ޚަބަރު

ކުރީގެ ޑައިރެކްޓަރު ފައްތާހު ކެލާ ކައުންސިލްގެ ރައީސްކަމަށް ވާދަކުރަނީ

ކުރީގެ ޑައިރެކްޓަރު ފައްތާހު.-- ފޮޓޯ: ފޭސްބުކް

އާސިމާ ނިޒާރު، މިހާރު

21 ޑިސެމްބަރ 2025 - 16:16

14 comments

ކުރީގެ މަޝްހޫރު ފިލްމު ޑައިރެކްޓަރު، އަބްދުލް ފައްތާހު، ހއ. ކެލާ ކައުންސިލްގެ ރައީސްކަމަށް ވާދަކުރަން ނިންމައިފި އެވެ.

ފައްތާހު، އޭނާގެ ފޭސްބުކްގައި ކުރި ޕޯސްޓުތަކުގައި ބުނީ ޕީއެންސީގެ ޓިކެޓުގައި އުފަން ރަށުގެ ކައުންސިލް ރައީސްކަމަށް ކުރިމަތިލަނީ ރައްޔިތުންނަށް ހެޔޮ ވެރިކަމެއް ކޮށްދިނުމުގެ ވިސްނުމުގައި ކަމަށެވެ. އެހެންވެ، އަންނަ ހޮނިހިރު ދުވަހު ޕްރައިމަރީގައި އޭނާއަށް ވޯޓު ދިނުމަށް ވަނީ އެދިފަ އެވެ.

ފިލްމީ ދާއިރާގައި ގިނަ އަހަރުތަކެއް ވަންދެން މަސައްކަތްކޮށް، ކާމިޔާބު ފިލްމުތައް އުފައްދާފައިވާ ފައްތާހުގެ އެންމެ ފަހުގެ ފިލްމު "ހައްދު"އަށް ފަހު، އޭނާ ވަނީ އެ ދާއިރާއިން ރިޓަޔާ ވެފަ އެވެ. އެ އަށް ފަހު، 2018 ހިސާބުގައި ކެލައަށް ދިރިއުޅުން ބަދަލުކޮށް، ކެލާގައި ރެސްޓޯރެންޓު ވިޔަފާރިއެއް ވަނީ ފަށައިފަ އެވެ.

އޭގެ ފަހުން ފިލްމީ ދާއިރާގެ އެއްވެސް މަސައްކަތަކުން އޭނާ ނުފެނެ އެވެ.

ފައްތާހުގެ ކާމިޔާބު ފިލްމުތަކުގެ ތެރޭގައި "14 ވިލޭރޭ"، "ވެހޭވާރޭ ތެރެއިން"، "އުދަބާނި" އަދި "ވާ ލޯބި އެނގޭނަމަ" ހިމެނެ އެވެ. އޭގެ އިތުރުން "ދޯބައްޓާ"، "ހިނިތުންވެލާށޭ ކަލާ" އަދި "ތިއޭ މި ހިތުގެ ވިންދަކީ" ފަދަ ދިވެހިންގެ މެދުގައި މަގުބޫލުވި ޑްރާމާތައް ވެސް ޑައިރެކްޓު ކޮށްފައިވެ އެވެ.

މުނިފޫހިފިލުވުމުގެ ދާއިރާއިން ކުރި މަސައްކަތުގެ އަގުވަޒަންކޮށް ސަރުކާރުން ވަނީ 2004 ވަނަ އަހަރު ފައްތާހަށް ގައުމީ އިނާމު އަރުވައިފަ އެވެ.

ސިޔާސީ ހއ. ކެލާ ލޯކަލް އިންތިހާބު ލޯކަލް ކައުންސިލް އިންތިހާބު 2026 ޕީޕަލްސް ނެޝަނަލް ކޮންގްރެސް

14 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

22 December 2025

ޙޫމް، ފައްތާހު ދޯވ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިންކީ

21 December 2025

އަލުން ޑައިރެކްޝަނަށް އެނބުރި އަާދެބަ ޕްލީޒް. ރޭޝަމް އަދި ހިނިތުން ވެލާށޭ ކަލާ ފަދަ ސީރީޒް ހާދަ މިސްވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަނދަކޯޅި

21 December 2025

ޕީއެންސީ ޓިކެޓުގާ އައިމީކަށް ވޯޓުދެވޭކަށް ނެތް. އެކަމަކު "ޖިންނި" ޓިކެޓުގާ އައިއްސިއްޔާ ފަހަރެއްގާ ވޯޓުދެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓް

21 December 2025

ފައްތާހު އަކީ ތޫނުފިލި މީހުނާގުޅޭ ރާއްޖޭގެ ގިނަބަޔަކު ދަންނަ މީހެއް! ކައުންސިލަށް ހޮވަންވީ މިފަދަ ލޯހުޅުވިފައި ތިބޭ މީހުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

21 December 2025

ލޯހުޅުވުނުކަން އެގޭނީ ކައުންސިލަށް ހޮވުނީމާ. އެއިރުން ފައިސާއޮތްތާކަށް ދުވެނަގާނެ. ރައްޔިތުންގެ މީހުންނޭ ކިޔައިގެންވެސް ބަޔަކު އުޅުނު. އާޚިރުގައި ސަރުކާރުގެ ލާރިގަނޑަށް މޮޔަވީ.