ކުރީގެ ޑިފެންސް މިނިސްޓަރު މުހައްމަދު ނާޒިމް. ޖަލު ހުކުމެއް ތަންފީޒު ކުރައްވަމުން ގެންދަވާ ނާޒިމް ވަގުތުން މިނިވަން ކުރުމަށް އިދިކޮޅު އިއްތިހާދުން ވަނީ ގޮވާލާފައި. ފޮޓޯ: ނިޝާން އަލީ/މިހާރު
17 ޖޫން 2016 - 15:53
16 comments
ކުރީގެ ޑިފެންސް މިނިސްޓަރު ކާނަލް މުހައްމަދު ނާޒިމް ފްރޭމް ކުރުމުގައި ފުލުހުން ބައިވެރިވި ކަމަށް ހޯމް މިނިސްޓަރު އުމަރު ނަސީރު ވިދާޅުވި ކަމަށް ބުނެ، ނާޒިމް ވަގުތުން މިނިވަން ކުރުމަށް އިދިކޮޅު އިއްތިހާދުން މިއަދު ގޮވާލައިފި އެވެ.
މޯލްޑިވްސް ޔުނައިޓެޑް އޮޕޮޒިޝަނުން ނެރުނު ބަޔާނެއްގައި ބުނީ ފުލުހުންނަށް ފައިސާ ދީގެން ނާޒިމްގެ އެޕާޓްމަންޓުގައި ފިސްތޯލައެއް ބޭއްވުމުގައި ކުރީގެ ނައިބު ރައީސް އަހުމަދު އަދީބުގެ އަތެއް ވެދާނެ ކަމަށް އުމަރު ވިދާޅުވެފައިވާ ކަމަށެވެ.
ފުލުހުންގެ މުއައްސަސާގެ ކަންކަމާ ހަވާލުވެވަޑައިގެން ހުންނެވި ވަޒީރު ރައްޔިތުންގެ ކަންބޮޑުވުންތަކަށް އިއުތިރާފްވެވަޑައިގަތުމުން އިތުރު ހެއްކާއި ގަރީނާ ހޯދަން ޖެހޭނެ ކަމަށް ގަބޫލު ނުކުރެވޭތީ ނާޒިމްގެ މައްޗަށް ކުރި ހުކުމަކީ ސައްހަ ހުކުމެއް ނޫން ކަމަށް އިދިކޮޅު އިއްތިހާދުގެ ބަޔާނުގައި ބުންޏެވެ.
ނާޒިމް ދިރިއުޅުއްވާ އެޕާޓްމަންޓުން ބޭނުންކުރުން މަނާ ހަތިޔާރު ފެނުނު ކަމަށް ބުނެ 11 އަހަރަށް ޖަލަށް ހުކުމްކޮށްފައި ވަނިކޮށް ސުޕްރީމް ކޯޓުގައި މިހާރު ކުރިއަށްދާ އިސްތިއުނާފް ޝަރީއާތާ ގުޅިގެން އުމަރު ދައްކަވާ ވާހަކަތަކުން ނާޒިމަށް ކުރީ ނުހައްގު ދައުވާއެއްކަމާއި އެއީ ބާތިލް ޝަރީއަތެއްކަން ހާމަވަގެންދާ ކަމަށް ވެސް އިދިކޮޅު އިއްތިހާދުގެ ބަޔާނުގައިވެ އެވެ.
"މުޅި ދައުލަތުގެ އެންމެ މުހިއްމު އަދި ޒިންމާދާރު މުއައްސަސާގެ ހާލަތު އިންތިހާއަށް ގޯސްވެ ފުލުހުންގެ ތެރޭގައި ފަސާދައަށް މަގުފަހިވެ، ކޮރަޕްޝަން އާންމުވެފައިވާ މިންވަރު ހޯމް މިނިސްޓަރަށް އެނގިވަޑައިގަންނަވާކަން މިކަމުން ހާމަވެއެވެ." އިއްތިހާދުގެ ބަޔާނުގައިވެ އެވެ.
އެ ބަޔާނުގައި ބުނީ ނާޒިމްގެ މައްޗަށް ނުޙައްގު ތަހުގީގެއް ކުރެވުނުއިރު އުމަރު ހިމޭނުން ހުންނަވައި ފުލުހުންގެ ކޮރަޕްޝަން ފޮރުވުމުގައި ސާބިތުކަމާއެކު ހުންނެވުމަށްފަހު މި ވާހަކަތައް ދެއްކެވުމުން ހޯމް މިނިސްޓަރުގެ ގާނޫނީ ޒިންމާ އަދާކުރެއްވުމުގައި އުމަރު ފެއިލްވެވަޑައިގެންފައިވާ ކަމަށެވެ.
މީގެ އިތުރުން ރައްޔިތުންގެ އެތައް ހައްގުތަކަށް ފުލުހުން އަރައިގަންނަމުންދާ ކަމަށާއި އެފަދަ ފުލުހުންނާ މެދު ފިޔަވަޅު އަޅާފައިނުވާކަމީ ފުލުހުންގެ މުއައްސަސާ އިތުރަށް ހަލާކުގެ ތެރެއަށް ވެއްޓިގެންދާނެ ކަމެއް ކަމަށް ވެސް އެ ބަޔާނުގައިވެ އެވެ.
ފުލުހުންގެ މުއައްސަސާގައި ތިބި ނުފޫޒުގަދަ މަދު ބައެއްގެ ސަބަބުން މުޅި މުއައްސަސާ ކިލަނބުވެގެންދާ ކަމަށާއި ހޯމް މިނިސްޓަރު ވަޒީފާއާއި މަގާމުގެ ދަހިވެތިކަމުގައި ނުހުންނަވައި މިހާރުން މިހާރަށް އިސްތިއުފާ ދެއްވުމަށް ވެސް އިދިކޮޅު އިއްތިހާދުގެ ބަޔާނުގައި ވަނީ ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލޭއަލި
21 June 2016
ޝަރުޢީ މައްސަލަތައް ނިންމަންވީ ގޮތް ބޮޑަށް އެނގޭނީ އިއްތިޙާދަށް. އެމީހުން ތަޙުޤީޤު ރިޕޯރޓް ނުވަތަ އިޢުތިރާފު ލޮލުން ނުދެކުނަސް އޭގެ އަޑެއް ނޭހިޔަސް އެއީ މޮޅު މީހުން. ކޯޓް ތަކަކަށް ބަލާނެކަމެއް ނެތް.
ގިރިފުށީ މުޙައްމަދު ދަބޭ
18 June 2016
ދެން އިތުކޫސަނި ވާހަކަނުދައްކާ ނާޒިމް ސާރއަށް އިންސާފު ހޯދައިދީ އެއީ ތެދުވެރި ވެރިއެއް އުމަރަށް ޝުކުރިއްޔާ
ކުއްޓި
18 June 2016
ނާޒިމްސާރ އަކީ ބަތޮލެއް ވޭނާ އަކީތެދުވެރިއެއް އޭނާއަށް އިންސާފު ދެއްވާނދޭވެ
އެކުގަ މަސަކަތްކުރި މީހެއް
18 June 2016
ތިއީ ކޮންފަދަ އުފާވެރި ޚަބަރެއް ނާޒިމް ސަލާމަތްވުމަކީ ވަރަށް އެދޭކަމެއް އޭނާއަކީ ހުރިހާ މީހުންނަށްވެސް ވަރަށް ރަނގަޅަށް ވ އިންސާފުން ކަންކަން ކޮއްދޭ މީހެއް
ހުވަރަފުށީ އިބްރާހީމް
18 June 2016
އަބަދުވެސް ވެރިންނަށް ތެދުވެރި އިހުލާސްތެރިއެއް ނާޒިމަކީ އޭނާ އެފަދަކަމެއް ނުކުރާނެކަން އެންމެންވެސް ގަބޫލުކުރޭ މުޅިރާއްޖޭގެ.
މުޙައްމަދު
18 June 2016
އަބަދުވެސް އެގޭ ނާޒިމަކީ ބޭ އިންސާފުން އަނިޔާ ލިބޭ މީހެއްކަން މާތްﷲ ހެޔޮރަހުމަތުން ނާޒިމަށް އިންސާފުދެވަވާނދޭވެ އޭނާ ސަލާމަތް ކުރައްވާނދޭވެ ނުހައްގުން އަނިޔާ ލިބޭ މީހުންނާއި މާތްﷲގެ ރުހުން ލިވޭނޭ އެންމެ އަވަހަށް އާމީން.
ޥީނަސް
18 June 2016
އިދިކޮޅު އިއްތިހާދު ހަދައިގެން ކަލޯމެންޖެހޭނީ މަހަށްދާން. މީސްމީހުން ދައްކާ ވާހަކަ އަނބުރައިގެން ރަޢްޔިތުން ގުނގޯ ހެއްދި ދުވަސް މާޒީވެގެން ހިނގައްޖެ. ބީބީ ޖަމީލު ހިތުން އޭނާއަކީ ދެން މާމޮޅު މީހެއް. ބުނަން ކަލޯ އުމަރު ބުނިހެން ތީ ހަމަ ސައިބޯނި ބޮކި. ތިހެން އަނގަ ތުރައަންޕަން ހަމަ ތިބެންޖެހޭނީ. މި މީހުން އުމަރު ދެކެ މިހާ ރުޅިއެއް މި އަންނީ އުމަރު ދެކެ ހަމަ ގަންނަ ބިރަކުން. އޭއްޗެކޭ މިއްޗެކޭ ކިޔައިގެން އުމަރުގެ އަގުވައްޓާލާ ސަރުކާރާ އުމަރާ ޖެއްސުން. ހަމަހިލާ އިރާދަކުރެއްވިއްޔާ އެހެންނަކުން ނުވާނެ. ޙަމަކަށަވަރުން ގެއްލެނިވި މަގު އޮޅި އަމިއްލަ އެދުމުން ފޯވެފައި ތިބި ބަޔަކީ ހަމަ ތިޔަބައި މީހުންންނެވެ.
މެންޓަލިސްޓް
18 June 2016
އުމަރު އިއުތިރާފްވާންޖެހޭނީ ކޯޓްގެ ޝަރީއަތުގެ މަޖިލިސްގައި އޭރުން ނާޒިމްސޯ ސަލާމަތްވެވިދާނެ ، ނޫނީ ފިލްތޯލަ އެގެއަށް ވެއްދިމީހުންގެ ހެކިބަސް ނޫނީ އެކަން ދަންނަބައެއް ކޯޓްގައި ހެކިދޭންޖެހޭނީ ، އިއްތިހާދުންވެސް މޮޔަނުގޮވުން އެދެން ،
ނަސީމް
18 June 2016
ހިނދުކޮޅުގަތިބޭމީހުނައް ކިޔާއެއްޗެއް ނުކިޔާއެއްޗެއްނޭނގޭ ކަޅުތެޔޮކޯލިސަންގަތިބެނީ މުޅިންވެސް އެކަހަލަ ގަމާރުންތަ؟
ޢަބްދުﷲނާފިޒު
17 June 2016
ދެން ނާޒިމު މިނިވަން ކޮށްފަ އުމަރު ހައްޔަރުކުރިއަސް ބޭއިންސާފުން ޝަރީޢަތް ނުހިންގާތި، އުމަރަކަސް ކާސިމަކަސް އެމީހަކާ ދޭތެރޭ ހިންގާ ޝަރީޢަތެއްވިއްޔާ އިންސާފުވެރިވާން ޖެހޭނެ.