ތަހުގީގު އޮފިޝަލުން ސަން އައިލެންޑްގެ ސްޓޯރު ބަލާ ފާސްކުރަނީ
18 ޖެނުއަރީ 2018 - 21:30
90 comments
ޕެރެޑައިސް އަށް އެރި ކަސްޓަމްސްގެ ތަހުގީގު ޓީމު އެ ރިސޯޓުން ފޭބުމަށް މީގެ އިރުކޮޅެއް ކުރިން ޕޮލިސް ލޯންޗަށް އަރަނީ.
ގާސިމްގެ ރިސޯޓްތައް ފާސްކުރުމަށް ކޯޓު އަމުރާއެކު އެ ރިސޯޓުތަކަށް އެރި ކަސްޓަމްސްގެ ޓީމު ރިސޯޓުތަކުން މީގެ އިރުކޮޅެއް ކުރިން ފައިބައިފި. ރޯޔަލް އައިލެންޑް ރިސޯޓް ފިޔަވައި، ގާސިމްގެ އެހެން ރިސޯޓުތަކުގައި ހުރި ރަލާއި އޫރުމަސް ގެންދަން ކަސްޓަމްސް އިން މަސައްކަތް ކުރި ނަމަވެސް މިރޭ އެއިން އެކައްޗެއް ވެސް ނުގެންދޭ. އެކަމަކު މި ހިސާބުން ފާސްކުރުން ނިމުނީ ކަމެއް އަދި ކަށަވަރެއް ނޫން.
ވަކީލު ސަފާ މިރޭ މީޑިއާއާ ވާހަކަ ދައްކަވާއިރު، ޕެރެޑައިސްގެ މެނޭޖަރު އަބްދުﷲ ފަތުހީ (ވ) އަދި އެގްޒެކެޓިވް އެސިސްޓެންޓް މެނޭޖަރު އަބްދުﷲ ސައީދު މަޑުކޮށްލައްވައިގެން.
ޕެރެޑައިސް އައިލެންޑް ރިސޯޓު ބަލައި ފާސްކުރުން މިވަގުތަށް ވަނީ ހުއްޓާލާފައި. ކަސްޓަމްސްގެ މުވައްޒަފުންނާއި ފުލުހުން ކޮޕީ ޝޮޕްގައި މަޑުކޮށްލައިގެން މިވަގުތު ތިބިއިރު، ރިސޯޓުގައި ހުރި ބަނގުރަލާއި އޫރުމަސް ގެންދިއުމަށް ޕެރެޑައިސް ރިސޯޓަށް ކަސްޓަމާއި ޕޮލިސްގެ ލީގަލް ޓީމެއް އަންނަ ކަމުގެ މައުލޫމާތު ލިބިފައިވާ ކަމަށް ވަކީލު ސަފާ ޝަރީފް ވަނީ ވިދާޅުވެފައި. އަދި މި ރިސޯޓުގައި ކަސްޓަމާއި ފުލުހުންގެ ދެ ޓީމެއް އަންނަނީ ހަރަކާތްތެރިވަމުން.
އެނގިފައިވާ ގޮތުގައި ހޮލިޑޭ އައިލެންޑް ރިސޯޓަށް ދާދި ދެންމެއަކު ފުލުހުންގެ ލޯންޗެއްގައި މީރާގެ އޮފިޝަލުންތަކެއް ވެސް ވަނީ ގޮސްފައި. އެ ރިސޯޓުން ބުނާ ގޮތުގައި މީރާގެ ދެ މީހަކު ވަނީ ރިސޯޓަށް ގޮސްފައި. އެކަމަކު އެ ރިސޯޓަށް ދިޔައީ ކީއް ކުރަން ކަމެއް އަދި ނޭނގެ.
ރިސޯޓުން ބުނީ ގާނޫނާ ހިލާފު އެއްވެސް ކަމެއް ކޮށްފައި ނޯންނާނެ ކަމަށާއި ގާނޫނާ ހިލާފު އެއްވެސް އެއްޗެއް ވެސް ނުހުންނާނެ ކަމަށް. އެހެން ނަމަވެސް، ތަހުގީގަށް ބޭނުންވާ އެއްޗެއް ގެންދަން ބޭނުން ނަމަ ރިސޯޓަށް ދެން ކުރެވޭނެ ކަމެއް ނެތް ކަމަށް ވެސް ބުނި.
ޕެރެޑައިސް އައިލެންޑް ރިސޯޓަށް ފުލުހުންނާ އެކު ކަސްޓަމްސްގެ ފަސް އޮފިޝަލުން ގޮސް އެ ރިސޯޓު ފާސްކޮށް ނިންމައިފި. އެނގިފައިވާ ގޮތުގައި އެހެން ޓީމެއް މިހާރު ދަނީ އެ ރިސޯޓަށް ދަތުރު ކުރަމުން.
ކަސްޓަމުން މިހާރު ހިންގާ ތަހުގީގަކަށް ސަން އައިލެންޑް ރިސޯޓުގައި ހުރި ރަލާއި އޫރު މަސްތައް ރަށުން ގެންދަން އުޅުނަސް އެއީ ކުރެވޭނެ ކަމެއް ނޫން ކަމަށް އެ ރިސޯޓުން ދެންމެ ބުނެފި އެވެ.
"ގާނޫނާ ޚިލާފަކަށް އެއްވެސް އެއްޗެއް ނުގެންދެވޭނެ،" ރިސޯޓުގެ މެނޭޖްމަންޓުގެ އިސް ބޭފުޅަކު ވިދާޅުވި އެވެ.
މި ރިސޯޓުގައި މި ވަގުތު 1،000 އަށް ވުރެ ގިނަ ޓޫރިސްޓުން އެބަތިއްބެވެ. އެއީ ރާއްޖޭގެ އެންމެ ބޮޑު މި ރިސޯޓުގެ ފުލް އޮކިއުޕަންސީ އެވެ.
މެނޭޖްމަންޓުން ބުނާ ގޮތުގައި ކަސްޓަމްގެ ހަތަރު މީހަކާއި ދެ ފުލުހަކު ރިސޯޓުގައި މިވަގުތު ވެސް އެބަތިއްބެވެ.
ސަން އައިލެންޑް ރިސޯޓުގެ އިތުރުން، ވިލާގެ ޕެރެޑައިސް އާއި ރޯޔަލް އާއި ފަން އައިލެންޑް އަދި ހޮލިޑޭ އައިލެންޑް ރިސޯޓު ބަލާ ފާސްކުރަނީ ބޮންޑެޑް ވެއާ ހައުސް އިން ރޯޔަލް އަށް ދޫކުރި ބަނގުރާތަކެއް އެ ރިސޯޓާ ގުޅުން ހުރި އެހެން ރިސޯޓުތަކަށް ގެންގޮސްފައިވާ ކަމަށް ތުހުމަތު ކުރެވޭ މައްސަލައަކަށެވެ. އެކަމަކު މި އަމުރުގައި އެއްވެސް އެއްޗެއް އެ ރިސޯޓުތަކުން ގެންދެވޭނެ ކަމުގެ ވާހަކައެއް ނެތެވެ.
"ވަރަށް ކަންބޮޑުވެފައި މިތިބީ. ގެސްޓުން ވެސް މިތިބީ ކަންބޮޑުވުމެއްގެ ތެރޭގައި. މިތަނުގެ ބާތަކާއި ތަންތަނަށް ވަދެ ފާސްކުރަންޏާ ގެސްޓުން ކަންބޮޑުވާނެތާ،" އޮފިޝަލް ވިދާޅުވި އެވެ.
"މިއަދު ވެސް ކޮފީޝޮޕްގައި އެންމެ ބާރުބޮޑުވި ގަޑީގައި އެތަން ފާސްކުރަން ވަނީ."
ތަހުގީގު ޓީމު ސަން އައިލެންޑުގެ އިސްވެރިންނާ އެކު
މި ރިސޯޓަށް މިދިޔަ މާޗް 22 އިން ފެށިގެން އެތެރެ ކޮށްފައި ހުރި ހުރިހާ ރަލަކާއި އޫރު މަހެއް ރިސޯޓުން ގެންދާނެ ކަމަށް ކަސްޓަމުން ވަނީ އަންގައިފަ އެވެ. އެހެންވެ، ރާއްޖޭގެ ޓީވީ ސްޓޭޝަންތަކާއި ބައެއް ނޫސްވެރިން ވެސް ވަނީ މި ފަސް ރިސޯޓަށް ގޮސްފަ އެވެ.
ސަން އައިލެންޑުން ބުނީ، މި ތަނަށް އައިސް ތިބި ތަހުގީގު ޓީމު ބޭނުންވާ ހުރިހާ ލިޔުންތަކެއް ހަވާލުކޮށްފައިވާ ކަމަށެވެ.
"ދެން މިރޭ އެންގީ ހުރިހާ އެއްޗެހި ގެންދަން ބޭނުމޭ،" އޮފިޝަލް ވިދާޅުވި އެވެ. "އެކަމަކު ގާނޫނާ ހިލާފަކަށް އެއްވެސް އެއްޗެއް މި ރިސޯޓަކުން ނުގެންދެވޭނެ. އެއީ ވަރަށް ބައިވަރު އެއްޗެހި."
"މިއީ ފުލްކޮށް ގެސްޓުން ތިބޭ ރަށެއް. އެތައް މިލިއަން ޑޮލަރެއްގެ މުދާ އެއީ. އެ އެއްޗެހި ގެންގޮސްފިއްޔާ ރިސޯޓު މުޅިން ހުއްޓުމަކަށް އަންނާނެ."
ރިސޯޓުގެ އެ ތަކެތި ބާލާނެ އިރެއް އަދި ނޭނގެ އެވެ. އެހެން ނަމަވެސް، އެނގިފައިވާ ގޮތުގައި އެ ތަކެތި ބަލާ ދޯނިތަކެއް މި ރަށަށް އަންނަން ވަނީ ފުރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހިލް
19 January 2018
ގެސްޓުން ކުރިމަތީ ކަން ކަން ކޮއްފަ ދެން ގެސްޓުން ނާނަނަން ފެށީމަ ބުނާނެ އިދިކޮޅޭ އަނެކެއްޗެކޭ. ޓޫރިޒަމް ހަލާކުކޮއްލަން އުޅޭ ބަޔެއް
އަނިޔާވެރިން
19 January 2018
ތިޔަ ކޮމިޝަނަރަކާއި ދެން ހުރި ކޮމިޝަނަރަކާއި ދެން ވެސް އެހެން މުވައްސަސާ އެއް އޮތިއްޔާ އެތަނަކާ މީން އެއްވެސް ތާކު އަމިއްލަ އަތުން ފައިން މަސައްކަތްކޮށްގެން ކައިބޮއި އުޅޭނެ ފަދަ ގާބިލު މީހަކު ނެތްކަން މި އެގެނީ. ސެޓުފިކެޓް ފުނި ފުންޏަށް ފައިލް ކޮށްގެން ގެންގުޅެނީ އެމީސް މީހުން އަމިއްލަ ނަފުސައް އަގެއް އޮތް ބަޔަކަށް ނުވާތީ ކޮންމެވެސް ގޮތަކުން މިކަހަލަ މަޤާމަކަށް އައުމަށް މަގުފަހި ކުރަން. މިހާރު ތިޔަ ކަރުދާސް ވެސް ބަހާ ކޮލެޖްތައްވެސް ބައިވަރު. މިމީހުން މަޤާމު ދިފާއު ކުރަން އޮރިޔާން ވެސް ވާނެ. އެއީ މިމީހުން ގެންގުޅެނީ އެއްވެސް އަގެއް ނެތް މިކަހަލަ ކޮލެޖުތަކުން ދޭ ކަރުދާހަށް ވުރެ ވެސް ދައްފެންވަރުގެ ކަރުދާހަކަށް އަމިއްލަ އަށް އިއިތިރާފު ވަނީ. މި މީހުންނަށް ދީފައި ހުރި ސެޓްފިކޭޓް ތަށް އެތަންތަނަށް ލިޔެގެން މިމީހުން އަތުން ނެގުން މުހިންމު. އެއީ ބޮޑެތި ބައިބަތު ހުރި ތަނަތަނުން ކިޔަވައިގެން ތިބި ސިންގާއިން ވެސް މީގައި ހިމެނޭ
ލީވާ
19 January 2018
މީރާ އަކީ މީހުން ބަނގުރޫޓް ކުރުމަށް ނިކުމެ ތިބި ބައެއް. އެމީހުން އެބަ ބުނެއޭ ސިގިރޭޓުން 25 ޕަސެންޓް ފައިދާ ރީޓޭލް ކުރާ މިހާ އަށް ލިބެއޭ. މީ ފެންވަރަކީ. ދެން ޖުރިމަނާ ކޮށް މީހުން އިނދަ ގަޅުވާފަ ގޮސް ބުނާނެ އޮޑިޓް ވީއޭ. އމއ
ބަފާވިޔަ
19 January 2018
ކޮންމެ މީހަކަށް ވިޔަސް ގައުމެއްގެ ބޮޑު ވިޔަފާރިއެއް ބަނގުރޫޓު ކޮށްލުމަކީ މޮޅު ކަމެއް ނޫން. އެހެން ގައުމުތަކުގަ ބަލަނީ ކޮޅަށް ޖެހޭތޯ.
ބީވާ
19 January 2018
މީރާ ކަސްޓަމްސް ކުދިންނޭ. ކަލޭމެން ކުދިން ރޯމާ ދުވާލު މުޅި ގައުމު ސިއްސުވާލި ބޮޑު ވައްކަމަށް އެއްވެސް ފިޔަވަޅެއް އެޅުމެއް ނެތި މީހެއްގެ ފަހަތުން ދުވުމަކީ މޮޅު ކަމެއް ނޫން. މީރާ ކުދިން އެތަކެއް ކުދި ވިޔަފާރި ތައް ބަނގުރޫޓް ކޮށް ނެގި ޖޫރިމަނާ ފައިސާ ތަކާއި ރައްޔިތުން އަމާނާތެއްގެ ގޮތުން ހަވާލު ކުރި އެތަކެއް ބިލިއަން ރުފިޔާ ކަނޑައެޅިގެން ޚިޔާނާތް ވާ ބައެއްގެ އަތަށް ދިނުމަކީ ކަލޭމެންވެސް ޖަވާބުދާރީ ވާން ޖެހޭނެ ކަމެއް.
އެއްލާލާ
19 January 2018
ގާސިމްގެ ވިޔަފާރި ފުނޑަނީ އެއީ އެމްޑީޕީ އަޑީގައި އޮވެގެންނެވެ. އެކަން ގާސިމަށް އަދި ނޭގެނީ އޭ އިނގޭއިރު އޮންނާނީ ވަގުތު ފާއިތު ވެފައެވެ. އަވަހަށް މިކަން ދަނެގަންނަންވީ ގާސިމް އިބްރާހިމް. އެމްޑީޕީ ތިޔާ ދުއްޕާނެކޭ އެމެން ނެރެ އެއްލާލާ ކުނޫޒު ކިއްލާ އިން ހަމަ މިހާރު.
ޖޯޖް
19 January 2018
މީ ކޮން މޮޔައެއް ގޮވާ މީހެއް
އޮޅާލާ
19 January 2018
ތަމެން ތެޅެން ޖެހޭނީ ތިޔާ ގޮތަށް ތެޅި ތެޅި ތިބެން. ދެން ކޮން އެއް ކެންޑިޑޭޓެއް ތޭ ނެރެވޭނީ. އެއް ކެންޑިޑޭޓް ދެން އޮޅާލާ އޮޅާލާ އޮޅާލާ.
ކައުންސެލަރު
19 January 2018
މ. ކުނޫޒު ހުންނަ މަގުހަދަން ފެށިގޮތް މިސާލަކީ.
އަލީ_
19 January 2018
ވަރަށް ދަށުދަރަޖައިގެ ކަމެއް. ދައުލަތުގެ މުއައްސަސާތައް ބޭނުންކޮށްގެން ސިޔާސީ އިދިކޮޅު މީހުންނަށް ޖެއްސުންކުރުން. ގައުމުގެ ޓޫރިޒަމަށްވެސް މީގެ ގެއްލުން ބޮޑު.
ވެރިން
19 January 2018
ވެރިކަމެއް ނިމި ދާތީ ނިމި ދިއުމުގެ ކުރިން ހަދާ ވައްތަރުގެ ކޮސް ހަދާތަން ތިފެންނަނީ