ފެނަކައިގެ މެނޭޖިން ޑިރެކްޓަރު ޝަރީފް، ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ރައްޔިތުންގެ މަޖިލިހުގެ ކޮމިޓީގެ ބައްދަލުވުމަކަށް ޖަވާބުދާރީވަނީ.---ފޮޓޯ: ނިޝާން އަލީ/މިހާރު
04 މާޗް 2018 - 12:05
64 comments
އިލެކްޝަންސް ކޮމިޝަން (އީސީ) ގެ މެމްބަރު ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ޝަރީފް އައްޔަން ކުރެއްވުމަށް ރައީސް އަބްދުﷲ ޔާމީން ރައްޔިތުންގެ މަޖިލީހަށް އޭނާގެ ނަން ފޮނުއްވައިފި އެވެ.
އެ ކޮމިޝަންގެ މެމްބަރު ކަމަށް ޝަރީފް އައްޔަން ކުރުމުގެ މައްސަލަ މާދަމާ އޮންނަ މަޖިލީހުގެ ޖަލްސާ އަށް ވަނީ އެޖެންޑާ ކޮށްފަ އެވެ. ހެނދުނު 9:00 ގައި ބާއްވާ ޖަލްސާގައި އޮތީ ޝަރީފްގެ ނަން ދިރާސާ ކުރުމަށް ރިޔާސަތުން މިނިވަން މުއައްސަސާތަކުގެ ކޮމެޓީ އަށް ފޮނުވުމުގެ މައްސަލަ އެކަންޏެވެ.
ޝަރީފް ވަނީ މީގެ ކުރިން އަހަރެއްހާ ދުވަސް ވަންދެން ވެސް އީސީގައި މަސައްކަތް ކުރައްވައިފަ އެވެ.
އެނގިފައިވާ ގޮތުގައި އީސީގެ މެމްބަރު ކަމަށް ކުރިމަތިލުމުގެ ފުރުސަތު ހުޅުވާލުމުން އެ މަގާމަށް ކުރިމަތިލެއްވި ބޭފުޅުންގެ ތެރެއިން ރައީސް ޔާމީން މަޖިލީހަށް ފޮނުއްވީ ޝަރީފްގެ ނަން އެކަންޏެވެ.
ރައީސް ޔާމީނާ ގާތްގުޅުމެއް އޮންނަ ޝަރީފް ފެނަކައިގެ މެނޭޖިން ޑިރެކްޓަރަކަށް އައްޔަން ކުރީ ޑިސެމްބަރު 26، 2016 ގަ އެވެ.
ރައްޔިތުންގެ މަޖިލީހުގައި ތިމަރަފުށީ ދާއިރާގެ މެމްބަރުކަން ވެސް ކުރެއްވި އަދި ކުރީގެ ޕްރިންސިޕަލް ޝަރީފް މި ސަރުކާރުގައި އެންމެ ފުރަތަމަ އަދާކުރެއްވީ އެޑިއުކޭޝަން މިނިސްޓްރީގެ ނައިބެއްގެ މަގާމެވެ.
ތައުލީމީ ދާއިރާގައި ގިނަ ދުވަސްތަކެއް ވަންދެން މަސައްކަތް ކުރެއްވި ޝަރީފް އަނެއްކާ ވެސް އިލެކްޝަންސް ކޮމިޝަނަށް އައްޔަން ކުރައްވަނީ އެ ކޮމިޝަންގެ ރައީސްގެ މަގާމުގައި ކުރިން ހުންނެވި އަހުމަދު ސުލައިމާން މިދިޔަ މަހު އިސްތިއުފާ ދެއްވުމުންނެވެ. ސުލެއިމާން އިސްތިއުފާ ދެއްވީ ކޮމިޝަންގެ ރައީސް ކަމަށް ޝަރީފް އައްޔަން ކުރެއްވުމަށް ކަމަށް އިދިކޮޅު ފަރާތްތަކުން ކުރިން ވެސް ވަނީ ބުނެފަ އެވެ.
ސުލެއިމާނަށް ރައީސް ޔާމީން މިހާރު ވަނީ ނެޝަނަލް އިންޓެގްރިޓީ ކޮމިޝަން (އެންއައިސީ) ގެ ރައީސް ކަން ދެއްވައިފަ އެވެ. ސުލައިމާން އެންއައިސީގެ މެމްބަރު ކަމަށް އައްޔަން ކުރެއްވީ، އޭނާ އަށް ރުހުން ދޭން ފެންނަ ކަމަށް ޕީޕީއެމް/އެމްޑީއޭ ކޯލިޝަން މެމްބަރުންގެ ވޯޓުން މިދިޔަ ހަފުތާގައި ފާސް ކުރުމުންނެވެ.
އެންއައިސީ އަށް ސުލައިމާން އައްޔަން ކުރީ، އެ ކޮމިޝަންގެ ރައީސްގެ މަގާމުގައި ހުންނެވި ޔޫސުފް މާނިއު މަގާމުން ވަކި ކުރެއްވުމަށް ފަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަސް
05 March 2018
މި ވާހަކަ މީގެ ދުވަސްތަކެއް ކުރިން ކީމެވެ. ތައްޔިބުގެ ޓްވީޓްތަކަކީ ވަރަށް އިތުބާރުކުރެވޭ އެއްޗަކަށް މިވަނީ ވެފައެވެ
ހަނދުކޭތަ
05 March 2018
ތިތަނަށް ހޮވުމުގެ ޝަރުތު ތަކުގެ ތެރޭގައި ހިމެނޭ އެއްވެސް ޕާޓީއަކަށް ނިސްބަތް ނުވާ މީހަކަށް ވުން. ތި ޝަރީޕު މިހާރުވެސް، ނޫނީ އަބަދުވެސް ތިއީ ސިޔާސީ ޕާޓީއެއްގައި އުޅޭ މީހެއް. މިޔަށް އަހަރެމެން މިކިޔަނީ އަންދާ ގާނޫނު
ގުއިއްޒު
05 March 2018
މިނިވަން މުއައްސަސާތަކުގެ ރައީސްކަން ކުރެވޭނީ ތާރީޚެއް އޮތް ބޭފުޅުންނަށް. އޭގެ އިތުރުން ގޮތްދޫނުކުރާ މީހަކަށް ވުމަކީ ކޮންމެހެން ހުންނަންޖެހޭ ޝަރުތެއް.
މަމެން
05 March 2018
ރައީސުލް ޖުމްހޫރިއްޔާއަށް ފެނިވަޑައިގަންނަވާ ބޭފުޅަކު އައްޔަން ކުރާ ގޮތަށް ކޮންމެ މިނިވަން މުވައްސަސާއަކަށް އޮންނަ ކަމަށް ވަންޏާ އމުވައްސަސާއެއް އޮންނާނީ ވަކި ކުލައެއް ޖެހިފަ. ދެން ކޮން މިނިވަނެއް ވާނީ. މިރާއްޖޭގަ ކިޔަވައިގެން ތިބި ގިނަމީހުންނަކީ ވެސް ކޮރަޕްޓް މީހުން.
ކަންބުލޮ
05 March 2018
ކީކުރާ ނަންގާ ވޯޓެއް އަބަދުވެސް ބަހަޓަންވީ ޔާމީން
ޢބުދޔ
04 March 2018
އަބުދުއްރަހީމު މި ނޫސް ނުކިޔާހެން ހީވަނީ
ޑޮކްޓަރުންގެ ސިޓީ / އައްޑޫ ސިޓީ
04 March 2018
ޔާމިން އަބުދުލް ޤައްޔޫމްގެ ސަރުކާރުގެ އަމަލުތައް ހުރިގޮތުން ދުނިޔޭގެ ޑިމޮކްރެޓިކް ހުރިހާ ދައުލަތް ތަކާއި ކޮމަންވެލްތް ޔޯރަޕް އިއްތިހާދާއި އދ ވެސް އޮތީ ފާރަވެރިކަމާއި އެކު ސަރުކާރު އަމަލު ތައްބަލާން. . . ސަރުކާރު ޤާނޫނީއިމައްރުޖޫއަވުމަށާއި “ފަނޑިޔާރުގޭގެ ހުކުމް ތަންފީޒުކުރުމަށް” ގޮވާލަމުންދާ މިދަނޑިވަޅުގައި “ޤާނޫނު ހަދާމަޖިލީހުގެމެންބަރުން ސަރުކާރުގެމިކުޅީގައި ބައިވެރިވެގެން ނުވާނެ” އަދި މަޖިލީހުގެ ޤާނޫނީއަދަދު ހަމަނުކޮށް މެންބަރުންކަސްތޮޅުއަޅުވާފައި ޖަލްސާގައިބައިވެރިވެ “ސަރުކާރުބޭނުންވިކޮންމެ ގޮތަކަށްވޯޓްދިނުމަކީ ނިޒާމްހަރާބު ވާނެކަމެއް” ކަންދަންނާންޖެހޭ. . އަހްމަދު ޝަރީފް ކުރިމަތިލައްވަންތިޔައުޅުއްވަނީ ދުނިޔެއާ. އެއްވެސްހާލެއްގައި އާރެއްބާރެއްނެތި ގޮތްހުސްވެފައިތިބި ދިވެހިންނަކާނޫން. . . ލޯމަތިން ފެންނަ ކަންކަން ޤަބޫލު ނުކުރާނީ ވަރަށް ދަށުދަރަޖައަށް އިންސާނާވެއްޓުމުން. ހީކުރަން އެހިސާބަށް ނުދާނެ ކަމަށް. އަމިއްލައަށް ކަށްވަޅު ކޮންނާކަށް ނުޖެހޭނެ. އެއީ އެހެން ބަޔަކު ކުރާންޖެހޭ ކަމެއް.
ނަންނުކިޔާ
04 March 2018
ޕީއޭ އިން ފެނަކައަށް، ފެނަކައިން އިލެކްސަންސް ކަމިސަނަށް، ތި ކަމިސަނުން އިންތިހާބު ނިމުމުން އޭނާ އިސްވެ ހުރެ ކުރި ކަންތަށް ގަޑު މަށަކު ނުވެސް ދެނެހުރީމޭ ބުނެ ގެންގޮސް ލާނީ ޖަލަށް. ބަލަންް ތިބޭތި.
މާލޭ މީހާ
04 March 2018
އިލެކްޝަންްސް ކޮމިޝަންސްގަ ކޮއްމެ މީހަކު ހުއްޓަސް އިރާދަކުރެެއްވިއްޔާ ރިޔާސީ އިންތިޚާބު ކާމިޔާބު ކުރާނީ ރައީސް ޔާމީން . ( އއ )
ހަނދުކޭތަ
05 March 2018
މިހާރު ކާމިޔާބު ވެއްޖޭ. ދެން އުފަލުން ރަޖާ ލާ
ައައްލީ
04 March 2018
ބަލަ ސުލައިމާނާ މި ޝަރީފަކާ ނޫނީ މިމަގާމުތަކަށް އެކަށީގެންވާ ބަޔަކު ނެތީތަ ހަމަ. ކިޔަވައިގެން ތިބި ގާބިލު އެތައް ބަޔަކު މިގައުމުގަ އެބަތިބި. ދެލޯ ހުޅުވައިގެން ބަލަން ތިބޭ މީހުނަށް ފެންނާނީ. ދެން ތިބޭނީ ފެނުނަސް އިވުނަސް އެނގުނަސް ބާރަށް އަތްޖަލާ ކުދިން. އަވަސްކުރޭ. ބާރަށް އަތްޖަހާ.