ރައީސް ޑރ. މުހައްމަދު މުއިއްޒު 2024 ގައި ޗައިނާއަށް ކުރެއްވި ފުރަމާނަ ދަތުރުފުޅުގައި އެ ގައުމުގެ ރައީސް ޝީ ޖިންޕިންއާ އެކު ބޭއްވި ބަދަލުވުމަށް ފަހު ދެ ގައުމުގެ ގުޅުމުގެ ބިންގާ އިތުރަށް ވަރުގަދަވެފައިވާކަމަށް ރާއްޖޭގައި ހުންނަވާ ޗައިނާ ސަފީރު ކޮންގް ޒިއަންހުއާ މިއަދު ވިދާޅުވެއްޖެ އެވެ.
ޗައިނާގެ 77 ވަނަ ގައުމީ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ސަފީރު ވިދާޅުވީ ޗައިނާގެ އުފާވެރި މުނާސަބަތު ދެ ގައުމުގެ ރައްޔިތުން ވެސް ހިއްސާކުރާ ކަމަށެވެ.
އަދި 2024 ވަނަ އަހަރު ދެ ގައުމުގެ އިސްވެރިންގެ މެދުގައި ބޭއްވުނު ތާރީހީ ބައްދަލުވުމުގެ ސަބަބުން، ރާއްޖެ އާއި ޗައިނާއިން އެކި ދާއިރާތަކުން ގުޅިގެން މަސައްކަތް ކުރުމުގެ ދުވެލި އިތުރަށް އަވަސްވެ، ހަރުދަނާ ބިންގަލެއް އެޅިގެން ގޮސްފައިވާކަން ސަފީރު ފާހަގަކުރެއްވި އެވެ.
ޗައިނާ ސަފީރު ވިދާޅުވީ ރާއްޖެއާ އެކު ޒަމާނުއްސުރެ އޮތް ގާތް ގުޅުމުގެ ގާތް ގުޅުމުގެ އަގުވަޒަންކުރާ ކަމަށެވެ.
ރާއްޖެ އާއި ޗައިނާއާ ދެމެދު ހާރިޖީ ގާއިމުކުރި ފަހުން މި އަހަރަށް 54 ފުރޭނެ އެވެ.
ޗައިނާއިން ވަނީ ރާއްޖޭގެ އުމްރާނީ އަދި އިޖުތިމާއީ ތަރައްގީއަށް ބޮޑެތި އެހީތައް ފޯރުކޮށްދީފަ އެވެ.