ޑޮލަރު މާރުކުރުމުގެ ގަވާއިދަށް އަމަލު ކުރެވެން ނެތް ކަމަށް ޔުނިވާސަލް އިން އަންގައިފި

އެމްޔޫ މަނިކު: ޑޮލަރުގެ ގަވާއިދާ ގުޅިގެން އޭނާ ވަނީ އެމްއެމްއޭ އަށް ސިޓީއެއް ފޮނުއްވާފައި. -- ފޮޓޯ | މިހާރު

ފާތިމަތު އަޖްފާން، މިހާރު

14 ނޮވެމްބަރ 2024 - 14:52

ރިސޯޓުތަކަށް ލިބޭ ޑޮލަރު ރާއްޖޭގެ ބޭންކްތަކުން މާރުކުރަން ލާޒިމްކޮށް ހަދާފައިވާ ގަވާއިދު އޮތީ އަމަލުކުރެވޭ ގޮތަށް ނޫން ކަމަށް، ރާއްޖޭގައި ގިނަ ރިސޯޓުތަކެއް ހިންގާ ޔުނިވާސަލްގެ ޗެއާމަން މުހައްމަދު އުމަރު މަނިކު (އެމްޔޫ މަނިކު) އެމްއެމްއޭ އަށް މިއަދު އަންގަވައިފި އެވެ.

އޭނާ އެކަން އެންގެވީ އެ ކުންފުނިން ރާއްޖޭގައި ހިންގާ 8 ރިސޯޓު ކަމަށްވާ، ކުރުނބާ މޯލްޑިވްސް އާއި ވެލައްސަރު މޯލްޑިވްސް އާއި ބަރޮސް މޯލްޑިވްސް އާއި ހުވަފެންފުށި މޯލްޑިވްސް އާއި ކުރަމަތި މޯލްޑިވްސް އާއި މިލައިދޫ މޯލްޑިވްސް އަދި ދިގަލި މޯލްޑިވްސް ނަމުގައި ގަވަރުނަރު އަހުމަދު މުނައްވަރަށް ފޮނުއްވި ސިޓީއެއްގަ އެވެ.

އެ ސިޓީ އެމްޔޫ މަނިކު ވިދާޅުވީ، ޑޮލަރު މާރުކުރަން ޖެހޭ ގަވާއިދު ހަދާފައި އޮތީ ޓޫރިޒަމް އިންޑަސްޓްރީއާ މަޝްވަރާކުރުމެއް ނެތި، ރިސޯޓް ހިންގާ މީހުންނަށް އިންސާފުވެރި ގޮތަކަށް ނޫން ކަމަށެވެ.

ސިޓީގައި ފާހަގަކުރެއްވި މުހިއްމު ކަންތައްތައް؛

- ކޮންމެ ޓޫރިސްޓަކަށް 500 ޑޮލަރު މާރުކުރަން ކަނޑައަޅާފައި ވަނީ ރޫމް ރޭޓާއި ރާއްޖޭގައި ހޭދަކުރާ މުއްދަތު އަދި ގެސްޓުން އަންނަނީ ދަރިން ގޮވައިގެންކަން ނުވަތަ ނޫން ކަން ވެސް ނުބަލާކަން.

- ރިސޯޓުތަކުން ކުރާ ހަރަދުގެ 90 ޕަސެންޓަކީ ޑޮލަރުން ކުރާ ހޭދަ ކަމަށް ވާއިރު، އާ ގަވާއިދުގައި އެކަމަށް ބަލާފައި ނެތުން.

- ދުއިސައްތަ ފަންސާސް ޑޮލަރަށް ވިއްކާ ރޫމެއްގައި ހަތަރު ރޭ ތިބޭ ޓޫރިސްޓުންނަށް ލިބޭ 1،000 ޑޮލަރުގެ އާމްދަނީ އަށް ބަލައި 2،000 ޑޮލަރު މާރުކުރަން ޖެހޭ ގޮތަށް ނުހެދޭނެކަން.

ސިޓީގައި ވަނީ އެ ކުންފުނިން ގަވައިދުން ޓެކްސް ދައްކަމުން އަންނަކަން ވެސް ފާހަގަކޮށްފަ އެވެ.

ޑޮލަރުގެ މައްސަލައިގައި ނުރަނގަޅު ގޮތަކަށް ވިސްނިފައި އޮންނަ ކަމަށް ބެލެވޭ ކަމަށާއި ޔުނިވާސަލް އަކީ ހުރިހާ ބޭންކް އެކައުންޓްތަކެއް ވެސް ރާއްޖޭގައި އޮޕަރޭޓްކުރާ ކުންފުންޏެއް ކަމަށް ވެސް އެމްޔޫ މަނިކު ވިދާޅުވި އެވެ.

Dollar gavaidhu suspend kuran Uchchu edhvadaigenfi

The most trusted news source in the Maldives

Mihaaru

ސިޓީގައި ބަޔާން ކުރެއްވި ކަންކަން އިސްލާހުކޮށް، ޓޫރިޒަމް ދާއިރާ އަށް ފައިދާވާނެ ގޮތަކަށް ގަވައިދު ބަދަލުކުރުމަށް ރާއްޖޭގެ ޓޫރިޒަމްގެ ބާނީންގެ ތެރޭގައި ހިމެނިވަޑައިގަންނަވާ އެމްޔޫ މަނިކު ވިދާޅުވި އެވެ.

ޔުނިވާސަލްގެ ފަރާތުން އޭނާ މިގޮތަށް އެދިވަޑައިގެންފައި ވާއިރު، ޓޫރިޒަމް ދާއިރާގައި ރާއްޖޭގެ އެންމެ ބޮޑު އެއް ވިޔަފާރިވެރިޔާ ކަމަށްވާ ޗަމްޕާ ބްރަދާސްގެ ވެރިޔާ މުހައްމަދު މޫސާ (އުއްޗު) ވަނީ އެ ގަވާއިދު ސަސްޕެންޑް ކުރުމަށް އެދިވަޑައިގެންފަ އެވެ.

އުއްޗު ވިދާޅުވީ ރާއްޖޭގެ ބޭންކްތަކުން ޑޮލަރު މާރުކުރަން ލާޒިމްކޮށް ހެދި ގަވައިދު އޮތް ގޮތުން ވިޔަފާރިތަކަށް ބޮޑު ގެއްލުމަކާ ކުރިމަތިވެދާނެ ކަމަށާއި ޓޫރިޒަމް ދާއިރާގެ ވިޔަފާރިތަކަށް ހާއްސަކޮށްގެން މިފަދަ ފިޔަވަޅެއް އެޅުމަކީ ވަރަށް ބޮޑު ބޭއިންސާފެއް ކަމަށެވެ.

ޓޫރިސްޓުން ޓޫރިޒަމް މިނިސްޓްރީ އެމްއެމްއޭ ޑޮލަރު އެމްޔޫ މަނިކު

222 ކޮމެންޓް, 158 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދޯ

16 November 2024

މިސަރުކާރުން މި ދަނީ ޓޫރިޒަމް އިންޑަސްޓްރީ ހަލާކު ކުރަމުން ، ފަށްފަށުން ސުކުރިއްޔާ އެމްޔޫ މަނިކު އަދި އުއްޗު އަށް . ވ ވ ސުކުރިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

16 November 2024

ދިވެހި ސަރުކާރުން ދިވެހި ފައިސާ ބަލައިގަންނަން އެބަޖެހޭ. ރާއްޖޭގަ އެއްވެސް ކަމަކަށް ބޭރު ފައިސާ ބޭނުން ކުރުން ހުއްޓީމަ ރިސޯޓުތަކަށް ޓުއަރިސްޓުން ބޭރު ފައިސާ އިން ދައްކާ ހުރިހާ ފައިސާ އެއް މާރު ކުރާނީ މަނީޗޭންޖަރެއްގެ ހައިސިއްޔަތުން. އެ ހުރިހާ ބޭރު ފައިސާ ޖަމާ ކުރާނީ ބޭންކަށް. މީ ސިގަޕޫރު، ސްރީލަންކާ ފަދަ ހުރިހާ ގައުމެއްގަ މިކަން އޮންނަ ގޮތް. ދެ ފައިސާ އެއް ގައުމެއްގެ އެތެރޭގަ ބޭނުން ކުރާނަމަ މި ހުރިހާ މައްސަލައެއް ދިމާވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅުގޮތް

16 November 2024

މިހާރު ސަރުކާރުން އެހުށަހަޅާގޮތަކީ ރިސޯޓުވެރި މަހުޖަނުންނައްވެސް އެންމެ ރަނގަޅުގޮތް. ލިބޭފައިދާއައްބަލާ ނޫނީ ވިއްކާ ކޮޓަރިތަކުގެ އަގައްބަލާ ޑޮލަރުމާރުކުރަންޖެހޭ އަދަދެއް ކަނޑައަޅައިފިނަމަ އެމީހުންނައް ލިބޭ އާމްދަނީ ހާމަކުރަންޖެހޭވަރު ބޮޑުވާނެ ނޫނީ ކޮޓަރިވިއްކާއަގު ފަދަ މައުލޫމާތުދިނުމުގަ ހާމަކަން ބޮޑުކުރަންޖެހޭނެ އޭރުން މިހާރު މިމީސްމީހުން ދައްކާ ޓެކްސްތަކާ ފީތަކާ ފުށުއަރާނެކަން ހަމަޔަގީން ކަށަވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

16 November 2024

ޔުނިވަރސަލްގެ ވާހަކަ ރަގަޅު. މި ގަވާއިދު ހަދާފަ އޮތީ ރަގަޅަށް ނުވިސްނާ ނުބަލާ އަވަސް އަރުވައިލައިގެން. ރާއްޖޭގަ ޑޮލަރު ހިފަހައްޓަން ގަވާއިދު ހަދަން ޖެހޭ. އެންމެ ފުރަތަމަ ރާއްޖޭގެ ހުރިހާ ރިސޯޓުތަކާ ކުންފުނިތަކަށް ބޭރުން ލިބޭ ފައިސާ ރާއްޖޭގެ ބޭންކުތަކަށް ޖަމާކުރަން މަޖުބޫރު ކުރަން ޖެހޭ. ވަކި އަދަދެއް މާރުކުރަން އަންގާ އިރު ސަރުކާރަށް ޓެކްސް ފައިސާ ދައްކަން މިޖެހެނީ ޑޮލަރުން! ޜާއްޖޭގަ ހުރިހާ ކަމަކަށް ހަމަ އެކަނި ރުފިޔާ ބޭނުންކުރާ ގޮތަށް ހަދާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

16 November 2024

ރިސޯޓުތަކާ ގެސްޓް ހައުސްތަކުން ސަރުކާރަށް ޓެކްސްއަށް ފައިސާ ދައްކަން ޖެހެނީ ޑޮލަރުން. ތެލަށާ ސަޕްލައިރުންނަށް ވެސް. ބޭރުމީހުން ހިންގާ ރިސޯޓުތަކުން ދިވެހިންނަށް މުސާރަދެނީ ޑޮލަރުން. ދެން ދިވެހިން ވެސް މިޖެހެނީ ހަމަ ޑޮލަރުން މުސާރަ ދޭން. މިގޮތަށް 2 ފައިސާ ރާއްޖޭގަ ބޭނުން ކުރުމުގެ ބަދަލުގަ ދުނިޔޭގެ އެހެން ގައުމުތަކުގަ އޮންނަ ގޮތަށް ރާއްޖޭގަ ބޭނުން ކުރާ ހަމަ އެކަނި ފައިސާ އަކީ ދިވެހި ރުފިޔާ ކަމަށް ހެދީމަ މައްސަލަ ހައްލު ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާނު

16 November 2024

ކަޅުބާޒާރުގަ ޑޮލަރު ވިއްކައިގެން ދިވެހިންގެ މުސާރަ ހަމަޖައްސާމީހުންނަށް ވަރަށް ދެރަވާނެ. ޤަވާއިދަށް އަމަލުނުކުރެވެންޏާ ރިޒޯޓް ދޫކޮށްލަން ލަފާ އަރުވަން. ތިގޮތަށް ބުނުން ރަނގަޅެއްނޫން. މަވެސް ތާއީދު 18 އަހަރު ނުފުރޭ ކުދިން ނުހިމަނަން. އެމަކު ބޮޑުމީހެއްގެ ބޮލަށް 500 ރަނގަޅު. ހަމަ. އެހެންނޫނީ ރިޒޯޓްތަ ކެޓަގަރީ ކޮށްފަ ނަގާ. ހަތްތަރިއަށް 500 5 ތަރި އަށް 300 އެއަށް ވުރެ ދަށް ކޮންމެ ރިޒޯޓްކަށް 250

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣިނތއހރި

19 November 2024

ރާއްޖޭގެ ރިސޯޓުތައް ގިންތި ކުރަނީ އަމިއްލައަށް ބޭނުން ގޮތަކަށް. ސްޓޭންޑަޑެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުއްޕާން

16 November 2024

ދުއްޕާނެއްނު. ސަރުކާރާ ދިވެހި ރައްޔިތުންނަށް އެކަމުން މަންފާކުރާގޮތަށް ހެދޭ ގަވާޢިދުތަކަށް ބޯ ނުލަނބަންޏާ އިންތިހާއަށް ކަންކަން ދަތިކޮށް ވިޔަފާރި ނުކުރެވޭ ވަރުކުރަންވީ. މައްސަލައަކީ ވެރިކަމަށް އަންނަ ކޮންމެބަޔަކު ކައިފަ، ބޮޑެތި ވިޔަފާރިވެރިންނާ ޗެލެންޖު ކޮށްލެވޭ ފެންވަރު ސަރުކާރުގަ ނެތީމަ. އެކަމަކު މިކަން ވާނެ. ދުއްޕާން ކުރަން ވާނީ ޔުނިވާސަލް އަދި ޗަންޕާ މެނަށްވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

16 November 2024

ރިޒޯޓުގައި ތިބޭ ކޮންމެ ޓޫރިސްޓަކަށް މަހަކަށް 500 ޑޮލަރު މާރު ކުރަން ޖެހެނީ. މާރު ނުކުރާ ކޮންމެ ޓޫރިސްޓަކަށް މަހަކަށް ޖުރިމައިނާ ކޮށްލާ 500ޑޮލަރުން. އެއިރުން ތި މީހުން މައިތިރި ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނުހުނުު

15 November 2024

މ‫ި ފެންނަނީ ސަރުކާރު ވެއްޓުމުގެ ކޮޅުމަތި. ޗަންޕާ އާއި ކޮލިގެ އާއި ހިންހަމަނުޖެހޭ ގޮތަކަށް ރާއްޖެ ހިންގަން އުޅެއްފާށާއިރަށް ދެންފެންނާނީ މާލި ބަގާވާތް. އަންނި ގެ ވެރިކަންވެސް ވައްޓާލީވެސް މި މީހުން އަޑިގައި ތިބެގެން. ދި ޓީވީ ހަދައިގެން ފާޑުފާޑުގެ ވާހަކަ ފަތުރައިގެން ސަރުކާރު ފެއިލްކޮށްލީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރު ބެ

15 November 2024

މާރުކުރަން ޖެހޭނީ. ކަލޭމެނަށް ވާ ފައިދާ އަދިވެސް މަދީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫އައްލޯ

15 November 2024

‫ދިވެހި ރާއްޖޭގާ ރިސޯޓް ހިންގަންޔާ ސަރުކާރުގެ ނިންމުމާ އެއްގޮތަށް ކަން ކުރަން ވާނީ ޔުނިވަރސަލް ެއަކަސް ޗަންޕާ އަކަސް. އެހެން ނޫނީ ކޮންމެސް އެހެން ގައުމެއްގަ ރިސޯޓް ހަދައިގެން އުޅޭ.