އެންމެ ކުޑަ މުސާރަ ވެސް 37 ޕަސެންޓަށް ބޮޑުވާނެ: ރައީސް

ސަރުކާރަށް ހަތަރު އަހަރު ފުރުން ފާހަގަކުރަން ކާނިވަލުގައި ބޭއްވި ޖަލްސާގައި ރައީސް ޔާމީނާއި އަނބިކަނބަލުން ފާތުމަތު އިބްރާހިމް ބައިވެރިވެވަޑައިގަންނަވަނީ. --ފޮޓޯ: ރައީސް އޮފީސް

ފަޒީނާ އަހުމަދު، މިހާރު

17 ނޮވެމްބަރ 2017 - 22:59

84 comments

އަންނަ އަހަރުގެ ކުރީކޮޅު ސިވިލް ސާވިސްގެ ކޮންމެ ތިން މުވައްޒަފެއްގެ ތެރެއިން ދެ މުވައްޒަފެއްގެ މުސާރަ ބޮޑުވާނެ ކަމަށާއި އެންމެ ކުޑަ މުސާރަ ލިބޭ މީހުންނަށް ވެސް 37 ޕަސެންޓުގެ ކުރިއެރުމެއް އަންނާނެ ކަމަށް ރައީސް އަބްދުﷲ ޔާމީން މިރޭ ވިދާޅުވެއްޖެ އެވެ.

މުސާރަ ބޮޑުނުކޮށްގެން ސިވިލް ސާވަންޓުން ޝަކުވާ ކުރަމުންދާތާ އެތައް އަހަރެއް ވެފައި ވަނިކޮށް، މުސާރަ ބޮޑުކުރަން އަންނަ އަހަރުގެ ބަޖެޓުގައި 234 މިލިއަން ރުފިޔާ ވަނީ ހިމަނައިފަ އެވެ.

ރައީސް ޔާމީންގެ ޒައާމަތަށް ހަތަރު އަހަރުން ފުރުން ފާހަގަކުރަން ކާނިވަލުގައި ބޭއްވި ޖަލްސާގައި، ސިވިލް ސާވިސްގެ ކޮންމެ ތިން މުވައްޒަފެއްގެ ތެރެއިން ދެ މުވައްޒަފެއްގެ ހާލަތު އަންނަ އަހަރުގެ ކުރީކޮޅުން ފެށިގެން ރަނގަޅު ވެގެންދާ ކަމުގެ ޔަގީންކަން ދެއްވެވި އެވެ. ފިނޭންސް މިނިސްޓްރީ އާއި ސިވިލް ސާވިސް ގުޅިގެން، މުސާރަ ބޮޑުކުރާނެ ގިންތިތައް ކަނޑައެޅުމަށް ފަހު އަންނަ އަހަރު ކުރީކޮޅުން ފެށިގެން މުވައްޒަފުންގެ މުސާރަ ބޮޑުވާނެ ކަމަށް ރައީސް ވިދާޅުވި އެވެ.

"ސިވިލް ސާވިސްގެ ތިންބައިކުޅަ ދެބައި މީހުންގެ މުސާރަ މަތިވެގެން މިދަނީ. އެންމެ ދަށުގެ ގިންތިތަކުގެ ތިބި ސިވިލް ސާވިސްގެ މުވައްޒަފުން، އެންމެ ބޮޑު އަޅާލުންތެރިކަމެއް ބޭނުންވާ މީހުން، އެންމެ ކުޑަ މުސާރައިގައި ތިބި މީހުންގެ މުސާރަ ވެސް އަންނަ އަހަރުގެ ކުރީކޮޅުން ފެށިގެން 100 އަކުން 37 ޕަސެންޓަށް ބޮޑުވެގެންދާނެ،" ރައީސް ވިދާޅުވި އެވެ.

ބާކީ ތިބި މީހުންނަށް، ރައީސް ވިދާޅުވި ގޮތުގައި، މުސާރައިގެ ހަތަރު ބައި ކުޅަ އެއްބައި ބޮޑުވާނެ އެވެ.

ސަރުކާރަށް ހަތަރު އަހަރު ފުރުން ފާހަގަކުރަން ކާނިވަލުގައި ބޭއްވި ޖަލްސާ: --ފޮޓޯ: ރައީސް އޮފީސް

އެމަނިކުފާނު ވިދާޅުވި ގޮތުގައި ސިވިލް ސާވަންޓުން ކުރާ މަސައްކަތް ސަރުކާރަށް ވަޒަން ކުރެވެ އެވެ.

ރައީސް ޔާމީން ވިދާޅުވީ ސިވިސް ސާވަންޓުންގެ މުސާރަ ބޮޑުކޮށް ރަނގަޅު ގޮތްތަކެއް ހޯދައިދިނުމުގެ ވިސްނުން ކުރީ ސަރުކާރުތަކުން ނުގެންގުޅޭ ކަމަށެވެ. ސިވިލް ސާވަންޓުންގެ މުސާރަ އުނިކުރުމުން، އެ ފައިސާ ދޭން ކޯޓުން ހުކުމް ކުރުމުން ވެސް އެ ގޮތަށް އަމަލު ނުކުރެއްވި ކަމަށް ވިދާޅުވެ، އެމަނިކުފާނުގެ ފާޑުވިދާޅުވުން އަމާޒުކުރެއްވީ ކުރީގެ ރައީސް މުހައްމަދު ނަޝީދަށެވެ.

ރައީސް ވިދާޅުވި ގޮތުގައި މި ސަރުކާރުގެ ފުރަތަމަ އަހަރުގެ ތެރޭގައި ވެސް ސިވިލް ސާވިސްގެ އެންމެ މުހިއްމު ދާއިރާތަކުގެ މުސާރަ އަށް ވާނީ ހެޔޮ ބަދަލުތަކެއް ގެނެސްދީފަ އެވެ. އޭގެ ތެރޭގައި ޑޮކްޓަރުންނާއި ޓީޗަރުން ހިމެނޭނެ ކަމަށް ވިދާޅުވި އެވެ.

ފޮޓޯ ގެލަރީ / ރައީސް ޔާމީންގެ ސަރުކާރަށް ހަތަރު އަހަރު

މުސާރަ ބޮޑުކުރުމުގެ އިތުރުން ހައުސިން ސްކީމްތަކުގައި ވެސް ސިވިލް ސާވިސްގެ މުވައްޒަފުން ހިމެނޭނެ ކަމަށް ވިދާޅުވި އެވެ.

ސިވިލް ސާވިސްގައި ގާތްގަނޑަކަށް 24،000 މުވައްޒަފުން މަސައްކަތް ކުރާ އިރު އެ މީހުންގެ މުސާރަ ނިސްބަތުން ކުޑަ އެވެ. ސިވިލް ސާވިސްގައި މަސައްކަތް ކުރާ އެންމެ އާދައިގެ މީހަކަށް މަހަކު 5،000ރ. ނުލިބެ އެވެ. އެންމެ ކުޑަވެގެން 10،000ރ. ގެ މުސާރައެއް ވެސް ގެއަށް ގެންދަން ލިބެނީ ޑިގްރީ ފެންވަރުގެ މުވައްޒަފުންނަށެވެ.

ސިވިލް ސާވިސް އަށް ދިމާވެފައިވާ އެންމެ ބޮޑު ގޮންޖެހުމަކީ ސިވިލް ސާވަންޓުންގެ މުސާރަ އާއި އިނާޔަތްތައް ކުޑަވުން ކަމަށް ސިިވިލް ސާވިސް ކޮމިޝަން (ސީއެސްސީ) އިން ވެސް ގަބޫލުކުރެ އެވެ.

ސިވިލް ސާވިސް ދިވެހި ސަރުކާރު ރައީސް އަބްދުﷲ ޔާމީން ސިވިލް ސާވަންޓުން ސިވިލް ސާވިސް ކޮމިޝަން

84 ކޮމެންޓް, 154 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަށްޑޫ މީހާ

14 April 2018

ޕާޓީ ތަކުގެ އޮފީސްތަކުގަ ތިބިމީހުންގެ މުސާރަ ބޮޑުކޮށް އެމީހުންނަށް ހުޅުމާލެިއންނާ އެމެރިކާއިންވެސް ފުލެޓް ދެވޭނަމަ ދޭނެ ރައީސްއެއް މިހިރީ. ރައްޔިތުންވަނީ ދުވަހުން ދުވަހަށް ބިކަ، އަތަކު ނުހުރޭ މަހުގެ މެދަށް ދާއިރަށް އެނެް ލާރިއެއްވެސް. މައުމުނު ދުވަސްވަރުގަ އަހަރުމެންނަށް ލިބުނީ 7500 އެންމެ ގިނައިން ލިބުނު ދުވަހުވެސް އެކަމުވެސް ބާކީ އޮވޭ ސޭވުކޮށްލާނެ ލާރިކޮޅެއް މާލޭގެ ކުލިދައްކައިގެން އާއިލާ ގެންގުޅުއިރުވެސް. މީވާ ބަޔަކާ މިއޮތީ ގައުމު ހަވާލުކުރެވިފައި،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަށްޑޫ މީހާ

19 November 2017

މުސާރަ ބޮޑު ނުކޮށް ގައުމުގަ ހުރި މައްސަލަތަށް ހައްލު ކުރިއްޔާ މާރަންގަޅެއްނު. މާލޭގެ ކުލި ތަކެތީގެ އަގު މުސާރަ ބޮޑުކުރާތަނުން ބޮޑުވޭ. ކަރަންޓް ފެނުގެ އަގު ބޮޑުވޭ. ތިޔަ ބޮޑުކުރާ މުސާރަ ބޮޑު ކުރަނީ ނަމަކަށް. ތިޔަ މުސާރައިން ހަމަ އެކަނި ފައިދާ ކުރާ ބަޔަކީ މިނިސްޓަރުންނާ ކައިރީގައި ތިޔަ އުޅޭ ބަޔަކު، ޝުކުރިއްޔާ މަގޭ ވޯޓް ހަމަ ގައިމުވެސް ނުދޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް ޝަރީފް

18 November 2017

ތިންބައިކުޅައެއްބައި މުއައްޒަފުން ބާކީ ކުރި ސަބަބަކީ ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

18 November 2017

މަނިކުފާނަށް ސިވިލްސާރވިސްގައި ހުރި މައްސަލަ ނުވިސްނެނީތޯ: 35% ލިބޭ މިހުންނަށްވެސް މަޤާމުގެ މުސާރަ ބޮޑުވެގެން ލިބޭއެއްޗެއް ލިބޭނެއެވެ. ނަތީޖާއަކީ މުސާރާގެފަރަގަށް ބަދަލެއް އަންނަނން ނެތުމެވެ. ޖުމްލަނަތީޖާއަކީ އިންފުލޭޝަން މަށްޗަށްގޮސް ބޮޑުވި މުސާރަ ހަރަދަށްގޮސް ހިސްވުމެވެ. ލިބޭއެއްޗަކަށްވުރެ ހަރަދުބޮޑުވެ އަގަޔާއި އަތާ ދިމާނުވާލެއް އިތުރުވުމެވެ. މަނިކުފާނުނޫންތޯ ވިދާޅުވީ ޕޭކޮމިޝަން ތިމަންނަމިއުފައްދީ މުސާރާތަށް އެކަށީގެންވާމިންވަރަކަށް ހަމަހަމަ ކުރަންޝޭ ކީތްތޯތިކުރައްވަނީ ....އަދި ޕޭކޮމިޝަން އުފެއްދުމަށްފަހު މިސާރަޔާއި އެލަވަންސް އިތުރަށް ބަދަލެއް ނުގެންނާނެކަމަށް ބުނެ މިހާރު ކިތަށްމިނސްޓްރީއަށް މަނިކުފާނަށް ފެނިލައްވާގޮތަކަށް އެލަވަންސް އިތުރުކޮށްދެއްވާފިންތޯ ... އަމަލާބަހާދިމާނުވާއިރު 2018 އަށް ހޮވާ ހޮވާ ހޮވާ ހޮވާ ކާ ދެން މުސާރަބޮޑުވާތީ އަތްފޫދަންދެން އަތްޖަހާ 3100 ރިފިޔާއިން 37% ބޮޑުވާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

18 November 2017

މަނިކުފާނެވެ. ބަޖެޓްކުރެއްވީ 234 މިލިޔަން އެވެ. ނިސްބަތުން މަހަކަށް އެވަރެޖްކުރާއިރު 847 ރުފިޔާއެވެ. މަނިކުފާނު ތިހެންވިދާޅުވުމުން ދޭހަވަނީ ކުޑަމުސާރަތަކަށް ބޮޑުވަނީ މޮޑުކޮށްކަމެވެ އެގޮތުން 3100 ރަުފިޔާ ލިބޭމަސައްކަތު މީހާޔަށް 37 ޕަސަންޓުން ބޮޑުވާނެވާހަކައެވެ. އެއީ 1147 މަހަކަށް ރިފިޔާއެވެ. އެހެންކަމުން ދެންތިބިމީހުންނަށް ބޮޑުވާނީ ވަރަށްކުޑަޕަސަންޓެކެވެ. މަނިކުފާނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުގުމާނުގެ ބައްޕަ

18 November 2017

ޔާމީން ހޮވި ނިމިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައައްޑޫ މީހާ

18 November 2017

ތިމުސާރަ ބޮޑު ވުމާއެކު ގޭގެ ކުލި ބޮޑުވާނެ، ތަކެތީގެ އަގު ބޮޑު ވާނެ. ދެވޭ ޚިދުމަތަކަށް މުދަލުގެ ކޮލިޓީއަކަށް ބަދަލެއް ނާންނާނެ. ޢެހެންވީމާ ދިރިުޅުމުގެ ފެން ވަރަކަށް ބަދަލެއް ނާންނާނެ. އެނގިފައިވާ ގޮތުގައި ރައީސް އޮފީހުގަައި ހުންނަ ކެންޓީނުން 15 ރުފިޔާ އަށް ލިބޭ ބްރޭކް ފާސްޓް. އެހެން ތަންތަނުން ލިބެނީ 40 ރުފިޔާއަށް ނުވަތަ އެއަށްވުރެ ބޮޑު އަގަކަށް. ސިވިލް ސާވެންޓުންނަށް އެފަދަ ފަސޭހަތައް ހަމަޖެހެންޏާ މާރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުވައްމުލަކު މީހާ

18 November 2017

އެންމެ ކުޑަ މުސާރަ އިގެ %37 މަގުން އެންމެ ކުޑަ މުސާރަ 3100.00 ރުފިޔާ އަށް އިތުރުވަނީ 1147.00ރުފިޔާ . އެކުޖުމްލަ 4247.00ރުފިޔާ. ސާވިސް އެލަވަންސް އެއްކުރުމުން 5247.00ރުފިޔާ. ދުވާލަކަށް އެޖެހެނީ 174.90ރުފިޔާ. މަގުމަތީގަ އުޅޭ ބަންގާޅީންގެ ދުވަހު މުސާރަ އަކީ 250.00ރުފިޔާ މަހަކަށް 7500.00ރުފިޔާ. އިސްރަށްވެހިން ދިވެހި ރައްޔިތަކަށްވީތީ މަހަކު 5000.00ރުފިޔާ. ވީމާ މުސާރަ ބޮޑުކުރުމުގައި އެންމެ ދަށްފަންތީގެ މުސާރަ ރަގަޅެއްނޫން. ހިތްހަމަޖެހޭ މުސާރަ އެއްގެ އެންމެކުޑަ މިންވަރަކީ މަހަކު މަދުވެގެން މުސާރަ އާއި އެލަވަންސަށް 6000.00ރުފިޔާ ލިބުން. އެއީ މުސާރަ އާއި ޚިދުމަތް އަދި ތަކެތީގެ އަގަށް ބަލާއިރު ލަރޫރީ މިންވަރު. ވީމާ އެންމެ ދަށްފަންތީގެ މުސާރަ އާއި މެދު އިތުރަށްވިސްނާލުމަކީ މުސާރަ ބޮޑު ކުރުމުގެ މަގްސަދަށް ބަލާއިރު މުހިއްމުކަމެއް.