އެއާޕޯޓުގެ ޓެކްސީ ކިއު ކާގޯ ޓާމިނަލް ކައިރިއަށް

އެއާޕޯޓް ޓެކްސީ ކިޔު: އާ ޓާމިނަލް ހުޅުވުމަށް ފަހުގެ ތައްޔާރީތައް ވަމުން އަންނާތީ ޓެކްސީ ކިޔުއަށް ވަނީ ބަދަލުތަކެއް ގެނެސްފައި- ފޮޓޯ: ނިޝާން އަލީ / މިހާރު

ފާތިމަތު އަޖްފާން، މިހާރު

19 ޖުލައި 2025 - 18:57

8 comments

ވެލާނާ އިންޓަނޭޝަނަލް އެއާޕޯޓް (ވީއައިއޭ) އާ ޓާމިނަލް މި މަހުގެ 26 ހުޅުވުމުގެ ތައްޔާރީތަކާ ގުޅިގެން، އެއާޕޯޓުގެ ޓެކްސީ ކިއު ކުރީގެ ކާގޯ ޓާމިނަލް ކުރިމައްޗަށް މާދަމާ އިން ފެށިގެން ބަދަލުކުރަން އެމްއޭސީއެލް އިން ނިންމައިފި އެވެ.

އެ ކުންފުނިން ނެރުނު އިއުލާނެއްގައި ބުނީ، ހުޅުލޭގެ ދެކުނު ފަރާތުގައި މިހާރު އޮންނަ ކާރު ކިއު ޑޮމެސްޓިކް ޓާމިނަލް ކައިރީގައި އޮންނަ ކުރީގެ ކާގޯ ޓާމިނަލް ކުރިމައްޗަށް ބަދަލުކުުމާ އެކު، އެ ކިއު ބެލެހެއްޓުމުގެ ކަންކަން އެސްޓޭޓް ސެކިއުރިޓީ ސާވިސަސް (އީއެސްއެސް) އިން ކުރަމުން ގެންދާނެ ކަމަށެވެ.

އެމްއޭސީއެލް އިން ބުނީ، ޑޮމެސްޓިކް ޓާމިނަލް ކައިރިއަށް މާދަމާ އިން ފެށިގެން ކާރުތަކަށް މަޑު ނުކުރެވޭނެ ކަމަށެވެ. އޭގެ ބަދަލުގައި ޑޮމެސްޓިކް ޓާމިނަލަށް މީހުން ގޮވައިގެންދާ ކާރުތައް މަޑުކުރަން ޖެހޭނީ އިންޓަނޭޝަނަލް ޓާމިނަލަށް ދާ ކާރުތައް މަޑުކުރަން ހާއްސަ ކޮށްފައިވާ ސަރަހައްދަށް ކަމަށް ވެސް އެމްއޭސީއެލުން ބުންޏެވެ.

އެއާޕޯޓަށް ދާ އެމްޓީސީސީގެ ބަސްތައް މާދަމާ އިން ފެށިގެން މަޑުކުރާ ގޮތަށް ހަމަޖައްސާފައި ވަނީ އެމްއޭސީއެލްގެ ކޯޕަރޭޓް އޮފީސް ފަހަތުގައި އޮންނަ ބަސް ސްޓޮޕަށް އެކަންޏެވެ.

އާ ޓާމިނަލް ހުޅުވުމަށް ގިނަ ތައްޔާރީތަކެއް ވަމުން އަންނާތީ މިދިޔަ ބުރާސްފަތު ދުވަހު ވަނީ ހުޅުލޭގައި ހަދާފައިވާ ޕާކިން ޒޯންތައް ވަގުތީ ގޮތުން ބަންދު ކުރުމަށް ނިންމައިފަ އެވެ.

ރާއްޖޭގެ މިނިވަން ކަމަށް 60 އަހަރު ފުރޭ މުނާސަބަތާ ދިމާކޮށް ވީއައިއޭގެ އާ ޓާމިނަލް ހުޅުވަން އެމްއޭސީއެލުން މިހާރު އަންނަނީ އެންމެ ފަހުގެ ތައްޔާރީތައް ވަމުންނެވެ.

އެމްއޭސީއެލް ޓެކްސީ ހިދުމަތް އެއާޕޯޓް އާ ޓާމިނަލް ވެލާނާ އިންޓަނޭޝަނަލް އެއާޕޯޓް

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަކީމ

20 July 2025

ވަގުތީ ކަމެއްތަ ނޫނީ ދާއިމީ ކަމެއްތަ؟ އެވެސް އަނގާލިއްޔާ ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫނުސް22

20 July 2025

ޓާމިނަލް ކުރިމަތިން އެވާ ދޮތާށިތަކަކީ ޕެސެންޖަރުން އަރާފައިބާ ދިމާނަމަ އެއީ ވަރައްބޮޑު މައްސަލައަކައްވާނެކަމައް ދެކެން. ކާރެއްގަ އަންނަމީހާވެސް އެހުރިގޮތުން ވަދެނިކުމެ ވެވޭނީ ވިއްސާރަމޫސުމެއްވިއްޔާ ތެމިފޯވެގެން. މާދަމާ އަނެއްކާ މިލިއަން ޑޮލަރު ޚަރަދުކޮށްގެން އެއަރޕޯޓް ޑްރޮޕްއޯފް ޕިކްއަޕް ޒޯނެއް ހަދާނީ ތޯއްޗެއް. ރާވާފަވާގޮތެއް ބަލަންތިބެމާބަހީ ދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރަކަށް

20 July 2025

ޓެކްސީއަކީ ދަތުރުވެރިންވެސް ފެލާ ބައެއް. ހިތަށް އެރި އަގެއް ނެގުން މިހާރުވެސް އެމީހުންގެ އަސްލު ސޫރަޔަކީ. އެކަމަކު ބަހަކީ ފުދުންތެރިކަން ކުޑަ އެހެނަސް އެހެން ގޮތެއް ނެތުމުން ވައިގެ ދަތުރުކުރާ މީހުން ދަތުރު ނިންމާފައި (ޚާއްސަކޮށް ހުޅުމާލެޔަށް ދާ މީހުން) ބޭނުންކުރާ މުހިންމު ވަސީލަތެއް. ބަހަކީ ޓެކްސީހެން ކިޔުއެއްގައި މީހުން އަރަންދެން މަޑުކުރާ އެއްޗެއް ނޫން. ބަހަށް މީހުން އަރުވަންހަދައިގެން ޓްރެފިކް ޖެހިގެން ޑެޑްލޮކްވެ މަގުތައް ބަންދުވިތޯ ތި ތާނގަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޑބލ

20 July 2025

ތިޔަ އުޅޭ ސިޔާސީ ޕރ ޕޓީތަކުގެ ނާގާބިލްކަން. މިއީ. އެމްއޭސީއލް ފަދައިން އެތެރޭގެ އުދުހުންތައް ސީޕްލޭނ ްއޮންނަންވާނީ ދިވެހިން އަތުގައި. އެއީ މީގެ އެންމް ޕްރޮފިޓަބަލް ސެްކްޓަރ ޓޫއަރިޒަމާ ގުޅިފައިވާ. އެކަން އެއީ ބޭރުމީހުންނަށް 100 ނުކުރެވޭ ިއންޑަސްޓްރީތަކުގައި ހިމަނާ މަނާކުރަންޖެހޭ. އެވަރުގެ އުރައްޕެއް ހުރި ވެރިއަކު ހޯދަންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީނޭދީ

20 July 2025

މަގުހަދަން ތިއަޅާ ތާރުތައް ކަނޑަން ތިބޭނެ އޮގަސްޓް މަހު. ދެވަނަ ފަހަރަށް ކުރަން ނުޖެހޭގޮތަށް ނުކުރާނެ އެއްވެސް ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރ

20 July 2025

މިވަރުން ދަންޏާ ހުޅުވާ ދުވަހާއި ކުރީ ދުވަހު ރަސްމިއްޔާތައް ތައްޔާރުވުމަށާއި ރައީސުންގެ ސެކިއުރިޓީގެ ސަބަބުތަކަށްޓަކައި އެއަރޕޯރޓް ވަގުތީގޮތުން ބަންދުވެސް ކޮށްފާނެ.