މުހައްމަދު ޒައިދާން، ރ. އުނގޫފާރު، ނިއުލައިފް
02 ޖޫން 2024 - 21:18
ލ. ކައްދޫގައި ކުރިއަށް ގެންދިޔަ އެމްއެންޑީއެފްގެ މޫދު ޓްރެއިނިންއެއްގައި މިއަދު އުޅެނިކޮށް މިޔަރެއް ހަމަލާ ދީގެން އަނިޔާވި ޒުވާނާ މިރޭ ނިޔާވެއްޖެ އެވެ.
މި ހާދިސާގައި ނިޔާވީ، ރ. އުނގޫފާރު، ނިއުލައިފް، ލާންސްކޯޕްރަލް މުހައްމަދު ޒައިދާން 23، އެވެ.
މިޔަރުގެ ހަމަލާއާ ގުޅިގެން އޭނާގެ ހާލު ސީރިއަސްވެ، ފަރުވާ ދީފައިވަނީ ލ. ގަމު ރީޖަނަލް ހޮސްޕިޓަލުގެ އައިސީޔޫގަ އެވެ.
އެމްއެންޑީއެފް މީޑިއާ އޮފިޝަލް ވިދާޅުވީ ލ. މާވަށު ކައިރީގައި މޫދުގެ ތަމްރީނު ފުރިހަމަ ކުރަމުން ދަނިކޮށް ޒައިދާން ނިޔާވެފައިވަނީ މިރޭ 8:40 ހާއިރު ކަމަށެވެ.
މަންޒަރު ދުށް މީހަކު "މިހާރު" އަށް ކިޔައިދިން ގޮތުގައި އެ ޒުވާނާގެ ފަލަަމަސްގަނޑުގެ ބޮޑު ބައި އޮތީ މިޔަރު ދިން ހަމަލާގައި ޒަހަމްވެފަ އެވެ. ޒުވާނާގެ ގައިން ގިނަ އަދަދެއްގެ ލޭ ފައިބައިފަ އެވެ.
"ލޭ ހުސްވެގެން ގެނައި ގޮތަށް ވެންޓިލޭޓަރުގައި އޮތީ. ވެންޓިލޭޓަރަށް ލީތާ ކުޑައިރުކޮޅެއްގެ ތެރޭގައި ނިޔާވީ. ފަލަމަސްގަނޑުގައި ވަރަށް ބޮޑަށް ދަތް އަޅާފައި އޮތީ،" އެ ރަށުން ވާހަކަ ދެއްކި މީހަކު ކިޔައިދިނެވެ.
އެ ޒުވާނާ ސިފައިންގެ މީހެއްގެ ވަޒީފާ އަށް ވަނީ މީގެ އަހަރެއްހާ ދުވަސް ކުރިންނެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ގެދޮރުވެރިޔާ
03 June 2024
މާދަމާ ވަރުގަދަ ދިރާސާއެއް ހަދާފަ ބުނާނެ މިޔަރު ގިނައެއް ނޫނޭ. ގުދުރަތީގޮތުން ކަންކަން އޮންނަގޮތް ދޫކޮށްލާ އަމިއްލަ މަސްލަޙަތު ކުރިއަށްނެރެންޏާ ދުނިޔެ އޮޅުންބޮޅުން ނުވެއެއް ނުދާނެ. މުޅި އެކޯސިސްޓަމަށް އޭގެ ނޭދެވޭ އަސަރު ކުރާނެ. މިޔަރަށް ގިނަފަހަރަށް އަތުޖެހޭނީ ބަލިކަށި މަސް. އެކަމަކު އިންސާނުން ކާންދޭން ފެށީމާ ބަލި މަސް އެކޯ ސިސްޓަމްގަ ގިނަވުން އެއީ ހަމަ ހަގީގަތެއް. ދިރާސާކުރާ ފަރާތްތަކުން އެކަން ކަށަވަރުކޮށްދޭ. މިޔަރު ބާނަން ހުއްދަ ދޭން އުޅެގަ
ޖާބެ.
03 June 2024
إ نأ للله و إ نأ إليه راجعون މަރުޙޫމުގެ ފާފަ ފުއްސަވައި ދެއްވާ ޖަންނަތުލް ފިރުދައުސް ގެ މަތިވެރި ނިޢުމަތް މިންވަރު ކޮށްދެއްވާ ޢާއިލާއާ އަށް ކެެއްތެރިކަމާއި ސާބިތުކަން ދެއްވާށި. އާމީން? ކޮންބާވަަތެއްގެ މިޔަރެއްބާ ؟ މިދިތާސާ ނުަދާތަ ނޫސްވެރިންވެސް މިސުވާލު ނުއުފައްދާތަ ؟
ބަލާ90
03 June 2024
މިޔަރު ބާނާފައި އެކްޕޯޓް ކުރަން ފަށާ!
މިޔަރޭ
03 June 2024
ހުޅުމާލޭގައި ބުޅާ ޝެލްޓަރާ ޖެހިގެން އޮތް ބިމުގަ މިޔަރު ޝެލްޓަރ އެއް ހަދަންފެނޭ.
ބަބުރުބޯ
03 June 2024
ސިފައިންގެ މީހެއް އެކާލީ. މާދަމާ މަސްވެރިއެއް. ބަލަ ރައްޔިތުން ނުކިމު މުޒާހަރާ ކުރަންވެއްޖެ އެއްނު މި ސޭވްދަ ސާރކް ކިޔާ ގުރޫޕް ބޭރުކުރަން ގައުމުން
މިޑްސް
03 June 2024
މިޔަރު ބާނައިގެން އުރަހަ ބޭރުކުރަން ފަށަން ލަސްވެއްޖެ. މިހާރު އިންސާނުން ގައިގާ ދަތް އަޅާ ހިސާބަށް ދިޔައީމަ ވަރަށް ގޯސްވީ. ސަރުކާރުގެ ވެރިއެއްގެ ތިމާގެ މީހެއް ގައިގަ ދަތް އަޅާ ހިސާބުން ލޭނު އެޅުމަށް ހުއްދަ ލިބުނީ.
ދިވެހިންން
03 June 2024
އަދިވެސް ސަރުކާރުން މިޔަރު ހިމާޔަތް ކޮށްފައި އޮތް އޮތުން ނިމުމަކަށް ގެންނާކަށް ނުވޭތޯ، މިހަރަކަށްވުރެ އިންސާނެއްގެ އަގު ދަށީތޯ، މިޔަރުގެ ސަބަބުން ކިތަށް ދިވެހިންނަށްތޯ އެ އަނިޔާވެރިކަން ކުރިމަތިވެ މަރާ ކުރިމަތި ލާން މިޖެހެނީ، މިކަހަލަ ކަންތައް ތައް ސަރުކާރުން އެބަ ޖެހޭ ބަދަލު ގެންނަށް، ގުދަރީގޮތުން ދެއްވާ ރިޒުގެއް ހިމާޔަތްކޮށް ބަލަހައްޓަން ސަރުކާރަށް އޮތީ ކޮން ބާރެއްތޯ
ކޮރަލް
03 June 2024
ނުރައްކާތެރި ސިގްނަލް އެކެވެ. ކުރީން އުނދަގޫވީ މަސްވެރީންނަށެވެ. މިހާރު ހާލަތު ބަދަލު ވެއްޖެ އެވެ. ދެން ސަރުކާރުން އަވަހަށް ފިޔަވަޅެއް އަޅަން ވީ އެވެ.
ހީހީ ސުލީހް
03 June 2024
އަހަރެންގެ އުމުރުން ދެބައި އުމުރަށް އަޅަނީ، އުޅެ ބޮޑުވީ މޫދުގަ އުރަހަ ނަގާ ލޭނު އަޅާ އުޅުނު ޒަމާނުގަ މިކަހަލަ ކަމެއް ނުހިނގާ. އެކި ފާޑުގެ ޕުރޮޕެގެންޑާތަކުގަޖެހި ގުދަރަތީ އުސޫލްތައް ދޫކޮށްލުމުން މިޔަރު އިންތިހާއަށް ގިނަވެ މިޔަރު ކާނާ އެއްޗެއްނެތި މިޔަރުގެ ކާނާއަކަށް މިވަނީ އިންސާނުން.
ނާސިޙު
03 June 2024
"އެމްއެންޑީއެފް މީޑިއާ އޮފިޝަލް ވިދާޅުވީ ލ. މާވަށު ކައިރީގައި މޫދުގެ ތަމްރީނު ފުރިހަމަ ކުރަމުން ދަނިކޮށް ޒައިދާން ނިޔާވެފައިވަނީ މިރޭ 8:40 ހާއިރު ކަމަށެވެ". މި ވާހަކަ ރަނގަޅުތަ؟