ޕީއެންސީގެ ބޮޑު ޖަލްސާ އަށް 13،000 އަށް ވުރެ ގިނަ މީހުން ދިޔަ: ރައީސް

ޕީއެންސީން މިރޭ ބާއްވާ ޖަލްސާގައި ސަޕޯޓަރުން ބައިވެރިވަނީ-- ފޮޓޯ: ފަޔާޒު މޫސާ | މިހާރު

14 ނޮވެމްބަރ 2025 - 23:19

ސަރުކާރު ހިންގާ ޕާޓީ، ޕީއެންސީން މާލޭގެ އާޓިފިޝަލް ބީޗު ސަރަހައްދުގައި މިރޭ ބޭއްވި ބޮޑު ޖަލްސާ އަށް 13،000 އަށް ވުރެ ގިނަ މީހުން ދިޔަ ކަމުގެ މައުލޫމާތު ލިބިވަޑައިގެންފައިވާ ކަމަށް ރައީސް އަދި އެ ޕާޓީގެ ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ޕީއެންސީގެ މިރޭގެ ބޮޑު ޖަލްސާ ފައްޓަވަމުން އެ މަނިކުފާނު ވިދާޅުވީ، އެއީ ރާއްޖޭގެ ސިޔާސީ ހަޔާތުގައި އެންމެ ގިނަ ބަޔަކު ބައިވެރިވެގެން ބާއްވާ ބައްދަލުވުން ކަމަށެވެ.

"މި ވަގުތު ވެސް މި ތަނުގައި 13،000 އަށް ވުރެ ގިނަ ރައްޔިތުން އެބަތިބި ކަމުގެ ޔަގީންކަން އަޅުގަނޑަށް ލިބިފައި ވަނީ،" އެތައް ހާސް ބަޔަކު ބައިވެރިވި އެ ޖަލްސާގައި ރައީސް މުއިއްޒު ވިދާޅުވި އެވެ.

އެ މަނިކުފާނު ވަނީ އެހާ ގިނަ ބަޔަކު މާލެއިންނާއި އެކި ރަށްރަށުން މިރޭގެ ޖަލްސާގައި ބައިވެރިވެފައިވާތީ ޝުކުރު އަދާކުރައްވައިފަ އެވެ.

ޕީއެންސީގެ ބޮޑު ޖަލްސާގައި ރައީސް މުއިއްޒު އެ މަނިކުފާނުގެ ސަޕޯޓަރުންނަތް އަތްޕުޅު ހިއްލާލައްވައި ސަލާން ކުރައްވަނީ.---ފޮޓޯ: ރައީސް އޮފީސް

ޕީއެންސީގެ މި ބިޔަ ޖަލްސާގެ ބޭނުމަކީ ރައީސް މުއިއްޒުގެ ސަރުކާރަށް އަންނަ ހޯމަ ދުވަހު ދެ އަހަރު ފުރޭތީ އެ މަނިކުފާނަށާއި މި ސަރުކާރަށް އޮތް ތާއީދު ހާމަކުރުމެވެ. އެހެންވެ، ރާއްޖޭގެ ހުރިހާ ރަށަކުން ކަހަލަ ގޮތަކަށް ޖަލްސާ އަށް މީހުން މާލެ ގެނެސްފައި ވެ އެވެ. އެހެންވެ، މި ހަފުތާ ބަންދު ފާހަކުރަމުން އަންނަނީ ޕީއެންސީގެ "ބޮޑު އީދެއްގެ" ގޮތުގަ އެވެ.

މިރޭގެ ޖަލްސާގައި ރައީސް މުއިއްޒު ވަނީ މިދިޔަ ދެ އަހަރުގެ ތެރޭގެ ކާމިޔާބީތަކާ ގުޅޭ ގޮތުން ތަފުސީކޮށް ވާހަކަފުޅު ދައްކަވައިފަ އެވެ.

ޕީއެންސީން މިރޭ ބޭއްވި ބޮޑު ޖަލްސާގައި ބައިވެރިވެވަޑައިގަތުމަށް ރައީސް އެ ސަރަހައްދަށް ވަޑަައިގެން ސަޕޯޓަރުންނާ ސަލާމް ކުރައްވަނީ.--- ފޮޓޯ: ފަޔާޒު މޫސާ| މިހާރު

ރައީސް ވިދާޅުވީ، މި ސަރުކާރުގެ ހުރިހާ ވައުދަކާއި ސިޔާސަތުތައް ކުރިއަށް ގެންދަނީ ހަމަޖެހުމާއި ތަރައްގީ އަދި ރައްކާތެރިކަމުގެ މައްޗަށް ކަމަށެވެ.

"މި ތިން ދާއިރާއަކީ މި ސަރުކާރުގެ ސިޔާސަތުތައް އެންމެ ކުރުކޮށް ދަންނަވަންޏާ ތަރުތީބު ކުރެވިފައިވާ ގޮތް. ކޮންމެ ވައުދެއް ވެސް ކޮންމެ ސިޔާސަތެއް ވެސް ކޮންމެ މަޝްރޫއެއް ވެސް ބެހިގެންދަނީ މި ތިން ދާއިރާގެ މައްޗަށް،" ރައީސް މުއިއްޒު ވިދާޅުވި އެވެ.

ސިޔާސީ ރެލީ ޕީޕަލްސް ނެޝަނަލް ކޮންގްރެސް ރައީސް ޑރ. މުހައްމަދު މުއިއްޒު

36 ކޮމެންޓް, 54 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިލްތިމާޒް

23 November 2025

13 ލައްކަ މީހުން ބައިވެރިވި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަގޭ

15 November 2025

13ހާސް މީހުން ދިޔަނަމަ މުޅި ހެންވޭރު ފުރި ބާރުވާނެ ގަބޫލެއް ނުކުރަން އަދިވެސް އެމްޑީޕީ ބޮޑުމުޒާހަރާއާއި ކައިރިވެސް ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލޭމީހާ

15 November 2025

ކޮންމެ ސަރުކާރަކުންވެސް ގަންނަނީ މިގަނޑު. މޯލްޑިވިއަންގެ ފްލައިޓްތައް ޗާޓަރުކޮށްގެން ޖަލްސާއަށް މީހުންގެނެސްފަ އެ ބިލްތައް ނުދައްކާ. މިހާރުވެސް އެއޮތީ އެމް.ޑީ.ޕީން ގަތް ގަނޑު ފެންނަށް. ބޮޑަށް ކެމްޕޭނަށް. ލަދުވެތިކަމެއް ތި ކުރަނީ. ކާކަށް ދައްކަންތޯ ތިގޮތަށް މީހުން އެއްކުރަނީ? މާލެގަ އުޅޭ ޕާޓީގެ މީހުންކޮޅު ދިޔަސއ 20000 ވަރު ވާނެ. ބޮޑުތަނުން ޗޮކުންނެއްނު ތި ދިޔައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަފާ

15 November 2025

13000 މީހުންގެ ވޯޓުން 2028 ވަނަ އަހަރު ރައިސްކަމުގެ މަގާމަށް ވަރަށް ހަނި އަގުލަބިއްޔަތަކުން ޕީއެންސީ ކާމިޔާބު ކުރާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންހުސޭނު

15 November 2025

މުޅި ރާއްޖެއިން އޭރު ލިބިވަޑައިގަތީ 126842 ވޯޓެވެ. އެއީ %53.9 އެވެ. މާލެއިން ލިބިވަޑައިގަތީ 20245 އެވެ. އެއީ %54.15 އެވެ. ތި އެއްތަންކުރެއްވީ މުޅި ރާއްޖެއިން 13000 އެވެ. އެއީ %5.52 އެވެ. ތެދުވެރި އަމާނާތްތެރި އިޚުލާސްތެރި ނަމަ، މިލިޔަނުން ޚަރަދުކޮށްގެން ރަށްރަށުން 13000 ބޮޓުން ގެންނަން ނުޖެހުނީހެވެ. ސަބަބުވެރި ދޮންހުސޭނުގެ ވިސްނުމުން މިއަދަށް ބަލާ އިރު ދެން އަންނަ އިންތިޚާބަކުން %45 އިން ދަށުން ބަލިވުމަކީ އެންމެ ގާތްގޮތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު.

15 November 2025

ޕާޓީގެ ދަފްތަތުގައި 68،000 މީހުން ތިބިކަމަށް ވެފައި 13،000 މީހުން ތިޔަފަދަ “ބޮޑު ޖަލްސާއަށް” ގެންދިޔުމުންވެސް އެވަނީ %19 މީހުން. ތިވަރުން އަދި ތިކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެފައާސާ.

15 November 2025

އެއްވުމުގައި އެންމެ މީހުން ގިނަކޮށް ފެންނަ ފޮޓޯތައް ޗެޓްޖީޕީޓީއަށް ލައިގެން ކްރައުޑް ޑެންސިޓީ އެސެސްމެންޓް ހެދުމަށްފަހު އަންދާޒާއަކަށް ބުނަނީ ގާތްގަނޑަކަށް 6 ހާސް މީހުންކަމަށް. ގްރޮކް ބުނަނީ 5 ވަރަކަށް ހާސްކަމަށް. އެހެންވިޔަސް ރައީސް މުއިއްޒު 13 ހާހޭ ބުނީމާ އަހަރެން ގަބޫލް ކުރާނީ އެމަނިކުފާނުގެ ބަސްފުޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވަރު ތެނަދޫ

15 November 2025

ހަވަރު ތެނަދޫ ދުންބޯ ކެޔޮޅު މުހައްމަދު ކިތެންމެ ވަރަކަށް ފޮނުއެރުވިޔަސް އަބްދުއްރަހީމަކާ ރައީސްއަކާ ނުޖެއްސޭނެ. ކުރީގަ މަހަށް ގޮސް އުޅުނު ސޮރަކަށް އެމްޑީޕީ ވެރިކަމުގައި ތަނެއްގެ މެނޭޖަރުކަން ދިނީމާ މީހާ ފުފިފަ ހުރިވަރު އަހަރުމެންގެ ދެލޮލުންނޭދުށީ. ދެން އެގޮތަށް ފުފޭކަށް ފުރުސަތެއް ނުދޭނަން. ކަލޯ އެންމެ ރަނގަޅުވާނީ ކުރިން ދިޔަހެން މަހަށް ދިޔައިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިނަދޫ މީހެއް

15 November 2025

ބޮޑާކަމާއި ކިބުރުވެރިކަން އިތިހާ ދަރަޖައަށް ހުރި މީހެއްގެވާހަކަ ތިދައްކަނީ. ވެރިކަން ގެއްލި ބާރުވެރިކަން ދިޔައިމަ މީހާ ބޯގޯސްވެ ކޮސްގޮވަނީއެވެ. ތަން އެންމެ ރަނގަޅެ ލިހައްކޫ ހަމަ ކުރިއެން މަހަންގެޔަ ރީދަލާޑެން މަހަންގެއައުމާ