ގިރާވަރުން ގޯތި ލިބުނު 2،000 އަށް ވުރެން ގިނަ މީހުން ގުޅިފަޅަށް ބަދަލުވާން އެދިއްޖެ

ގުޅިފަޅު ހިއްކާފައިވާ ސަރަހައްދު.-- ފޮޓޯ: އެޗްޑީސީ

ފާތިމަތު އަޖްފާން، މިހާރު

28 މެއި 2024 - 10:38

ގިރާވަރުފަޅުން ގޯތި ލިބުނު މީހުންގެ ތެރެއިން ގުޅިފަޅަށް ގޯތި ބަދަލު ކުރަން ބޭނުންވާ މީހުންނަށް މި ސަރުކާރުން ހުޅުވާލި ފުރުސަތުގައި 2،210 މީހުން ގުޅިފަޅަށް ބަދަލުވާން އެދިއްޖެ އެވެ.

ގިރާވަރުފަޅުގެ ލޭންޑްޔޫސް ޕްލޭނަށް ބަދަލު ގެނައުމުން އެތަނުން ދޫކޮށްފައިވާ އަދަދަށް ގޯތި ނުނެގޭތީ، ގިރާވަރުފަޅުން 1،347 ގޯތި ގުޅިފަޅަށް ބަދަލުކުރަން ނިންމީ މިދިޔަ އޭޕްރިލް މަހު އެވެ.

ގުޅިފަޅަށް ބަދަލު ކުރަން ނިންމާފައި ވަނީ 1250 އަކަފޫޓުގެ 193 ގޯއްޗާއި، 1650 އަކަފޫޓުގެ 663 ގޯއްޗާއި، 2050 އަކަފޫޓުގެ 487 ގޯއްޗާއި، 2450 އަކަފޫޓުގެ 4 ގޯއްޗެވެ.

ހަތަރު ކެޓަގަރީއެއް ހިމެނޭހެން ޖުމުލަ 1096 ފުރުސަތަށް ހުޅުވާލުމުން ގިނަ ބަޔަކު ކުރިމަތިލާފައިވާތީ މިނިސްޓްރީން ނިންމާފައި ވަނީ އަންނަ މަހު ގުރުއަތު ނެގުމަށެވެ.

ގުޅިފަޅަށް ގޯތި ބަދަލުކުރަން އެދި ހުށަހެޅި މީހުންގެ އަދަދު:

1. 1250 އަކަފޫޓުގެ 193 ގޯތި: ބަދަލު ކުރަން އެދި ހުށަހެޅީ 1093 މީހުން

2. 1650 އަކަފޫޓުގެ 663 ގޯތި: ބަދަލު ކުރަން އެދި ހުށަހެޅީ 880 މީހުން

3. 2050 އަކަފޫޓުގެ 487 ގޯތި: ބަދަލު ކުރަން އެދި ހުށަހެޅީ 234 މީހުން

4. 2450 އަކަފޫޓުގެ ހަތަރު ގޯތި: ބަދަލު ކުރަން އެދި ހުށަހެޅީ 3 މީހުން

ގުޅިފަޅުން ހިއްކާފައިވާ ސަރަހައްދު.-- ފޮޓޯ: އެޗްޑީސީ

ގުރު ނެގުން އޮންނާނީ އަންނަ މަހުގެ 4ގައި ކަމަށާއި ގުރު ނަގާނެ ތަނާއި ގަޑި ފަހުން އިއުލާން ކުރާނެ ކަމަށް ވެސް މިނިސްޓްރީން ބުންޏެވެ.

ގޯތި ބަދަލުކުރަން އެދިފައިވާ ކެޓަގަރީތަކުގެ ތެރެއިން 2050 އަދި 2450 އަކަފޫޓުގެ ގޯތި ލިބުނު މީހުން ކަނޑައަޅާފައިވާ އަދަދަށް ވުރެ މަދުން ކަމުން، އެ މީހުންގެ މެދުގައި ގުރުނެގުން ނޯންނާނެ ކަމަށް ވެސް މިނިސްޓްރީން ބުންޏެވެ.

ގިރާވަރުފަޅުން ގޯތި ލިބުނު މީހުންގެ ތެރެއިން ގުޅިފަޅަށް ގޯތި ބަދަލު ކުރުމަށް ހުށަހެޅި ފަރާތްތަކުގެ ލިސްޓު ވެސް އާންމުކޮށް، އެ ލިސްޓަށް ޝަކުވާ ހުށަހެޅުމުގެ ފުރުސަތު އަންނަ ހުކުރު ދުވަހުގެ ރޭގަނޑު 11 ޖެހުމާ ހަމައަށް ވަނީ ހުޅުވާލައިފަ އެވެ.

ގުޅިފަޅު ހިއްކުން ނެދަލެންޑްސްގެ ބޮސްކާލިސް ކުންފުންޏާ ހަވާލުކުރީ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި އޮކްޓޯބަރު 17، 2019 ގަ އެވެ. އެއީ ދެ ބިލިއަން ރުފިޔާއަށް 65 ހެކްޓަރު ހިއްކާށެވެ. ނަމަވެސް، ރައީސް ޑރ. މުހައްމަދު މުއިއްޒު ނިންމާފައި ވަނީ ގުޅިފަޅަށް އިތުރު 85 ހެކްޓަރު އިތުރުކޮށް، ދެ ވަނަ ފިޔަވަހިން 150 ހެކްޓަރު އިތުރު ކުރާށެވެ. އެ ބައި ހިއްކުމުގެ މަސައްކަތް މިހާރު ވެސް އަންނަނީ ކުރަމުންނެވެ.

ބޯހިޔާވަހިކަން ގުޅިފަޅު ގިރާވަރު ފަޅު

18 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިޔާދު އަލީ

29 May 2024

މިދިޔަ 5 އަހަރު ނޫނީ ނެތް ބޯހިޔާވެހިކަން ފަށައި ނުވެއްދުނު 5 އަހަރު، މި ފަހަރު ނޫނީ ނެތް މިހާ އަވަހަށް މި މައްސަލައަށް ހައްލު ހޯދަން މަސައްކަތް ކުރާ 5 އަހަރު، ތަފާތު ފެންނާނެ ކަމަށް ވަރަށް ބެލޭވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީޒާން މުހައްމަދު

29 May 2024

މި 5 އަހަރު ވާނެ ބޯހިޔާވެހިކަމަށް ހައްލު ގެންނާނެ 5 އަހަރަށް، އިންޝާﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ނިހާމް

29 May 2024

ބިންވެސް ދޭނެ. ގޯތިވެސް ދޭނެ. ބޯހިޔާވެހިކަމަށް ހައްލުވެސް ގެންނާނެ. ރައީސް މުއިއްޒް ތަފާތުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަލީ.

29 May 2024

މިއީ ވަރަށް ދެރަކޮށް މިދިޔަ ސަރުކާރުން ކުރި ކަމެއް. އެއްވެސް ކަހަލަ ޕްލޭނެއް ނެތި މިކަން ކުރީ. ލޭންޑް ޔޫސް ޕްލޭންވެސް ނަހަދާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު ނޫރު

29 May 2024

އެއްމެ ފަހުން ސޯލިހް ކަނޑުން ދިން ގޯތިވެސް ހަގީގަތަކަށް މިހަދައިދެނީ ރައީސް މުޢިއްޒް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަވެ

28 May 2024

އިބޫ ހިތުން ގޯތި ދިނީމަ ވޯޓްލިބޭނެ، އެކަމަކު ހާމަވީ ގައުމާ މެދު ނުވިސްނާ އަމިއްލަ އެދުން ބޮޑު މީހެއްކަން. ހުޅުމާލެ ފޭސް 2 އިން އެއްކޮށް ތޮއްޖައްސާ، ޕާކުކުރާނެ ތަނެއްވެސް ނުބަހައްތާ، ޕާކު ހަދަން ހުރި ބިމާ މަގުމައްޗަށްވާގޮތަށާ ގޮތެއްފޮތެއް ނެތި ހިލޭ ބަހާލި ބިން ތަކުގެ ސަބަބުން، ތާރީޚްގައި ލިޔެވޭނީ ޤައުމަށް ޣައްދާރުވި ވެރިއެއްގެ ގޮތުގައި، ދައުލަތުން މިލިޔަން ރުފިޔާގެ ބިން ގިނަމީހުންނަށް ބޯހިޔާލިބޭގޮތަށް ފްލެޓް އަޅަން ހުރިބިން. ޙެޔޮވާނީ ކިހިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު33

28 May 2024

ހުޅުމާލޭ ފަޅުން ގޯތިލިބުންމީހުންވެސް ގުޅިފަޅަށް ބަދަލްކުރަންޖެހޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

28 May 2024

ބިންކުޑަ މިރާއްޖޭގައި ރަށްތަކުން ގޯތިދީ ބިސްހުސްވެގެން ހުރިހާ ފަޅުތަކާއި ފަރުތައް ހިއްކާފަވެސް ގޯތިދެމުން މިދާދިއުން ހުއްޓާލައި ހިއްކާ ތަންތަންވެސް އެންމެބޮޑަށް ބޭނުން ހިފޭނެގޮތަކަށް ހުރިހާ ފެންވަރެއްގައި ފްލެޓް އަޅާފައި ދިނުމުގެ ވިސްނުމެއް އަންނާނީ ކޮންއިރަކުންބާވައެވެ. އަމިއްލަ އެދުމާއި ދަހިވެތިކަން ހިސާބަށްވުރެ ބޮޑުވީމާ އެންމެންވެސް ބޭނުންމިވަނީ ދައުލަތުން މިލިޔަނުން ހޭދަކޮށްގެން ހިއްކާބިން ކުއްޔަށްދިނުމަށްޓަކައި ހިލޭ ލިބުމަށެވެ. މުސްތަޤްބަލާމ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްރަފަ

28 May 2024

އަހަރެން ޙައިރާންވާ ކަމަކީ ގޯތިތަށް ބެހޮގޮތާމެދު ޝަކުވާ ކުރާމީހަކު ނޫޅޭ. އުޅެނީ މީހުނަށް ލިބުނު ފްލެޓްތަށް އަތުލެވޭނެ ގޮތެއް ނެތީގެން. ތި ހުރިހާ ގޯއްޗެއް އަތުލަންވީ. ވެރިކަން ކުރާ ސަރަހައްދުން ހިލޭ ބިންދިނުން އެއީ އެއްވެސް ގައުމެއްގަ ކުރަމުން އަންނަ ކަމެއް ނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

28 May 2024

ދެން ދައުލަތުން ދިން ގޯތިތައް އަތުލެވޭނެ އެއްވެސް ގޮތެއް ނޯންނާނެ! ނަގަންޏާ ޖެހޭނީ އަދުލުވެރި ބަދަލެއްދޭން! ގާނޫނުގައި އޮންނަނީ މިގޮތައް! އަދުލުވެރި ބަދަލަކައް ވާނީ ދިން ރަށުން ގޯތި ދިނީމަ، ހއ ހޯރަފުއްޓައް ހުޅުމާލެއިން ލިބިފައިވާ މީހަކު ފޮނުވާ ނުލެވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހާމި

28 May 2024

ތި ރަށުން ދެވޭނެ މާލެ މީހުނަށް ގޯތި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތގރދގދެ

28 May 2024

ހުޅުމާލެ ފޭސް 2 އިން މަގުމައްޗަށްވާގޮތަށާ ގޮތެއްފޮތެއް ނެތި ހިލޭ ބެހި ހުރިހާ ގޯއްޗެއްވެސް ގިރާވަރު ފަޅަށް ބަދަލުކުރޭ! ހުޅުމާލެއަކީ ޕްލޭންކޮށް ހެދިފަ ހުރިތަނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުަލއި2021

28 May 2024

ހުޅުމާލޭގެ ބިން ކުރިންވެސް ޕުލޭންކޮށްފަ އޮތްގޮތަށް ބޭޏުން ކުރަން ވާނީ، ހަމައެއ ްލަމައެއް ނުބަލާ ހުޅުމާލެ އތަން މިތަނުން ބެހި ގޯތިތަށް ބަދަލުކުރަން ޖެހޭ، އަދި މިގޯތިތަކަކީ ވަކިބަޔަކަށް ހަދިޔާގެ ގޮތުގަ ބަހާލެވުނ އެތަށް މިލޔަން ރުފިޔާގެ އަގޮބޮޑު ބިންތަކެއް. ފުލެޓް ތަކަށް ތުރެ މާބޮޑު ކަރަޕްޝަންއެއް މީ.