ފެނަކަ ވަނީ ފެއިލްވެފައި، ފެނަކައިން އައްޑުއަށް ކަރަންޓު ދޭކަށް ބޭނުމެއް ނޫން: އައްޑޫ މެމްބަރުން

ރައްޔިތުންގެ މަޖިލީހުގައި އައްޑުއަށް ނިސްބަތްވާ އެމްޑީޕީގެ މެމްބަރުން ނޫސްވެރިންގެ ބައްދަލުވުމެއްގައި: އައްޑޫގެ ކަރަންޓުގެ ހާލަތާ މެދު މެމްބަރުން ކަންބޮޑުވުން ފާޅުކުރެއްވި

އާމިނަތު ޝިފްލީން، މިހާރު

11 އޮކްޓޯބަރ 2017 - 19:32

11 comments

ރާއްޖޭގެ ގިނަ ރަށްތަކަކަށް ކަރަންޓު ފޯރުކޮށްދެމުން އަންނަ ފެނަކަ ކޯޕަރޭޝަނުން ވަނީ ފެއިލްވެފައި ކަމަށާއި އެ ކުންފުނިން ދެން އައްޑު އަށް ކަރަންޓު ދޭން ބޭނުން ނުވާ ކަމަށް ރައްޔިތުން މަޖިލީހުގެ އައްޑޫ ދާއިރާތަކުގެ އެމްޑީޕީ މެމްބަރުން ވިދާޅުވެއްޖެ އެވެ.

އެމްޑީޕީގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި އެ މެމްބަރުން ވަނީ ފެނަކައިން އައްޑޫގައި ދެމުން އަންނަ ކަރަންޓުގެ ހިދުމަތަށް ވަރަށް ބޮޑަށް ފާޑުވިދާޅުވެފަ އެވެ. މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވީ ރައްޔިތުންނަށް އެ ފަދަ އަސާސީ ހިދުމަތް ދޭ ތަންތަން ވާން ޖެހޭނީ ކޮރަޕްޝަނާއި ސިޔާސީ ނުފޫޒުން އެއްކިބާ ވެފައިވާ ތަނަކަށް ކަމަށާއި ފެނަކަ ފަދަ ކޮރަޕްޝަން ބޮޑު ކުންފުންޏަކުން އައްޑުއަށް ކަރަންޓު ދޭން ބޭނުން ނުވާ ކަމަށެވެ.

މެމްބަރުން ވިދާޅުވި ގޮތުގައި ވޭތުވެދިޔަ ހަތަރު އަހަރު އައްޑޫގެ ކަރަންޓުގެ ހިދުމަތަށް ކުރިއެރުމެއް އައިސްފައި ނުވާއިރު، އެ އަތޮޅަށް ކަރަންޓު ބޭނުންވާ ކެޕޭސިޓީ ދެނެގަނެ، އެއާ އެއްވަރަށް ހިދުމަތް ދިނުމަށް ފެނަކައިން ވަނީ ނުކުޅެދިފަ އެވެ.

އެ ބައްދަލުވުމުގައި ވާހަކަ ދައްކަވަމުން މަރަދޫ ދާއިރާގެ މެމްބަރު ޝަރީފް ވިދާޅުވީ މިހާރު އައްޑޫގައި 1،600 ކިލޯ ވޯޓުގެ 11 އިންޖީނު ހުންނައިރު އެއީ ގިނަ އަދަދެއް ކަމަށާއި އެކަމަކު އޭގެ ކެޕޭސިޓީ ދަށްކަމުން އުފައްދަނީ މަދު މިންވަރެއްގެ ކަރަންޓު ކަމަށެވެ. އަދި 2.5 މެގަވޯޓުގެ ދެ އިންޖީނު މިދިޔަ އަހަރުން ފެށިގެން ބޭނުންކުރަމުން އަންނައިރު، އެ އިންޖީނުތައް ހިންގަމުން އަންނަނީ އެއްވެސް ރޭވުންތެރިކަމެއް ނެތް ގޮތަށް ކަމަށް އޭނާ ވިދާޅުވި އެވެ.

Addu ga karantu ge hidhumaiy fulhaa kuran 30 million dollar invest kuranee

The most trusted news source in the Maldives

Mihaaru

"ރޭވުންތެރިކަމާއެކު މިކަން ކުރާނަމަ ހަތަރު އިންޖީނު އެއް ފަހަރަކާ ނުހުއްޓޭނެ. އައްޑޫގައި ކެޕޭސިޓީ އިތުރުވާ މިންވަރު ފެނަކައިން އެބަ ބަލަހައްޓަން ޖެހޭ،" ޝަރީފް ވިދާޅުވި އެވެ.

އޭނާ ވިދާޅުވީ އެ އަތޮޅުގައި އަލަށް ހަތަރު އިންޖީނު ބަހައްޓައި ދެ އިންޖީނު އަދި ބަހައްޓަން އުޅޭ ކަމަށް ފެނަކައިން ބުނި ނަމަވެސް އެއީ ރައްޔިތުންނަށް މުހިއްމު ވާހަކައެއް ނޫން ކަމަށާއި މުހިއްމީ 24 ގަޑިއިރުގެ ހިދުމަތް ލިބުން ކަމަށެވެ. އެކަމަކު އެކަމަށް ބޭނުންވާ އިންވެސްޓްމެންޓާއި ސްޕެއާޕާޓްސް އަދި ޓެކްނިކަލް މީހުން ނެތި ހިދުމަތް ނުދެވޭނެކަން ޝަރީފް ފާހަގަ ކުރެއްވި އެވެ.

ބައްދަލުވުމުގައި ވާހަކަ ދައްކަވަމުން ހިތަދޫ ދެކުނު ދާއިރާގެ މެމްބަރު އަލީ ނިޒާރު ވިދާޅުވީ އައްޑޫގައި މި ފަހުން ކަރަންޓުގެ މައްސަލަ ޖެހިގެން އުޅޭތާ މަހަކަށް ވުރެ ގިނަ ދުވަސްވެފައިވާއިރު ގޭގެއިން ތިން ހަތަރު ފަހަރު ވެސް ކަރަންޓު ކަނޑާލާ ކަމަށެވެ. އެކަމަކު އެކަމަށް ވަގުތީ ހައްލެއް ގެނައުމުގެ ބަދަލުގައި އަބަދު ވެސް މައްސަލަ ހައްލު ކުރަނީ ވަގުތީ ގޮތުން ކަމަށް އޭނާ ވިދާޅުވި އެވެ.

ނިޒާރު ވިދާޅުވީ ކުރިއަށް އޮތް ދެ އަހަރެއްގެ ތެރޭގައި އައްޑުއަށް 10 މެގަވޯޓުގެ ކަރަންޓު ބޭނުންވާއިރު، މި ވަގުތަށް ވެސް ހަތް މެގަވޯޓުގެ ކަރަންޓު ބޭނުންވާ ކަމަށެވެ. އެކަމަކު މިހާރު ހުރި 11 އިންޖީނުން އެންމެ ގިނައިން ވެސް އުފައްދަނީ ފަސް މެގަވޯޓުގެ ކަރަންޓު ކަމަށް އޭނާ ވިދާޅުވި އެވެ. އަދި ރަނގަޅަށް ހުރި އިންޖީނުތައް ކޮންމެ ދުވަހަކު ވެސް ހިންގާއިރު އޭގެ ބެކަޕެއް އަދި މަރާމާތު ކުރެވޭނެ ގޮތް ވެސް ނެތްކަން އޭނާ ފާހަގަ ކުރެއްވި އެވެ.

"މިގޮތަށް ކަންތައްތައް ހުރި ހައްތަހާ ވެސް މި ފެންނަނީ ވަގުތީ ހައްލެއް ގެންނަތަން. މިއީ ހަމައެކަނި މި ސަރުކާރަކު ވާކަމެއް ނޫން. ރައީސް މައުމޫންގެ ސަރުކާރުން ފެށިގެން ހަމަ މިގޮތަށް ކަންތައްތައް ހިނގަމުން އަންނަނީ،" އައްޑޫގައި ދޭ ކަރަންޓަށް އެންމެ ރަނގަޅު ބަދަލެއް އައީ އެމްޑީޕީގެ ދެ އަހަރުގައިކަން ފާހަގަ ކުރައްވައި ނިޒާރު ވިދާޅުވި އެވެ.

މެމްބަރުން ފާހަގަ ކުރެއްވި ގޮތުގައި މި މައްސަލައަށް ދާއިމީ ހައްލެއް ގެނެވެން އޮތީ ސަރުކާރުން އައްޑޫގެ ކަރަންޓަށް ބޮޑު އިންވެސްޓްމެންޓެއް ކޮށްގެންނެވެ. އަދި ހިދުމަތް ރަނގަޅު ކުރުމަށް 30 މިލިޔަން ޑޮލަރުގެ އިންވެސްޓްމެންޓެއް ބޭނުންވާ ކަމަށް ފެނަކައިން ބުނާއިރު، އަންނަ އަހަރުގެ ބަޖެޓުގައި އެ ފައިސާ ހިމެނުމަށް ވެސް މެމްބަރުން ސަރުކާރަށް ވަނީ ގޮވާލާފަ އެވެ.

އައްޑޫގައި އާ އިންޖީނުގެއެއް އެޅުމަށް 30 މިލިއަން ޑޮލަރުގެ ބޮޑު އިންވެސްޓެއް ކުރަން ރާވަމުން އަންނަ ކަމަށް ފެނަކައިން ވެސް މިއަދު ވަނީ ބުނެފަ އެވެ.

ކަރަންޓު މެމްބަރު ރޮޒައިނާ އާދަމް (އައްޑޫ މީދޫ) މެމްބަރު އިބްރާހިމް ޝަރީފް (މަރަދޫ) ފެނަކަ ކޯޕަރޭޝަން އަލީ ނިޒާރު، މޭޔަރު (އައްޑޫ ސިޓީ)

11 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަނޫން

12 October 2017

ނިޒާރު އއި ރޮޒޭ މެންގެ ލަދު ގަނޭތަ ބަޖެޓުގައި އިންޖީނުގެ ހަދަން މިލިއަން ޑޮލަރު ޖަހަންބުނާއިރު. ބަޖެޓަށް ވޯޓު ދޭން ކޭރޭ މީހުންނެއްނޫން ތިޔައީކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންހާވާކައެއް.

12 October 2017

ކަންތައްތައް މާބޮޑަށް ސިޔާސަކުރާނެކަމެއްނެތް. ކަރަންޓުގެ މައްސަލައަކީ މުޅިގައުމުގައިވެސް ހައްލުކުރަން ޖެހޭބޮޑުމައްސްލައެއް. ފެނަކަ ކަހެރުވަކޭ ކިޔައިގެން ސަރީފުމެން ވަހަކަދައްކަން ލަދުހަޔާތްކޮބައިބާވައޭ ހިތަށްއަރާ. އެތަށްފަހަރެއްގެމަތިން އައްޑޫމެންބަރުކަން ކުރިއިރު އަތޮޅުގެ ލާބަޔަށް ސަރުކާރުމެދުވެރިކޮށް ތިމެންނަ ފަހިކޮށްދިނީ މިވެނިކަމެކޭބުނެވޭނެ އެއްވެސްކަމެއް އެބައޮތްބާ. އޭރަކު އޮންނަސަރުކާރަކާ ބަނޑުމުސާރަޔަށް ބެއްދުންނޫންކަމެއް ކުރާބައެއްނޫން. ވަކިޕާޓީއަކަށް ނުވާ އައްޑޫމީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮކަންޑިމޭން

12 October 2017

އައްޑޫގެ ތަރައްގީއަށް ހައްދަވައިގެން ކަމެއްނުކޮށްދޭ ބަޔަކަށް ނޭނގޭނެ ކަންތައްތައް ކުރަންޖެހޭނެ ގޮތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބޭބެ

12 October 2017

ޝަރީފް ދަނީ ފެނަކަ ހަލާކު ކުރަމުން، އަދުގެ ސަރުކާރަށް ގޮވަލަން ފެނަކައިގެ މެނޭޖްމެންޓް ބަދަލުކުރުމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރަންޓު

12 October 2017

މަށަށްފެންނަނީ ރޮޒޭނާ ޖަނަރޭޓަރެއް ބަހައްޓައިގެން ކަރަންޓުދޭން. ޢެތަނުގަ ހުރިހާގެޔަކަށް ބޯކޮށް ކަރަންޓުލިބޭގޮތަށް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެން އަތްޖަހާ

11 October 2017

މަލޭގެ ބަަކުން ކަރަންޓް ކެޑިފަ. ކިހާ ދަތި ކަމެއް މީ ދެން. 11...12 ޖަހާއިރު ކަރަންޓް ދިޔައީމަ ކިހިނެއް ނިދަނީ. ނުނިދާތަ ތިބެންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

11 October 2017

ނުލާހިކު ރަނގަޅު ގޮތަކަށް ކަރަންޓް ގެ މަސައްކަތް ހިގަމުންދަނިކޮށް ރަށްރަށުގާ ހުރި އިންޖީނުގެ ތަކާ އެތަނަތާގަ ހުރި ފައިސާތަށް ގަދަކަމުންނަގާ ކުންފުންޏެއްގެ ދަށަށް ގެންދިޔަ އިރަކު ނޭގޭބާ އެގޮތަށް މުޅިރާއްޖެ ނުހިންގޭނެކަމެއް .ތަންދޮރު ނުދަންނަ މީހުން ނުވަތަ އެކަށީގެން ނުވާމީހުން ވެރިކަމަށް ގެނެވުނީމަ ވާނެގޮތް ވީ ބަޖެޓަށް 30 މިލިއަނ2 ދޭކަށް ނުޖެހޭނެ ، އަމިއްލަޔަ 30 މިލިއަން ހޯދައިގެން އިންޖީނުގެ ހަދަންވީ އެއްނު ، ދަވްލަތުން ހަދާފަ ހުރި އިންޖީނުގެ ގަބޫލު ނުކުރާނަމަ ގައު ދޫކޮށް ދިޔައިމާ އެވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޭންޖުރެސް

11 October 2017

ފެނަކަ ވަނީ ފެއިލްވެފައި، ފެނަކައިން އައްޑުއަށް ކަރަންޓު ދޭކަށް ބޭނުމެއް ނޫން ކަމަށް އައްޑޫ މެމްބަރުން ބުނާނަމަ އެއީ ދޮގެއް ކަން އެބަ ސާބިތުވެއެއް ނޫންތޭ. އައްޑޫގައި ކަރަންޓް ނެތް ނަމަ އަދި އައްޑޫ އަށް ކަރަންޓް ދޭން މަސައްކަތް ނުކުރާނަމަ މިހެން ބުނެވިދާނެ އެއް ނޫންތޭ. ކަރަންޓްގެ އަލިފުބާ ވެސް ދަންނަ އެކަކު ވެސް އައްޑޫ މެމްބަރުންގެ ގޮތުގައި ނުތިބޭނެއޭ ކަރަންޓް އަކީ އެއީ ކިއްލި ތަޅާ ކިޔަވައިގެން އަންނަ ރަނޑުންނަށް އިނގޭނެ ކަންކަމެއް ނޫނޭ އެއަށް ވުރެން ޖެންޓުލްމެން ސްޓައިލް މީހުންނަށް އިނގޭ އެއްޗެކޭ އެއީ. ތަމެން ކަރަންޓްގެ ވާހަކަ ދައްކަން ކޮލިފައި ނުވާއިރު އެވާހަކަ ދައްކަނީ އެއީ ތަމެންނަކީ އެއީ ނުރައްކާ ބަޔެއް ކަމަށޭ މަމެން ބުނާނީ. ދިސް މޭން އިޒް ޓޯކިންގް ނޯ ޑޭމް ގުޑް ފޯރ ދަ ކަންޓްރީ އެން އިޓްސް ޑޭންޖުރެސް ޑޭންޖުރެެސް ޑޭންޖުރެސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚާދިމް

11 October 2017

އަންނަ އަހަރުގެ ބަޖެޓްގަ 30 މިލިއަން ހިމަނަން އައްޑޫ މެމްބަރުން ގޮވާލުމަކީ އަހަރެމެން އުފާ ކުރާ ކަމެއް. އަދި އެ ބަޖެޓަށް ތިޔަ މެމްބަރުން ވޯޓް ދީފިނަމަ މާބޮޑަށް އުފާ ވާނެ. މިހެން ބުނާއިރުވެސް 2012 އިން ފެށިގެން ދައުލަތުގް ބަޖެޓަށް ރީނދޫ ކުދިން ވޯޓް ނުދޭކަން ހަނދާނުގަ އެބަހުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

11 October 2017

ތިޔަފޮޓޯގައި ނެތެއްނޫންތޯ އައްޑޫހުރިހާ މެނަބަރުންނެއް ،،، އަލީނިޒާރުއާޢި އަސްލަމްބާޢީވެސް ނެތެއްނޫންތޯ ؟؟ ދެންބުނެލަންއޮތް ވާހަކައަކީ އަސްލު ފެނަކައިންވެސް ބޭނުންއައްޑޫއަށް ކަރަންޓްވެސް ދޭން ،،، އެއީ ހުރިހާ އިންޖީންގެއަކުންވެސް ކޮރަޕްޝަންހިނގައިގެން ވަރަށްފައިދާވޭ ފެނަކައާޢި އަދި ސަޕްލަަޔަރސްއަށް ،،، އަދިފެނަކަ ހިންގަނީ މަހަކު 10 މިލިއަންވަރު ސްބްސިޑީ އެހެންގޮތަކުން ހޯދައިގެން ، ފެނަކަމިއަދު އެއޮތީ ދަރާފައި ،، އެތަށްމިލިއަން ފައިސާއަކަށް ވީގޮތެއްނޭންގޭ ،، ސްޕެއަރޕާޓްސް ގަންނަނީވެސް ބައެއްފަހަރު %500 އަގުބޮޑުކޮށް ،، މިހާރުވެސް ފެނަކައިން ސީދާ ގުޅައިގެން ސިނަގރޕޯއިން ސްޕެއާރސް ހޯދައިގެން އުޅޭނަމަ %50 ޙަަރަދުކުޑަވާނެ ،،، ވަރަށްވެދުން