ރޯގާ ޖެހިގެން ފަރުވާ ހޯދާ މީހުންގެ އަދަދު ދަށަށް

ރޯގާއިން ރައްކާތެރި ވުމަށްޓަކައި މޫނުމަތީ މާސްކު އަޅައިގެންހުރި ކުޑަކުއްޖެއް ގޮވައިގެން ހުރި މީހަކު އޭޑީކޭ ހޮސްޕިޓަލުން ނުކުންނަނީ. .---ފޮޓޯ: ހުސައިން ވަހީދު/މިހާރު

އާސިމާ ނިޒާރު، މިހާރު

18 މާޗް 2017 - 16:55

20 comments

އެޗް1އެން1 އަށް ޕޮޒިޓިވްވި މީހުންގެ އަދަދު އިއްޔެގެ ނިޔަލަށް 114 އަށް އަރާފައި ވިޔަސް ރޯގާ ޖެހިގެން ފަރުވާ ހޯދާ މީހުންގެ އަދަދު މަދުވަމުން އަންނަ ކަމަށް ހެލްތް ޕޮރޮޓެކްޝަން އޭޖެންސީ (އެޗްޕީއޭ)ގެ ހިސާބުތަކުން ދައްކައިފި އެވެ.

މިއަދު އާއްމުކުރި ތަފާސްހިސާބުން ދައްކާގޮތުން އިއްޔެއާ ހަމައަށް 350 މީހަކު އިންފެލްއެންޒާއަށް ވަނީ ޓެސްޓުކޮށްފަ އެވެ. ރޯގާ ޖެހުނު މީހުންގެ ތެރެއިން ހަ މީހަކަށް އަންނަނީ އެޑްމިޓްކޮށްގެން ފަރުވާ ދެމުންނެވެ.

އިއްޔެގެ ހިސާބުތަކުން ދެއްކި ގޮތުގައި އެޗް1އެން1 އަށް އަލަށް ޕޮޒިޓިވް ވީ ތިން މީހެކެވެ. އެކަމަކު މިއަދުގެ ހިސާބުތަކުން ދައްކާ ގޮތުން އަލަށް ހަ މީހަކު ވަނީ ޕޮޒިޓިވް ވެފަ އެވެ.

ރޯގާ ޖެހިގެން އިއްޔެ ވެސް މާލެއިން 680 މީހުން ޑޮކްޓަރަށް ދެއްކިއިރު އޭގެ ކުރީ ދުވަހު 989 މީހަކު ޑޮކްޓަރަށް ދައްކާފައިވެ އެވެ. ރަށްރަށުން އިއްޔެ 869 މީހުން ޑޮކްޓަރަށް ދެއްކިއިރު އޭގެ ކުރީ ދުވަހު 1551 މީހުން ވަނީ ޑޮކްޓަރަށް ދައްކައިފަ އެވެ.

އެ ހިސާބުތަކުން ދައްކާގޮތުގައި އަތޮޅުތަކުގެ ތެރެއިން ރޯގާ އެންމެ ބޮޑަށް ފެތުރެނީ ރ. އަދި ނ. އަތޮޅުގަ އެވެ. ރ. އަތޮޅުން އިއްޔެ 99 ރިޕޯޓު ލިބުނުއިރު ނ. އަތޮޅުގެ ރަށްތަކުން 104 ކޭސް ރިޕޯޓުކޮށްފައިވެ އެވެ. މާލެ ފިޔަވައި އެހެން ހުރިހާ ރަށަކުން އިއްޔެ 869 ކޭސް ރިޕޯޓްކުރި އެވެ.

އެޗް1އެން1 ޖެހިގެން މިހާތަނަށް ވަނީ ދެ މީހަކު މަރުވެފަ އެވެ. އެއީ 26 އަހަރުގެ ފިރިހެނަކާއި 51 އަހަރުގެ އަންހެނެކެވެ.

އުމުރުން ފަސް އަހަރުން ދަށުގެ ކުދިންނާއި، އުމުރުން 65 އަހަރުން މަތީގެ މީހުން، މާބަނޑު މީހުންނާއި ފުއްޕާމޭ، ހިތް، ފުރަމޭ، ލޭ، ނާވަސް ސިސްޓަމް، ނިއުރޯމަސްކިއުލާ ނުވަތަ މެޓަބޮލިކް މައްސަލަތައް ހުންނަ ބޮޑެތި މީހުންނާއި ކުޑަކުދިންނަށް އަދި ދިފާއީ ނިޒާމު ބަލިކަށި ބޮޑެތި މީހުންނާއި ކުޑަކުދިން އަދި އެޗްއައިވީ ޖެހިފައިވާ މީހުންގެ އިތުރުން ބަލިވެ އުޅޭ، ދާއިމީ ފަރުވާއެއް ހޯދާ މީހުންނަށް އެޗް1އެން1ގެ ނުރައްކާ ބޮޑެވެ.

Swine flu aai aanmu roagaige thafaathu | Mihaaru

The most trusted news source in the Maldives

Mihaaru

ރާއްޖޭގައި ހުމާއި އަރިދަފުސް ރޯގާ ޖެހޭ މީހުންގެ އެވްރެޖް ނިސްބަތަަކީ ހަފުތާއަކު 3،000 މީހުންނެވެ. ނަމަވެސް މި އަހަރުގެ ފެބްރުއަރީ މަހުގެ ފަހުކޮޅު މި ނިސްބަތް އިތުރުވާން ފެށި އެވެ. އަދި މިހާރަކަށް އައިސް، އެވްރެޖް ގޮތެއްގައި ހަފުތާއަކު 5،000 އަށް ވުރެ ގިނަ މީހުންނަށް ހުމާއި އަރިދަފުސް ރޯގާ ޖެހިގެން ޑޮކްޓަރަށް ދައްކާފައިވާ ކަމަށް ރިކޯޑްތަކުން ދައްކަ އެވެ.

ވައިރަލް ހުން ސްވައިން ފްލޫ ހެލްތު ޕްރޮޓެކްޝަން އެޖެންސީ

20 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސސ

19 March 2017

އިންޑިކޭޓާ ރަގަޅުތޯ އާބާދީއަށް ބަލަންޖެހޭ ބަލިމީހުންގެ ނިސްބަތުން، އާބާދި ބޮޑުވެއްޖެނަމަ ބަލިމީހުން ގިނަވާނެ ދެއްތޯ އެއީ ބަލި ގިނަވުމެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާ

19 March 2017

ހެއްވާ ބައެއް. ރަސްގެފާނުގެ ދަތުރުފުޅު ފަސްވުމުން ރޯގާވެސް މައިރިތި ވީތޯ؟ ވީމާ، މިކަމަކީ ސިޔާސީ ކުޅިގަނޑެއްނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމީ

19 March 2017

މި ރޯގާއެއް ރާއްޖޭގައި އުޅޭޓް 3މަސްވެއްޖެ. ކުރިއަޅާބަލާފަ ރައްޔިތުން މިހާރު ވަރަށް ހޭލުންތެރި ހުރިހާކަމެއްގައިވެސް. ޖެނުއަރީގަ ރޯގާއުޅޭކަން ރައްޔިތުންގެ ސަމާލުކަމަށް ނުގެނެވުނީމަ މިހާހިސާބަށް މިދިޔައީ. ބަލާބަލަ މީހާރު ރައްޔިތުން ބޭރަށްނިކުންނަލެއް މަދެއްނޫންތަ؟ މާބަނޑު މީހުންނާްއި ދުވަސްވީ މީހުންަށް ވެކްސިންޖަހައިދީ ޚާއްޞަ ސަމާލުކަމެއްދޭއިރު ރާއްޖޭގައި ޑައިފުރަމް ގެމައްސަލަހުރި ވަރަށްގިނަ ފަރާތްތަކެއް އެބަދިރިއުޅޭ. ކީއްވެތޯ މިފަރާތްތަކަށް ވެކްސިންދިނުމުގެ މުހިންމުކަން ނުވިސްނެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެންހާ

18 March 2017

ހައިރާނެއްނުވޭ! ރަސްގެފާނުގެ ދަތުރު ކަންސަލްވުމާ ހަމައިން ދެން އިތުރެއްނުވާނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަތަގުމާ

18 March 2017

ތީ ރޮކެޓެއް...އަވަހަށް ކިންގް ގެނޭ....އޭނަ ނައިސްގެން ލޮލަށް ނިދި ނައިސްގެން ތިއުޅެނީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިލިކޮއި

18 March 2017

ކުރިއާލާ ސްކޫލުތައް ބަންދު ކުރި ނަމަ މިއަށްވުރެ އަވަހަށް ކޮންޓްރޯލް ކުރެވުނީސް. އެޗ1އެން1 ރޯގާ ފެތުރޭކަން އެގި ތިބެ ބޭނުންވީ ބަލިމަޑުކަމެއް އުޅޭކަން ވަންހަނާ ކުރަން. އެހެންވެ ގޯހުން ގޯހަށްދިޔައީ. މިހާރު ހުރިހާ އާއިލާ އަކުންވެސް ވަނީ ރައްކާތެރިކަމުގެ ފިޔަވަޅުތައް ވަރަށް ރަގަޅަށް އަޅއިފައި. އެހެންވެ ދެން އާ އިންފެކްޝަންގެ އަދަދު ދާންޖެހޭނީ ދަށަށް. މިއީ ވަރަށްބޮޑު ފިލާވަޅެއް. ދެންވެސް މިކަހަލަ ބަލިމަޑުކަމެއްގެ މައުލޫމާތު ފޮރުވަން ނޫޅެ އާއްމު ރައްޔިތުންނަށް ގެނެސް ދޭނެ ކަމަށް ހީކުރަން. އާއްމު ރައްޔިތުން އަމިއްލަ އަށް ރައްކާތެރި ކަމުގެ ފިޔަވަޅު އަޅަން އެގޭނީ އެއިރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދ

18 March 2017

25 ބުރީގެ އިމާރާތް ތަކުގައި ދިރިއުޅެން ފެށި މާލޭގެ އާބާދީ 2016 ޔަށް ވުން 2017 ގައި އެތައްތަނެ އިތުރު އާބާދީ ބޮޑުވީމަ ބަލިމީހުން އިތުރު ވުމަކީ އަދި ރިޕޯޓް ނެރެ ޤުނޫތު ނާޒިލާވެސް ކިޔަން ޖެހޭ ކަމެކޯ؟