ޖުމްހޫރީ މައިދާން ކައިރިން ފުލުހުން މީހަކު ހައްޔަރުކުރަން މަސައްކަތްކުރަނީ. -- ފޮޓޯ: ހުސެން ވަހީދު/މިހާރު
16 މާޗް 2018 - 21:00
119 comments
މަސް މާރުކޭޓާއި ލޯކަލް މާރުކޭޓް ސަރަހައްދަށް އެއްވި އެންމެން ފަހަތަށް ޖައްސައި ފޮނުވާލައިފި. އޭގެ ކުރިން، ވަރަށް ބާރު އަޑަކާއެކު ކަރުނަ ގޭސް އަނެއްކާ ވެސް ޖަހައިފި.
ކެލާ ދާއިރާގެ މެމްބަރު އަލީ އާރިފް: ތަނަކަށް އެއްވެގެން ވެރިކަން ވެއްޓޭ ނަމަ ރައީސް މައުމޫންގެ ވެރިކަން ވެސް ވެއްޓުނީސް. ރައީސް ނަޝީދުގެ ވެރިކަން ވެސް ވެއްޓުނީ އަމިއްލަ އަށް އިސްތިއުފާ ދިނީމާ. ގަޓެއް ހުރިއްޔާ ރާއްޖެ އައިސް ބަލަ. މިއީ މުސްތަގިއްލު ގައުމެއް ކަމަށް ދެމެހެއްޓުމަށްޓަކައި އަޅުގަނޑުމެން މިތިބެނީ އަބަދުވެސް މަސައްކަތުގައި.
ކާނަލް ނަޝީދު: އަސްކަރިއްޔާ އަށް ފުރިހަމަ ޔަގީންކަން އެބައޮތް. ގްރީން ޒޯނަށް ވަދެވޭނެ ކަމުގެ ނަނާހުވަފެން ބަލާނެ ކަމެއް ނެތް. އެމްޑީޕީ މި ސިފަކުރެވެނީ މާކެޓް ކުރާ ފާމެއްގެ ގޮތުގައި. ވެރިކަން ވައްޓާނެ ގޮތެއް އެމްޑީޕީގެ އިސް ސަފުގައި އުޅޭ މީހުންނަށް އެނގޭ ހެނެއް ހިއެއް ނުވޭ.
ޑީއާރުޕީގެ ލީޑަރު މުހައްމަދު ނަޝީދު (ކާނަލް): މިރޭ ވެސް މި ފެނުނީ ޓިޕިކަލް އެމްޑީޕީގެ މުޒާހަރާއެއް. ފްރޮންޓްލައިނަކުން އެމްޑީޕީގެ ލީޑަޝިޕްގެ ބޭފުޅެއް ނުފެނުނު. ގައުމީ މަޖިލީހުގެ މެމްބަރެއް ވެސް ނުފެނުނު. މޭޑޭގެ މުޒާހަރާ އަށް ވީ ގޮތް މި ފެނުނީ. މި މުޒާހަރާ އަށް ރަށްރަށުން އަންނާނެ ކަމަށް އުންމީދު ކުރި މިންވަރަށް ވެސް މީހުން ނައި.
ނިހާން: ދިވެހި ސިފައިންނަކީ ވަކި ޑިސިޕްލިން އެއްގައި ތިބޭ ބައެއް. ސިފައިން މާ ގިނައިރަކު ބަލާކަށް ނުތިބޭނެ. ސިފައިންނާ ކުރިމަތިލާން ވަޑައިނުގަންނަވާ. ތިޔަ ހައްދަވަނީ ގޯހެއް. ފުލުހަކަށް މިހާރު ވެސް ވަނީ އަނިޔާވެފައި. ޕީސްފުލް ޕްރޮޓެސްޓެއް ކަމަށް ދައްކަން އެބައުޅޭ. އެކަމަކު ވެހިކަލެއްގައި ރޯކޮށްފި. ފުލުހަކަށް ހަމަލަދީފި.
ޕީޕީއެމްގެ ޕީޖީ ލީޑަރު ނިހާން: ބޮޑު ސޯޅަ މިދިޔައީ ހަމަ ބޮޑު ސޯޅަ އަށް. މިހާރު އަޅުގަނޑުމެން މިތިބީ 17 މާޗުގައި. ރާއްޖޭގެ ރައީސަކީ އަދިވެސް އަބްދުﷲ ޔާމީން. ރާއްޖެ ސަލާމަތް ކުރުމުގެ ހިތްވަރާއި ފަންވަރު ދިވެހި ސިފައިންނާއި ފުލުހުންގެ ހުންނާނެ. އިސްލާމް ދީނަށް ހަޖޫ ޖަހާ މީހަކަށް ދިވެހި ސިފައިންނާއި ފުލުހުން ތަބައެއް ނުވާނެ. ޖުމްހޫރީ މައިދާނަށް ވަދެވޭނެ ކަމަށް އެއްވެސް ބޭފުޅަކު ހީނުކުރައްވާ. ގްރީން ޒޯން ކަމަށް ކަނޑައަޅާފައިވާ ޖުމްހޫރީ މައިދާނަށް ވަދެވުނު ޒަމާން ހިނގައްޖެ.
ފުލުހުން މިހާރު ވަނީ މަސް މާރުކޭޓު ކައިރި އަށް އެއްވާ މީހުންގެ ފަހަތުން ދުވެ ގޮސް ބައެއް މީހުން ހައްޔަރު ކުރަން ފަށާފައި.
އަބްދުއްރަހީމް: އަޅުގަނޑުމެން ކަންބޮޑުވާ އެއްވެސް ކަމެއް ނެތް. ސަރުކާރު ހިންގަނީ ގާނޫނީ އިމުގެ ތެރެއިން. ބަޔަކު މަގުމައްޗަށް ނުކުތަސް އަޅުގަނޑުމެން ހާހެއް ނުވޭ. އަޅުގަނޑުމެން މިތިބީ ވަރަށް ހިތްވަރާއި ސާބިތުކަމާއެކު. އެންމެ ތަންކޮޅެއް ވެސް އަޅުގަނޑުމެން ފަހަތަކަށް ނުޖެހޭނަން.
ޕީޕީއެމްގެ ނައިބު ރައީސް އަބްދުއްރަހީމް: މުޒާހަރާގައި މިހާރު އުޅެނީ ރަށްރަށުން އައި 150 އެއްހާ މީހުން. އުމުރު ހަމަނުވާ ކުދިން މުޒާހަރާގައި ބައިވެރި ކުރުމަކީ ވަރަށް ހިތާމަހުރި ކަމެއް.
ޕީޕީއެމްގެ ނިއުސް ކޮންފަރެންސެއް ފަށައިފި.
މާރުކޭޓު ކައިރީގައި ތިބި މީހުން ފަހަތަށް ޖެއްސުމަށްޓަކައި ފުލުހުން އަނެއްކާވެސް ކަރުނަ ގޭސް ޖަހައިފި.
ކަރުނަ ގޭސް ޖެހުމާއެކު، އެއްވުން މިހާރު ވަނީ ރޫޅިފައި. ނަމަވެސް މަސް މާރުކޭޓުގެ އެކި ސަރަހައްދުތަކުގައި އަދިވެސް ކޮންމެވެސް ވަރަކަށް މީހުން އެބައުޅޭ.
Muzaaharage baiveriaku hamala dhinumuge sababun fuluhakah vany aniyavefai. Aniya libifaiva fulus officer ge athugai fracture eh vany laafai.
— Maldives Police (@PoliceMv) March 16, 2018
ފުލުހުންގެ ޓުވީޓް
ފަހަކަށް އައިސް މުޒާހަރާތައް ރޫޅާލުމަށް ފުލުހުން ކަރުނަގޭސް ބޭނުމެއް ނުކުރޭ. އިދިކޮޅު ފަރާތްތަކުން ބާއްވާ މުޒާހަރާތައް ކޮންޓްރޯލް ކުރުމަށް ފުލުހުން ބޭނުން ކުރަނީ ޕެޕާ ސްޕްރޭ. ފުލުހުން މިރޭ ކަރުނަ ގޭސް ބޭނުން މި ކުރީ ވަރަށް ގިނަ ދުވަސްތަކަކަށް ފަހު.
ފުލުހުން: މުޒާހަރާގެ ބައިވެރިއަކު ހަމަލާ ދިނުމުގެ ސަބަބުން ފުލުހަކަށް ވަނީ އަނިޔާވެފައި. އަނިޔާ ލިބިފައިވާ ފުލުސް އޮފިސަރުގެ އަތުގައި ފްރެކްޗާއެއް ވަނީ ލާފައި.
This is by far the largest protest since #mayday2015. So far 32 arrested. #huttuvaa m
— Shauna Aminath 🎈 (@anuahsa) March 16, 2018
މުޒާހަރާގެ ބައިވެރިންގެ ތެރެއިން އެކަކުގެ ބޯ ފަޅައިގެން ގޮސް، އެމްބިއުލާންސްގައި އެމަޖެންސީގައި އައިޖީއެމްއެޗަށް ގެންގޮސްފި. މުޒާހަރާގެ ބައިވެރިން ބުނަނީ އޭނާގެ ބޮލުގައި ފުލުހަކު މުގުރުބުރިން ޖެހީ ކަމަށް.
މަސް މާރުކޭޓު ސަހަރައްދަށް ކަރުނަ ގޭސް ޖަހާފައި -- ފޮޓޯ: ހުސެއިން ވަހީދު/ މިހާރު
މުޒާހަރާގައި ގެއްލުން ލިބުނު މީހަކު ގެންދަނީ -- ފޮޓޯ: ހުސެއިން ވަހީދު/ މިހާރު
ޖުމްހޫރީ މައިދާން ކައިރީގައި ސިފައިން ޝީލްޑް ހިފައިގެން. -- ފޮޓޯ: ހުސެން ވަހީދު/މިހާރު
މުޒާހަރާގެ ބައިވެރިން މަސް މާރުކޭޓު ސަރަހައްދުގައި
ކަރުނަ ގޭސް ޖެހި ނަމަވެސް، މުޒާހަރާގެ ބައިވެރިން އަނެއްކާ ވެސް ވަނީ މަސް މާރުކޭޓު ސަރަހައްދަށް ގޮސްފައި
މަސް މާރުކޭޓު ކައިރީގައި އެއްވެފައި ތިބި މީހުން ހިމެނޭ ސަރަހައްދަށް ކަރުނަ ގޭސް ޖަހައިފި.
މުޒާހަރާގެ ބައިވެރިން ފަހަތަށް ޖައްސާފައި ފުލުހުން ދުރަށް ދިއުމާއެކު މުޒާހަރާގެ ބައިވެރިން ޖުމްހޫރީ މައިދާނާ ކައިރިއަށް ޖެހޭ.
އަމީތު ހައްޔަރުކޮށްގެން ގެންދަން އުޅެނިކޮށް މުޒާހަރާގެ ބައިވެރިން އަމީތު ގެންދަނީ. އަދި އެ މީހުންނަށް އަމާޒުކޮށް ފުލުހުން ޕެޕަސްޕްރޭ ޖަހަނީ. -- ފޮޓޯ: ހުސެން ވަހީދު/މިހާރު
މުޒާހަރާކުރާ މީހުންގެ ތެރެއަށް ގިނަ އަދަދަކަށް ޕެޕަސްޕްރޭ ޖަހައިފި. ބައެއް މީހުން ބިންމައްޗަށް ވެއްޓިފައި އެބަތިބި.
މެންބަރު އަމީތު ހައްޔަރުކޮށްގެން ގެންދަނިކޮށް މުޒާހަރާގެ ތެރެއިން ބަޔަކު ގޮސް އަމީތު ގައިގައި ބައްދައިގަނެ މުޒާހަރާގެ ތެރެއަށް އަނެއްކާވެސް ގެންގޮސްފި. އޭގެ ފަހުން އަމީތު ހައްޔަރުކުރަން ފުލުހުންނެއް ނުދޭ.
ޖުމްހޫރީ މައިދާނަށް އެއްވާން އުޅުނު މީހުންނާ އެކު ހުންނެވި މަތިވެރި ދާއިރާގެ މެންބަރު ހުސެން މުހައްމަދު ފުލުހުންގެ ބެލުމުގެ ދަށަށް ގެންގޮސްފި.
އިންޒާރު ދޭ ވީޑިއޯ ހެދި މައްސަލާގައި ތިން މީހަކު ހައްޔަރުކޮށްފައިވާ ކަމަށް ފުލުހުން ބުނެފައި ވާއިރު އެއީ ރާއްޖެ ޓީވީގެ ތިން މީހަކު ކަމަށް ވަނީ ބެލެވިފައި. މިރޭ ރާއްޖެ ޓީވީ ހެޑް އޮފް ޕްރޮގްރާމްސް އާމިރު ސަލީމާއި ދެ ނޫސްވެރިން ކަމަށްވާ ވިސާމް އަދި ފަޒީން ވަނީ ހައްޔަރުކޮށްފައި.
ޖުމްހޫރީ މައިދާން ކައިރިން މީހަކު ހައްޔަރުކުރަނީ. -- ފޮޓޯ: ހުސެން ވަހީދު/މިހާރު
އެމްއެމްއޭ ކައިރިއަށް އެއްވެފައި ތިބި މީހުން ދުރަށް ޖައްސަން ފުލުހުން ޕެޕަސްޕްރޭ ޖަހައިފި. އެ ސަރަހައްދުގެ އެކި މަގުތަކުގައި މީހުން އެބަ އުޅޭ
Video hadhaigen fuluhunnah inzaarudhin massalaigai 3 meehaku mirey vanee fuluhunge belumuge dhashah genevifai.
— Maldives Police (@PoliceMv) March 16, 2018
ވީޑިއޯ ހަދައިގެން ފުލުހުންނަށް އިންޒާރު ދިން މައްސަލާގައި ތިން މީހަކު ހައްޔަރުކޮށްފައިވާ ކަމަށް ފުލުހުން ބުނެފި.
Fuluhaku raheenu kurikamah media gai hissakura khabary dhogu khabareh.
— Maldives Police (@PoliceMv) March 16, 2018
ފުލުހަކު ރަހީނުކުރި ކަމަށް ބުނެ ޚަބަރު ފެތުރޭ ކަމަށް ބުނެ ފުލުހުން އެކަން ދޮގުކޮށްފި.
މެންބަރު އަލީ އާޒިމް އިސްވެ ހުންނަވައި، ޖުމްހޫރީ މައިދާން ކައިރީ މުޒާހަރާކުރަނީ
ޖުމްހޫރީ މައިދާން ކައިރިން ދުރަށް ޖެއްސިތާ އިރުކޮޅެއް ފަހުން އަނެއްކާވެސް މީހުން ޖަމާވަނީ.
މެންބަރު އަލީ އާޒިމް ޖުމްހޫރީ މައިދާން ސަރަހައްދުގައި އިސްވެ މުޒާހަރާ ކުރައްވަނިކޮށް ހައްޔަރުކޮށްފި. އޭނާއާ އެކު މާލޭ ސިޓީ ކައުންސިލް މެންބަރު އަހްމަދު ނިޔާޒް ވެސް ފުލުހުން ގެންދިޔަ
މުޒާހަރާކުރާ މީހުން އަންނަނީ ރައީސް ޔާމީން ހައްޔަރުކުރަން ގޮވައިލަމުން.
ސޯލްޓް ކެފޭ ކައިރީގައި ތިބި މުޒާހަރާގެ ބައިވެރިން ދުރަށް ޖައްސަން ޕެޕަސްޕްރޭ ޖަހައިފި. އެކި ހިސާބުތަކުގައި މުޒާހަރާގެ ބައިވެރިން އެބަ އުޅޭ
މުޒާހަރާގެ ބައިވެރިޔަކު ހައްޔަރުކޮށްގެން ގެންދަނީ. -- ފޮޓޯ: ހުސެން ވަހީދު/މިހާރު
ޖުމްހޫރީ މައިދާނަށް ވަންނަން މަސައްކަތްކުރާ މީހުންނާ އެކު އެމްޑީޕީގެ ޕާލިމެންޓްރީ ގްރޫޕްގެ ލީޑަރު ހިންނަވަރު ދާއިރާގެ މެންބަރު އިބްރާހިމް މުހައްމަދު ސޯލިހް އެބަ އުޅުއްވާ
ފުލުހުންނާއި ސިފައިން ދަނީ ޖުމްހޫރީ މައިދާނަށް ދާން މަސައްކަތްކުރި މީހުންނަށް ހުރަސްއަޅައި މަގުތައް ބަންދުކުރަމުން. އެއްބަޔަކު މަޑުކޮށްގެން ތިބީ ސީގަލް ކަންމަތީގައި
ޖުމްހޫރީ މައިދާނަށް އެއްވާން މަސައްކަތްކުރަނީ. -- ފޮޓޯ: ޝޯޝަލް މީޑިއާ
މުޒާހަރާގެ ބައިވެރިން ޖުމްހޫރީ މައިދާނަށް ޖަމާވާން މަސައްކަތްކުރަނީ.
އިދިކޮޅު ފަރާތްތަކުން މިހާރު މާލޭގައި ބާއްވާ އެއްވުން ހުއްޓުވަން ހަރަކާތްތެރިވާ އެސްއޯ ބައެއް ފުލުހުން.---ފޮޓޯ: ނިޝާން އަލީ/މިހާރު
ރޭގެ މުޒާހަރާ އިން ހައްޔަރުކުރި މީހުން ދެންމެ ދޫކޮށްލުމުން ފޮޓޯއަކަށް ހުއްޓިގެން.
އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހައްމާ) ގެ އިތުރުން ރޭގެ މުޒާހަރާ އިން ހައްޔަރުކުރި އެންމެން ދޫކޮށްލައިފި.
ފުލުހުން މުޒާހަރާގެ ބައިވެރިޔަކު ހައްޔަރުކުރަނީ. -- ފޮޓޯ: ނިޝާން އަލީ/މިހާރު
ޕްރެސް ކޮންފަރެންސްގައި އިސްލާމިކް މިނިސްޓަރު ޑރ. އަހްމަދު ޒިޔާދު ބާގިރު ވިދާޅުވީ ރާއްޖެއަށް ޖެހިގެން މި އުޅެނީ ފިކުރީ ހަނގުރާމައިގެ މުސީބާތް ކަމަށް.
އާޒިމާ ވިދާޅުވީ އިދިކޮޅު ފަރާތްތަކުން ކުރަނީ ގާނޫނީ އިމުގެ ތެރެއިން ފުރުސަތު ދެވޭނެ ކަމެއް ނޫން ކަމަށް.
ޕީޕީއެމްގެ ޕްރެސް ކޮންފަރެންސްގައި، ރައީސް އޮފީހުގެ ލީގަލް އެފެއާޒް މިނިސްޓަރު އާއިޝަތު އާޒިމާ ޝަކޫރު ވިދާޅުވީ ސަރުކާރު ހިމޭނުން އޮތުމަކީ ނުކެރުމެއް ނޫން ކަމަށާއި ސަރުކާރުން ހުރިހާ ކަމެއް ވެސް ކުރަނީ ގާނޫނީ އިމުގެ ތެރޭގައި ކަމަށް. ގާނޫނާ ހިލާފަށް ހިންގާ ކޮންމެ ކަމެއް ވެސް ހުއްޓުވާނެ ކަމަށް އާޒިމާ ވިދާޅުވި.
މުޒާހަރާގެ ބައިވެރިއެއްގެ މޫނަށް ޕެޕަސްޕްރޭ ޖެހުމުން މޫނު ދޮންނަނީ. -- ފޮޓޯ: ނިޝާން އަލީ/މިހާރު
ރާއްޖެ ޓީވީގެ ނޫސްވެރިޔާ ވިސާމް އާއި ޕްރޮގްރާމްސް ހެޑް އާމިރު ސަލީމް ހައްޔަރުކޮށްފި. އާމިރު ހައްޔަރުކުރީ ރާއްޖެ ޓީވީ ދޮރުމަތީ ހުއްޓާ ކަމަށް ރާއްޖެ ޓީވީން ބުނި.
މުޒާހަރާ ކަވަރުކުރަން ހަރަކާތްތެރިވާ ނޫސްވެރިން ފަހަތަށް ޖައްސަނީ. -- ފޮޓޯ: ނިޝާން އަލީ/މިހާރު
މަޖީދީ މަގުގައި، އަލިކިލެގެފާނު މަގާ ހިސާބުގައި މުޒާހަރާގެ ބައެއް ބައިވެރިން ތިބި އިރު މާވެޔޮ މަގާ ހިސާބުގައި ވެސް ބައިވެރިން އެބަ އުޅޭ.
ރޯކޮށްލި ކާރަށް ގެއްލުންވެފައި. ރޯކޮށްލިތާ ކުޑަ އިރުކޮޅެއްގެ ތެރޭ އަލިފާންގަނޑު ވަނީ ނިއްވާލާފައި
In a desperate attempt, YAG invokes religion to divert attention from his atrocities that directly contradict Islam: corruption, embezzlement, torture & encouragement of adultery. People are against these heinous crimes. Protect constitution! Protect religion! Protect nation!
— Mohamed Jameel Ahmed (@MJameelAhmed) March 16, 2018
ޑރ. ޖަމީލްގެ ޓްވީޓް
ރައީސް ޔާމީން މަސައްކަތްކުރައްވަނީ ދީނީ ވާހަކަ ދައްކަވައިގެން، ޖަރީމާތައް ފޮރުވަން ކަމަށް ވިދާޅުވެ ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު ރައީސް ޔާމީނަށް ފާޑު ވިދާޅުވެއްޖެ
ރާއްޖެ ޓީވީގެ ނޫސްވެރިޔާ ފަޒީން ހައްޔަރުކޮށްގެން ގެންދަނީ
ރާއްޖެ ޓީވީގެ ނޫސްވެރިޔާ ފަޒީން ހައްޔަރުކޮށްފި. އޭނާ ގެންދިޔައީ ބިޑި އަޅުވައިގެން
މަޖީދީމަގާ ގުޅިފައިވާ ގޯޅިތަކަށް މުޒާހަރާގެ ބައިވެރިން ފަހަތަށް ޖައްސައި މަޖީދީމަގުން މުޒާހަރާގެ ބައިވެރިން ހުސްކުރަން ފުލުހުން އަންނަނީ މަސައްކަތްކުރަމުން
މުޒާހަރާގެ ބައިވެރިން މިހާރު ވަނީ މަޖީދީމަގުން ސީކްރެޓް ރެސިޕީ ރެސްޓޯރަންޓާ ހަމަޔަށް ފަހަތަށް ޖައްސާފައި. މީގެ އިރުކޮޅެއް ކުރިން ފުލުހުން ވަނީ މީހުން ދުރަށް ޖައްސަން ޕެޕަސްޕްރޭ ޖަހާފައި.
މުޒާހާރާގައި ބައިވެރިވި އެމްޑީޕީގެ އެކްޓިވިސްޓަކު ހައްޔަރުކޮށްގެން ގެންދަނީ. -- މިހާރު ފޮޓޯ: ނިޝާން އަލީ
އަނެއްކާވެސް މުޒާހަރާގެ ތެރެއިން މީހަކު ހައްޔަރުކޮށްފި
މުޒާހަރާގެ ބައިވެރިން އަންނަނީ މަޖީދީމަގު އަގޯރާ ކައިރިން ޕޭވްމަންޓް ކައިރީ ތިބެގެން ސަރުކާރާ ދެކޮޅަށް އަޑު އުފުލަމުން
މުޒާހަރާ ރޫޅާލުމުގައި ހަރަކާތްތެރިވާ ބައެއް ފުލުހުން މަގުމަތީ މަޑުކޮށްލައިގެން
މުޒާހަރާ ހުއްޓުވަން ނިކުމެ ތިބި އެސްއޯ ފުލުހުންގެ ބައެއް މީހުން ތިބީ މޫނު ނިވާކޮށްގެން.
ޝީލްޑް ހިފައިގެން ތިބި ފުލުހުން މިހާރު ވަނީ މަޖީދީމަގުން ހުޅަނގަށް ފަހަތަށް ޖެހިފައި. މިހާރުވެސް ގިނަ އަދަދެއްގެ ބަޔަކު މުޒާހަރާގައި އެބަތިބި
ފުލުހުން މުޒާހަރާގެ ބައިވެރިޔަކު ހައްޔަރުކޮށްގެން ގެންދަނީ. -- ފޮޓޯ: ނިޝާން އަލީ/މިހާރު
މުޒާހަރާ ރޫޅާލުމުގައި ބައިވެރިވާ ބައެއް ފުލުހުން މިރޭ ތިބީ މޫނު ނިވާކޮށްގެން. އެހެން ރޭތަކާ ޚިލާފަށް މިރޭ ފުލުހުން ދަނީ ގިނަ އަދަދެއްގެ ބަޔަކު ހައްޔަރުކުރަމުން. ލަފާކުރެވޭ ގޮތުން މިހާތަނަށް ވިއްސަކަށް މީހުން ހައްޔަރުކޮށްފި
އިސްލާމީ މަރުކަޒު ކައިރީ އޮންނަ ޕާކިން ޒޯނުގައި އޮތް ކާރެއްގައި ރޯކޮށްލާފައި
އިސްލާމީ މަރުކަޒު ކައިރީ އޮންނަ ޕާކިން ޒޯނުގައި އޮތް ކާރެއްގައި ރޯކޮށްލައިފި. މިހާރު ވަނީ އަލިފާން ނިއްވާލާފައި. މިއީ ކިހިނެއް ހިނގި ހާދިސާއެއް ކަމެއް އަދި ނޭނގެ
މިހާތަނަށް 10 ވަރަކަށް މީހުން ހައްޔަރުކޮށްފި ކަމަށް، އެތަނުގައި ތިބި ނޫސްވެރިން ލަފާކުރޭ
އިދިކޮޅު ފަރާތްތަކުން މިރޭ ކުރިއަށް ގެންދާ "ހުއްޓުވާ" މުޒާހަރާ މަޖީދީމަގުގައި ފެށުމާ އެކު، ފުލުހުން އިންޒާރު ދީ ބަޔަކު ހައްޔަރުކޮށްފި އެވެ.
ސަރުކާރުގެ ޣައިރު ގާނޫނީ އަމަލުތައް ހުއްޓުވުމުގެ ނަމުގައި ކުރާ މުޒާހަރާއަށް، މަޖީދީމަގާއި ޗާންދަނީ މަގު ގުޅޭ ކަންމައްޗަށް މީހުން އެއްވާން ފެށުމާ އެކު ގިނަ އަދަދެއްގެ ފުލުހުން އެ ސަރަހައްދަށް ޝީލްޑާ އެކު ގޮސް މުޒާހަރާގެ ބައިވެރިންނަށް ވަނީ ހުރަސްއަޅައިފަ އެވެ. މުޒާހަރާ ކުރިއަށް ނުގެންދިއުމަށާއި ފުލުހުންގެ އެންގުމަށް ތަބާނުވެ އެ ތަނުގައި ތިބޭ ނަމަ ބާރުގެ ބޭނުންކޮށްގެން މުޒާހަރާ ރޫޅާލާނެ ކަމަށް ފުލުހުން ތަކުރާރުކޮށް އިންޒާރު ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންއަމާ
18 March 2018
މާލޭގަ މުޒާހަރާ ކުރާތީ ކައްޕި ނުނިދި ކުޑަކަކޫ މައްޗަށް ތިރިވެ ފުރޮޅެނީ އިތުބާރު ކުރެވޭ އެކަކު ނެތް ދެން އަތްޖަހާ
ކަދުރޫ
17 March 2018
ރޭގަ ފުލުހުންނަށް އިތުބާރުނުކުރެވޭތީ ސިފައިންގެ ބަޔަކު ކައްޕި ފޮނުވީ
ސަބްނަމް
17 March 2018
ކާނަލް ތިޔައީ ވެސް ޕާޓީއެއްގެ ވެރިޔެކޭ ދޯ< ހިނިއާދޭ
ޜަބަރު
17 March 2018
މިހާރުނޫހުގައި ލިޔަނީ އެހެންގޮތަކަށް! އެނޫސް ކިޔާލިއިރު ހީވަނީ ވެއްޓިއްޖެހެން!
ރަށުބޭބެ
17 March 2018
މަގޮލާ ހީކުރީ ދެން ވެއްޓުނީ ކަމަށް. ރާއްޖެ ޓީވީ އަދި ވިލާ ޓީވީ އިން މައިދާން ފުރިފައޭ ބުނެގެން އަދި ސޭޓު ދާސޭ ބުނީމަ މިދިޔައީ، އެތާގަ ބުޅަލެއްވެސް ނެތް ފަޅުވެފަ އޮތް ތަނެއް އޮތީ. އެއްކަލަ ޗެނަލް13 ގެ މަންޖެ ހުރީ. ސަހަރޯ މަހިއެއް ނުކުރަން މިވަރުގެ ބައެއް ކަމަށް. އެރޮޒޭ އާ މާރިއާ އާ ފިއެސްޓާ މެންގެ ބަހަށް ހެއްލިގެން ނިދި ނަގާލާފަ މިދިއައީ ޔާމީން ވެއްޓުނު ތަން ބަލަން. ކަލޯގެޔާ މަ ފެރީން މިކަނޑާލީ، ވައްސަލާމް. އަލްހަމްދުލިއްލާހި
އެކްސް
17 March 2018
މިކަހަލަ ފިނޑިން ގަޓޭ ގަޓޭ ކިޔާފައި ވާހަކަ ދެއްކުމުން އަހަރެމެން ގަންނަނީ ލަދު.
ހޮޓްކިންގ
17 March 2018
ރޭވެސް އެއްވިމީހުންގެ ތެރޭނެތް އެމްޑީޕީގެ ކުރީސަފްގައިވާ އެކަކުވެސް ފެންނަން. ނުވިތާކަށް ދަންނަ މީހަކުވެސް ނެތް. ހުރިހާ ކެއްސެއް މިލިބުނީ މަށަށް. ދުވަންޖެހުނީ ފައިވާންގަނޑުވެސް ވީތަނެއް ނޭނގޭ.
ބޮޑު ވަގު
17 March 2018
ކަލޯ މީ ހަމައެކަނި އެމް، ޑީ، ޕީ އިސްސަފުގަ ޢުޅޭ މީހުންގެ ޤައުމެށްނޫނޭ. ރޭގެ މުޒާހިރާއިން ވެސް އެފެނުނި ދިވެހި ރައްޔިތުން. ހަޖަމް ޕުލީޒް
ނޫން
17 March 2018
ރަގަޅު ރަތްޔިތުން އެކެމަކު ވަކިފިކުރަކަށް ތަބާވާ ވަކި އެޖެންޑާއެއްގެ ބައެއް އުޅުނީ އައުގުރާން ގޮވަގޮވާފަ
ގޮނާސަކް
17 March 2018
މާލޭގައި އެމްޑީޕީން ބޮޑު ސޯޅައިގައި ޖެއްސި މުޒާހަރާ އަކީ އެއީ ސީދާ މުތުލަޤު ލާދީނީ ކަންކަން މިގައުމުގައި އަށަގަންނަވަން ބޭނުންވާ އީޔޫ އަށް ދައްކަން ވެގެން އެމެން ޖެއްސި ދަ ލާދީނީ މުޒާހަރާ އެކެވެ.
ޖައްސަބަލަ
17 March 2018
މާލޭގައި ކުރާ މުޒާހަރާ ތައް ހުއްޓުވޭނެ ސަރުކާރުން ހުކުރެއް ހޮނިހިރެއް ނުބަލާ މާލެ ސަރަހައްދުގެ އެކި އެކި ތަރައްގީ ގެ މަޝްރޫއު ތައް އިއުލާން ކޮށް މާލެ ސަރަހައްދުގައި ވިޔަފާރި ކުރާ މީހުންނަށް މާލެ ސަރަހައްދުން ބިން ދޭން މަސައްކަތް ކޮށް އެކަން ކަން އިއުލާން ކޮށްބަލަ. އެއިރުން ޔަގީން ބަދަލު އަންނާނެ ކަން ރާއްޖޭގެ ސިޔާސީ މައިދާނަށް. ޔަގީން ކަށަވަރު ބަދަލު އަންނާނެ ކަން.
ބަލާތި
17 March 2018
އެއްވެ އުޅުމުގެ ގާނޫނާއި ޚިލާފަށް މުޒާހަރާ ކުރަން މިދުވާ ގިނަ މީހުންނަކީ އެއީ ކެނެރީގެ ނަޝީދުގެ ތިމާގެ މީހުން ދެން އޭނާގެ ވެރިކަމުގައި ކޮރަޕްޝަންގެ ދަށުން ދައުލަތުގެ މާލިއްޔާ ދަވާލި މީހުންނެވެ. ކަން މިހެން ހުރުމުން އެމްޑީޕީގެ ޕީޖީ ގްރޫޕް ވެސް މިކަން ދަނެގެން އެބަޖެހޭ އެމްޑީޕީގެ ލީޑަރޝިޕް އިން ކެނެރީގެ ނަޝީދު ދުރުކުރަން އަދި އޭނާގެ ސެކްރެޓޭރިއެޓް ވެސް ވަޒީފާ އިން ވަކިކޮށްލަން. ގައުމެއްގެ އިދިކޮޅު ސިޔާސީ ޕާރޓީ އެއް ނުހިންގޭނެ އެ ޕާރޓީގެ ބޮޑޭގެ ސެކްރެޓޭރިއެޓް އަކަށް އީގޯ ސިންޑްރޯމް ޖެހިފައި ތިބި ކްރޭޒީ މީހުން ތިބެގެން. އެއީ ވާނެ ކަމެއް ނޫނެވެ.