ކަރަންޓުގެ ޚިދުމަތް ރަނގަޅު ކުރަން 24 ރަށަކަށް ސިންކްރޮނައިޒިން ޕެނަލް ފޮނުވަން ފެނަކަ އިން ނިންމައިފި
ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ޝަރީފް: އެ ޕެނަލްތައް ގާއިމް ކުރުމުން ދޭތެރެ ދޭތެރެއިން ކަރަންޓް ކެނޑުމުގެ މައްސަލު ހައްލުވާނެ ކަމަށް ވިދާޅުވި --- ފޮޓޯ/މިހާރު
24 ޖޫން 2017 - 16:35
9 comments
ރަށްރަށުގައި ކަރަންޓުގެ ޚިދުމަތް ރަނގަޅު ކުރުމުގެ ގޮތުން 24 ރަށަކަށް ސިންކްރޮނައިޒިން ޕެނަލްތަކެއް ފޮނުވަން ފެނަކަ ކޯޕަރޭޝަނުން ނިންމައިފި އެވެ.
ފެނަކަ ކޯޕަރޭޝަނުން މިއަދު ބޭއްވި ނޫސްވެރިންގެ ބައްދަލުވުމެއްގައި އެ ކުންފުނީގެ މެނޭޖިން ޑިރެކްޓަރު އަހުމަދު ޝަރީފް ވިދާޅުވީ އެ ޕެނަލްތައް މިހާރު ދޯނިތަކަށް ބަރުކޮށްފައިވާ ކަމަށާއި މާދަމާގެ ވަގުތެއްގައި އެ ދޯނިތައް ރަށްރަށަށް ދަތުރު ފަށާނެ ކަމަށެވެ. އެ ޕެނަލްތައް އިންސްޓޯލް ކުރެވުމުން އެ ރަށްރަށުގައި ދޭތެރެ ދޭތެރެއިން ކަރަންޓް ކެނޑުމުގެ މައްސަލަ ހައްލުވާނެ ކަމަށް ޝަރީފް ވިދާޅުވި އެވެ.
"އެއް އިންޖީނުން އަނެއް އިންޖީނަށް ބަދަލުކޮށްލާއިރު ބައެއް އިލެކްޓްރޯނިކްސް ވަސީލަތްތަކަށް ލިބެމުންދިޔަ ގެއްލުން އެކީގައިހެން ނެތިގެންދާނެ. އޭގެ މާނައަކީ ސިންކްރޮނައިޒިން ޕެނަލްތައް ގާއިމް ކުރެވުމާ އެކީގައި އެރަށެއްގައި ހުންނަ ހުރިހާ އިންޖީނުތަކެއް ހުންނާނީ އެއް ޕެނަލަކާ ގުޅިފައި،" ޝަރީފް ވިދާޅުވި އެވެ.
ޝަރީފް ވިދާޅުވި ގޮތުގައި 20 މިލިއަން ރުފިޔާ ޚަރަދު ކޮށްގެން ގެނައި އެ ޕެނަލްތައް މާދަމާ ރަށްރަށަށް ފޮނުވާލިޔަސް އެ ޕެނަލްތައް އިންސްޓޯލްކޮށް، ޚިދުމަތް ފެށެން އަދި ހަފުތާއެއްހާ ދުވަސް ނަގާފާނެ އެވެ. މިދިޔަ އަހަރު އޯޑަރު ދިން އެ ޕެނަލްތައް ރާއްޖެ ގެނައީ މީގެ ދުވަސްކޮޅެއް ކުރިން ކަމަށާއި އެތަކެތި ކަސްޓަމްސް އިން ނެރުމުގައި ދިމާވި ބައެއް ދަތިތަކާ ހެދި ލަސްވީ ކަމަށް އޭނާ ވިދާޅުވި އެވެ.
"މިހާރު ބައެއް ރަށްރަށުގައި ސިންކްރޮނައިޒް ކުރެވިފައި ނެތުމުން އެއް ޖަނަރޭޓަރުން އަނެއް ޖަނަރޭޓަރަކަށް ބަދަލު ކުރާއިރު ދިމާވާ ބައެއް މައްސަލަތަކުގެ ޝަކުވާ އަޅުގަނޑުމެންނަށް ވަރަށް ގިނައިން އާދޭ،" ޝަރީފް ވިދާޅުވި އެވެ.
ޝަރީފް ވިދާޅުވި ގޮތުގައި އެ ކުންފުނިން ކަރަންޓްގެ ޚިދުމަތް ދޭ 148 ރަށުގެ ތެރެއިން އިތުރު 48 ރަށަކަށް ސިންކްރޮނައިޒިން ޕެނަލް ބޭނުންވެ އެވެ. އެރަށްތަކަށް ބޭނުންވާ ޕެނަލްތައް ހޯދުމުގެ މަސައްކަތް ވެސް ވަނީ ރޭވިފަ އެވެ. އެހެން ހުރިހާ ރަށެއްގައި ސިންކްރޮނައިޒިން ޕެނަލްތައް ގާއިމް ކުރެވިފައިވާ ކަމަށް އޭނާ ވިދާޅުވި އެވެ.
މާދަމާ ޕެނަލްތައް ފޮނުވަން ހަމަޖެހިފައިވަނީ ހއ. ވަށަފަރާއި ށ. ފީވަކާއި ށ. ގޮއިދޫ އާއި ށ. ޅައިމަގާއި ށ. މާއުނގޫދޫ އާއި ނ. ކުޑަފަރި އާއި ނ. މާޅެންދޫ އާއި ނ. ވެލިދޫ އާއި ރ. ރަސްމާދޫ އާއި ބ. ހިތާދޫ އާއި ޅ. އޮޅުވެލިފުށްޓާއި މ. މަޑުއްވަރި އާއި މ. މުއްޔާއި ފ. ދަރަނބޫދޫ އާއި ފ. ފީއަލީގެ އިތުރުން ދ. ހުޅުދެއްޔާއި ދ. ކުޑަހުވަދޫ އާއި ދ. މާއެނބޫދޫ އާއި ތ. ގާދިއްފުށްޓާއި ލ. ހިތަދޫ އާއި ލ. އިސްދޫ އާއި ގދ. މަޑަވެއްޔާއި ގދ. ރަތަފަންދޫ އަދި ސ. ހުޅުމީދޫއަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތު މީހާ
25 June 2017
ތިހެން ބުނާނީ ވާކަމަކައްނުވާނެ އެއްކަމެއްވެސް. މަސް ދެމަސް އަހަރެއް ވެގެންދިޔަޔަސް ތިކަންވެފާނޯއްނާނެ.
މާއުނގޫދޫ
25 June 2017
މާއުނގޫދޫ އަށް ބޭނުމީ ތިޔަ ސިސްޓަމެއް ނޫން ބޮޑު އިންޖީނެއް
ސަލީމް
25 June 2017
ބިއުޓިފުލް އޯސަމް އެންޑް ފްލޯލެސް އީދު ހަދިޔާ ހެހެ
އުނދުޅި
24 June 2017
މި ސަރުކާރުގަ ނައު ދުއްވާ މީހުންގެ ރަށަށް ތިހުރީ ވަރިހަމަ 2018 ގަ އަހަރެމެންގެ ރަށް ރަށަށް ލިބޭނެ
ދަވޭ
24 June 2017
ސިންކްރޮނައިޒް ކުރުމަކީ ކޮބައިތޭ އެއްވެސް ކުއްޖަކަށް އިނގޭތޭ. މަމެންނަށް ހީވާ ގޮތުން ސިންކްރޮނައިޒް ކުރުމަކީ އެއީ އެއްފަހަރާ އެއްވަގުތެއްގައި އެއްގޮތަކަށް ދެ ކަން ވުން އަދި އެކަތި އަނެކައްޗާއި އެއް ފަހަރާއި ގުޅުމެވެ. އެކަމަކު ދެން ކިހެނެއް ތޭ އެއް އިންޖީނު އައިސް އަނެއް އިންޖީނާއި ގުޅާނީ އެކަން ކުރަނީ ކިހިނެއްތޭ އެއީ އޭ ސުވާލަކީ. 2 އިންޖީނު ސިންކްރޮނައިޒް ކުރާނަމަ ކުރެވޭނީ 2 އިންޖީނު ވެސް އުފައްދާ ކަރަންޓް ގެ ފޭސް އެންގަލް އެއްމިންގަނޑަކަށް ގެނެސް އަދި ވޯލްޓޭޖް އާއި ފްރިކްއެންސީ ދެ އިންޖީނުގެ ވެސް އެއްވަރު ކޮށްލާ އަދި ފޭސް އެންގަލް ދެ އިންޖީނުގެ އެއް ޕޮއިންޓް އަކަށް އައުމުން އެކަތި އަނެކައްޗާއި ސިންކްރޮނައިޒް ކުރެވޭނެއެވެ. ފޭސް އެންގަލް އަކީ އެއީ ތްރީ ފޭހުގެ ފޭސް އެންގަލް އެއް ޕޮއިންޓް އަކަށް އައުމުން ސިންކްރޮނައިޒް ކުރެވޭނީ. ފޭސް އެންގަލް އަކީ އެއީ ސައިންވޭވް އެކެވެ. އެނޫން ނަމަ ނުވާނެއެވެ. ސިންކްރޮނައިޒް ކުރާނަމަ ދެ އިންޖީނު އެއް ބަސް ބާރ އަށް ގުޅުވައިގެން ކަރަންޓް ދެވޭނެ ދެ އިންޖީނުއިން އެއް ފަހަރާއި. މިއަށް ކިޔާނީ ޕެރެލެލް އޮޕަރޭޝަން އެވެ. ޕެރެލެލް އޮޕަރޭޝަންގެ ޑިސްއެޑްވާންޓޭޖް އަކީ އެއީ ޕެރެލެލް އޮޕަރޭޝަންގައި އިންޖީނު ތައް ހިންގާއިރު ދެ އިންޖީނު ސިންކް ވުމުން އެކަތި އަނެކައްޗާއި ނުގުޅުމަށް ޓަކައި އޭގެ ޒާތުގައި ރިއެކްޓިވް ޕަވަރ އެއް އުފެދޭނެއެވެ. މީގެ ސަބަބުން އިންޖީނުގެ ސިންކްރޮނައިޒިންގް ޕެނަލްގެ ބަސްބާރ ގައި ސާރކިއުލޭޓިންގް ކަރަންޓް އެއް އުފެދޭނެއެވެ. އެ ސާރކިއުލޭޓިންގް ކަރަންޓް އެއީ ގެއްލޭ ކަަރަންޓް އެވެ. ކަރަންޓް ނުގެއްލި ކަރަންޓް ދޭން އަދި ދުނިޔޭގައި މިހާތަނަށް އީޖާދު ކުރެވިފައި އޮތީ ސިންގަލް އޮޕަރޭޝަން ގައި ފަހަރަކު 1 އިންޖީނު ހިންގައިގެން ކަރަންޓް ދިނުމެވެ.
ހަސަނު
25 June 2017
ކަލޯ ރޯނު އެދުރު ނުހެދިބަލަ. ރިޑަންޑެންސީ އެގޭތަ. ކަރަންޓް ނުކެޑި ޖަނަރޭޓަރު ބަދަލުވާން ބޭނުންތަ. ހަމަ އެކަނި މެންދުރު ގަޑީގަ ލޯޑު މަތިވިޔަސް އެވަރު ބޮޑު ޖަނަރޭޓަރެއް ހޯދަން ވީތަ ނޫނީ ހިންގާފަހުރި ޖަނަރޭޓަރާއި އެކީ ކުޑަ ޖަނަރޭޓަރެއް ޝެއަރ ކުރާނީތަ. ވިސްނަން ބޯބޭނުން ކުރަން ފެނޭ.
މޯޑް
24 June 2017
ސިންކްރޮނައިޒެއްނޫންކުރަންވީކީ. މީހުންގެ ހައްޤުތައް ނަގާލައި ފެނަކަގެ މުވައްޒަފުން އަރުވާލުން ހުއްޓާލަންވީ
އަބްދުﷲ ސުލައިމާން
24 June 2017
ކޮބާ ހެނބަދޫ
ކުޑަދޫއަހްމަދު
24 June 2017
ތިޔައީވެސް ވައްކަމެއް ކުރަންވެގެން ކޮށްގެން އުޅޭކަމެއް! ފުރަތަމަ ސިންކްރޮނައިޒް ކުރަންވީކީ ނޫން! މެނުއަލްކޮށްވެސް އިންޓަކަނެކްޓު ކުރެވޭނެ ދެ ޖަނަރޭޓަރުވެސް، ތިން ޖަނަރޭޓަރުވެސް! ފުރަތަމަ ޙަރަދުކުޑަކޮން، ކަރަންޓު ދެވޭތޯ ބަލަންވީ! އަސާސީ ކަންކަން ކުރެވޭތޯ ބަލަންވީ! 20 މިލިއަން ރުފިޔާ ޙަރަދުކޮށްފައި، ރައްޓެހި ބަޔަކު ލައްވާ، ބޮޑު އަގުގައި ސިންކްރޮނައިޒް ޕެނަލް ގެނެސްގެން ވަގު ހަދާކަށް ނޫންވީކީ! ކިހިނެތްވެގެން ތިޔަ އުޅެނީ! ދައުލަތުގެ ފައިސާއަށް ތިޔަ ޙިޔާނާތްތެރިވާ ގޮތަށް އުޅެނީ!