ހުޅުމާލޭގެ ބެކަޕް އިންޖީނުގެ: އިންޖީނުގޭގައި ހިނގި އަލިފާނުގެ ހާދިސާއެއްގައި މީހަކު ވަނީ ފިހިފައި.-- ފޮޓޯ: މިހާރު
26 ނޮވެމްބަރ 2025 - 16:01
ހުޅުމާލޭގައި ހުންނަ ސްޓެލްކޯގެ ބާ އިންޖީނުގޭގައި މިއަދު ހިނގި އަލިފާނުގެ ހާދިސާގައި އަނިޔާވި މީހާގެ ހަށިގަނޑުގެ އެކި ތަންތަން ވަރަށް ބޮޑަށް ފިހިފައިވާ ކަމަށް އޭނާއަށް ފަރުވާ ދެމުންދާ ހުޅުމާލޭ ހޮސްޕިޓަލުން ބުނެފި އެވެ.
ހުޅުމާލެ ހޮސްޕިޓަލުގެ އޮފިޝަލަކު "މިހާރު"އަށް ވިދާޅުވީ އެ ހާދިސާގައި އަނިޔާވި 43 އަހަރުގެ ދިވެހި ފިރިހެނަކަށް އިމަޖެންސީ ރޫމްގައި މިހާރު ފަރުވާދެމުންދާ ކަމަށެވެ. އަދި އެއީ މެޑިކަލް ޓާމުން ބުނާ ނަމަ "ތާޑް ޑިގްރީ ބާންއެއް" ކަމަށް އޭނާ ވިދާޅުވި އެވެ.
"ތާޑް ޑިގްރީ ބާންއެކޭ ބުނަނީ ހަށިގަނޑު ނުވަތަ މީހާގެ އެކި ތަންތަން ވަރަށް ބޮޑަށް ފިހިފައި ހުރުމުން،" އޮފިޝަލް ވިދާޅުވި އެވެ.
ސްޓެލްކޯ އިން ސޯޝަލް މީޑިއާގައި ކުރި ޕޯސްޓެއްގައި ބުނީ ހުޅުމާލޭގެ ބާ އިންޖީނުގޭގެ ސްވިޗް ގިއާއަކަށް ދިމާވި މައްސަލައެއް ހައްލުކުރަމުން ދަނިކޮށް، އަލިފާނުގެ ހާދިސާއެއް ހިނގައި އެ ކުންފުނީގެ މުވައްޒަފަކަށް އެކި ވަރުގެ އަނިޔާތައް ވެފައިވާ ކަމަށެވެ.
އެ އިންޖީނުގޭގެ މީޑިއަމް ވޯލްޓޭޖް ޕެނަލަކަށް ދިމާވި މައްސަލައަކާ ގުޅިގެން މާލެ އާއި ހުޅުމާލެއަށް ކަރަންޓު ދިނުމަށް ބޭނުންކުރާ ބައެއް ފީޑަރުތައް އޮފްވެ، ބައެއް ސަރަހައްދުތަކުން ކަރަންޓުގެ ހިދުމަތް މިއަދު ކެނޑުނެވެ. ނަމަވެސް އެ މައްސަލަ ހައްލުކޮށް، ކަރަންޓްގެ ހިދުމަތް އަލުން ވަނީ ދީފަ އެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
އަހަރުމެންގެ ޚިދުމަތުގައި އުޅެނިކޮށް......
28 November 2025
ﷲ އޭނައަށް އަވަސް ޝިފާއެއް މިންވަރުކުރައްވާށި! އާމީން،، އަހަރުމެންގެ ޚިދުމަތުގައި ފުރާނަ މުށަށް ލައިގެން ސްޓެލްކޯގެ ޓެކްނިކަލް ބޭފުޅުން އެކުރަނީ ދުވަހަކުވެސް އަގު އަދާނުކުރެވޭ ވަރުގެ ބުރަ އަދި ނުރައްކާ މަސައްކަތެކެވެ. އެކަމަކު ވެސް ހިނދުކޮޅަކަަށް ކަރަންޓު ދިޔަޔަސް މީހުންތައް ތެޅިފޮޅެންފަށާނެ އެވެ. އެތިވަރު ގޮވަންފަށާނެ އެވެ.
ރަދީފްއޮފިޝަލް /
26 November 2025
އަވަސް ޝިފާއަކަށް އެދެން.
ޗޯރޭސް
26 November 2025
މާތް ﷲ އެމީހާއަށް އަވަސް ޝިފާއެއް ދެއްވުމަށް އެދި ދުޢާ ކުރަން...
މާތްﷲއެމީހާއަށްއަވަސްޝިފާއެއްދެއްވުމަށްދުޢާ
27 November 2025
މާތްﷲއެމީހާއަށްއަވަސްޝިފާއެއްދެއްވުމަށްދުޢާ
ރާއްޖެ
26 November 2025
ބާން ޕަރސެންޓް ކިހާވަރެއްތޯ؟
ރަދީފްއޮފިޝަލް /
26 November 2025
15% އިން %20 އެއީ ތާޑް ޑިގްރީ ބާން.
އައިލީން
26 November 2025
ފުރަތަމަ ކަމަކަށް ރިސްކް އެލަވަންސް ވެސް ދޭނަމައެއްނު. އެވެސް ދެނީ ބޮޑު ގޮނޑީގަ ތިބެގެން މަސައްކަތް ކުރާމީހުންނަށް އެކަނި.
ކައުންސެލަރު....
26 November 2025
ބާން ޕަސެންޓެއްނޫނޭ ބަލަންވީކީ.. އެއޮތީ ފިހިފައޭ ވަރަށް ބޮޑަށޭ ލިޔެެފަ. ދެން ބަލިމީހާއަށް އަވަސް ޝިފާދެއްވާތޯ ދުޢާކޮށްބަލަ. އަޅެދޯ ކޮންކަހަލަ ސިކުނޑިއެއްތިހުންނަނީ؟!؟!
ބަލީކް
26 November 2025
މިގޮތައް މަސައްކަތުގައި އުޅެނިކޮން ދިމާވާ ކަންކަމުގައި އާއިލާ އާދޭސް ނުކިރިޔަސް ރާއްޖޭން ބޭރުން އަވަހަށް ރަނގަޅު ފަރުވާ ދެވޭނެ ގޮތެއް ހަދަންޖެހޭ..
މުހައްމަދު 9
26 November 2025
އެކަން އެކަންޏެއް ނޫން. އޭނާއަށް ވަޒީފާ އަދާ ނުކުރެވޭ ހާލަތަކަށް ގޮސްފިނަމަ މުޅި އުމުރަށް އޭނާގެ އާއިލާއަށް ސްޓެލްކޯއިން އެހީތެރިކަން ފޯރުކޮށްދޭންޖެހޭނެ. ދުޢާ އަކީ އެފަދަ ދުވަހެއް ނުދެއްކެވުން.
ކަމަަނަ
26 November 2025
ރާއްޖެއިން އެކަމަކަށް ފަރުވާ ކުރެވެން އޮތް ކަމަށް ވަނީނަމަ ރާއްޖެ އިން ބޭރަށް ދިޔުމުގެ ވިސްނުން ދިވެހިން ދޫކޮށްލަން ވެއްޖެ.އޭގެ ބަދަލުގައި ގިނަ ބަޔަކު ކޭޓާ ކުރެވޭ، ހުރިހާ ހިދުމަތެއް ލިބޭ ގޮތަކަށް ރާއްޖޭގައި ސިއްހީ ނިޒާމު ފަރުމާ ކުރުމަށް ދިވެހީން ސަރުކާތުތަކަށް ބާރުއަޅަން ޖެހޭ. މިނޫނީ ގައުމެއް އަޅުގަނޑު ނުދެކެން އެންމެ ކުޑަކަމުގައި ވެސް މޮޅު ގޮތް ހޯދުމަށް ގައުމުން ބޭރަށް ދާން ހިލޭއެހީދޭ ގައުމެއް. ބަލިމީހާއަށް އަވަސް ޝިފާއަކަށް އެދެން.