ޑރ. މަޖީދު: އޭނާ މިއަދު ވަނީ އަވަހާރަވެފައި.---ފައިލް ފޮޓޯ: ރައީސް އޮފީސް
22 މެއި 2018 - 14:35
128 comments
އެމްޑީޕީގެ ސަރުކާރުގައި އިސްލާމިކް މިނިސްޓަރުކަން ކުރެއްވި ރާއްޖޭގެ މަޝްހޫރު ދީނީ އިލްމުވެރިޔާ ޑރ. އަބްދުލް މަޖީދު އަބްދުލްބާރީ 55، މީގެ އިރުކޮޅެއް ކުރިން ސްރީ ލަންކާގައި އަވަހާރަވެއްޖެ އެވެ.
އޭނާ އަވަހާރަވީ، ބައްދަލުވުމަކަށް ލަންކާ އަށް ވަޑައިގެން އުޅުއްވަނިކޮށް، މިދިޔަ ހުކުރު ދުވަހު ސްޓްރޯކެއް ޖެހުމުން ލަންކާ ހޮސްޕިޓަލްގެ އައިސީޔޫގައި ފަރުވާދެމުން އަންނަނިކޮށެވެ. އޭނާ ހޮސްޕިޓަލަށް ގެންދިޔަ ވަގުތު ވެސް ވަރަށް ބޮޑަށް ހާލު ސީރިއަސްވެ، ތިން އޮޕަރޭޝަނެއް ކުރި އެވެ. އަދި ފަހުން ނޭވާލަމުން ދިޔައީ ވެންޓިލޭޓަރުގެ އެހީގަ އެވެ. ވެންޓިލޭޓަރު ނައްޓާލީ މިއަދު މެންދުރުގެ ވަގުތެއްގަ އެވެ.
ޑރ. މަޖީދުގެ އާއިލާގެ ހުރިހާ ބޭފުޅުން މިހާރު ތިއްބެވީ ލަންކާގަ އެވެ. އަވަހާރަވި އިރު، އޭނާގެ އަނބިކަނބަލަކާއި ފަސް ބޭފުޅުން ދުނިޔޭގައި އެބަތިއްބެވި އެވެ.
ޑރ. މަޖީދަކީ ރާއްޖޭގެ ފުރަތަމަ އިސްލާމިކް މިނިސްޓަރެވެ. ތަފްސީރު އިލްމުން ޕީއެޗްޑީ ހާސިލް ކުރައްވާފައިވާ ޑރ. މަޖީދު ހުންނެވީ ދިވެހިރާއްޖޭގެ ގައުމީ ޔުނިވާސިޓީގެ ފެކަލްޓީ އޮފް ލޯ އެންޑް އިސްލާމިކް ސްޓަޑީޒްގެ ސީނިއާ ލެކްޗަރާގެ މަގާމުގަ އެވެ. އޭނާ އެ ޔުނިވާސިޓީގައި ކުރައްވާ މަސައްކަތްތަކުގެ ތެރޭގައި އެ ފެކަލްޓީން ހިންގާ ޑިގްރީ ކޯސްތަކާއި މާސްޓާސް ކޯސްތަކުގައި ކިޔަވައިދެއްވުމުގެ އިތުރުން ތީސީސްތައް ސުޕަވައިޒް ކުރެއްވުން ހިމެނެ އެވެ.
އޭގެ އިތުރުން ޑރ. މަޖީދަކީ އަދާލަތު ޕާޓީގެ އިލްމުވެރިންގެ މަޖިލީހުގެ ރައީސް ވެސްމެ އެވެ.
ޑރ. މަޖީދު ފުރަތަމަ ޑިގްރީ އާއި މާސްޓާސް އަދި ޕީއެޗްޑީ ވެސް ހާސިލް ކުރެއްވީ މަދީނާ ޔުނިވާސިޓީންނެވެ. ޕީއެޗްޑީ ހާސިލް ކުރެއްވި އިރު ފާސްވީ (މަރްތަބަތުއް ޝަރަފުލް އޫލާ) އެއް ވަނަ ދަރަޖައިގަ އެވެ.
ރާއްޖޭގައި އިސްލާމްދީން ކުރިއަރުވައި ދީނަށް ދިވެހިން ހޭލުންތެރި ކުރިއަރުވަން ގިނަ މަސައްކަތްތަކެއް ކުރެއްވި ޑރ. މަޖީދަކީ ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި އުފެއްދި ކީރިތި ގުރުއާނާ ބެހޭ މަރުކަޒުގެ ފުރަތަމަ ރައީސް ވެސް މެ އެވެ. އޭގެ އިތުރުން އިސްލާމީ ކަންތައްތަކާ ބެހޭ އެންމެ މަތީ މަޖިލީހުގެ ޑިރެކްޓަރުގެ މަގާމު ވެސް އޭނާ ފުރުއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޫމް
24 May 2018
އަންލައިކް ޖަހާފަ މިހުންނަނީ ޖަހާ އެއްބައެއް ކަންނޭގެ
ރަމޭބޭބެ
24 May 2018
ރަނގަޅު ކޮމެންޓު ތަކަށް އަންލައިކް ދޭއިރު އެއީ ކޮންކަހަލަ ކަމެއްކަން އަޅެ ނުވިސްނެނީބާ
މަމެން
24 May 2018
މާތް ﷲ މަރްހޫމްގެ މައްޗަށް ސުވަރުގޭގެ ދާއިމީ ނިޢުމަތް ދެއްވާދޭވެ. އާމީން
އަހްމަދު
23 May 2018
إِنَّا لِلّهِ وَإِنَّـا إِلَيْهِ رَاجِعونَ
މަދީޙް
23 May 2018
ޑރ.މަޖީދަކީ ހިޔްހެޔޮ ، ދީނީ ކަންކަމަށް ފަރުވާތެރި ، އަޅުވެރި ، ޚުލްޤު ހެޔޮ ބޭފުޅެއް. މާތް ﷲ މަރުޙޫމަށް ސުވަރުގޭގެ އެންމެ މަތިވެރި ދަރަޖަ ދެއްވާށި. ޢާއިލާއަށް ކެތްތެރިކަން މިންވަރު ކުރައްވާށި.!
ނެރު
22 May 2018
إِنَّا لِلّهِ وَإِنَّـا إِلَيْهِ رَاجِعونَ
ީއިފާ
22 May 2018
انا الله وأنا اليه راجعون
ސާދާސީދާ
22 May 2018
إِنَّا لِلّهِ وَإِنَّـا إِلَيْهِ رَاجِعونَ ހެޔޮދުޢާގެ ކޮމެންޓްތަކަށް ޑިސްލައިކްދެނީ ކޮން ވިސްނުމެއްގަބާ؟
ދަންޑެހެލް
22 May 2018
إِنَّا لِلّهِ وَإِنَّـا إِلَيْهِ رَاجِعونَ
ހަބޭސް222
22 May 2018
انا الله وأنا اليه راجعون މަރްހޫމްގެ ފުރާނަޔަށް ސުވަރުގޭގެ ދާއިމީ ނިއުމަތް މިންވަރު ކުރައްވާށި! އާމީން އަދި އާއިލާއަށް ކެތްތެރިކަން މިންވަރު ކުރައްވާށި.