ސަރުކާރަށް ބޭނުންވާ ފަންނީ ލަފަޔާއި މަޝްވަރާ ދިނުމަށް އެކުލަވާލާ ތިން ކޮމިޓީއެއްގެ މެމްބަރުކަމަށް ކުރިމަތިލުމުގެ ފުރުސަތު ރައީސް އޮފީހުން ހުޅުވާލައިފި އެވެ.
ރައީސް އޮފީހުން ބުނީ ސަރުކާރުން އެކުލަވާލަން ނިންމާފައި ވަނީ "ޓޫރިޒަމް ސެކްޓާ އެޑްވައިޒަރީ ކޮމިޓީ" އާއި "ކޮންސްޓްރަކްޝަން ސެންޓާ އެޑްވައިޒަރީ ކޮމިޓީ" އާއި "ފިޝަރީޒް ސެކްޓާ އެޑްވައިޒަރީ ކޮމިޓީ" ކަމަށެވެ. އެއީ އެ ތިން ދާއިރާ ދެމެހެއްޓެނިވި ގޮތެއްގައި ތަރައްގީކޮށް ކުރިއެރުވުމުގެ ބޭނުމުގައި ކަމަށް ވެސް ބުންޏެވެ.
އެ ކޮމިޓީތަކުގެ މެމްބަރުކަަމަށް ކުރިމަތިލުމަށް އެދި ހުޅުވާލާފައި ވަނީ މިމަހުގެ 16 ވަނަ ދުވަހުގެ މެންދުރު 12:00 ގެ ނިޔަލަށެެވެ.
ރައީސް އޮފީހުން ބުނީ މެމްބަރުކަމުގެ ފޯމު ބަލައިގަތުމަށް ހަމަޖެހިފައި ވަނީ އެކަމަށް ކުރިމަތިލާން ދީފައިވާ މުއްދަތުގައި ރަސްމީ ބަންދު ދުވަސްތައް ފިޔަވައި، އެހެން ދުވަސްތަކުގައި ހެނދުނު 8:30 އިން 12:00 އަށް ރައީސް އޮފީހުން ކަމަށެވެ.
އެކަމަށް އެދޭ ފޯމު ރައީސް އޮފީހުގެ ވެބްސައިޓުންނާއި އެ އޮފީހުގެ ރިސެޕްޝަނުން ލިބޭނެ ކަމަށް ވެސް ރައީސް އޮފީހުން ބުންޏެވެ.