މުރައިދޫގޭ މުވައްޒަފުންގެ މައުލޫމާތު ހާމަކުރަން ރައީސް އެންގެވުމުން ކޮމިޓީ އަލުން ބާއްވަނީ

ރައްޔިތުންގެ މަޖިލީހުގެ ރައީސްގެ ރަސްމީ ގެކޮޅު މ. މުރައިދޫގެގެ މުވައްޒަފުންގެ މައުލޫމާތު ސިއްރުކުރަން ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އިން ނިންމި ނިންމުން ބަދަލުކުރަން ރައީސް ޑރ. މުހައްމަދު މުއިއްޒު އެދިވަޑައިގެންފި އެވެ.

އެ ކޮމިޓީން މިއަދު ބޭއްވި ސިއްރު ބައްދަލުވުމުގައި މުރައިދޫގޭގައި ތިބި މުވައްޒަފުންގެ އަދަދު ހާމަނުކުރުމަށް ވަނީ ނިންމައިފަ އެވެ. މުވައްޒަފުންނާ ގުޅޭ އެއްވެސް ތަފްސީލެއް ހާމަނުކުރަން ހުށަހެޅުއްވީ ސަރުކާރު ހިންގާ ޕާޓީ ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު އެވެ.

ކޮމިޓީން މިއަދު މިގޮތަށް ނިންމާފައިވަނިކޮށް 241 ކޮމިޓީގެ އިތުރު ބައްދަލުވުމެއް މިއަދު ހަވީރު 4:00 އަށް ވަނީ ތާވަލްކޮށްފަ އެވެ.

"މިހާރު" އަށް އެނގިފައިވާ ގޮތުގައި ކޮމިޓީގެ ބައްދަލުވުމެއް އަލުން ބާއްވަން ނިންމީ މުވައްޒަފުންގެ މައުލޫމާތު ސިއްރުކުރަން 241 ކޮމިޓީން މިއަދު ނިންމި ނިންމުން ބަދަލުކުރަން ރައީސް އެދިވަޑައިގަތުމުންނެވެ.

Majileehuge Raees ge gekolhuge muvazzafunge thafseel sirru kuran 241 committee in faaskoffi

The most trusted news source in the Maldives

Mihaaru

މަޖިލީހުގެ ރައީސް އަބްދުއްރަހީމް އަބްދުﷲ، މުރައިދޫ ގެކޮޅަށް މިދިޔަ ޖުލައި މަހު ބަދަލުވެވަޑައިގަތީ އެ ތަން މަރާމާތުކޮށް ނިމުމުންނެވެ. އެހެންވެ، ރަސްމީ ގެކޮޅުގެ މަރާމާތަށް ކުރި ހަރަދުތަކާއި އެ ތަނުގައި މަސައްކަތްކުރާ މުވައްޒަފުންގެ އަދަދާއި އެ މީހުންގެ މުސާރައިގެ ތަފުސީލު ހޯދަން "މިހާރު" އިން އެދުނީ މިދިޔަ ޖުލައި 28 ގަ އެވެ.

އާރުޓީއައިގެ މުއްދަތު އިތުރުކުރުމަށް ފަހު، މުވައްޒަފުންގެ އަދަދާ ގުޅޭ ގޮތުން މަޖިލީހުގެ އިދާރާ އިން އޭރު ދިން ޖަވާބުގައި ބުނީ، މަޖިލިހުގެ އިމްތިޔާޒުތަކާއި ބާރުތަކުގެ ގާނޫނުގެ ދަށުން މަޖިލީހުގެ ރައީސަކީ ހިމާޔަތާއި ރައްކާތެރިކަން ލިބިވަޑައިގެންފައިވާ ބޭފުޅަކަށް ވާތީ، މުވައްޒަފުންގެ އަދަދު ހާމަކުރުމާ މެދު ގޮތް ނިންމާނީ 241 ކޮމިޓީން ކަމަށެވެ.

Majileehuge raeesge gekolhuge muvazzafunge adhadhu haama kureveyne thoa 241 committee in balanee

The most trusted news source in the Maldives

Mihaaru

މުރައިދޫގޭގެ އެންމެ އިސް ވެރިޔަކީ ތަޖުރިބާކާރު ނޫސްވެރިޔާ މުންޑޫ އާދަމް ހަލީމެވެ. އޭނާ އަށް ދީފައިވަނީ ޗީފް އޮފް ސްޓާފްގެ މަގާމެވެ. އެއީ އެ ގެކޮޅުގެ އެންމެ އިސް މަގާމެވެ. ރާއްޖޭގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ އަލީ އަޝްފާގް (ދަގަނޑޭ) ވެސް ވަނީ އެ ގެކޮޅުގެ ޑިރެކްޓަ ޖެނެރަލަކަށް އައްޔަން ކުރައްވައިފަ އެވެ.

މަޖިލިހުގެ ރައީސްގެ ގެކޮޅަށް އިތުރަށް އައްޔަން ކުރެއްވީ ކިތައް ބޭފުޅުން ކަމެއް އަދި އެ ބޭފުޅުންގެ މުސާރަ އަށް ހޭދަވާ އަދަދެއް ވެސް ހާމަކޮށްފައެއް ނުވެ އެވެ. މި މައުލޫމާތު ސިއްރު ކުރަން ނިންމީ ކޮން ސަބަބަކާ ގުޅިގެން ކަމެއް ސާފެއް ނުވެ އެވެ.

މުރައިދޫގެއަކީ މެއި 6، 2021 ގައި ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާއަށް ފަހު، ސަލާމަތީ ގޮތުން ބަލަން ޖެހޭ ކަންކަމާ ގުޅިގެން މަޖިލީހުގެ ރައީސުން ދިރިއުޅުއްވުމަށް ދައުލަތުން ހާއްސަކުރި ގެކޮޅެކެވެ.