ޚަބަރު / ބ. ތުޅާދޫ

ތުޅާދޫގެ 100 ހައުސިން ޔުނިޓު ދޫކުރާނެ އުސޫލެއް މިނިސްޓްރީން ހަދައިފި

ތުޅާދޫ ހައުސިން ޔުނިޓުތައް.-- ފޮޓޯ: ތުޅާދޫ އޮންލައިން

އާސިމާ ނިޒާރު، މިހާރު

30 ޑިސެމްބަރ 2025 - 12:36

10 comments

ބ. ތުޅާދޫގައި މައްސަލަ ބޮޑުވެ، ދޫނުކުރެވި ދިގުލައިގެންދާ ފްލެޓުތައް ދޭނެ އުސޫލެއް ހަދައިފި އެވެ.

ހައުސިން މިނިސްޓްރީން މިިދިޔަ ބުދަ ދުވަހު އާއްމުކުރި އުސޫލުގައި ބުނީ 100 ހައުސިން ޔުނިޓު ދޫކުރާނީ ތުޅާދޫގައި މެދުނުކެނޑި ދިރިއުޅޭތާ 10 އަހަރު ވެފައިވާ މީހުންނަށް ކަމަށެވެ. އޭގެ އިތުރުން ރާއްޖޭގެ އެއްވެސް ހިސާބެއްގައި 600 އަކަފޫޓަށް ވުރެ ބޮޑު ތަނެއް ނެތުން ނޫނީ އެ ތަން ދޫކޮށްލަން އެއްބަސްވުމާއި މަސް ދުވަހަށް ޖެހޭ ޖުމްލަ އާމްދަނީ 60،000ރ. އަށް ވުރެ ބޮޑު ނުވުމަކީ ވެސް، ފްލެޓަށް އެދި ހުށަހެޅުމުގެ ޝަރުތެކެވެ.

ހައުސިން ޔުނިޓަށް އެދެން ޖެހޭނީ އެކަމަށް ހުޅުވާލުމުން، ހިޔާވެހި ޕޯޓަލް އިންނެވެ.

މާކްސް ދިނުމުގައި އާއިލާގެ ކުޑަބޮޑުމިނާއި ދިރިއުޅުމުގެ ހާލަތަށް ބަލަ އެވެ. އަދި ދަރިއަކު ނުލިބެނީ ދެމަފިރިންގެ ތެރެއިން މީހެއްގެ ސިއްހީ މައްސަލައަކުން ނަމަ މެޑިކަލް ޕްރެކްޓިޝަނަރެއްގެ ލިޔުން ހުށަހަޅަންޖެހެ އެވެ.

ތުޅާދޫ ހައުސިން ޔުނިޓުތައް ދޫކުރަން އެންމެ ފަހުން މިނިސްޓްރީން ހަވާލުވެއްޖެ https://t.co/Yvkf41tHxN
— Mihaaru (@Mihaarunews) November 28, 2025

ކުރީގެ ސަރުކާރުން ތުޅާދޫގައި އިމާރާތްކުރި ތިން ކޮޓަރީގެ ހައުސިން ޔުނިޓުތައް ނިންމައި 2022 ހިސާބުގައި ކައުންސިލާ ހަވާލުކުރި އެވެ. އަދި ކައުންސިލުން ވަނީ އެ ތަންތަން ދޫކުރާނެ އުސޫލު ހަދައި ފްލެޓު ލިބޭ މީހުން ކަނޑައަޅައިފަ އެވެ.

ނަމަވެސް، އެ ޔުނިޓު ދޫކުރަން ކަނޑައެޅީ ބާތިލް އެއްޗެއް ކަމަށް ކަނޑައަޅައި އަދި އިސްލާހުކުރި އުސޫލަށް ބިނާކޮށް އޮކްޓޯބަރު 9، 2023 ގައި ތުޅާދޫ ކައުންސިލް އިދާރާ އިން ޝާއިއުކުރި ވަގުތީ ލިސްޓަކީ ވެސް ބާތިލް ލިސްޓެއް ކަމަށް ކަނޑައަޅައިދިނުމަށް އެދި ތުޅާދޫ މެޖިސްޓްރޭޓް ކޯޓަށް މީހަކު މައްސަލައެއް ހުށަހެޅި އެވެ.

އެ މައްސަލައިގައި ކޯޓުން ހުކުމް ކޮށްފައި ވަނީ ހައުސިން ޔުނިޓް ދޫކުރުމާ ގުޅޭގޮތުން ކުރިން އާއްމު ކޮށްފައިވާ އުސޫލަށް ގެނެސްފައިވަނީ ޝަރުއީ އަދި ގާނޫނާ ހިލާފު ބަދަލެއް ކަމަށް ވާތީ މިނިސްޓްރީން ދިން ލަފާ އަދި މެއި 11، 2022 ގައި އާއްމުކުރި އުސޫލަށް އަމަލު ކުރުމަށެވެ.

އެކަމަކު، އޭގެ ފަހުން ވެސް އެކި މައްސަލަތަކާ ހެދި ފްލެޓުތައް ދޫކުރެވޭ ގޮތެއް ނުވެ އެވެ. އެހެންވެ، އެ ފްލެޓުތައް ދޫކުރަން އެންމެ ފަހުން މިނިސްޓްރީން މިދިޔަ މަހު ހަވާލުވި އެވެ.

ޑިޒައިން އެންޑް ބިލްޑް އުސޫލުން ތިން ކޮޓަރި އާއި ތިން ފާހަނާ އާއި ސިޓިން ރޫމަކާއި ބަދިގެއަކާއި ސްޓޯރޫމެއްގެ އިތުރުން ލޯންޑްރީ އަށް ހާއްސަ ބައެއް ހަދަން ހަވާލުކުރީ ޕްރިސިޝަން އިންޖިނިއަރިން ސާވިސަސްއާ ޖުލައި 2019 ގަ އެވެ. އެއީ 79.6 މިލިއަން ރުފިޔާއަށެވެ.

ބޯހިޔާވަހިކަން ބ. ތުޅާދޫ ހައުސިން އެންޑް އިންފްރާސްޓްރަކްޗާ މިނިސްޓްރީ ހައުސިން މިނިސްޓްރީ

10 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާސަރު

30 December 2025

ގެޒެޓްގައި އޮތީ އަލަށް އަޅަންއުޅޭ ހައުސިންޔުނިޓްތަކެއްގެ ވާހަކަ. މީގައި ކުޑައޮޅުމެއް އެބައުޅޭ. މިހާރު އަޅާފަހުރި ޔުނިޓްތަކުގެ ސައިޒާ އެއިއުލާންގައި އޮތްސައިޒް ވެސް ތަފާތު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސޫލް

30 December 2025

އުސޫލެއް ނުހެދޭނެ، ހެދޭނީ ގަވައިދެއް. އުސޫލަކީ ގަވައިދެއް ހެދިފަ ނެތް ކަންކަން ކުރުމައް ކިޔާނަމެއް. މިސާލަކަށް، އުސޫލެއްގެގޮތުން މިކަން މިކުރަނީ ކުރިންވެސް ކުރަމުން އައިގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލޯ

30 December 2025

ތީކާކު ޑިޒައިންކުރި އަދި ކުރެހުމަށް ކާކުހުއްދަދިން ތަނެއްތަ. ތިކަހަލަ ޕުރިޒިން ކޭންޕު ގޮތަށް ތަންތަނުގަ މީހުން ތޮއްޖެއްސީމަ އުފަދޭނީ ގޭންގުތަށް އަދި މުޖުތަމައު ހަލާކުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޖިދު.

30 December 2025

ކ.މާލޭ މީހުން ނޫން ބަޔަކަށް ރައްޖޭގެ އެއްވެސް ރަށެއްގައި އެއްވެސް ކަމެއް ނިންމުމުގެ ބާރު އޮވޭތަ ؟ އެހެން ރަށެއްގެ ސަހަރާ ފާރު ރާނަންވިޔަސް އެކަންކުރަންވީގޮތް ނިންމާނީ ކ.މާލެއިން ނޫންތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

30 December 2025

ދިވެހިރާއްޖެ އަކީ "ކ.އަތޮޅު މާލެކަމަށް، ދެކޭ އުސޫލު ބަދަލުކޮށް، މި ގަދީމީ ފިކުރާއި ޤަބީލާވަންތަ ވެރިކަމުގެ ނިޒާމް ކަފުންކުރުމަށް" ތިލަދުންމަތިން ފާދިއްޕޮޅަށް ނޯތު ރީޖަން، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާންރީޖަން ކަމުގައިކަޑައަޅާ މި 3 ރީޖަނުގައި މީހުންދިރިއުޅޭނީ މަތީގައިދެންނެވި ރަށްތަކުގައިކަމަށް ޤާނޫނަކުންނިންމާ ތަރައްޤީގެ 50 އަހަރުގެ ޕްލޭން މަޖިލިސް ސުޕަރ މެޖޯރިޓީ ބޭނުންކޮށްގެން ފާސްކުރަންވީ ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

30 December 2025

ބޭނުންވަނީ ބޯހިޔާވަހިކަން، ހިއްކާ ހުރިހާ ރަށެއްގެ ބިންބިމުގަވެސް ފްލެޓް އަޅާބަލަ، ގެވަޅުދިނީމަ ގެނޭޅިގެންވެސް އެތަށް އަހަރެއް ހޭދަވޭ، އަނެއްކާ ހިއްކާ ބިން ހުސްވެ، ފަންސާހަކަށް މީހުންނަށް ދޭއިރު ފްލެޓް ނަމަ އެ ފިލަނީ ކިތަށް މީހުންގެ މުހުތާދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުނައިދު ޝަރީފް

30 December 2025

ފުލެޓް އަޅާފަ ދިނީމަ ކުލިނުދެއްކީމަ ރަގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރު45

30 December 2025

ތިޔަ ގެތައްހޯދަން ތުޅާދޫ ނޫން އެހެން ރަށް ރަށުގެ ރައްޔެތުން ނަށް އެދެވޭތޯ؟ ތިޔައީވެސް އަހަރުމެންގެ ޓެކްސް ފައިސާ އިން ހެދި ތަންތަންވީމަ އަހާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުލާދޫ ދޮންބެ.

30 December 2025

ނަސްރުމެން ކ.އަތޮލު މާލޭ މީހުން ތިރަށުން ނޫން ތަނަކުން ފުލެޓެއް އަދި ގޯއްޗެއްވެސް ބޭނުމެއް ނުވާނެ. ނަސްރުމެން މާލޭ މީހުން ވަންނާނެ ތަނެއް ނެތްކަމަށް ބުނެ ދޮގު މައުލޫމާތު ދީގެން ބިމާއި ފުލެޓު ހޯދަނީ އެތަންތަން ބޮޑު އަގުގައި ކުއްޔަށް ދީގެން ނުވަތަ ބިން ވިއްކައިގެން އެ ފައިސާ ޕަކަޅާ ކުރަންކަން ނޭގޭ މީހަކު ރާއްޖޭގައި ނޫލޭ. ދެން ކޮން ބޭކާރު ކޮމެންޓެއް ތިކުރަނީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުލާދޫ

30 December 2025

ލިޔުން ރަނގަޅަށް ކިޔާލުން މުހިއްމު. ތުޅާދޫ މީހަކަށް ވާކަށްނުޖެހެ. ތުޅާދުގައި މެދުނުކެނޑި 10 އަހަރު ދިރިއުޅުން އޮތީ. މާލޭގައި 10 އަހަރު ދިރިއުޅުމުން މާލޭންވެސް ފްލެޓް ލިބޭއުސޫލުން.