ގާސިމް: ޑަބްލިއު އެލްޓީއަކީ އޭނާގެ އާއިލީ މަސްލަހަތު އޮތް ކުންފުންޏެއް --ފޮޓޯ/މިހާރު
22 މާޗް 2017 - 21:49
157 comments
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ ޝިޕިން އެންޑް ޓްރޭޑިން އިން 18 މިލިއަން ޑޮލަރު ދައްކަން އަންގައި އެ ކުންފުނީގެ އެކައުންޓްތައް މިއަދު ފްރީޒް ކޮށްފި އެވެ.
ވިލާ ޝިޕިންގެ އެކައުންޓްތައް ފްރީޒްކުރިއިރު، ރައްޔިތުންގެ މަޖިލިހުގެ ކާށިދޫ ދާއިރާގެ ކުރީގެ މެމްބަރު އަބްދުﷲ ޖާބިރުގެ ޔޮޓް ޓުއާސްގެ އެކައުންޓްތައް ވެސް މީގެ ތިން ދުވަސް ކުރިން ވަނީ ފްރީޒްކޮށްފަ އެވެ.
ވިލާގެ އެކައުންޓްތައް ފްރީޒްކޮށްފައި މި ވަނީ ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ މައްޗަށް އިތުބާރު ނެތް ކަމުގެ މައްސަލައެއް ހޯމަދުވަހަށް އެޖެންޑާ ކޮށްފައި ވަނިކޮށެވެ. އަދި ވިލާ ކުންފުނީގެ މައްޗަށް ރާޅެއް ނަގަން އުޅޭހެން ހީވާ ކަމަށް ގާސިމް މީގެ ދެ ދުވަސް ކުރިން ވިދާޅުވެފައި އޮއްވަ އެވެ.
އޭނާ ވިދާޅުވެފައި ވަނީ "ވިލާގެ 100 މިލިއަން ރުފިޔާގެ މައްސަލައިގައި އެކައުންޓްތައް ފްރީޒް" ކުރުން އެއީ މި ހާލަތުގައި ކޮށްފާނެ ކަމެއް ކަމަށާއި ހިތާމައަކީ އެފަދަ އަމަލަކުން ވިލާގެ 5000 ވަރަކަށް މުވައްޒަފުންނަށް މުސާރަ ނުދެވިދާނެ ކަމުގެ ބިރު އޮތުން ކަމަށެވެ.
ޖުމްހޫރީ ޕާޓީ އަކީ އިދިކޮޅު ފަރާތްތަަކާ ގުޅިގެން މަސީހު ބޭރުކޮށްލަން މަސައްކަތް ކުރާ އެއް ޕާޓީ އެވެ.
ވިލާގެ އިސްބޭފުޅަކު މިރޭ ވިދާޅުވި ގޮތުގައި އެކައުންޓްތައް ފްރީޒްކުރިކަން އެނގިވަޑައިގަތީ އިމިގްރޭޝަންގެ ޚިދުމަތްތައް ނުލިބުމުން، އެކަން މީރާ އިން އެކަން ސާފުކުރުމުން ކަމަށެވެ. އަދި އެކައުންޓްތައް ފްރީޒްކުރިކަން މިރޭ 9:30 ގައި އީމެއިލްގެ ޒަރީއާއިން ރަސްމީކޮށް މީރާ އިން ވިލާ ޝިޕިން އަށް އަންގާފައިވާ ކަމަށް އޭނާ ވިދާޅުވި އެވެ.
އޮފިޝަލް ފާހަގަކުރެއްވި ގޮތުގައި ވިލާ ޝިޕިންގެ އެކައުންޓްތައް ކުއްލި ގޮތަކަށް މި ފްރީޒްކުރީ ޓޫރިސްޓު ރިސޯޓެއް ތަރައްގީ ކުރުމަށް އެ ކުންފުންޏަށް ދޫކޮށްފައިވާ ތ. އެލާގެ މައްސަލައިގަ އެވެ.
އެލާ ދައުލަތަށް ނެގީ އެއްބަސްވުމާ ހިލާފަށް ކަމަށް ސިވިލް ކޯޓުން މިދިޔަ އަހަރު ކުރި ހުކުމް ހައި ކޯޓުން އިއްޔެ ވަނީ ބާތިލްކޮށްފަ އެވެ.
މީރާ އިން ވިލާ ޝިޕިން އަށް އަންގާފައި ވަނީ އެލާގެ ކުއްޔާއި ޖޫރިމަނާ އާއި އިންޓަރެސްޓްގެ ގޮތުގައި 18 މިލިއަން ޑޮލަރު (277 މިލިއަން ރުފިޔާ) ދައްކާފައި ނުވާ ކަމަށެވެ. އެއީ ލޭންޑް ރެންޓުގެ ގޮތުގައި ދައްކަންޖެހޭ 3.7 މިލިއަން ޑޮލަރާއި ޖޫރިމަނާގެ ގޮތުގައި ދައްކަންޖެހޭ 14.6 މިލިއަން ޑޮލަރު އަދި އިންޓަރެސްޓަށް އަރާ 226،351 ޑޮލަރެވެ.
މީރާ އިން އަންގާފައި ވަނީ އެކައުންޓްތައް ދޫކޮށްލާނީ އެ ފައިސާ އެއްކޮށް ދެއްކުމުން ނުވަތަ ފައިސާ ދެއްކުމާ ގުޅޭ ގޮތުން އެއްބަސްވުމަކަށް އާދެވުމުން ކަމަށެވެ.
ވިލާ ޝިޕިންގެ އޮފިޝަލް ވިދާޅުވީ، އެލާގެ މައްސަލާގައި ދަށު ކޯޓުގެ ހުކުމް ހައި ކޯޓުން އިއްޔެ ބާތިލްކުރި ނަމަވެސް ފައިސާ ދައްކަންޖެހޭ ކަމެއް ކުރިއަކުން ނާންގާ ކަމަށެވެ. އަދި ފައިސާ ދެއްކުމަށް މުއްދަތެއް ވެސް ނުދޭ ކަމަށް އޭނާ ވިދާޅުވި އެވެ.
"މި ފައިސާ ދައްކަންޖެހޭ ކަން އެނގުނީ ކުއްލި ގޮތަކަށް،" އޭނާ ވިދާޅުވި އެވެ.
ވިލާ ޝިޕިންއާ އެއްކޮޅަށް ދަށު ކޯޓުން މިދިޔަ އަހަރު ކުރި ހުކުމުގައި ބުނެފައި ވަނީ ވިލާ އާއި ޓޫރިޒަމް މިނިސްޓްރީއާ ދެމެދު ހަދާފައިވާ "އެމެންޑެޑް އެންޑް ރީ ސްޓޭޓެޑް ލީޒް އެގްރިމެންޓް" ބާތިލުކޮށްފައި ވަނީ ޑިސެމްބަރު 12، 2013 ގައި ސޮއިކޮށްފައިވާ ސެޓްލްމަންޓް އެގްރީމެންޓް އުވާލުން އަސްލަކަށް ބަލައިގެން ކަމަށެވެ. ސެޓްލްމަންޓް އެގްރީމަންޓާ އެއް ހަމަޔަކުން އަނެއް އެއްބަސްވުމާ މެދު އަމަލު ނުކުރެވޭނެ ކަމަށް އެ ހުކުމުގައިވެ އެވެ.
ނަމަވެސް އެ ހުކުމް ހައި ކޯޓުން ވަނީ އިއްޔެ ބާތިލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަގާވާތް
23 March 2017
ތިފެންނަނީ ބަގާވާތުގެ ހިތިރަހަ.
ނަލަ ނަލަ ކަރަންޓް ބިލް
23 March 2017
އަހަރެން ގެ ތާއީދު ޤާސިމްއަށް ތީ ހަމަ ލީޑަރެއް. ޤައުމީ ބަތޮލެއް.
ކުނޫޒުލްވަގީ
23 March 2017
ކޮބާ ގާސިމޫ، ހީވޭތޭ ކަމެއްހެން ކަލޮޔާ. ސްޕުރީމް ކޯޓަށް ތިމައްސަލަ ވައްދާަލަން ވީ ނޫންތޭ؟ ކީކޭތޭ ބުނަނީ
ނަންހިނގާ
23 March 2017
ގާސިމްގެ ވިޔަފާރި އކ ތައް ފްރީޒް ކުރެވެނީ ކުރެވޭ ގޮތަށް ހުރީމަ. ގާސިމް ނޫނަސް ވިޔަފާރިވެރިން އުޅޭ މިގައުމުގަ.
މިލިޓަރީ
23 March 2017
މިމީސްމީހުން ސަރުކާރާ ގުޅުން ބަދަހި ކޮއްގެން ނާޖައީޒް ފައިދާމިނަގަނީ ކޮބާރީތި ވެއްޖޭނުން އާދައިގެ މީހުންވެސް ލާރި އެދައްކަނީ ރައްއިތުންގެ ފައިދާއައް ނުދައްކަ ނުހުރުމައް ޤާސިމައް ގޮވާލަން،
ސޮކްތެރެޕީ
23 March 2017
ޤާސިމައް ގޮވަލަން ސިއާސީ ދާއިރާ ދޫކޮއް ވިޔަފާރިއާގެން ކުރިޔައްދިއުމައް ދައްކަންޖެހޭ އެއްޗެ ހުރިނަމަ ދައްކަން.
އަހުމަދުބެ
23 March 2017
އެއީ ލޭންޑް ރެންޓުގެ ގޮތުގައި ދައްކަންޖެހޭ 3.7 މިލިއަން ޑޮލަރާއި ޖޫރިމަނާގެ ގޮތުގައި ދައްކަންޖެހޭ 14.6 މިލިއަން ޑޮލަރު އަދި އިންޓަރެސްޓަށް އަރާ 226،351 ޑޮލަރެވެ. ޖޫރިމަނާ އާ އިނޓްރެސްޓް މައްސަލަ އަކީ ހައްލު ކުރަންޖެހޭ ބޮޑުމައްސަލަ އެކެވެ.
އުމަރު
23 March 2017
ވިލާއިން ސެޓެލްމަންޓް އެގްރީމެންޓް ހެދީ 2015 ގައި، އެހެންކަމުން އޭގެ ކުރީގައި ވިލާއިން ކޯޓަށްލާފައިވާ މައްސަލަތަކާއި މިމައްސަލައާއި ގުޅުމެއް އޮވެގެންނުވާނެ، މިމައްސަލައިގައި ގުޅުން އޮންނަންޖެހޭނީ ސެޓެލްމަންޓް ހެދި ރަށްތަކުގެ މައްސަލަ، ސުވާލަކީ ސެޓެލްމަންޓް އެގްރީމެންޓް ބާތިލްކުރީ ކޮން ސަބަބަކާހުރެތޯ؟ ސަރުކާރުން ހަމަ ހުރެލާފައި އެގްރީމެންޓެއް ބާތިލްކުރެވިދާނެތޯ ސެޓެލްމަންޓު ހެދި އެގްރީމެންޓާއި ހިލާފް ނުވަނީސް؟ އަދި ސެޓެލްމަންޓް ހެދި ރަށްތަކާބެހޭ މައްސަލައެއް ކޯޓަށް ނުވެއްދުމަށް ޝަރުތުކޮށްފައި އެގޭއިން މައްސަލައެއް ކޯޓަށް ނުވައްދަނީސް އަދި އެކުންފުނިން މައްސަލައެއް ނުވައްދަނީސް ކީވެގެންތޯ ސެޓެލްމަންޓް އެގްރީމެންްޓް އުވާލެވެންވީ؟
ތޫސީ
23 March 2017
ދީނަށް ޓަކައި ގައުމަށްޓަކައި ވެސް މަސީހު މަޖުލީހުގެ ރައީސްކަމުން ދުރުކުރުމަށް ޓަކައި އެންމެން ގުޅިގެން މަސައްކަތްކުރަންވީ އެވެ.
ނުޖެހޭނެ
23 March 2017
ނުޖެހޭނެ ކުރަން. ގައުމީ ވާޖިބެއް އެއީ މަސީހު ރައީސް ކަމުގައި އަދި ނައިބް ރައީސް ކަމުގައި މޫސާ މަނިކު ބެހެއްޓުމަކީ.
ހޭޖެހޭނުޖެހޭ
24 March 2017
'ނުޖެހޭނެ' ތީތޯ ވާޖިބު ކަނޑައަޅާ ފަރާތަކީ؟
ޗިކުސް
23 March 2017
މަޖިލީސް ރައީސް ގާސިމް. ސަރުކާރުން ގޮތް ހުސްވެއްޖެ.
ނުވާނެދޯ
23 March 2017
ސަރުކާރުން ގޮތް ހުސްވެއްޖެ ކަން އިނގޭނެ ފްރީޒް ކޮށްފައިވާ އެކައުންޓްސް ތަކަށް ބަލާލުމުން ދޯ. މީ މަމެން ޕިންކީންގެ ވެރިކަން. އެއްގޮތެއް ވެސް ނެހެދޭނެއެވެ. އަންނަ ހޯމަ ދުވަހު ތިމައްސަލަ އެޖެންޑާ އެއް ނުކުރާނެ މަޖްލީހުގެ އިދާރާގެ ކަރަންޓް މައްސަލަ ތައް ހުރުމާއި ގުޅިގެން ދޯ.