އިންޓަނޭޝަނަލް ކޮންފަރެންސް އޮން އެޕްލައިޑް ސައިކޮލޮޖީ (އައިސީއޭޕީ) ގައި ބައިވެރިވެގެން ރަން މެޑަލް ހޯދީ މޯލްޑިވްސް އިންސްޓިޓިއުޓް ފޯ ސައިކޮލޮޖިކަލް ސާވިސް ޓްރެއިނިން އެންޑް ރިސާޗް (މިޕްސްޓާ) ގެ ފަރާތުން ބައިވެރިވި ޒުވާނެއް ކަމުގައިވާ ޖުމާނާ ސަލީމް (ޖުމާ) އެވެ.
31 އޯގަސްޓް 2017 - 22:22
13 comments
ސްރީ ލަންކާގައި ބޭއްވި ބައިނަލްއަގުވާމީ ކޮންފަރެންސެއްގައި ބައިވެރިވި ދިވެހި އަންހެނަކަށް ރަން މެޑަލްއެއް ލިބިއްޖެ އެވެ.
އިންޓަނޭޝަނަލް ކޮންފަރެންސް އޮން އެޕްލައިޑް ސައިކޮލޮޖީ (އައިސީއޭޕީ) ގައި ބައިވެރިވެގެން ރަން މެޑަލް ހޯދީ މޯލްޑިވްސް އިންސްޓިޓިއުޓް ފޯ ސައިކޮލޮޖިކަލް ސާވިސް ޓްރެއިނިން އެންޑް ރިސާޗް (މިޕްސްޓާ) ގެ ފަރާތުން ބައިވެރިވި ޒުވާނެއް ކަމުގައިވާ ޖުމާނާ ސަލީމް (ޖުމާ) އެވެ.
"މިހާރު" އާ ވާހަކަ ދައްކަމުން ޖުމާ ބުނި ގޮތުގައި ތިން ދުވަހަށް ކުރިއަށް ގެންދިޔަ ކޮންފަރެންސްގައި ހުށަހެޅީ ޑިޕްރެޝަނާއި އަމިއްލަ އަށް މަރުވުމާ ގުޅޭގޮތުން ތައްޔާރު ކުރި ދިރާސާ ރިޕޯޓެކެވެ. އޭނާ ބުނީ އެއީ ރާއްޖޭގައި ހިނގާ ކަންކަމާ ގުޅޭގޮތުން ތައްޔާރު ކުރި ރިޕޯޓެކެވެ.
"ވަރަށް ބޮޑަށް މަސައްކަތް ކުރިން މި ދިރާސާ ރިޕޯޓު ތައްޔާރު ކުރުމަށް،" ޖުމާ ބުންޏެވެ.
އޭނާ ބުނި ގޮތުގައި ރަން މެޑަލް ލިބުމުގައި ނަފްސާނީ އިލްމުވެރިޔާ ޑރ. އައިޝަތު އަލީ ނާޒުގެ ފުރިހަމަ އެއްބާރުލުން ލިބުނެވެ. އެހެންވެ، ނާޒަށް އޭނާ ޝުކުރު އަދާކުރި އެވެ.
"އަސްލު ހިއެއް ނުކުރަން ލިބޭނެ ކަމަކަށް. އުންމީދެއް ވެސް ނުކުރަން. އެކަމަކު ލިބުނީ ވަރަށް ބޮޑަށް އުފާ ވެއްޖެ،" ޖުމާ ބުންޏެވެ.
މި ކޮންފަރެންސްގައި ރާއްޖެ އިން ޖުމާ ބައިވެރިވިއިރު، ލަންކާ، އިންޑިއާ، ބަންގްލަދޭޝް، ޕާކިސްތާނު ފަދަ ގައުމުތަކުގެ ސައިކޮލޮޖިސްޓުންނާއި ޕްރޮފެސަރުން ބައިވެރިވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވެލްޑަން
02 September 2017
ތި ދިރާސާ ރިޕޯޓް އޮންލައިންކޮށް ލިބޭގޮތް ހަދާފިއްޔާ ވަރަށް ޝުކުރުވެރިވާނަން
ހުރަސް
02 September 2017
މަރުހަބާ ޖުމާ ދެން މާއީ އަށް
އާރސް ލޮހް
02 September 2017
ގުރުއަތު ލައިގެންތަ؟
އިއްބެ
02 September 2017
ޖުމާއަށް ހިތުގެ އެންމެ އަޑިން ޗުންމާއެއް ދެން! ވަރަށް އުފާ ވެއްޖެ!
ހޭކެނޑޭ
02 September 2017
މަމެން އަޑު އަހާ އުލެނީ ކޮންމެވެސް ކަހަލަ މުބާރާތެއް ގައި ބައިވެރިވެ ކޮންމެވެސް ބަޔަކާއި ވާދަކޮއް މޮޅު ވީމަ އެމީހަކަށް ދޭ އެއްޗެއްގެ ގޮތުގައި މެޑަލް އަކީ. ނަމަވެސް މިހާރު ކޮންމެވެސް ވަރަކަށް އެބަ އެނގޭ ކޮންފަރެންސް ތަކުގައިވެސް ބައިވެރިވީމާ ލިބޭ އެއްޗެއްކަން. ފަހަރެއްގާ ވެދާނެ މަމެން ހިސާބަށްވުރެ ޤަމާރު ވީމާކަމަށްވެސް މި މަޢުލޫމާތު މަމެންނަށް ނުލިބެނީ!
ކެޔޮޅުއަލީ
01 September 2017
ސާބަހޭ ބުނަން އަހަރުމެން މިހަބަރު ކިޔާލުމުންވެސް އުފާވެ ފޮޅިފަ މިތިބީ ދިވެއްސަކަށް ރަންވަނައެއް ލިބުނީމަ.
އިސްމާއިލް
01 September 2017
މަރުޙަބާ ޖުމާ...
ދިވެހި ކޫސަނި
01 September 2017
މީހެއްގެ ބުރަ މަސައްކަތުން ހޯދި ފަހުރުވެރި ކާމިޔާބީ ބަލައިނުގަނެ ކޫސަނި ކޮމެންޓްތަަައް ތި ކުރަނީ ކީއްވެ؟
އީސަ
01 September 2017
މަރުހަބާ ކިޔަން. ނެޓުން ބަލައިލިން އެއީ ކިހާ ފެންވަރެއްގެ ކޮން ކޮންފަރެންސް އެއްތޯ. ލަންކާގަ ބޭއްވި ވަރަށް މަތީ ފެންވަރުގެ އެކަޑަމިކް ކޮންފަރަންސް އެއް އެއީ. ރާއްޖޭގަވެސް އެބަތިބި ވަރަށް މޮޅު ކުދިން. 'މީހުން މީހުންނަށްވާނީ މީހުންނަށް ހެދީމަ'.
ރުންކުރުބެ
31 August 2017
ޖުމާ ހާދަ ރީއް ޗޭ
މީ މަށޭ
31 August 2017
މަގޭ ހިތަށްވެސް ހަމަ ތިހެން އެރި (:
މުގާބޭ
01 September 2017
އެހެންވީމާ ސައިކޮލޮޖީ ކަންކަމު ގިނަގިނައިން ދާންވީ ޖުމާކައިރިއަށްށެއްނު.