ސަލްޓަން ޕާކް ތަރައްގީކޮށް މިރޭ ހުޅުވި ރަސްރަނި ބަގީޗާގައި ކުޑަކުދިންތަކެއް ކުޅެނީ.---މިހާރު ފޮޓޯ: ނިޝާން އަލީ
ސަލްޓަން ޕާކުގެ ނަން ބަދަލުކޮށް، ހިތްގައިމު ބަދަލުތަކާއެކު މިރޭ ހުޅުވި ރަސްރަނި ބަގީޗާއަށް ބިދޭސީންނަށް ވަދެވޭނީ ޓިކެޓް ގަނެގެން ކަމަށާއި އެކަމަކު ދިވެހިންނަށް ހިލޭ ވަދެވޭނެ ކަމަށް ހައުސިން މިނިސްޓަރު މުހައްމަދު މުއިއްޒު މިރޭ ވިދާޅުވެއްޖެ އެވެ.
ރައީސް އަބްދުﷲ ޔާމީންގެ ދެކަނބަލުން ހުޅުއްވައިދެއްވި މި ބަގީޗާ ތައާރަފްކޮށްދެއްވަމުން، އެތަނުގައި ބޭއްވި ރަސްމިއްޔާތެއްގައި ވާހަކަ ދައްކަވަމުން މުއިއްޒު ވިދާޅުވީ ބަގީޗާ ހުޅުވުމަށް ގިނަ ލައިޓްތަކާއި ސާމާނު ބޭނުންކޮށްފައި ހުރުމުން، އެތަކެތި ނަގަން ދެތިން ދުވަސް ނަގާނެތީ ބަގީޗާ އާއްމުންނަށް ހުޅުވާލާނީ އަންނަ ހުކުރު ދުވަހުގެ ފަހުން ކަމަށެވެ.
އެހެންވެ، އެތަން އާއްމުންނަށް ހުޅުވާލާނީ އަންނަ ހުކުރު ދުވަހު ހައުސިން މިނިސްޓްރީން ބާއްވާ ކުޑަކުދިންގެ ހަވީރާ އެކު ކަމަށް މިނިސްޓަރު ވިދާޅުވި އެވެ.
އޭގެ އިތުރުން ކޮންމެ ދުވަހެއްގެ ހެނދުނު 6:00 އިން ރޭގަނޑު 12:00 އަށް އަދި ހުކުރު ދުވަހުގެ މެންދުރު ފަހު 2:00 އިން 11:00 އަށް ބަގީޗާ ހުޅުވާފައި ހުންނާނެ ކަމަށް ހައުސިން މިނިސްޓްރީން ބުންޏެވެ. ބަގީޗާގައި 24 ގަޑިއިރު ސެކިއުރިޓީއާ ބެލެހެއްޓުމުގައި ފުލުހުން ތިބޭނެ އެވެ.
ރާއްޖޭގައި ރަސްކަމުގެ ގަނޑުވަރުހުރި އެ ބިމުގައި ގާއިމު ކުރި މި ޕާކުގެ ނަން ބަދަލުކޮށްފައިވަނީ އެ ރަސްކަލުންނާއި ރާނީންނާ ގުޅުވައިގެންނެވެ.
ހިތްގައިމު މި ބަގީޗާއަށް ގެނައި ބޮޑެތި ބަދަލުތަކުގެ ތެރޭން އެންމެ ފާހަގަ ކޮށްލެވެނީ ބިއްލޫރި ޓްރީ ހައުސް އާއި ދެ ބުރިއަށް ހަދާފައި ހުރި ފެންއަރުވާ ވަޑާމެވެ.
"ރަސްރަނި ވިއު"ގެ ނަމުން ނަން ދީފައިވާ ޓްރީ ހައުސްގެ ތިރި ހާއްސަކޮށްފައި ވަނީ ނެޝަނަލް ސެންޓަ ފޯ ދި އާޓްސް (އެންސީއޭ)ން ހިންގާ ކުރެހުމުގެ ހަރަކާތްތަކަށެވެ. އަދި ވަށައިގެން ބިއްލޫރި ޖަހާފައިވާ މިތަނުގެ މަތީގައި ވެސް އެންމެ ޒަމާނީ ވަސީލަތްތަކާއެކު ކްލާސްރޫމުތަކެއް ހުންނައިރު، އެތަނުން މުޅި ބަގީޗާ ތެރެ ފެނެ އެވެ.
ދިރާގުގެ އެހީގައި ހަދާފައިވާ ބިޔަ ފެންއަރުވާ ވަޑާމުގެ އިތުރުން، ލެޑުން ހަދާފައިވާ ބޮޑެތި އުނދޯލިތަކެއް ވެސް މި ތަނުގައި ހުރެ އެވެ. މި އުނދޯލިތައް ހަނދުފަޅިއެއްގެ ބައްޓަމަށް، ރޭގަނޑު ދިއްލޭނެ އެވެ. މިއީ އެމެރިކާގެ ބޮސްޓަންގައި އެކަނި ހުންނަ ވައްތަރެއްގެ އުނދޯލިތަކެއް ކަމަށާއި ރަސްރަނި ބަގީޗާގައި މި އުނދޯލިތައް ހަރުކުރީ، އެމެރިކާގައި ވެސް މިކަން ކުރި ކުންފުނިން ކަމަށް ހައުސިން މިނިސްޓްރީން ބުންޏެވެ. މި ބަގީޗާގައި މީގެ ދިހަ އުނދޯލި ވަނީ އެލުވާފަ އެވެ.
މުއިއްޒު ވިދާޅުވީ ސިފައިން ތަރައްގީ ކުރި މި ބަގީޗާއިން އެއްވެސް ގަހެއް ނުކަނޑާ ކަމަށާއި މިހާރު 18،000 ގަސް ހުންނާނެ ކަމަށެވެ. އަދި މުޅި ޕާކުގައިހެން ވިނަ އިންދާފައިވާއިރު މުޅި ތަން ވެސް އޮންނާނީ ވަރަށް ފެހިކޮށް ކަމަށް އޭނާ ވިދާޅުވި އެވެ.
ރަސްރަނި ބަގީޗާގައި ދުންފަތުގެ އިސްތިއުމާލު ކުރުމާއި އެކި ކަހަލަ އެނާޖީ ބުއިންތައް ބޭނުން ކުރުން މަނަލެވެ. އަދި މުޅި ބަގީޗާގެ ސާފުތާހިރުކަމަަށް ވަރަށް ބޮޑު އިސްކަމެއް ދޭކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަވިޔަނި
27 August 2017
ދުނޔޭގެ ގިނަ ތަނުގައި އޮންނަ އުޞޫލެއް. އެއީ ވަކިބަަކ ބާކީ ކުރުމެއްނޫން. ޤައުމުގ މީހުންނަށް އިސްކަނ ދިނުން.
ރޭސިސްޓު
23 August 2017
އަޖައިބެއް. ބިދޭސީންނަށް ހަފްތާއަކު އެއްފަހަރު ބަންދުދުވަހެއް ލިބެނީ. އެދުވަހުވެސް އެމީހުން ތިބެންވީ އެމީހުންގެ ކޮޓަރި ތަކުގަ ތޮއްޖެހިގެންދޯ. ބިދޭސީން ފެނުނީމަ ތިހާވަރަށް ލޯކަރާނަމަ ބިދޭސީން އެތެރެ ކޮށްގެންނޫނީ "ނުވާނެ" ކަންތައްތައް ދިވެހިން ލައްވާ ކުރުން ބުއްދިވެރި. ނޫނީ ދިވެހިންގެ ކަންނެތްކަން މާބޮޑިއްޔާ ބިދޭސީންނަށް ވަކިތަފާތުކުރުން ނުގެންގުޅޭ. ތިޓިކެޓު ގަނެގެންވިޔަސް އެމީހުން ހަމަ ވަންނާނެ. އަސްލު ބޭނުުމަކީ އެމީހުނަށްލިބޭ ލާރިވެސް އަނބުރާ ނެގުން. ދެން ވަރަށް ސަލާން
ހެހެހެ
23 August 2017
ދަރިންގެ ހިތްހަމަޖެހެނީ ހަމައެކަނި ދިވެހިން ފެނުނީމަ ދެއްތޯ
÷ޕާކު
23 August 2017
ތީރަނގަޅު ކަމެއް. ދަރިންގޮވައިގެން ޕާކައް ދާއިރު އުނދޯލީގަ ވެސް ބިދޭސީން މާފޮޅުވަން. ނަސްލީތަފާތަކަސް ކުރަންޖެހޭ ކަމެއް !
މުއިއްޒު
23 August 2017
18000 ގަހޯ....ދޮގުހަދަންވެސް ހައްދެއް އޮންނަންވާނެ.
ތެދު
23 August 2017
ހުރިހާ ވިނައެއް ގުނީމަ ހަމަވެދާނެ
އަފްރާހް
23 August 2017
ރާކަނި މަސް ބަގީޗާ، ރާކަނި ކެވިފަ ހުންނާނީ ގަދަޔަށް
ފާތުން
22 August 2017
ޝުކުރުވެރިވުމުގެ މާތްސިފަވެސް މިހާރު ދިވެހިންގެ ކިބައިން އުނިވީތަ؟ ހިސާބަށްވުރެ ނުބައި ބަޔަކަށް ހެޔޮ އެއްގޮތެއްވެސް ނޯންނާނެ.
ޝީނު
22 August 2017
އަހަރެންނަކީ ދިވެއްސެއް. އެކަމު ވަރަށް ގިނަ ދިވެހިން އަހަރެންނަކީ ބަންގްލަދޭޝް މީހެއް ކަމަށް ހީކުރޭ. އަހަރެންގެ މޫނަށް ބަލާފަ ތިތަނަށް ހިލޭ ނުވައްދާނެހެން ހީވާތީ، ކުރީބައިގަ ޓިކެޓެއް ގަނެގެން އެއްފަހަރު ވަދެލާނަން. މަށަށް ހީވަނީ ރައީސް ޔާމީން އަންނަ އިންތިހާބުގައި ހޮވޭނެހެން. ސަބަބަކީ ދިވެހިންގެ ތެރެއިން ވަރަށް ގިނަ މީހުން މިޕޮލިސީއަށް ސަޕޯޓްކުރާނެތީ. ތަންކޮޅެއް ކުރީގައި އެމްޑީޕީ ވެރިކަމުގައި މާލޭ ސިޓީކައުންސިލްގައި އޮތް ބައްދަލުވުމެއްގައި އޭރުގެ ކައުންސިލަރަކު ޖުމްހޫރީ މައިދާނަށް ބިދޭސީން ވަނުން މަނާކުރަން ވާހަކަދެއްކި. އެހެން ވީމާ އެމްޑީޕީވެސް ޕީޕީއެެމްވެސް ރާއްޖޭގެ އެތައް ބަޔަކު ނަސްލީތަފާތުކުރުމުގެ ވިސްނުންތަކަށް ސަޕޯޓްކުރޭ. ދިވެއްސަކާ ވައްތަރު ނޫންވީމަ އަމިއްލައަށް އެކަން ތަޖުރިބާކުރެވިފަވަނީ. މެލޭޝިއާގަވެސް މީހަކު އަހަރެންގެ ގައިގަ ޖެހި ބަންގްލަދޭޝް މީހެއްކަމަށް ހީކޮށް. އެހެން ކަމުން ޓިކެޓް ނުގަނެ ވަންނާކަށް ނުކެރޭނެ.
ޢަބްދުﷲނާފިޒު
23 August 2017
ތިބުނީ ރައްޔިތުންގެ ތިޖޫރި ދަވާލުމުގެ ސިޔާސަތުގެ ވާހަކަތޯ،.....ހީހީހީ.
ޑުޓާޓޭ
22 August 2017
މި ބަގީޗާގެ ނަން އިވޭ ކޮއްމެ ފަހަރަކު ހީވަނީ ރުންކަށި ބަގީޗާއޭ ކިޔާހެން. ލޮލް
ޒަވިން
23 August 2017
ތީކަންފަތުގެ މަސްއަލައެއް
މުޤައްދަސް މާލެޕ
22 August 2017
ވަރަށް ދެރަ. ވޯކްވިސާ ގެންގުޅޭ ބިދޭސީންނެކޭ އެއްފަދައިން ރާއްޖެތެރޭ 'ދެވަނަ ދަރަޖައިގެ ރަށްވެހިންނަށް ވެސް ރަސްރަނި ބަޤީޗާ އަށް ވަދެވެންވާނީ އަގުދީގެން' ތިއީ މާލޭ ގެ ބިންވެރިންނަށާއި އެމީހުންގެ ދަރިންނަށް މިސަރުކާރުން ހަދާދެއްވި ތަނެއް. އެހެންނޫންތޯ މިނިސްޓަރ
ރާއްޖެ
23 August 2017
ކޮންމެހެންވެސް ފިތުނަ ފަސާދަ އުފެއްދޭތޯ ބަލާތި!