މީޑިއާ ބިލްގެ ކޮމިޓީ މިއަދު ވެސް ސިއްރުކޮށް، ނޫސްވެރިން ނެރެފި

މަޖިލީހުގެ ކޮމިޓީގައި ތިބި ނޫސްވެރިން ގަދަކަމުން ނެރެނީ: މިއަދު ވެސް ކޮމިޓީ ބައްދަލުވުން ވަނީ ސިއްރުކޮށްފައި

ނާޒިމް ހަސަން، މިހާރު

10 ސެޕްޓެމްބަރ 2025 - 11:04

މީޑިއާގެ މިނިވަންކަން ހަނިކުރެވޭ މާއްދާތަކާއެކު ރައްޔިތުންގެ މަޖިލީހަށް ހުށަހަޅާފައިވާ ބިލް ދިރާސާކުރަން ބޭއްވި މަޖިލީހުގެ ކޮމިޓީގެ މިއަދުގެ ބައްދަލުވުން ވެސް ސިއްރުކޮށްފި އެވެ.

ތުޅާދޫ ދާއިރާގެ އަމިއްލަ މެންބަރު އަބްދުލްހަންނާނު އަބޫބަކުރު ހުށަހަޅުއްވާފައިވާ ބިލާ މެދު ނޫސްވެރިންނާއި މީޑިއާ ކައުންސިލާއި ޖާނަލިސްޓްސް އެސޯސިއޭޝަން އަދި ބޭރުގެ ގިނަ ޖަމިއްޔާތަކަކުން ކަންބޮޑުވުން ފާޅުކޮށްފައިވާ ވަނިކޮށް، ދައުރުން ބޭރު ޖަލްސާއެއްގައި އެ ބިލް މަޖިލީހުން ވަނީ ބަލައިގެންފަ އެވެ.

ބިލު ބަލައިގަނެ ކޮމިޓީ މަރުހަލާ ކުރިއަށް ގެންދާނީ މަޝްވަރާ އާއި ހިޔާލު ހޯދައިގެން ކަމަށް ކުރިން ބުނެފައިވީ ނަމަވެސް، އެކަމަށް މިއަދު ބޭއްވި މަޖިލީހުގެ މިނިވަން މުއައްސަސާތަކާ ބެހޭ ކޮމިޓީ ވަނީ ސިއްރުކޮށްފަ އެވެ.

އިއްޔެ ވެސް ކޮމިޓީ ބައްދަލުވުން ސިއްރުކުރަން ނިންމީ އާންމުންގެ ފަރާތުން ބިލަށް ލިބިފައިވާ ކޮމެންޓްތައް ހުށަހަޅާއިރު ޒާތީ މައުލޫމާތު އާންމުވެދާނެ ކަމަށް ބުނެ އެވެ. އަދި މިއަދު ވެސް ބައްދަލުވުން ސިއްރުކުރަން ފާސްކުރި އެގޮތަށެވެ.

ކޮމިޓީއަށް ބައެއް ނޫސްވެރިން ހާޒިރުވެ ތިބިއިރު، އެ ނޫސްވެރިން ވަނީ ބައްދަލުވުން ސިއްރުކުރަން ނިންމީ މަޖިލީހުގެ ގަވައިދުގެ ކޮން މާއްދާއަކާ ހަވާލާދީތޯ އެ ކޮމެޓީގެ މުގައްރިރު އަދި ގުރައިދޫ ދާއިރާގެ މެމްބަރު ހުސެއިން ރިޒާއާ ސުވާލު ކުރައްވައިފަ އެވެ. ނަމަވެސް އެ ސުވާލަށް އޭނާ ޖަވާބެއް ނުދެއްވަ އެވެ.

އެވަގުތު ކޮމެޓީގައި ތިބި ނޫސްވެރިން ގަދަކަމުން ވަނީ ނެރެފަ އެވެ.

Media bill dhiraasaa kuraa committee sirru koffi

The most trusted news source in the Maldives

Mihaaru

މީގެކުރިން ކޮމިޓީން ވަނީ ބިލާ ގުޅޭގޮތުން ހިޔާލު ހޯދަން ބަންޑާރަ ނައިބުގެ އޮފީހާއި ޔޫތު މިނިސްޓްރީ އަދި މޯލްޑިވްސް ޖާނަލިސްޓްސް އެސޯސިއޭޝަނާ އެކު ތާވަލުކުރި ބައްދަލުވުންތައް ކެންސަލްކޮށްފަ އެވެ.

ބިލާ ދިރާސާކުރުމުގެ ތެރެއިން ބްރޯޑްކާސްޓިން ކޮމިޝަން އަދި މީޑިއާ ކައުންސިލް ކޮމިޓީއަށް ހާޒިރުކުރުމުން އެ ދެ ތަނުން ވެސް ވަނީ ބިލާ ދެކޮޅު ހަދައިފަ އެވެ. އޭގެ ފަހުން މީޑިއާތައް ހާޒިރުކުރި ކޮމިޓީގައި ވާހަކަ ދެއްކި 20 ވަރަކަށް މީޑިއާއިން ވެސް ވަނީ ބިލާ ދެކޮޅުކަން ހާމަކޮށް، ބިލު ބޭރުކުރަން އެދިފަ އެވެ.

ކޮމިޓީގެ މިއަދުގެ ބައްދަލުވުން ސިއްރު ކުރިއިރު، މި ބައްދަލުވުމުގައި ބިލު ފާސްކުރާނެ ކަމަށް ބެލެވެ އެވެ. އަދި ކޮމިޓީން މީގެކުރިން ވަނީ މި މަހުގެ 15 ވަނަ ދުވަހުގެ ކުރިން ބިލު މަސައްކަތް ނިންމަން ފާސްކޮށްފަ އެވެ.

އަންނަ ހޯމަ ދުވަހަށް ރައްޔިތުންގެ މަޖިލީހުގެ ދައުރުން ބޭރު ޖަލްސާއެއް ވެސް ވަނީ ތާވަލުކޮށްފަ އެވެ.

މީޑިއާ ނޫސްވެރިކަން ރައްޔިތުންގެ މަޖިލިސް މިނިވަން މުއައްސަސާތަކުގެ ކޮމިޓީ ނޫސްވެރިން

8 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިއޮތީ

11 September 2025

ރައްޔިތު އެންމެން މާ މުހިންމު އެއްޗެއް ސިއްރު ކުރާ ދުވަސް އަނެއްކާވެސް ވަރަށް އަވަހަށް އެބަ އާދޭ. އެދުވަހުން މިއަދު މިކަން ސިއްރު ކުރި މީހުން ކުރާނެ ކަމެއް ނޯންނާނެ އަދި ވިސްނޭނެ މިއަދު ކަންތައް ކުރެވުނީ ރަނގަޅަށް ނޫންކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗަޕް

10 September 2025

ނޫސްވެރިންނެއް ނޫން ނެރުނީކީ. ނޫސްވެރިންނަކީ ތަންތާގެ ގާނޫނާއި ގަވައިދާ އުސޫލުތައް މުގުރާ ބައެއްނޫން. އަދި ހުއްދަނެތި ތަންތަނަށް ވަދެގަންނަ ބައެއްވެސް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މި މަވެސް ޤަޢުމް

10 September 2025

މި މަވެސް ޤަޢުމެވެ. މެޖޯރިޓީ ނަހަމަގޮތުގައި ނާޖާއިޒްގޮތުގައި ލޫޓުވާކަށް ދުލެއްނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

10 September 2025

މެޖޯރިޓީ ނަހަމަގޮތުގަ ބޭނުންކުރާނަމުގަ ކީއްތޯކުރައްވަން ތިޔައުޅުއްވަނީ ނޫނީ ކުރެވޭނީ؟. ތިހާ ބާރުގަދައިރު ބަޔަކު މެޖޯރިޓީގަ ގައުމު ދޮވެލައިގެންދިޔައިރު ކީއްތޯކުރެއްވީ؟. އަނެއްކާ އެގުރޫޕްގެ ޕާޓްނަރެއްތޯ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީޑިއާފޯރި

10 September 2025

މީޑިއާ ކޮންޓްރޯލް ކުރާ ބިލަށްވުރެ ތިބިލަށް ކިޔަން އެންމެ ރަނގަޅު ނަމަކީ "މީޑިއާ ވެރިމީހާގެ ގޮންމުށުތެރެއަށްލާ ފިއްތާ ބިލް" އެވެ. އެބިލް ދިރާސާކުރާ ކޮމެޓީތައް ސިއްރު އެކުރަނީ ޞަބަބު ތަކެއް ނެތިއެއްނޫނެވެ. ކޮޓަރި ތެރެއިން ފިސްތޯލާއި، ބޮމާއި، ޕެންޑްރައިވް ނަގާފަ ދައްކާގޮތަށް ބިލް ފާސްކުރުމުގައި މީޑިއާ އާއިބެހޭގޮތުން ރައްޔިތުންގެ ނަމުގައި ތައްޔާރުކޮށްފަވާ ކޮމެންޓްތައް ހިމަނަންންވެގެން ކަމަށްވެދާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

10 September 2025

މީޑިއާ ބިލް ކުރަނީ ދިރާސާއެއް ނޫން. މީޑިއާ ކޮންޓްރޯލް ކޮށް ޚިޔާލު ފާޅުކުރުމުގެ މިނިވަންކަން ބަންދުކުރަން ބިލެއް ޑްރާފްޓް ކުރަނީ. ނޭޕާލުގަ ވެސް އުޅުނު ތިހެން ސޯޝަލް މީޑިއާ ކޮންޓްރޯލް ކުރަން. މިހާރު އެގޭނުން އެގައުމުގަ ނުކުތް ނަތީޖާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް /

10 September 2025

ނޭޕާލުގެ ޒުވާނުން ދެއްކި ހިތްވަރު ދިވެހި ޒުވާނުންނަށް ދެއްކިދާނެ ބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަގަޅުކޮށްލާ!

10 September 2025

ކޮމިޓީ ސިއްރުކުރުމުން ގެއްލިގެން އެދަނީ މެންބަރުންގެ އަބުރު. ސިއްރުން ކުރަންޖެހެނީ މިނިވަންކަމާއެެކު ވާހަކަ ނުދެއްކޭތީ! ސިއްރުން ކުރަންޖެހޭ މަޝްވަރާ ޕާޓީ އޮފީހުގަ ކޮށްފަ ކޮމިޓީއަށް އައިސް ވާހަކަ ދެއްކީމަ ރަގަޅުވާނެ! ޕާޓީ އޮފީހުންް ބުނާނެ ދެއްކޭނެ ވާހަކައާ ނުދެއްކޭނެ ވާހަކަ!