ޑްރަގް މައްސަލައެއްގައި ތައިލެންޑުގައި ހައްޔަރުކޮށްފައި ހުރި ދިވެއްސަކު އެ ގައުމުގެ ޖަލެއްގައި މަރުވެއްޖެ އެވެ.
ފުލުހުން ބުނީ ތ. ގުރައިދޫ، ފަނާރު، އިބްރާހީމް ނަބީހު ނަސީމް 22، މަރުވި ކަމުގެ މައުލޫމާތު މިއަދު ލިބިފައިވާ ކަމަށެވެ.
އެ ހާދިސާއާ ގުޅިގެން ބަލަންޖެހޭ ކަންކަން ކަމާގުޅުން ހުރި އިދާރާތަކާ ގުޅިގެން ބަލަމުން އަންނަ ކަމަށެވެ.
އޭނާގެ މަރުގެ ތަފްސީލެއް ފުލުހުން އަދި ހާމައެއް ނުކުރެ އެވެ.
ނަބީހް ހައްޔަރުކުރީ މިދިޔަ ފެބުރުއަރީ މަހުގެ 22 ގައި ތައިލެންޑުގެ ޑޮން މުއެންގް އިންޓަނޭޝަނަލް އެއާޕޯޓުގައި ހުއްޓާ އޭނާ އަތުން ޑްރަގް ފެނިގެން ކަމަށް ފުލުހުން ބުންޏެވެ.
އޭނާ ހައްޔަރުކުރި ފަހުން މިހާތަނަށް ހުރީ އެ ގައުމުގެ ބަންދުގަ އެވެ.