މީޑިއާ ބިލާ ގުޅިގެން ނޫސްވެރިންގެ ފަރާތުން ކުރިމަތިކުރުވި ޕްރެޝާރާ އެކު ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ޚަލީލް އާއި ޔޫތު މިނިސްޓަރު އިބްރާހިމް ވަހީދު (އަސްވާޑު) ކުރިމައްޗަށް ނުކުމެވަޑައިގެން.-- ފޮޓޯ: ނިޝާން އަލީ | މިހާރު
28 އޯގަސްޓް 2025 - 10:53
މީޑިއާގެ މިނިވަންކަން ހަނިކުރެވޭ ގޮތަށް ރައްޔިތުންގެ މަޖިލީހަށް ހުށަހަޅާފައި ބިލުގައި ހުރި ކަންބޮޑުވާން ޖެހޭ ކަންކަމާ ގުޅިގެން ނޫސްވެރިން ސަރުކާރުގެ އިސްވެރިންނާ ބައްދަލުކުރަން ޕްރެޝާކުރަމުން ދަނިކޮށް، ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ޚަލީލް އާއި ޔޫތު މިނިސްޓަރު އިބްރާހިމް ވަހީދު (އަސްވާޑު) ދެންމެ ނޫސްވެރިންނާ ބައްދަލުކުރައްވައިފި އެވެ.
ރައްޔިތުންގެ މަޖިލީހަށް އިއްޔެ އެ ބިލު ބަލައިގަތީ ނޫސްވެރިން އިހުތިޖާޖުކޮށް، އެ ބިލު މަޖިލީހުން ބޭރުކުރަން ގޮވާލައި އަޑުއުފުލަމުން ދަނިކޮށެވެ. ހަފުތާއެއްހާ ދުވަސް ފަހުން ޚަލީލް އާއި އަސްވާޑު ނޫސްވެރިންނާ ނުރަސްމީކޮށް މިއަދު ބައްދަލުކުރެއްވީ ރައީސް އޮފީހުގެ ބޭރުގައި ހުންނަ މި ސަރުކާރުން ހެދި "މީޑިއާ ފެންޑާ"ގެ އެވެ.
ޚަލީލް އާއި އަސްވާޑު އެތަނަށް ވަޑައިގަތުމާ އެކު ނޫސްވެރިން ވަނީ އެ ބިލުގައި ހުރި ނޫސްވެރިން ކަންބޮޑުވާ ވަކިވަކި މާއްދާތަކާ ގުޅޭ ގޮތުން ސުވާލުކޮށްފަ އެވެ. ނޫސްވެރިންގެ އެންމެ ބޮޑު ސުވާލަކަށް ވީ، އަމިއްލަ މެމްބަރަކު މަޖިލީހަށް ހުށަހަޅާފައިވާ އެ ބިލާ މެދު ސަރުކާރުގެ "ސްޓޭންޑަކީ" ކޮބައިހެއްޔެވެ؟
އެ ދެ ބޭފުޅުން ވެސް ތަކުރާރުކޮށް ވިދާޅުވަމުން ގެންދެވީ ނޫސްވެރިންނާއި މީޑިއާގެ މަސައްކަތަށް ހުރަސްއެޅޭނެ އެއްވެސް ކަމަކަށް ސަރުކާރުން ތައީދު ނުކުރާނެ ކަމަށެވެ.
ނަމަވެސް، ސަރުކާރުގެ ސްޓޭންޑަކީ އެއީ ކަމަށް ވާ ނަމަ، މަޖިލީހުގައި ސަރުކާރު ތަމްސީލުކުރައްވާ ޕީއެންސީގެ މެމްބަރުންގެ ފުރިހަމަ ތާއީދާއެކު މަޖިލީހަށް އެ ބިލު ބަލައިގަތް ސަބަބާ މެދުގައި ސުވާލު އުފެދޭ ކަމަށް ނޫސްވެރިން ބުންޏެވެ.
ނޫސްވެރިން ޕްރެޝާކުރުމާ އެކު ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ޚަލީލް އާއި ޔޫތު މިނިސްޓަރު އިބްރާހިމް ވަހީދު (އަސްވާޑު) ކުރިމައްޗަށް ނުކުމެވަޑައިގެން.-- ފޮޓޯ: ނިޝާން އަލީ | މިހާރު
މީޑިއާ ކޮންޓްރޯލްކުރުމާ ބެހޭ ބިލު މަޖިލީހަށް ބަލައިގަތީ އެ ބިލު މަޖިލީހުން ބޭރުކުރަން ގޮވާލައި ނޫސްވެރިން މަޖިލިސް ދޮށަށް އެއްވެ އިހުތިޖާޖުކުރަމުން ދަނިކޮށެވެ. އެ ބިލު މަޖިލީހަށް ބަލައިގަތުމާ އެކު ނޫސްވެރިން ރައީސް އޮފީސް ކައިރިއަށް އެއްވުމުން ފުލުހުން ވަނީ ބާރުގެ ބޭނުންކޮށްގެން ނޫސްވެރިންނަށް ހުރަސްއަޅައި، އެ ސަރަހައްދުން ދުރަށް ޖައްސައިފަ އެވެ. އަދި ބައެއް ނޫސްވެރިން ފުލުހުންގެ ވެހިކަލަށް ގަދަމުން އެރުވުމަށް ފަހު، އޭގެ އިރުކޮޅެއް ފަހުން ދޫކޮށްލި އެވެ.
އެ ސަރަހައްދުން ދުރަށް ޖެއްސުމާ އެކު ނޫސްވެރިން ދެން އެއްވީ ރިޔާސީ ގަނޑުވަރު މުލިއާގެ ކުރިމައްޗަށެވެ. ނޫސްވެރިންގެ އެންމެ ބޮޑު ޑިމާންޑަކަށް ވީ، އެ ބިލުގައި ހުރި ކަންބޮޑުވުންތައް ހިއްސާކުރަން ރައީސް ޑރ. މުހައްމަދު މުއިއްޒުއާ ބައްދަލުކުރުމެވެ.
މީޑިއާ ރެގިއުލޭޓް ކުރުމުގެ ނަމުގައި ތުޅާދޫ ދާއިރާގެ އަމިއްލަ މެމްބަރު އަބްދުލް ހަންނާނު ރައްޔިތުންގެ މަޖިލީހަށް ހުށަހެޅި "މީޑީއާ ކޮންޓްރޯލްކުރާ ބިލް" މަޖިލީހަށް ބަލައިގަތީ ދެވަނަ ދައުރު ނިންމައި، ޗުއްޓީގައި އޮއްވަ ދައުރުން ބޭރުން މިއަދު ބޭއްވި ޖަލްސާގައި ޕީއެންސީގެ 49 މެމްބަރުންގެ ވޯޓުންނެވެ. އެ ބިލު ބަލައިގަންނަން ނުފެންނަ ކަމަށް 12 މެމްބަރަކު ވޯޓު ދެއްވި އެވެ.
ބިލު ބަލައިގަނެ، ދިރާސާކުރުމަށް މިހާރު ވަނީ މިނިވަން މުއައްސަސާތަކުގެ ކޮމިޓީއަށް ފޮނުވައިފަ އެވެ. އެ ކޮމިޓީގެ ބައްދަލުވުމެއް މިއަދަށް ތާވަލުކޮށް، އެ ބިލުގެ މަޝްވަރާކުރަން އޮތީ ތާވަލު ވެސް ކޮށްފަ އެވެ.
އެ ބިލާ ދެކޮޅުކަން މޯލްޑިވްސް މީޑިއާ ކައުންސިލާއި މޯލްޑިވްސް ޖާނަލިސްޓްސް އެސޯސިއޭޝަނުންނާއި ބޭރުގެ އެތައް ޖަމްއިއްޔާތަކުން ވެސް ވަނީ ހާމަކޮށްފަ އެވެ. އެ ބިލާ ގުޅިގެން ހުރި ކަންބޮޑުވުންތަކާ އެކު ނޫސްވެރިން ގެންދަނީ ޕެޓިޝަނެއްގައި ވެސް ސޮއިކުރަމުންނެވެ. އޭގައި ބުނެފައި ވަނީ ބިލު ފަރުމާކޮށްފައި ވަނީ ގާނޫނުއަސާސީން ލިބިދީފައިވާ ނޫސްވެރިކަމުގެ ހައްގާއި އެއާ ގުޅިފައިވާ އެހެން ހައްގުތައް ވަރަށް ބޮޑަށް ހަނިވާ ގޮތަށް ކަމަށެވެެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހަލޯ
30 August 2025
މިނިވަން ނޫސްވެރިން އުޅޭތަ، މިބުނަނީ ދޮގު ފަތުރަން، ރީބަ ބުނަން ފުރުސަތު ދޭށޭ. ތިޔަބުނާ ނޫސްވެރިން ގެ ފަރާތުން މުޖުތަމައުއަށް ލިބުނު ފައިދާއެއްނެތް އިޖްތިމާއީ ފޭރާން ގެއްލުމާއި ފިތުނަ ފަސާދަ ފެތުރުން ފިޔަވައި. މިވެސް ހަމަ ފައިސާ އަށް ކުރާކަމެއް. ޝުކުރިއްޔާ
އައްބެ
28 August 2025
އެއްވުންމަނާ ސަރަހައްދުތަކަށް އެއްވި ނޫސްވެރިންނަށް ދައުވާނުކޮށް އެއްވެސް އާންމުންގެ މީހަކަށް ދައުވާކުރެވިގެންނުވާނެ ނޫސްވެރިޔެކޭ އާންމު ރައްޔިތެކޭ ތަފާތުކުރެވިގެން ނުވާނެ. ޤާނޫނާއި ޚިލާފުވި ނޫސްވެރިންނަށް ދާއުވާކުރޭ.
ދޮން މަންމަ
28 August 2025
ފަޔާޒު މެންނަކީ މިނިވަން ނޫސްވެރިންނޭ ބުނީމާ އަހަރެމެންވީ ގަބޫލުކުރަން؟!
ހަޑިހޭވުން ނޫންގޮތަކަށް ކަމެއް ނުވޭ
28 August 2025
ޔޫތު މިނިސްޓަރު ކޮން ޙައިސިއްޔަތަކުންބާ ނޫސްވެރިންނާ ބައްދަލުކުރީ. މަޖްލީހަށް ހުށަހެޅިފައިވާ ބިލަކާމެދު ކަންބޮޑުވުން ހުރީމަ، އެޓަރނީ ޖެނެރަލް ބައްދަލުކުރުން މާ ލާއިޤު ކަމަށް ފެންނަނީ
ލކލކލ
28 August 2025
ޔޫތު އެންޑް ކޮމިޔުނިކޭޝަން އޮންނާނެ ނޫންތޯ؟ އަނެއްކޮޅުން ޒުވާނުން ނޫންތޯ ބިލުގަ އެމީހުންގެ ސުލޫކާ ގުޅުވައިގެން ޖުރުމަނާ ކުރާތީ އެ އުޅުއްވަނީ.
ރާވެރިބެ
28 August 2025
ތިހެން ނުކުމެ ދެ ވަޒީރުން ކޮންމެ އެއްޗެކޭ ބުންޏަސް ކަންކުރާނީ ހަމަ އެންމެ މީހެއް އަންގާ ގޮތަކަށް. އެގޭ ކަމަކީ މިސަރުކާރުން ބޭނުންވަނީ މީޑިއާ އެކީ ކޮންޓްރޯލް ކުރަން ކަން. އަދި ސޯޝަލް މީޑިއާގަ ވެސް ސަރުކާރު ނުރުހޭ ބަހެއް ބުނެފި މީހެއް ވިއްޔާ އެމީހަކަށް ބޮޑު އަދަބެއްދޭން. މަޖިލިސްގަ ހުރި އެންމެ ސީނިއަރ ޕީއެންސީ މެމްބަރު ޕާރލިމެންޓްރީ ގްރޫޕް ލީޑަރު މަޖިލިސްގަ ވާހަކަ ދައްކަމުން ތަކުރާރުކޮށް އެބުނީ ނޫސްވެރިންނަށް އެމީހުން ހަދަން ބޭނުންވާ ގޮތް! ދެނޯ؟
ސާދަ
28 August 2025
މިޒަމާނު މީހުން ކިޔާ އެއްޗެއްސާއި ލިޔާ އެއްޗެހި ކޮންޓްރޯލް ކުރަން އުޅެގެން ލިބޭ މޮޅަށްވުރެ ގެއްލުން ބޮޑުވާނީ! ކޮންމެ މީހަކީ ކުރުސީ އަކަށް ވެދާނެ…
ވާ ނު ވާ
28 August 2025
ތީ ހަމަސީދާ ސަރުކާރުން ހިންގާ ޖަރީމާތައް ފޮރުވަން ހުށައަޅާގެން އުޅޭބިލެއް އަދި އެބިލު ޕާޓީއައް ނިސްބަތްނުވާ މެމްބަރަކުލައްވާ ހުށައެޅީ ތިމަންމެން ކުރިކަމެއްނޫނޭބުނެ ކަމުން ރެކެންވެގެން މިއަދު ތިބިލު ފާސްކުރިޔަސް މިވެރިކަން ނިމޭކަމުގެ ކޮޅުމަތި ފެންނައިރަށް ތިބިލު އިސްލާހުކުރާނެ ބިލުއިސްލާހުކުރަން ހުށައަޅާނީ މިހާރުގެ ސަރުކާރު މެމްބަރެއް އެހެންނޫނީ ތިމާފޭހި އިލޮށި ތިމާގެ ލޮލައް އެރޭނެކަން މީ ވެރިކަން ހިންގާޕާޓީއައް މަޖިލިސް މެޖޯރިޓީ ދިނީމަވާނެގޮތަކީ.
ވާ ނު ވާ
28 August 2025
މިއަދު ވެރިކަމުގަ ތިއްބެވި ބޭފުޅުން ވެރިކަން ދެމެހެއްޓުމައް ނުވަތަ ދެންއޮނަ އިންތިހާބެއް ކާމިޔާބުކުރުމައްޓަކާ ރައްޔިތުންނައް ކަންކަން ފޮރުވުމައް ތިބިލް މިއަދު ފާސްކުރިޔަސް ތާއަބަދު ވެރިކަމުގަ ތިބެވޭނެކަމަށް ހީނުކުރައްވައްޗޭ. އެދުވަހަކުން މިއަދު ތިބިލް ފާސްކުރަން ފޫގަޅާގެން ތިއުޅުއްވާބޭފުޅުން ތިބިލާ ދެކޮޅައް ނުކުންނާނެކަން ކަށަވަރު. އަދި މިއަދު ތިބިލް ފާސްކުރިޔަސް މިދައުރު ނިމުމުގެކުރިން ތިބިލް އުވާލާ އެހެން ބިލެއް ފާސްކުރާނެކަން މުޖައްރިބު
ވޯލް
28 August 2025
މުއީޒު ތޮޔަ ބިލު ފާސްކުރާނެ، ރައްޔުތުން ކޮތަންމެ ދެކޮޅަކަސް އޭނެ ބޭނުން ކަމެއް ކޮށް ނިންމާތަން ފެނިގެންގޮސްފައިވަނީ. މަޤްސަދަކީ ގަދަ ބާރުން ވެރިކަމުގައި ދެމިހުރުން. އަދި އެކަމަށް އޮތް އެންމެ ބޮޑު ހުރަހަކީ މިނިވަން މީޑިއާ. ވެރިކަމަށް އައުމަށް މިނިވަން މީޑިއާގެ ބޭނުން އިންތިހާށް ހިމި މީހަކު މިއަދު އެ މިނިވަންކަން ހަނި ކުރަން އުޅުނީމަ މިވާގޮތް ވަރަށް ސާފު ނޫންތޯ.
ސަސި
28 August 2025
ނުސްވެރިންނަަށް އެނގެންވީ ނުކުރާނެ ކަމަށް ބުނެފިއްޔާ އެކަން އެގޮތަށް ކުރާނެކަން