އަމާޒަކީ މަސްވެރި އާއިލާތަކަށް ލިބޭ އާމްދަނީ އިތުރުކުރުން: ރައީސް

މި ސަރުކާރުން މަސްވެރިންނަށް ހޯދައިދިން ފުރުސަތަކީ ނުވަތަ މި ސިނާޢަތަށް ގެނެސްދިން އާރޯ ކަމަކީ ފާހަގަކޮށްލެވޭ ކަންކަމެވެ. ކޮންމެއަކަސް، މަސްވެރިކަމުގެ ސިނާޢަތުގެ ހުރިހާ ދޮރެއް ހުޅުވާލައި، މަސްވެރިންނަށް ދައުލަތުގެ ފުރިހަމަ އެހީތެރިކަން ލިބޭނެ ގޮތްތައް ހަމަޖައްސާ ދިނީ، މި ސަރުކާރުންނެވެ. ހަޤީގަތުގައިވެސް މަސްވެރިންނަކީ ދައުލަތް ދަންނަ، އިޤްތިޞާދަށް ބޮޑު އެހީތެރިކަމެއް ފޯރުކޮށްދޭ ބަޔަކަށް މި ސަރުކާރުން ވަނީ ހަދާދީފައެވެ.

ރާއްޖޭގެ މަސްވެރިކަމުގެ ސިނާޢާތް ސިންދަފާތު ކުރުމަށް ސްޕޯޓްސް ފިޝިން ނުވަތަ މުނިފޫހި ފިލުވުމަށް ކުރާ މަސްވެރިކަން ތަރައްޤީ ކުރުމަށް ގިނަ މަސައްކަތްތަކެއް ދަނީ ކުރަމުންނެވެ. އަދި ކަނޑުފަޅުން ލިބޭ ނަފާ އިތުރު ކުރުމަށް މުޅިން އައު ސިނާޢަތެއްގެ ގޮތުގައި މެރިކަލްޗަރ އަދި އެކުއަކަލްޗަރ ދަނީ ތަރައްޤީ ކުރަމުންނެވެ.

ފަރުމަސް އާލާކުރާނެ ގޮތް ދަސްކޮށްދޭނެ ޓްރެއިނާސް ތަމްރީންކޮށް، އެކަމަށް ބޭނުންވާ ހެޗަރީތައް ޤާއިމުކުރާނެ ގޮތާއި، އެކުއަކަލްޗަރގެ ހުނަރުތައް ގިނަ ޒުވާނުންތަކަކަށް ދަސްކޮށްދީ، އެދާއިރާގެ ވިޔަފާރިތައް ފުޅާކުރަން ބާރުއެޅުމަށް މިސަރުކާރުން ވަނީ އެތައް މަސައްކަތް ތަކެއް ކޮށްފައި

މަސްވެރިކަމުގެ ސިނާއަތް ސިންދަފާތު ކުރި ރާއްޖެއަކީ، ފަރުމަހުގެ މަސްވެރިކަމުން އާމްދަނީ ހޯދާ ފަރާތްތައް ގިނަ ޤައުމެއް ނަމަވެސް ކުރީގެ ސަރުކާރުތަކުން މި ދާއިރާއަށް އޮތީ އިހުމާލުވެފައެވެ. އަދުގެ ސަަރުކާރުންވަނީ، ފަރު މަސްވެރިކަމުގެ ދާއިރާއަށްވެސް ބަދަލުތައް ގެނެސް، މިދާއިރާއިން އާއްމުންނަށް ލިބޭ ނަފާ އިތުރުކުރުމަށް ރާވާފައެވެ.

މި ސަރުކާރަކީ، ކޮންމެ ކަހަލަ މަސްވެރިކަމެއްވެސް ބަލައިގަންނާނެ ސަރުކާރެކެވެ. އެގޮތުން ކަށި މިޔަރުގެ މަސްވެރިކަން ކުރުމުގެ ހުއްދަ 1 ނޮވެމްބަރ އިން ފެށިގެން ސަރުކާރުން ވަނީ ދީފައެވެ. އަދި ކަށި މިޔަރުގެ މަސްވެރިކަން ކުރެވޭނެ ޤަވާއިދުތަކާއި އުސޫލުތައް މަސްވެރިކަމާއި ކަނޑުގެ ވަސީލަތްތަކާއި ބެހޭ ވުޒާރާއިން ވަނީ އާންމުކޮށްފައެވެ.

ފަރު މަސްވެރިކަން ކުރަން ލޯނު ލިބޭނެ އިންތިޒާމް ހަމަޖައްސާފައިވާއިރު، އައިސް ލިބުމުގައި މަސްވެރިންނަށް ދިމާވެފައިވާ ދަތިތަކަށް ހައްލެއް ގެނެސް ދެއްވުމަށް ދޯނިފަހަރުގައި އާރު.އެސް.ޑަބްލިއު ސިސްޓަމް ހަރުކުރުމަށްވެސް ދަނީ ލޯނު ދޫކުރަމުންނެވެ.

މާލީ ނިޒާމުގެ ތެރެއިން މަސްވެރިންނަށް އެތައް ފުރުސަތުތަކެއް މި ސަރުކާރުން އެންމެ އަޑުހަރުކޮށް ގޮވާލާ އެއްކަމަކީ، މަސްވެރިންނަކީ ދަޢުލަތް ދަންނަ ބަޔަަކަށް ހަދާނެ ކަމަށެވެ. މިކަމަށްޓަކައި މަސްވެރިކަމުގެ ދަފްތަރެއް އެކުލަވާލިއެވެ. އަދި މި ދަފްތަރުގައި ރަޖިސްޓްރީވެފައިވާ ފަރާތްތަކަށް ބޭންކް އޮފް މޯލްޑިވްސް ވަނީ ލޯނު ދޫކުރަން ފަށާފައެެވެ.

މަސްވެރިން ބާނާ މަސް ރައްކާ ކުރުމާއި، އެ މަސް ދިވެހިރާއްޖޭގައި ޕްރޮސެސް ކުރުމުގެ ކެޕޭސިޓީ 25000 ޓަނަށް އިތުރު ކުރުމާއެކު މަސް ޕްރޮސެސް ކުރާނެ އިތުރު ކާރުޚާނާތައް އެޅުމަކީ މި ސަރުކާރުގެ އަމާޒެކެވެ. އެގޮތުން މިހާރު އެ މަސައްކަތް ފަށައި ބޮޑުބައި ވަނީ ނިންމާފައެވެ.

ވީ ވަޢުދާއެކު މަޝްރޫޢުތަކުގެ މަސައްކަތްވެސް ބާރު ދުވެއްޔެއްގައި މަސްވެރިކަމަށް އޮތް އެންމެ ބޮޑު އެއް ގޮންޖެހުމަކީ، މަސްވެރި އުޅަނދުތައް ޒަމާނީ ފެންވަރަށް ތަރައްޤީވެގެން ދިޔައިރު، މިފްކޯގެ މަސް ގަންނަ ކާރުޚާނާތައް އެ ފެންވަރަށް ތަރައްޤީވެގެން ނުދިޔުމެވެ. ނަތީޖާއަކަށް ވީ މަސްވެރިން ބާނާ މަސް ކިރުވުން މިފްކޯއަށް ބޮޑު ގޮންޖެހުންތަކެއް ކުރިމަތިވުމެވެ. މިފްކޯގެ އެވަރުގެ ކެޕޭސިޓީއެއް ނެތުމެވެ. މި ސަރުކާރުން މިވަނީ މިކަމށް ބޮޑެތި ބަދަލުތަކެއް ގެންސްފަ

ހަވާލިވިއިރުގައި މަސްވެރިންނަށް ނުދީ އޮތް 250 މިލިޔަން ރުފިޔާ ވަރު. އެވެސް ދީފަ 10 ޑިސެމްބަރާ ހަމައަށް އެދިޔަ ދުވަސްތަކުގަ އެކިފަހަރުމަތިން މަސްވެރިންގެ ފައިސާ ދީ އެއްކޮށް ކިޔާ ބެކްލޮގް ސާފުކުރިން. ސާފުކޮށްފަ ދެން 10 ޑިސެމްބަރުން ފެށިގެން ދުވަހުން ދުވަހަށް 48 ގަޑިއިރު ތެރޭގައި ދެމުންދަނީ