ރޭޕްގެ މައްސަލަތައް އިތުރުވެ މާލޭގައި ކުރި މުޒާހަރާއެއްގެ ތެރެއިން-- ފޮޓޯ: އަހުމަދު އަވްޝަން/ މިހާރު
06 އެޕްރީލް 2024 - 01:27
55 comments
އއ. ރަސްދޫގެ މިސްކިތެއްގެ ތެރޭގައި ކުޑަކުއްޖަކަށް އަނިޔާކުރި މައްސަލަ ވަރަށް ސީރިއަސް މައްސަލައެއްގެ ގޮތުގައި ފުލުހުން ބަލަން ފަށައިފި އެވެ.
ފުލުހުންގެ ތަރުޖަމާން އަހްމަދު ޝިފާން ވިދާޅުވީ މިކަން ކުރި ކަމަށް ތުހުމަތު ކުރެވޭ މީހުން ފުލުހުން މިހާރު އައިޑެންޓިފައި ކޮށްފައިވާ ކަމަށެވެ.
ރަސްދޫން ވާހަކަ ދެއްކި މީހަކު ބުނި ގޮތުގައި، އެ ކުއްޖާ އަށް އަނިޔާކުރުމުގައި މުޅިން ވެސް ބައިވެރިވީ ކުޑަކުދިންނެވެ. އެ ކުއްޖާ އަކީ އެ އަތޮޅު މަތިވެރި ކުއްޖެއް ކަމަށާއި އެ ކުއްޖާ ރަސްދު އަށް ދިޔައީ އާއިލާ އެކު ޗުއްޓީ އަށް ކަމަށް އޭނާ ބުންޏެވެ.
މިކަން ހިނގާފައި ވަނީ ރޭ ތަރާވިސް ނަމާދު ގަޑީގަ އެވެ. ސޯޝަލް މީޑިއާގައި އާންމުވި ވީޑިއޯއެއް އިން ވެސް، އެ މިސްކިތުގައި ނަމާދުކުރާ އަޑު އިވެ އެވެ.
ވީޑިއޯއެއްގައި ފެންނަނީ މިސްކިތެއްގެ ފާހާނާގެ ތެރޭގައި ކުޑަކުއްޖަކަށް ބުލީކޮށް، އެ ކުއްޖާގެ ގައިގައި އެހެން ކުދިންތަކެއް ގޮށްމުށުންނާއި ކޮޅުފައިން ޖަހައި އަނިޔާކުރާ ތަނެވެ. އެ ކުއްޖާގެ ކޯމަތީގައި ވަރަށް ބާރަށް ޖެހުމުން ރޯން ވެސް ފަށަ އެވެ. އަދި ވަރަށް ހަޑިހުތުރުބަހުން އެ ކުއްޖާ ދިމާލަށް ދެން ތިބި ކުދިން އެއްޗެހި ކިޔަ އެވެ.
އެ ކުއްޖާގެ އަތުގައި އޮތް ފެންފުޅި އަތުލައި ބޮލަށް އަޅާލާ މަންޒަރު ވެސް ވީޑިއޯ އިން ފެނެ އެވެ.
އަނިޔާނުކޮށް އޭނާ ދޫކޮށްލަން އެދި އެ ކުއްޖާ ކުޑަކަކޫ މައްޗަށް ތިރިވެ އާދޭސް ވެސް ކުރެ އެވެ.
ކުއްޖާ އަށް އަނިޔާކުރި މައްސަލާގައި ރަސްދޫގެ އާންމުން ވަނީ ކުއްޖާ އަށް އަނިޔާކުރުމުގައި ބައިވެރިވި ކުދިންގެ ގެތައް ކައިރިއަށް މިރޭ ދަންވަރު އެއްވެ ނުރުހުން ވެސް ފާޅުކޮށްފަ އެވެ.
ޕޮލިސް ކޮމިޝަނަރު އަލީ ޝުޖާއު މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ މިކަން ކުރި ކަމަށް ޔަގީންކުރެވިފައި ވަނީ އއ. ރަސްދޫގައި ކަމަށެވެ. އަދި މި މައްސަލަ ވަރަށް ސީރިއަސް މައްސަލައެއްގެ ގޮތުގައި ފުލުހުން ތަހުގީގުކުރާނެ ކަމަށް ވެސް އޭނާ ވިދާޅުވި އެވެ.
މި މައްސަލަ ފެންމަތިވުމުން ހޯމްލޭންޑް ސެކިއުރިޓީ އެންޑް ޓެކްނޮލޮޖީ މިނިސްޓަރު އަލީ އިހުސާން ވެސް މިރޭ އެކްސްގައި ޕޯސްޓެއް ކުރެއްވި އެވެ.
"ކުޑަކުއްޖަކަށް އަނިޔާކުރާ މަންޒަރު ފެންނަ ވީޑިއޯއެއް ވަނީ ފުލުހުންގެ ސަމާލުކަމަށް އައިސްފައި. މިކަން ކުރި ފަރާތްތައް ހޯދައި އަވަހަށް ފިޔަވަޅު އެޅުމަށް ފުލުހުން ދަނީ މަސައްކަތްކުރަމުން. މިފަދަ ކަންކަން މުޖުތަމައުގައި ހިންގާ ފަރާތްތަކާ މެދު އެޅެން އޮތް އެންމެ ހަރުކަށި ފިޔަވަޅު އެޅިގެންދާކަން ޔަގީންކުރާނަން،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވެލިގަލަށްދާކަޅުބެގެ ގައިތުންޑެ
06 April 2024
އަހަން މިވީޑިއޯބެލިން. ދޮންބޮޑުވިވަރުން ބުނާނެ އެއްޗެއްނޭގިފަ މިހިރީ. އެކަމަކު މިކިޔާއެއްޗެއް "ބުލީކުރުން" ކޯޗެއްބާއޭ ހިތަށްއަރާ. މިކަހަލަ ތާކުންތާކުނުޖެހޭ ވެއްޓާއި ނުގުޅޭ ޓާމިނޮލޮޖީތަށް ބޭނުންކޮށް ދަރިންގެ ތަރުބިއްޔަތުގެ ފޫގޮސް އިޖުތިމާއީފޭރާން މިއޮތީ ހަންޓޯޓޯ ކޮށްފަ. ފެނުނުގޮތުން ކުއްޖާ ތަޅާ ރޯނާކޮށްލި. އަނިޔާކުރިމީހުންނަށް އެކަށީގެންވާ އަދަބު ނުދެވެނީސް ބުލީއޭ ސައިކޮލޮޖީއޭ އަށާރައަހަރޭ ކަހެރުވަކޭ ކިޔަކަސް ޓޯޓަލް ހައްލެއް ނުލިބޭނެ.
ބުލީވިކްޓިމް
07 April 2024
ބުލީ އެއް ނޫން މިއީކީ މިޔަށް ކިޔާނީ އެސަލްޓް އެންޑް ބެޓެރީ ހާނިއްކަ އަނިޔާކުރުން މިއީ ކޯޓުގައި ދައުވާކޮށް ގެއްލުމުގެ ބަދަލު ހޯދެން ޖެހޭ ކަންކަން ކޮންމެ އުމުރެއްގެ މީހަކަސް
ތައްހާނުބެ
06 April 2024
ކުއްޖަކު ބޮޑުވެގެން އަންނައިރު ފިސާރި މީހަކައް ބަދަލުވުމައް ތަފާތު ކަންކަމާ ކުރިމަތިލާ އެކަންތަކުން ފިލާވަޅު ލިބުމަކީ މުހިއްމުކަމެއް
ރާރު.
06 April 2024
އެވަރިހަމަދޯ އޭނާ މެންޓަލީ ހަލާކުވިޔަސް؟ އަނިޔާވެރިކަމާ އެބިޔޫސްގެމާހައުލުން ފުރޭނިގެން އެއްވެސް އިންސާނަކަށްް މުޖުތަމަޔަށް ކޮލިފައިވާކަށް ނުޖެހޭ.
ހައިޝަމް އަހްމަދު
06 April 2024
18 އަހަރުން ދަށުގެ ކުދިންނާއި މެދު އަމަލުކުރާނެ ގޮތް އިންނާނެ ގާނޫނުގަ ވަރަށް ސަރީހަކޮށް ބަޔާންކޮއްދީފަ. އެގޮތަށް އަމަލުކުރައްވާ
ޝާލީ އަހްމަދު
06 April 2024
އަނިޔާ ކުރި ދެކުދިންނަށްވެސް ގާނޫނުގައި އޮންނަ ގޮތަށް އަމަލުކުރާނެ ކަމާއިމެދު ޝައްކެއް ނުކުރަން
ޒަންމޫ
06 April 2024
ގައުމުގެ ކަންކަން ހަމަޔަކަށް އެޅުވުމަށް ރައީސް މުއިއްޒު ނަންގަވާ އަވަސް ފިޔަވަޅުތަކަށް އައަސަރިބަހާ ސާބަސް.
އަހްމަދު އީސަ
06 April 2024
ތި އަމަލު ކުއްވެރިކުރަން. އަދި ގާނޫނުގައި އޮންނާނެ ގޮތަށް އަމަލުކުރާނެ ކަމާއިމެދު ޝައަކެއް ނުކުރަން. މިއީ އޯގާތެރި ސަރުކާރެއް
އީސަބުނޭދާނުމެތުރު
06 April 2024
ފަނަރަ އަހަރު ނުފުރޭތީ ކުށުގެ ޒިންމާ އުފުލާކަށް ނުޖެހޭނެ އެ ކުދިން އެއީ ގާނޫނުގައި އޮތް އެއްޗަކީ އޯގާތެރި ދޯ
ނަންނަ އަހްމަދު
06 April 2024
ރައްޔިތުންގެ މަސްލަހަތު ހިމާޔަތް ކުރަންޖެހުނު ކޮންމެ ދަޑިވަޅެއްގައި މިސަރުކާރުން ހިމާޔަތްކުރާނެ. އެކަމުގެ ޝައްކެއް ނެތް. މިއީ އޯގާތެރި ވެރިކަމެއް
ފޮނިޓައްޕު ހަސަނު
06 April 2024
18 އަހަރުން ދަށުގެ ކޮންމެ އިންސާނަކީ ކުޑާކުއްޖެއް ކަމަށް ގާނޫނުގައި ލިޔެވިފައިވާތީ ބާލިއުވެ، ނުވަތަ ހައިޅުވެފައި ތިބިއަސް ކުޑކުދިންގެ ގޮތުގައި ބެލެވޭ. ގާނޫނަށް ބަދަލު ގެނެސް 10 އަހަރާއި 17 އަހަރުގެ ކުޑަކުދިންގެ ކެޓަގަރީގައި އުޅޭ މީހުން ކުރާކުށްތައް ތަހުގީގު ކޮށް ގާނޫނުގަ އޮންނަ ބޮޑެތި މީހުންނަށް ދޭ އަދަބު ދޭގޮތަށް ހަދަންވީ. މިރާއްޖެއަށް ގެނައި ހިއުމެން ރައިޓްސް އާއި ޑިމޮކްރަސީ އަކީ މިރާއްޖޭގެ ހަލާކު.
ޗޯރުބޭ
06 April 2024
ހަތްފެނުލައިގެން ކެއްކިޔަސް ނުވާނެރަގަޅެއް ރަންރީދޫ ގަހަކުން ފަޅާނީ ރަންރީދޫ ކުރިއެކެވެ އެއަކައްބަދަލެއްނާއްނާނެއެވެ.
ރޭޖް
06 April 2024
މިރާއްޖޭގައި ކުޑަކުދިންވީމަ ތިއޮތީ ފާރެއްގައި ޖެހިފަ