުގައި ވެރިން ސޯފާގައި ތިބެގެން އިމިގްރޭޝަން އަދި ބޯޑިން ކާޑު އަތަށް ލިބުނަސް 85 އަހަރުގެ މުހައްމަދު ރަށަށް ދާން ޑޮމެސްޓިކް ޓާމިނަަލަށް ދާން މިޖެހެނީ 1 ކިލޯމީޓަރަށް ހިނގާފައެވެ. ފަހެ ތިބާޔަށް މިކަން ނުފެންނަނީ ހެއްޔެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިލޯމީޓަރު

08 January 2024

ކިލޯމީޓަރަކީ ކިތައް ފޫޓް ކިތައް އިންޗިކަން ނުދަންނަ ގަމާރުންނަށް ހިނގޭވަރުވެސް ނޭނގެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެކެ

08 January 2024

ވެރިކަމަށް އައުމުން ދެން ގަމާރުކަން ވާނީ އިތުރު. ހަޖަމް ކުރުން އިންތިހާއަށް އުދަގޫވާނެ. ޑައިޖީން ބޭނުން ކޮށްގެން ނަމަވެސް މަޖާޒީ ގޮތުން ލިޔެފެ ހުންނަ އެއްޗެހި ހަޖަމް ކުރަން ދަސްކުރަން އެބަޖެހޭ