ބިދޭސީން ހިންގާ ކެފޭއެއްގައި ރޯވެއްޖެ

އެ ސަރަހައްދުގެ މަގުމަތީގައި އުޅުނު ބިދޭސީ އަންހެނަކާއި ފިރިހެނަކަށް ދުމުގެ އަސަރު ކޮށްގެން ހޮސްޕިޓަލަށް ގެންދިޔަ ކަމަށް ފުލުހުން ބުނި.

އަލިފާންގަނޑު މިހާރު ވަނީ އެއްކޮށް ނިއްވާލާފައި. އެއްވެސް މީހަކަށް މި ހާދިސާގައި އަނިޔާއެއް ނުވޭ. އަލިފާން ރޯވި ކެފޭ ހަދާފައި ވަނީ މުޅިން ވެސް ޓިނު ބޭނުންކޮށްގެން.

ދޫހިމެރިގޭގައި ބިދޭސީން ހިންގާ އެ ކެފޭގެ މަތީބައި ބޭނުންކުރަނީ އެކޮމަޑޭޝަން ބްލޮކެއްގެ ގޮތުގައި. ކެފޭ ހިންގަނީ އެ ތަނުގައި ގްރައުންޑް ފްލޯގައި.

ކެފޭގެ މަތިން އަދިވެސް ކޮންމެވެސް ވަރަކަށް ހުޅުގަނޑު ފެނޭ. ކެފޭގެ ފަހަތުގައި ހުރި ގޭގައި ވެސް ކުޑަކޮށް ހުޅު ހިފާފައިވާ ތަން އެ ސަރަހައްދުގައި ހަރަކާތްތެރިވާ ނޫސްވެރިންނަށް ފެނޭ.

އަލިފާންގަނޑު މިހާރު ވަރަށް ބޮޑަށް ކޮންޓްރޯލް ކޮށްފައިވީ ނަމަވެސް އެ ސަރަހައްދުގެ ގިނަ ގެތަކުން މިހާރު ވަނީ މީހުން ނެރެފައި. މިހާރު އަލިފާންގަނޑު ކޮންޓްރޯލް ކޮށްފައި ވާތީ ބޮޑަށް ހުރީ ދުމުގެ އަސަރު.

ރޯވެފައި ވަނީ ގާމަގު ކެފޭގެ މަތީ ބައިގައި. ތިން ބުރިއަށް ހުރި އެ އިމާރާތުގެ ފުރަތަމަ ފަންގިފިލާގައި އަލިފާނުގެ ހާދިސާ ހިނގާފައިވާއިރު ޖެހިގެން ހުރި އިމާރާތަށް ވެސް އަލިފާނުގެ އަސަރު ވަނީ ކޮށްފައި.