މެމްބަރު ޝާހު ވެސް ޕީޕީއެމުން ވަކިވެއްޖެ

ެމެމްބަރު ޝާހު މަޖިލީހުގެ ކޮމެޓީއެއްގައި: އޭނާއަކީ މަސީހުގެ އިތުބާރު ނެތް ކަމަށް ސޮއި ކުރެއްވި ބޭފުޅެއް --ފޮޓޯ/މިހާރު

މުއިއްޒު އިބްރާހިމް، މިހާރު

10 ޖުލައި 2017 - 22:30

ޕީޕީއެމަށް ނިސްބަތްވާ ރައްޔިތުންގެ މަޖިލީހުގެ ގިނަ އަދަދެއްގެ މެމްބަރުން އެ ޕާޓީން ވަކިވެފައި ވަނިކޮށް، ފުވައްމުލަކު އުތުރު ދާއިރާގެ މެމްބަރު އަލީ ޝާހް ވެސް އެ ޕާޓީން މިރޭ ވަކިވެއްޖެ އެވެ.

މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލާގައި ސޮއިކުރެއްވި ޝާހު ޕީޕީއެމުން ވަކިކޮށްދޭން އެދި ޕީޕީއެމްގެ ސެކެޓްރީ ޖެނެރަލް އަދި ނިލަންދޫ ދާއިރާގެ މެމްބަރު އަބްދުﷲ ޚަލީލަށް ފޮނުއްވި ސިޓީގައި ވަނީ ޕާޓީން ވަކިވީ ސިޔާސީ ކަންކަން ހިނގަމުންދާ ގޮތުން، ވަކި ފަރާތަކަށް ނުޖެހި، މިނިވަންކަމާ އެކު މަޖިލީހުގައި ވޯޓު ދެއްވަން ކަމަށެވެ.

ވީ އެންމެ އަވަހަކަށް ޕީޕީއެމްގެ ދަފްތަރުން އޭނާ ވަކިކޮށް، އެކަން އިލެކްޝަންސް ކޮމިޝަނަށް އަންގައި ދިނުމަށް އެ ސިޓީގައި ވަނީ ޝާހު އެދިވަޑައިގެންފައިވެ އެވެ.

ޝާހު ނިސްބަތް ވަނީ ޕީޕީއެމަށް ފުވައްމުލަކުގައި އެންމެ ބޮޑު ސަޕޯޓެއް އޮތް ދާއިރާ އަށެވެ.

ޝާހު ޕީޕީއެމުން ވަކިވުމާ އެކު އެ ޕާޓީން ވަކިވި މެމްބަރުންގެ އަދަދު 10 އަކަށް މިހާތަނަށް ވަނީ އަރައިފަ އެވެ. މިއަދު އެކަނި ވެސް ހަ މެމްބަރަކު ޕީޕީއެމުން ވަކިވެފައި ވާއިރު އެ ޕާޓީއަށް މަޖިލީހުގައި އޮތް އަޣުލަބިއްޔަތު މިހާރު ވަނީ ގެއްލިފަ އެވެ.

މިހާރު ޕީޕީއެމް އާއި އެމްޑީއޭ ކޯލިޝަންގައި މިހާރު ތިއްބެވީ 39 މެމްބަރުންނެވެ.

ޕީޕީއެމުން ކުއްލިއަކަށް މެމްބަރުން ވަކިވާން ފެށީ މަޖިލީހުގެ މެމްބަރުން ޕާޓީން ވަކިވެއްޖެ ނުވަތަ ވަކިކޮށްފި ނަމަ މަޖިލީހުގެ މެމްބަރުކަމުގެ ގޮނޑި ގެއްލޭ ގޮތަށް ކަނޑައަޅަން އެޓާނީ ޖެނެރަލްގެ ފަރާތުން ސުޕްރީމް ކޯޓަށް ހުށަހަޅާފައި ވަނިކޮށެވެ. އެ މައްސަލައިގެ އަޑުއެހުން މިއަދު ވަނީ ކުރިއަށް ގެންގޮސްފަ އެވެ.

ރައްޔިތުންގެ މަޖިލިސް އިދިކޮޅު ފަރާތްތައް މަޖިލީހުގެ މެމްބަރުން ޕީޕީއެމް މެމްބަރު އަލީ ޝާހު

38 ކޮމެންޓް, 115 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ

11 July 2017

ވަރައްބޮޑައްޝުކުރިއްޔާ ވަކިބަޔަކު ސަލާމަތް ކުރަން އަޅުވެތި ވާކައް ނުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސް

11 July 2017

ފުވައްމުލަކުގެ 1 ގޮންޑި (މސީހު) ފިޔަވައި ހުރިހާގޮނޑިއެއްވެސް ސަރުކާރާ އިދިކޮޅަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހޭ

11 July 2017

ފޮނި ޓައްޕު ހަސަނު ވެރިކަން ދޫކުރިއަސް ފިލައިގެން ދެވުނު ދީގެން ނުވާނެ. ގޮޅިތަކުގެ ވައި ހުންނަގޮތް ބަލާލަންވާނެނޫން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދިރިއަލީ

11 July 2017

މަރުހަބާ ފޯންމުލަކު ރައްޔިތުން ސަރުކާރައް 4 އަހަރު އެއްބާރުލުން ދެވިއްޖެ ނަމަވެސް ސަރުކާރުގެ އަނިޔާވެރިކަން ހައްދުފަހަނަ އަޅާގޮސް އަޅުވެތިކަމެއްގަ މަޖިލިސް މެންބަރުން ތިބެންޖެހުމުން ތިޔަމެންބަރުން ތިޔަނިންމެވީ ވަރައް ރަނގަޅު ނިންމުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާލިމު

11 July 2017

މަދިރި އަލީ، "ފޯންމުލައް" އެއް ނޫން ކިޔަނީ! "ފުވައްމުލައް" ކިޔަނީ. ކޮންމެ ފަދަ އެއްޗެއްޗެސް ލިޔެފާނަން ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮނގާލި

11 July 2017

ތިމެމްބަރުން ތިޔައީ މިގައުމު ހަލާކުކުރަން އުޅޭބައެއް .ތިޔައީގައުމަށް ހެޔޮއެދޭގައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫމަސް

11 July 2017

ދެން ޝާހުވިޔަސް ހޮވޭނީ، އިދިކޮޅުގައި ހުރެގެން، އެކަން ޝާހަށްވެސް މިހާރު އެނގޭތީ، ވަކިވީ. ޢޭނާވެސް، މިކަމާ އެތައް މަޝްވަރާއެއް ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުވައްމުލަކި މީހާ

11 July 2017

ޕީޕީއެމް ގައި ދެން ތިބެން ޖެހޭނީ މަސީޙުއާއި މަސީޙުގެ ބޯއި ފަޒާދުއާ ދެމީހުން އެކަނި ތާ! ޔާމީނު މުޅި ޕީޕީއެމް ފުޑާލީ މަސީޙު ސަލާމަތް ނުކުރެވިގެން ވިއްޔާ!