އެގްޒޯޓިކްގެ 575 ކޭސް ސިނގިރެޓް ގެއްލުނުކަން އެނގުމުގެ ކުރިން ކުންފުނީގެ ހިއްސާ އޮތީ ބަދަލުކޮށްފައި

އާސިމާ ނިޒާރު، މިހާރު

09 ޖުލައި 2025 - 11:50

އެގްޒޯޓިކް އެންޓަޕްރައިޒަސްގެ ބޮންޑެޑް ވެއާހައުސްއަކުން ގިނަ އަދަދެއްގެ ސިނގިރެޓު ގެއްލުނުކަން އެނގުނީ އެ ކުންފުނީގެ ހިއްސާ ބަދަލުކުރުމަށް ފަހު ކަސްޓަމްސް އަށް އަންގައި އޭގެ ފަހުން ސްޓޮކް ގުނުމުން ކަމަށް މަޖިލީހުގެ ނައިބު ރައީސް، ދިއްގަރު ދާއިރާގެ މެމްބަރު އަހުމަދު ނާޒިމް އިއްޔެ ވިދާޅުވެއްޖެ އެވެ.

ނާޒިމް މިކަން ހާމަކުރެއްވީ ދެ ބޮންޑެޑް ވެއާހައުސްއަކުން ގިނަ އަދަދެއްގެ ސިނގިރޭޓު ގެއްލުނު މައްސަލަ އާއި ތެލުގެ ވިޔަފާރިކުރާ ހޯކްސް ކުންފުނީގެ ތެޔޮ ބޯޓެއްގައި 8،400 ސިނގިރޭޓު ކާޓަން، ތިލަފުށީގައި ހުންނަ ބޯޓު ޔާޑު ޖެޓީއަށް ވަގަށް ބޭލި މައްސަލައިގައި މަޖިލީހުގެ 241 ކޮމިޓީގެ އިއްޔެގެ ބައްދަލުވުމުގަ އެވެ.

އާއްމުކޮށް ހުޅުވާލައިގެން ބޭއްވި އެ ބައްދަލުވުމުގައި، ހޯކްސް މައްސަލައިގައި ތައްޔާރުކުރި ރިޕޯޓުގައި ކަސްޓަމްސްއާ ގުޅޭ ބައެއް ކަންކަން ފާހަގަކޮށްފައިވެ އެވެ. އެ ރިޕޯޓްގައި، އެގްޒޯޓިކް އެންޓަޕްރައިޒަސްގެ ރަޖިސްޓްރީގައިވާ ބޮންޑެޑް ވެއާ ހައުސްގައި ހުއްޓައި ގެއްލުނު 575 ސިނގިރޭޓް ކޭހުގެ މައްސަލަ ހިމެނެ އެވެ.

މަޖިލީހުގެ ނައިބު ރައީސް ނާޒިމް ވިދާޅުވީ ސިނގިރޭޓު ކޭސްތައް މަދުވިކަން އެނގުނީ ކުންފުނީގެ ހިއްސާ ބަދަލުކުރުމަށް ފަހު އެކަން ކަސްޓަމްސް އަށް އަންގައި، އަލުން ސިނގިރޭޓުތައް ގުނުމުން ކަމަށެވެ.

މިއީ، އޭނާ ތުހުމަތު ކުރެއްވި ގޮތުގައި ދުރާލައި ރާވައިގެން ހިންގި "ޖަރީމާ" އެކެވެ.

Bonded warehouse in cigarette nerunu dhe thaneh ge registry baathilu koh dhauva kuranee

The most trusted news source in the Maldives

Mihaaru

"ވަރަށް ސާފުކޮށް އެއް މެނޭޖްމަންޓުން އަނެއް މެނޭޖުމަންޓަށް ކުންފުނީގެ ވެރިކަން ބަދަލުވެފައި މި އޮތީ. ބަދަލުކުރުމަށް ފަހު ސިނގިރޭޓުތައް މި ވަނީ އެ ތަނުން ނެރެ، ވަގަށް ވިއްކާލާފައި،" ނާޒިމް ވިދާޅުވި އެވެ.

ބިޒްނަސް ޕޯޓަލް އިން ދައްކާ ގޮތުގައި އެގްޒޯޓިކް އެންޓަޕްރައިޒަސްގެ ހިއްސާދާރުންނަށް ތިބީ މުހައްމަދު ޝަރީފާއި އަބްދުލް އަހަދު އަދުނާނެވެ. އެ މީހުން އެ ކުންފުނީގެ ޑިރެކްޓަރުންނަށް އައްޔަންކުރީ ޖެނުއަރީ 14، 2024 ގަ އެވެ.

ބޮންޑެޑް ވެއާ ހައުސްއަށް އަށް އެ ކުންފުނީގެ ދަށުން ހުއްދަ ދީފައި އޮތީ ނޮވެމްބަރު 2023 ގަ އެވެ.

ނާޒިމް ވިދާޅުވި ގޮތުގައި އެގްޒޯޓިކްގެ ހިއްސާ ފަހުން ލިބުނީ މާލީ ގާބިލްކަމެއް ނެތް ބަޔަކަށެވެ. އެ މީހުންގެ އަތުން އެއްވެސް މަންފާއެއް ނުލިބި، ކުންފުނީގެ އަސްލު ވެރިން ހިއްސާ ދޫކޮށްލާނެ ކަމަށް ގަބޫލު ނުކުރެވޭ ކަމަށް އޭނާ ވިދާޅުވި އެވެ.

ނާޒިމް ތުހުމަތުކުރެއްވި ގޮތުގައި އެގްޒޯޓިކްގެ ހިއްސާ ބަދަލުކުރީ ކަސްޓަމްސްގެ ބައިވެރިވުމާއެކުގަ އެވެ.

"މި ހުންނަނީ ބޮޑެތި މައްސަލަތައް،" ނާޒިމް ވިދާޅުވި އެވެ.

ސިނގިރޭޓު އެތެރެކުރިއިރު [އޭގެ އަގު] 30-40 މިލިއަން ރުފިޔާއަށް އަރާނެ ކަމަށް އޭނާ ވިދާޅުވި އެވެ.

ނާޒިމް ތުހުމަތުކުރެއްވި ގޮތުގައި އެއީ ވިޔަފާރިވެރިއަކު އަޑީގައި ހުރެގެން ފަންޑުކޮށްގެން ހިންގާފައިވާ ބޮޑު ހިޔާނާތެކެވެ. އެކަމުގެ ސަބަބުން ދައުލަތަށް 67 މިލިއަން ރުފިޔާ ގެއްލިފައިވާ ކަމަށް ވެސް ވިދާޅުވި އެވެ.

ކަސްޓަމްސް އިން ވަނީ ސިނގިރޭޓަށް ވީނުވީއެއް ނޭނގި ގެއްލުނު މައްސަލާގައި 67 މިލިއަން ރުފިޔާ ހޯދަން ދައުވާކޮށްދިނުމަށް އެދި އެޓާނީ ޖެނެރަލްގެ އޮފީހަށް ކުރިން ހުށަހަޅައިފަ އެވެ.

ރައްޔިތުންގެ މަޖިލިސް ކަސްޓަމްސް ސިނގިރޭޓް މަޖިލިސް 241 ކޮމެޓީ އަހުމަދު ނާޒިމް (މަޖިލިހުގެ ނައިބު ރައީސް)

18 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަސިވިލްލޯމޭން

10 July 2025

އިންސައިޑަރ ޑީލިންގ އަކީ ބޮޑު އަދަބު ލިބޭ ކުށަކަށް ހަދަންޖެހޭ! ގާނޫނު ތަންފީޒު ނުކުރާނަމަ ގާނޫނުގެ ބޭނުމެއްނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސިލާ

10 July 2025

ދިވެހި ރާއްޖެ ވަނީ ގެއްލުމާއި ހަލާކުގެ ތެރޭގައި. އަނިޔާވެރިން، ފަސާދަވެރިންނާ ކޮރަޕްޝަންގެ ނުބައި އަމަލުގައި ނުޖެހޭ މަހުޖަނެއް ނިކަމެއްޗެއް ވެސް މިހާރު މަދުވާނެ. ގިނަ ވެރިންނާއި، މުއައްސަސާތަކާއި، ރައްޔިތުންވަނީ މިކަމުގައި ޖެހި އެއީ ރަގަޅުކަމެއް ކަމަށް އަމިއްލައަށް ޤަބޫލުކޮށްގެން. މާތް ﷲ ގެ ކޯފާ އަންނަ ހިނދު ހެޔޮ، މިއަމަލުތަކުގައި ނުޖެހި ތިބި އެންމެނަށް ސަލާމަތްކަން ލައްވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

10 July 2025

ފައިސާ ހުރިއްޔާ ކަސްޓަމްސްގެ ތެރެއިން ކޮންމެ ކަމެއްވެސް ކުރެވޭނެއެވެ. މި ޚަބަރުން ވެސް ކަސްޓަމްސްގެ ބަޔެއްގެ އަތެއްވާކަން ފާހަގަކުރެވެއެވެ. ކޯޓާހަމައިންވެސް ހިސާބަށްވުރެ ގިނަ ފައިސާ ހިމެނޭ މައްސަލައެއް ވިއްޔާ ނިމޭތަން ފެންނަނީ އެއްވެސް ތާކުންތާކު ނުޖެހިއެވެ. ކޮރަޕްޝަނަށް ޒީރޯ ޓޮލަރެންސްކަމަށް ބުނެފައި މިފަދަ ކަންކަން ހައްލުކުރެވޭނެ ގޮތަކަށް ޤާނޫނުތައް އިޞްލާޙުކުރާތަން ނުފެންނަނީ ކީއްވެބާވައެވެ. ޤާނޫނެއްގައި ބާގަނޑެއް ނެތިއްޔާ އިޖްރާޢަތޭ ކިޔާޤާނޫނ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫލަ

10 July 2025

ސަރުކާރުން ގައުމުގެ ހާލަތަށް ނުބަލައި ސިނގިރެޓަށް ގެނައި ބަދަލުން މުޅި ގައުމުގައި ސިގިރޭޓުގެ މައްސަލަ ޑްރަގަށްވުރެ ބޮޑުވެފައި ވާއިރު އެކަމުން ދިމާވާން ފެށި މައްސަލަ ހައްލުނުވެ ބޮޑު މައްސަލަގަނޑެއްގެ ތެރެއަށް މިދިޔައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

09 July 2025

މިގައުމުގަ "ރަގަޅަށް" ކުރާ ކަމަކަށް އޮތީ ވައްކަން ކުރުން. އެހެން އެއްވެސް ކަމެއް ރަގަޅެއް ނޫން. ފާލުން ނެއްޓިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިކިބަރި

09 July 2025

ނޫހުގަ ހޯކުސްގެ ސިނގިރޭޓުވާހަކަ ޖަހައިލީމަ 241 ކޮމިޓީ ހޭލައިފި. އެކަމަކު މައިގަނޑުވާހަކައޮތްތަން މިފެންނަނީ އޭގެއެކޮޅެއް މިކޮޅެއް ބެލެންނެތް ނިދީގައިއޮރިޔާންވީމައި ވެދާނެގޮތަށްގޮސްފައޮތް ބޮންޑުން ގެއްލުނު ސިނގިރޭޓުތަކެއްގެވާހަކަ. ހޯކުސްގެ ބޯޓުންބޭލި ސިނގިރޭޓަށްވީގޮތް މިފެންނަނީ ހަނދާނުންނެތޭތަން. ކަންވާނީވެސް އެހެންތާއެވެ. އެކަމުގެހަގީގަތް އެނގޭނީ އަނެއްކާވެސް ބިތުފަންގަނޑެއް ހިއްލާލީމައެވެ. ކެންޕޭނުތަކަށް ޚަރަދުކުރާ ބޮޑުންނާގުޅޭ މައްސަލަތައް ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރަތޭރީ

09 July 2025

ތިޔަ ކުންފުނީގެ އެހާރާއި އަދި މިހާރުގެ ހިއްސާދާރުންނަށް ދައުވާކުރެވެންޖެހޭ..އަދި ކަސްޓަމްސް ގެ ބައިވެރިވާ ފަރާތްތަށް މަގާމުން ވަކިކުރަންޖެހޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްް

09 July 2025

ތިހުރިހާ ކަމަކީވެސް ގުޅިގެން ހިންގާ ޖަރީމާތައް. ތިކަމުގައި ޝާމިލުވާ އެއްވެސް މީހަކާއިމެދު ފިޔަވަޅެއްނޭޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސް

09 July 2025

ރާއްޖެއަކީ އަމިއްލަ މީހުންގެ ގޭގޭގައި ބޮންޑެޑް ވެއަރހައުސް ހަދައިގެން އެފަދަ ތަންތަނަށް މުދާ ރައްކާ ކުރަންލާވަރަށްވުރެ ކޮރަޕްޓް ގައުމެއް، ރާއްޖޭގައި ހަދަންވީ ކަސްޓަމްސްގެ 100 ޕަރސެންޓް ކޮންޓްރޯލް ނެތް ތަނެއްގައި ބޮންޑެޑް ވެއަރހައުސް ނުހެދޭގޮތަށް، ހުސް ވަގުން އުޅޭ ތަނެއްގައި އަގުބޮޑު މުދާ ގުދަނަކަށްލައިފައި ތަޅު ނުލައި ބަހައްޓާފައި އެ ވަގަށް ނުނަގާނެ ކަމަށް ބަލައިގެން ތިބުމަކީ ކުރަން ހެޔޮވާވަރު ކަމެއްނޫން،