ރައްޔިތުންގެ މަޖިލީހުގެ އިދާރާ ކުރިމަތި، ނުވަތަ ގްރީން ޒޯނުގެ ޕާކިން ޒޯނުގައި ހުރި ސައިކަލްތަކެއްގައި ރޯކޮށްލި މައްސަލާގައި މިހާކު ހައްޔަރު ކޮށްފި އެވެ.
އެ ސައިކަލުތަކުގައި ރޯކޮށްލީ މިދިޔަ އަންގާރަ ދުވަހުގެ ފަތިހު އެވެ.
ފުލުހުން ބުނި ގޮތުގައި އެ މައްސަލާގައި ހައްޔަރު ކުރީ 36 އަހަރުގެ ދިވެހި ފިރިހެނެކެވެ. އެ މީހާގެ
ބަންދާ މެދުގައި ގޮތެއް ނިންމަން ކްރިމިނަލް ކޯޓަށް ހާޒިރުކުރުމުން އޭނާގެ ބަންދަށް 30 ދުވަސް ވަނީ ޖަހައިފަ އެވެ.
އެ ހާދިސާގައި ހަތް ސައިކަލަކާއި ވޭނަކަށް ގެއްލުން ލިބިފައިވެ އެވެ. އޭގެ ތެރެއިން ތިން ސައިކަލެއް ބޭނުން ނުކުރެވޭ ވަރަށް އަންދާލައިފައިވާ ކަމަށް ވެސް ފުލުހުން ބުންޏެވެ.
