ޖަލު އޮފިސަރުންގެ ބެލުމުގެ ދަށުން މައުމޫން މާލެ ގެނެސް ކޯޓަށް ހާޒިރު ކުރަނީ. އެމަނިކުފާނުގެ ހާލުކޮޅު ގޯސްވެފައިވާ ކަމަށް ވަކީލުން ބުނޭ.- މިހާރު ފައިލް ފޮޓޯ
21 އޯގަސްޓް 2018 - 12:49
62 comments
ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް މައުމޫން އަބްދުލްގައްޔޫމްގެ ސިއްހީ ހާލުކޮޅު އަނެއްކާ ވެސް ގޯސްވެ، އެމަނިކުފާނަށް ފަރުވާ ދިނުމަށް މާލެއިން މާފުށީ ޖަލަށް ޑޮކްޓަރުން ގެންގޮސް ފަރުވާދޭން ނިންމައިފި އެވެ.
މައުމޫންގެ ވަކީލް، ކުރީގެ ޑެޕިއުޓީ ޕްރޮސެކިއުޓާ ޖެނެރަލް ހުސެއިން ޝަމީމް "މިހާރު" އަށް މިއަދު ވިދާޅުވީ މާފުށީ ޖަލުގައި ހައްޔަރު ކޮށްފައިވާ މައުމޫންގެ ހާލުކޮޅު ގޯސްވި ކަމުގެ މައުލޫމާތު ލިބިވަޑައިގަތީ، މައުމޫންގެ ވަކީލުންގެ ބައްދަލުވުމެއް ހެނދުނަށް ތާވަލް ކުރުމަށް ފަހު، ކެންސަލް ކުރުމުން ކަމަށެވެ. އަދި މައުމޫނަށް ފަރުވާ ދިނުމަށް މާލެ އިން ޑޮކްޓަރެއް ގެންދިއުމުގެ ކަންކަން ކުރަމުން އަންނަ ކަމަށް އޭނާ ވިދާޅުވި އެވެ.
ނަމަވެސް، މިކަމާ ގުޅިގެން މޯލްޑިވްސް ކަރެކްޝަނަލް ސާވިސްގެ ބަހެއް އަދިއެއް ނުވެ އެވެ.
މައުމޫން، އެއް އަހަރާއި ހަތް މަހަށް ޖަލަށްލާން ކްރިމިނަލް ކޯޓުން މިދިޔަ ޖުލައިގައި ހުކުމް ކުރީ ފެބްރުއަރީ 1 ގައި ސުޕްރީމް ކޯޓުން ނެރުނު އަމުރަށް ފަހު ފުލުހުން ހިންގި ތަހުގީގަށް އެމަނިކުފާނުގެ ފޯނު ނުދެއްވި ކަމަށް ބުނެ، އަދުލު އިންސާފު ގާއިމް ކުރުމަށް ހުރަސް އެޅުމުގެ ދައުވާ ސާބިތުވެގެންނެވެ.
މިދިޔަ ފެބްރުއަރީ 5 ވަނަ ދުވަހުގެ ރޭ މައުމޫން ހައްޔަރު ކުރީ އެއްބަފާ ކޮއްކޯފުޅު ރައީސް އަބްދުﷲ ޔާމީންގެ ސަރުކާރު ގާނޫނާ ޚިލާފަށް ވައްޓާލަން އުޅުނު ކަމުގެ ތުހުމަތުގަ އެވެ. އެމަނިކުފާނުގެ މައްޗަށް ދައުލަތުން އުފުލި ޓެރަރިޒަމްގެ ދައުވާގެ ޝަރީއަތްތައް ކްރިމިނަލް ކޯޓުގައި ދަނީ ހިންގަމުންނެވެ. ޓެރަރިޒަމްގެ އެ ދައުވާ ސާބިތުވެއްޖެ ނަމަ 17 އަހަރާއި 20 އަހަރާ ދެމެދުގެ ޖަލު ހުކުމެއް މައުމޫންގެ މައްޗަށް އަންނާނެ އެވެ.
އުމުރުފުޅުން 80 އަހަރަށް ވުރެ މައްޗަށް ގޮސްފައިވާ މައުމޫން ގެންދަވަނީ ބެނައިން ޕްރޮކްސިސިމަލް ޕޮޒިޝަނަލް ވާޓިގޯގެ ބައްޔަށް ފަރުވާ ހޯއްދަވަމުންނެވެ. އެއީ ކުއްލިއަކަށް ބޯއަނބުރައި ކޮއްޅަށް ހުންނަން ދަތިވެ އަމިއްލަ އަށް އެއްވެސް ކަމެއް ނުކުރެވޭ ޒާތުގެ ބައްޔެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޔު
22 August 2018
ޖަލޭ.... އެޕާޓްމަންޓެއް ނޫންތަ؟ އެއީ
ހޮނޑާފުށީބޮުޑުހުސޭނު
22 August 2018
މީދެން ބޮޑުވަރު ދެއްތޯ ، ވެރިކަމާއި ބޫތުކެއަސް
އައިމިނާ
22 August 2018
ރައީސް މައުމޫން ގެއަށް ބަދަލުކޮށްދެއްވުންއެދި މި ސަރުކާރުގެ ދެފައިގަހިފާ އާދޭސްކުރަން.
ސިދުގީ
22 August 2018
މިލިޔުނު ބުރާންޗަކައް ނޭނގޭތަ އެތާ ޑޮކުން ތިބޭކަމެއް؟
ޢިބަ
22 August 2018
މައުމޫން ދެކެ ހާދަ ބިރެކޭ ތިގަން ނަނީ.ބަލި ވީމަ ވެސް ހޮސްޕިޓަލުން ފަރުވާ ކުރުމުގެ ހައްގުންވެސް މަހުރޫމް ކުރީ.މިއީ ގައުމުގެ އިއްޒަތް ތެރިއެއްގެ ހާލު.އާދައިގެ ގައިދީން ބަލިވުމުން ލިބިދޭވެ ފަރުވާ ވިސްނާބަލަ.ޖަލުގަ ފަރވާނުލިބި ގައިދީން މަރުވާސަބަބު ވަރަށް ސާފު.އަނިޔާވެރިކަމުގެ ސަގާފަތް
އަލީ ނާޒިމް
22 August 2018
މިހާރު ކަންތައް ހުރި ގޮތުން، ދެންް ދިވެހިންގެ ބޯކާލެވޭނީ، ހަމައެކަނި ދީނީ ކާޑު ކުޅެގެން. އަދިވެސް އެކަމުން ބޯކާލެވޭނެ ވަގުތު އެބައޮތް. ހުތް އަނބު، ރިހާކުރާ ޖަހައިގެން ކާހެން ހަމަ ކާލެވޭނެ. ޢެކަމަކު، މިކަމައް ދެތިން އިލްމް ވެރިންނެރެ، ބިރު ފަތުރަންޖެހޭ އެބަ. ބުނަން ޖެހޭނީ އިދިކޮޅަކީ “ލާދީނީ ބަޔެކޭ”، އަރަބި ބަހުން. ޢެ ނިމުނީ. ދިވެހިން ގަބޫލު ކުރާނެ. އެކަން ފަށައިގަނެވޭނެ މަދު ޑޮލަރ ކޮޅަކުން. ޢެކަމު ބުނަން، މާލަސް ވަންދެން މަޑުކޮއްފިއްޔާ ފަހަރުގަ ބޮނޑިބޮއެފާނެ! އަވަސް ކުރައްޗޭ.
އައިމިނާ
21 August 2018
ވައްކަމާއި ފޭރުމާއި އަނިޔާކުރުމާއި މީހުންގެއްލުވުމާއިމިފަދަކަންތައްކުރާބައެއްގެ ހުންނާނީ ކޮންކުލުނެއްތޯ؟ ކޮންރަހުމެއްތޯ؟ ކޮންއޯގާތެރިކަމެއްތޯ؟
25 ބުރި
21 August 2018
25 ބުރީގެ ހޮސްޕިޓަލް މާފުއްޓަށް ގެންދިޔަނަމަ ދެއްތޯ.
އާއިޝާ
21 August 2018
މައުމޫނާއި އޭނަގެ އައުވާނުން ޖަލަށް ދާންޖެހުނީ ސަޖިދައިގައި އޮއްވާތަ؟ 30 އަހަރުވެސް މަދުވީ. 5 ފަސް އަހަރު ދީގެން ހުރެ ކޮއްކޮ އަށް ހަރާން ކޯރުވީ. އެމްޑީޕީ އާއި ބައިއަތު ހިފީ އޭނަގެ އަމިއްލަ އެދުން އޮތްވަރުން. ޢަހަރެން އޭރުވެސް އަދި މިހާރުވެސް އެމްޑީޕީ އާ ދެކޮޅު. ތިބުނާ މައުމޫނަށް ވާނީ ދެމީދާފެހި ބުޅަލަށް ވާވަރު. ޢމޑޕ މީހިނަށްވެސް މިހާރު މައުމޫނާ އަދީބަކީ ހުދުފޮތިކޮޅަކަށް ވެއްޖެ.
ހޮނޑާފުށީބޮުޑުހުސޭނު
22 August 2018
ސެޕްޓެމްބަރ 23 ފަހުން އެގޭގެ ދެމީދާފެހި ބުޅަލަކީ ކާކުކަން
ރޮކެޓް ސައިންސް
21 August 2018
މައުމޫމަށް ޖެއްސުން ކުރީމާ ވޯޓު އިތުރަށް ލިބޭނެކަމަށް ހީނުކުރާށެވެ. ޔާމިންއެވެ ތިހައްދަވަނީ ގޯހެކެވެ. އެކަމަކު ދެން ތި ގޯސް ރަނގަޅުކުރެވިދާނެ ކަމަކަށް ގަބޫލެއް ނުކުރެވެއެވެ. ތިހިރީ ދެކޮޅުން ފިތިބާރުވެފައެވެ. ޔާމިންއެވެ ތިއީ ހާދަ ނުވިސްނޭ މީހެކެވެ.