މ. ދިއްގަރުގައި 75 ހައުސިން ޔުނިޓް އެޅުމަށް 117.9 މިލިއަން ރުފިޔާއަށް އެމްޓީސީސީއާ ހަވާލުކޮށްފި އެވެ.
ހައުސިން މިނިސްޓްރީން ކުރި އިއުލާނުގައި ބުނީ ޑިޒައިން އެންޑް ބިލްޑް އުސޫލުން އެ މަޝްރޫއު އެމްޓީސީސީއާ ހަވާލުކުރިއިރު މިއީ ސަރުކާރުގެ މި އަހަރުގެ ޕީއެސްއައިޕީ ބަޖެޓުން ހަރަދުކުރާ މަޝްރޫއުއެއް ކަމަށެވެ.
އެ މަޝްރޫއުގެ ދަށުން އިމާރާތްކުރާ ހައުސިން ޔުނިޓެއްގެ ބޮޑު މިނަކީ 1000 އަކަފޫޓެވެ. އެޕާޓްމަންޓުގައި ތިން ކޮޓަރި އާއި ތިން ފާހާނާ އާއި ސިޓިން ރޫމަކާއި ބަދިގެ އާއި ކާގެ އަދި ލޯންޑަރީ އާއި ސްޓޯ ރޫމެއް ހުންނާނެ އެވެ.
އެ މަޝްރޫއޫ ހަވާލުކުރީ 420 ދުވަހުން ނިންމާ ގޮތަށެވެ.
މިނިސްޓްރީން ބުނި ގޮތުގައި އެ ހައުސިން ޔުނިޓްތަކުގައި އުޅޭ މީހުންނަށް ހިތްފަސޭހަ ދިރިއުޅުމަކަށް މަގު ފަހިވާ ފަދަ ވަސީލަތްތައް ގާއިމްކޮށްދޭނެ އެވެ. އޭގެ ތެރޭގައި އެތަނުގައި ޕާކަކާއި ވެހިކަލް ޕާކުކުރާނެ ސަރަހައްދެއް ހަދާނެ އެވެ. އަދި މުޅި ސަރަހައްދުގައި ލައިޓް ހަރުކޮށް، ވަށައިގެން އަލިކުރާ ގޮތަށް ވެސް ވަނީ ހަމަޖައްސައިފަ އެވެ.