އިދިކޮޅު ފަރާތްތަކުން ކުނޫޒްގައި މިރޭ ބޭއްވި ޖަލްސާގައި ކުރީގެ ރައީސް މައުމޫން ވާހަކަފުޅު ދައްކަވަނީ.
10 ސެޕްޓެމްބަރ 2017 - 00:38
20 comments
ސަރުކާރާއި ދައުލަތުގެ އެކި މުއައްސަސާތައް ހިމެނޭ ގޮތަށް މިހާރު ފެންނަނީ ފެއިލް ވެފައިވާ ދައުލަތެއްގެ އަލާމާތްތަކެއް ކަމަށް ކުރީގެ ރައީސް މައުމޫން އަބްދުލްގައްޔޫމް މިރޭ ވިދާޅުވެއްޖެ އެވެ.
އިދިކޮޅު ސިޔާސީ ހަރަކާތުގެ މައި ޖަގަހަ އަދި ޖުމްހޫރީ ޕާޓީގެ އޮފީސް މ. ކުނޫޒްގައި ބޭއްވި ޖަލްސާގައި މައުމޫން ވިދާޅުވީ ގާނޫނު ތަންފީޒު ކުރުމަކީ ދައުލަތުގެ ވާޖިބަކަށް ވާއިރު، ގާނޫނާ އެއްގޮތަށް ސަރުކާރުންނާއި ދައުލަތުގެ މުއައްސަސާތަކުން ވެސް އަމަލު ނުކުރާ ކަމަށެވެ.
ދައުލަތް ފެއިލް ވެފައިވާ މައިގަނޑު ސަބަބެއް ކަމަށް މައުމޫން ފާހަގަ ކުރެއްވީ ބިރުން ކަންކަން ކުރަން ސަރުކާރަށާއި މުއައްސަސާތަކަށް ވެސް ނުކެރިފައި ތިބުމެވެ.
މިހާރު އޮތް އެންމެ ބޮޑު ގޮންޖެހުމަކީ މީހުންގެ ހިތްތަކުގައި އުފެދިފައިވާ ބިރުވެރިކަން ކަމަށާއި އެއީ އެކަން އޮންނަން ޖެހޭ ގޮތް ނޫން ކަމަށް މައުމޫން ވިދާޅުވި އެވެ.
"ބިރުގަންނަން ޖެހޭ ފަރާތަކީ ހަމައެކަނި ﷲ ސުބުހާނަހޫ ވަތައާލާ. ކޮންމެ ކޯޓެއްގައި ތިޔަބައި މީހުން ބިރު ނުގަންނާށޭ ތިމަން ﷲ އަށް ބިރުވެތިވާށޭ، އެހެން ލިޔެފަ ބަހައްޓަންވީ ހުރިހާ މުއައްސަސާތަކެއްގައި. މި ދެންނެވީ އިލެކްޝަން ކޮމިޝަންގައި. ހިއުމަން ރައިޓްސް ކޮމިޝަންގައި. އެންޓި ކޮރަޕްޝަން ކޮމިޝަންގައި، އެންމެންނަށް ފެންނަ ގޮތަށް. އެ އާއި އޭގެ މާނަ،" މައުމޫން ވިދާޅުވި އެވެ.
މައުމޫންގެ ދަރިކަލުން އަދި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން މާފުށީ ޖަލުގައި ހައްޔަރުކޮށްގެން ގެންގުޅޭތާ 50 ދުވަހަށް ވުރެ ގިނަ ދުވަސް ވެފައިވާއިރު، މައުމޫން ވިދާޅުވީ އެކަމާ ގުޅޭ ގޮތުން ދައުލަތުގެ މުއައްސަސާތަކަށް ފޮނުވާ ސިޓީތަކަށް ޖަވާބު ވެސް ނުދޭ ކަމަށެވެ. މުއައްސަސާތަކަށް ފޮނުވާ ސިޓީ އަށް ތިން ދުވަސް ތެރޭގައި ޖަވާބު ދޭން ޖެހޭ ގޮތަށް ކަނޑައަޅާފައި އޮތް ނަމަވެސް ފާރިސްގެ ވަކީލުން ދައުލަތުގެ އެކި އިދާރާތަކަށް 45 ސިޓީއަށް ވުރެ ގިނަ ސިޓީ ހުށައެޅިއިރު، އެއިން އެންމެ ސިޓީ އަކަށް ވެސް ޖަވާބެއް ނުލިބޭ ކަމަށް އެމަނިކުފާނު ވިދާޅުވި އެވެ.
މައުމޫން ވިދާޅުވި ގޮތުގައި ރާއްޖޭގައި ހިނގަނީ 'ޕޮލިޓިކަލް ކޮމެޑީ' އެކެވެ. އޭގެ ތެރޭގައި ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ މައްޗަށް ދަންވަރު ހުކުމް ކުރުމާއި ރިޝްވަތު ދިން ކަމަށް ބުނެ ފާރިސްއާ ގުޅޭ ގޮތުން ފުލުހުން ތަހުގީގުކޮށް، އެކަމަކު ރިޝްވަތު ހިފިކަމުގެ ދައުވާ ޕްރޮސެކިއުޓަ ޖެނެރަލްގެ ފަރާތުން ފާރިސްގެ މައްޗަށް އުފުލުން ހިމެނޭ ކަމަށް ވިދާޅުވި އެވެ. ފާރިސްގެ މައްޗަށް ކުރި އެ ދައުވާގައި ކޯޓުގެ ހުކުމުގައި އޮންނާނީ "ރިޝްވަތު ގިރާލައިގެން ބުއިކަމުގެ" މައްސަލާގައި ކަމަށް ވެދާނެ ކަމަށް މައުމޫން ވިދާޅުވި އެވެ.
މައުމޫން ވިދާޅުވީ އެމަނިކުފާނުގެ ގާތް ބޭފުޅުން އެހެން ގައުމުތަކުގެ އިސް މަގާމުތަކުގައި ވެސް އެބަތިއްބެވި ކަމަށެވެ. އަދި އެބޭފުޅުންގެ އެހީތެރިކަމާ އެކު ނަތީޖާ ނެރެވޭނެ ކަމަށް ވިދާޅުވެ މައުމޫން ވަނީ ސަރުކާރަށް އިންޒާރު ވެސް ދީފަ އެވެ.
އެމަނިކުފާނު ވިދާޅުވީ ބައިނަލްއަގުވާމީ ފަރާތްތަކުގެ އެހީތެރިކަން ލިބިވަޑައިގަންނަވާ ކަމަށާއި އެކަމަކު ނަތީޖާ އެހާ އަވަހަށް ނުފެނިދާނެ ކަމަށެވެ. މައުމޫން ވިދާޅުވި ގޮތުގައި އެއީ ބައިނަލްއަގްވާމީ އުސޫލުގެ ތެރެއިން އެކަން ކުރެވޭނެ ގޮތެވެ. ނަމަވެސް އެކަމަށް ކެއްތެރިވާން ޖެހޭ ކަމަށް ވިދާޅުވި އެވެ.
"ރާއްޖެ އިން ބޭރުގައި ތިއްބަވާނެ، މިހާރު ވެސް އެބަތިއްބެވި އަޅުގަނޑުގެ ވަރަށް ގާތް ރަހުމަތްތެރިން. އެކި ގައުމުތަކުގެ މަތީ މަގާމުތަކުގައި. އެކިއެކި ބައިނަލްއަގުވާމީ ޖަމިއްޔާތަކުގެ މަގާމުތަކުގައި. ތިރީސް އަހަރު މި ގައުމުގެ ވެރިކަން ކުރީމަ ހުންނާނީ ގުޅުންތަކެއް ބަދަހި ކުރެވިފައި. އެބޭފުޅުން ތިއްބެވީ ވަރަށް ބޮޑަށް އަޅުގަނޑުމެންނަށް ތާއީދު ކުރައްވާ ގޮތަށް. އެ މަސައްކަތް އަޅުގަނޑު އެބަކުރަން،" މައުމޫން ވިދާޅުވި އެވެ.
އެކަމަކު މައުމޫން ވިދާޅުވީ އެ ކަންކަމުގެ ތަފުސީލު ހާމަކުރެއްވެން ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެފް އެމް
10 September 2017
އަހަރެމެން ކުޑައިރު މައުމޫންއޭ ބުނީމަ ހިވަނީ އެއީ އިންސާނަކަށްވުރެން މަތިވެރި ފަރާތެއްހެން އެންމެ ހަނދާން ހުންނަނީ އުމުރުން 10 އަހަރުގަ މައުމޫން އަންނާތީ އަވީގަ އަތުރާލާފަ އިސްދަށަށް ޖައްސާފަ ބެހެއްޓި ހަނދާން މައުމޫން އާއި ދިމާލަށް ބަލައިފިނަމަ ލޯ ނަގާފާނެކަމުގެ ބިރު ހިތުގަ އޮއިތް އޭރު އަހަރެމެންގެ ހާލަކީ އެއީ ހަމަ އެ މައުމޫން މިއަދު ބުނަނީ އޭރު ރަނގަޅޭ މިހާރު ގޯހޭ
އަލީ ނަސީރު
10 September 2017
ނާ ތިހެން ވިދާޅު ނުވޭ. މިއީ މިހާރު އެންމެ މޮޅު ގައުމެއްނު. ދެވަނައެއް ނެތް!
ހޮޓްކިންގ
10 September 2017
30 އަހަރު ފެއިލްވީ ވަރާ ގާތަށްވެސް ފެއިލްނުވޭ. އޭރު ހާދަ ގޯހޭ ވެރިކަން ކުރިލެއް. ހާދަ އަނިޔާއެކޭ މީހުންނަށް ދިނީ. ހާދަ ކަރަޕްޝަނެކޭ. ވެރިމީހާގެ ޢިއްޒަތްތެރިކަމުން ރައްޔިތުން ތިބީ އަޅުންނަށް ހަދާފަ 30 އަހަރު. އެ ތޮށިގަނޑު ފަޅާލާފައި ނިކުތީމާ ކޮން ފެއިލްވީވާހަކައެއް ތި ގޮވަނީ.
މިގޭ
10 September 2017
ކަލޭ މަ ބަންދުކުރިމާ ފޮނުވި އެއްވެސް ސިޓީއަކަށް އަދިވެސް ޖަވާބެއް މިހާތަނަށް ދިފައެއްނުވޭ މިހާރު ކޮން ވާހަކައެއް ދައްކަން އަނގަ ނުހުޅުވާ މަޑުން ހުރެ. އެއިރު މަގޭ ކުދިންކޮޅު ކައިބޮއި އުޅުނީ ސަލާންޖަހައިގެން. 2 ކުދިންގެ ޖީސީގެ އިމްތިހާންވެސް ހަލާކުވީ. 1 އަހަރު ފަހުން ކުށެއްނެތޭކިޔާފައި ދޫކޮށްލީ. ކޮބާ ލަދު ބޯހަލާކު.
މަނިކުފާނު
10 September 2017
މަނިކުފާނުގެ ރަން 30 އަހަރުގައި މި ނިކަމެތި ރައްޔިތުން ފޮނުވި ސާޅީސް ފަހެއް ނޫން އެތައް ލައްކަ ސިޓީ އަކަށް މަނިކުފާނު ޖަވާބު ނުދެއްވަމުނޫންތޯ. އެހެންވީމަ އެންމެ 45 ސިޓީގެ ޖަވާބު ނުލިބުމުން މަނިކުފާނު ދެރަވާއިރު މިހާރު އިހުސާސް ކުރެވޭބާ ރަން 30 އަހަރު ދިވެހިން އެޅި ކަރުނަ ސިޓީތަކުގެ ޖަވާބު ނުލިބިގެން.
ހަބީބު
10 September 2017
އަލުން ހުރިހާ މުވައްސަސާއެއްގަ ހަރުކުރަންވީ މަނިކުފާނުގެ ފޮޓޯ އެއީ މަނިކުފާނު ދެކެ ރައްޔިތުން ބިރުގެންނެވުމައް
ގައުމީދޫ
10 September 2017
މައުމޫނުގެ ވާހަކައަށް ވަރަށް ބޮޑަށް ތާއީދު ކުރެވޭ. އަނިޔާވެރިކަން އާދަކާދައަށް ބަދަލުވީމަ އެކަމަށް ތާއީދުކުރާ މީހުންވެސް އުޅޭނެ
ރައްދު
10 September 2017
ސަރުކާރަށާއި ރައްޔިތުންނަށް އެކި ގޮތްގޮތުން އިންޒާރު ދިނުން ހުއްޓާލަން ގޮވާލަން މައުމޫން ވަނީ ކިއުގެ އެއްމެ ފަހަތަށް ސޮއްސާ ލާފައެވެ ކުރިއަކުން ޖާގައެއް ނެތެވެ
ސަޅިބައިސާ
10 September 2017
ތިއައީ ޒައީމޭ އަދު ލޮބުވެތި. ދިވެހި ޤައުމު ފަހުރުވެރިވާ. ރައީސް މައުމޫނުގެ މަސައްކަތްޕުޅުގާ މާތް ﷲ ބަރަކާތްލައްވާށި. ޔާމީނުގެ އަނިޔާވެރިކަން ނެތިކުރައްވާ ދިވެހި ޤައުމަށް ހެއުގޮތް މިންވަރުކުރައްވާށި.
އަލިފުތު
10 September 2017
ޔާމީން ސަރުކާރާ ޚިޔާލުތަފާތުވެފައިވާ ގްރޫޕް ތަކުގެ މަސައްކަތަށް ބަލާއިރު މައުމޫނު ވަކި އެޖެންޑާއެއް ގެންގުޅުން ރަނގަ:ެއްނޫން. އެކަމުގެ ސަބަބުން ކެނެރީގެ ނަޝީދުގެ ސަޕޯރޓް ބައިބައިވެ އާޚިރު ނަތީޖާ އަކީ ހުހަށްހުރެ ޔާމީނަށް ގޮނޑި ކަށަވަރުވުން. ވީމާ އިދިކޮޅު އިއްތިޙާދުން މައުމޫނުގެ ވިސްނުން ދުރުކޮށް އެމްޑީޕީ ވިސްނުން ފުޅާކުރަން އެބަޖެހޭ.