ގާސިމްގެ ހިތުގެ ހާއްސަ ސްކޭނެއް ހަދަން ޑޮކްޓަރުން ލަފާދީފި

މިހާރު އޭޑީކޭ ހޮސްޕިޓަލުގެ އައިސީޔޫގައި ފަރުވާ ދެމުން އަންނަ ޖުމްހޫރީ ޕާޓީގެ ލީޑަރު، އަދި މަޖިލީހުގެ މާމގިލީ ދާއިރާގެ މެމްބަރު ގާސިމް އިބްރާހީމްގެ ހިތުގެ ހާއްސަ ސްކޭނެއް ހެދުމަށް ޑޮކްޓަރުން ލަފާދީފި އެވެ.

ރާއްޖޭގައި ހެދެން ނެތް މި ސްކޭން އާޖެންޓްކޮށް ހަދަން އޭޑީކޭގެ ހިތުގެ ބަލިތަކާ ބެހޭ ޑޮކްޓަރު ޕްރަތީކް ސިންގް ލަފާދެއްވީ، މިހާރު ގާސިމަށް ކުރިމަތިވެފައިވާ ފުއްޕާމޭގެ މައްސަލަތަކާއި އީސީޖީގެ ރިޕޯޓްތަކުގައި ވެސް މައްސަލަތަކެއް ފާހަގަކުރެވޭތީ އެވެ.

ރޭ ގާސިމްގެ ލޭގެ ޕްރެޝަރު ކުއްލި ގޮތަކަށް ދަށްވުމުން މެޔަށް ތަދުވުމުގެ މައްސަލައެއް ކުރިމަތިވި ކަމަށް ވެސް، ސިންގް ލިއުއްވި މެޑިކަލް ރިޕޯޓެއްގައި ބުނެފައިވެ އެވެ.

ޑޮކްޓަރުގެ ރިޕޯޓްގައި ބުނެފައިވާ ގޮތުގައި ގާސިމް މިހާރު އޮންނެވީ ނިއުމޯނިއާ ވެސް ޖެހިފަ އެވެ. އަދި ގާސިމްގެ ހިތުގެ ވިންދު ކުއްލިކުއްލި އަށް މަތިވެ ދަށްވަމުންދާ ކަން ވެސް ރިޕޯޓްގައި ފާހަގަ ކޮށްފައިވެ އެވެ.

ގާސިމް އެޑްމިޓްކުރީ ވެސް ނޭވާ ކުރުވެ، ނޭވާލާން އުނދަގޫވުން ފަދަ މައްސަލަތަކެއް ކުރިމަތިވެގެންނެވެ. އޭނާ އިތުރު ފަރުވާ އަށް ރާއްޖެ އިން ބޭރަށް ވަޑައިގަންނަވަން އެއާޕޯޓަށް ވެސް ވަޑައިގެންނެވި އެވެ. އެކަމަކު އޭނާގެ ޕޯސްޕޯޓް ހިފަހައްޓާފައި އޮތުމުން ފުރުއްވޭ ގޮތެއް ނުވި އެވެ.

ގާސިމަށް ސިއްހީ މައްސަލަތަކެއް ކުރިމަތިވެވަޑައިގެންނެވި އިރު އޭނާގެ މައްޗަށް ދައުލަތުން ވަނީ ދައުވާއެއް ކޮށްފަ އެވެ. އޭނާ އެޑްމިޓްކުރީ އެ ޝަރީއަތް ފަށަން އޮތް ދުވަހު އެވެ.

Aniyaaveri nuve, faruvaa ah Gasim beyrah vadaigathumuge hudha dheyn aailaa in govaalaifi

The most trusted news source in the Maldives

Mihaaru

ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ ވޯޓުގައި އެންމެ އިސް ރޯލެއް އަދާކުރައްވާ ސިޔާސީ އެއް ލީޑަރަކީ ވެސް ގާސިމެވެ. އޭނާ ގެންދަވަނީ ކުރީގެ ދެ ރައީސުން ކަމަށްވާ މައުމޫން އަބްދުލްގައްޔޫމާއި މުހައްމަދު ނަޝީދާ ގުޅިވަޑައިގެން، ރައީސް އަބްދުﷲ ޔާމީނާ ދެކޮޅަށް މަސައްކަތް ކުރައްވަމުންނެވެ.

ރައީސް ޔާމީން ވެރިކަމަށް ގެންނަވަން 2013ގެ އިންތިހާބުގެ ދެ ވަނަ ބުރުގައި ބޮޑު ހިއްސާއެއް ވެވަޑައިގެންނެވި ގާސިމް ސަރުކާރާ ދެކޮޅަށް ނުކުންނެވުމުން، އޭނާގެ ވިޔަފާރިތަކަށް ވެސް ބޮޑެތި ހުރަސްތަކެއް ސަރުކާރުން ކުރިމަތި ކުރި އެވެ. އަދި މި ފަހުން ޖަަލުގައި ވެސް އެތައް ދުވަހެއް ހޭދަކުރެއްވި އެވެ.