ޕީޕީއެމުން ބޭއްވި ކުއްލި ކޮންގްރެސްގައި ހުށަހެޅި ހުށަހެޅުމަކަށް މެމްބަރުން ވޯޓު ދެއްވަނީ.
03 އޮކްޓޯބަރ 2018 - 13:31
101 comments
މިދިޔަ ހުކުރުދުވަހު ބޭއްވި ޕީޕީއެމްގެ ކޮންގްރެސް، އިޖުރާއަތުތައް ފުރިހަމަ ނުވާތީ ބަލައިނުގަތުމަށް އިލެކްޝަންސް ކޮމިޝަން (އީސީ) އިން މިއަދު ނިންމައިފި އެވެ.
ޕީޕީއެމްގެ ރައީސް ކަމަށް، ރައީސް އަބްދުﷲ ޔާމީން އިންތިޚާބު ކުރި ކޮންގްރެސް ބަލައިނުގަތުމަށް އީސީން ނިންމީ، ކޮންގްރެސް ނިންމައި އެ ޕާޓީން ހުށަހެޅި ލިއުންތަކަށް ބެލުމަށް ފަހު އެވެ. ކޮމިޝަނުގެ ނިންމުމަކީ، ޕީޕީއެމުން ކުއްލި ކޮންގްރެސްއެއް ބާއްވާފައި ވަނީ އެ ޕާޓީގެ އަސާސީ ގަވާއިދުގައި ބުނެފައިވާ އިޖުރާއަތުތައް ފުރިހަމަނުކޮށް ކަމަށް ވާތީ، އެއީ ސައްހަ ކޮންގްރެސްއެއް ކަމަށް ބަލައިނުގަތުމަށެވެ.
މީޑިއާ ނުވައްދައި، ދަރުބާރުގޭގައި ބޭއްވި ޕީޕީއެމްގެ ކޮންގްރެސްގައި ޕާޓީގެ އިދާރީ ހިންގުން ރައީސް ޔާމީނާ ހަވާލުކުރެއްވުމުގެ އިތުރުން، ހަތަރު ނައިބު ލީޑަރުން ވެސް އިންތިޚާބުކޮށްފައިވެ އެވެ. އަދި ކައުންސިލަށް ވެސް މެމްބަރުން ވަނީ އިންތިޚާބުކޮށްފަ އެވެ. މީގެއިތުރުން، ނޮވެމްބަރު 17 ގެ ފަހުން އިދިކޮޅު ޕާޓީއެއްގެ ގޮތުގައި މަސައްކަތް ކުރަން އެ ޕާޓީން ވަނީ ގަރާރެއް ވެސް ފާސްކޮށްފަ އެވެ.
ޕީޕީއެމްގެ ކޮންގްރެސް ބޭއްވި ގޮތާ މެދު ކަންބޮޑުވުންފާޅުކުރައްވައި، ކުރީގެ ރައީސް އަދި ޕީޕީއެމްގެ ވެސް ކުރީގެ ރައީސް މައުމޫން އަބްދުލްގައްޔޫމް އީސީ އަށް އިއްޔެ ސިޓީއެއް ފޮނުއްވި އެވެ.
އެ ސިޓީގައި މައުމޫން ވިދާޅުވެފައި ވަނީ ކޮންގްރެސް ބާއްވާފައިވަނީ ޕާޓީގެ އަސާސީ ގަވާއިދުގައި ބަޔާންކޮށްފައިވާ ފަދަ ސަބަބެއް މެދުވެރިވެފައި ނުވާ ހާލަތެއްގައި ކަމަށެވެ. އެފަދަ ކޮންގްރެސް އެއް ބޭއްވޭނީ ޕާޓީގެ ކައުންސިލުން ފާސްކޮށްގެން ކަމަށް ވިދާޅުވި އެވެ. ނަމަވެސް ޕާޓީގައި މިހާރު ހަރަކާތްތެރިވާ ކައުންސިލަކީ އަސާސީ ގަވާއިދުގެ ދަށުން ސައްހަ ކައުންސިލެއް ނޫން ކަމަށާއި އެ ކައުންސިލްގެ މުއްދަތު މިއަހަރުގެ ޖެނުއަރީ މަހަށް ހަމަވެފައިވާ ކަމަށް ވެސް ވިދާޅުވި އެވެ.
ރައީސް ޔާމީނާއި ކުރީގެ ރައީސް މައުމޫން: ދެ ބޭފުޅުން ވެސް ގެންދަވަނީ ޕީޕީއެމްގެ ރައީސް ކަމަށް ވިދާޅުވަމުން. --ފައިލް ފޮޓޯ: ރައީސް އޮފީސް
މައުމޫން ވިދާޅުވާ ގޮތުގައި ޕީޕީއެމްގެ ކައުންސިލް ބައްދަލުވުމެއް ބޭއްވޭނީ ޕާޓީގެ ރައީސްކަމަށް އިންތިޚާބުކޮށްފައިވާ އެމަނިކުފާނުގެ ބެއްލެވުމުގެ ދަށުންނެވެ. ޕާޓީގެ ރައީސް ކަމުން އެމަނިކުފާނު ވަކިކުރެއްވީ އަސާސީ ގަވާއިދާ ޚިލާފަށް ކަމަށް މައުމޫން ވިދާޅުވި އެވެ. އަދި ގައުމީ ޖަލްސާއަށް ފޮނުވާނެ މީހުން ގޮފިތަކުން ހޮއްވަވާފައި ނުވުމާއި ގިނަ ގޮފިތަކަށް ގައުމީ ޖަލްސާ ބާއްވާކަން އަންގާފައިނުވުމަކީ ވެސް ކޮންގްރެސް އަސާސީ ގަވާއިދާ ޚިލާފަށް ބޭއްވި ކަމުގެ ހެކިތަކެއް ކަމަށް ސިޓީގައި މައުމޫން ވިދާޅުވެފައިވެ އެވެ.
ޕީޕީއެމްގެ މުސްތަޝާރު ރައީސް ޔާމީނާ ޕީޕީއެމް ހަވާލުކުރީ، އެމަނިކުފާނާ ޕާޓީގެ ކުރީގެ ރައީސް މައުމޫނާ ދެމެދު ސިޔާސީ ކޯޅުން ބޮޑުވެ، ޕީޕީއެމްގެ ހިންގުމާ ގުޅޭ ގޮތުން އެ ޕާޓީގެ ކައުންސިލުން ވަކި ގޮތަކަށް ކަނޑައަޅަން ދެން ޕާޓީ ހިންގުމުގެ އެންމެހައި ޒިންމާ އުފުލަން ޖެހޭ ފަރާތަކީ މުޝްތަޝާރު ކަމަށް ސިވިލް ކޯޓުން ކުރި ހުކުމަކަށް ފަހުގަ އެވެ. އެ ނިންމުމަށް ފަހު، ޕީޕީއެމްގެ ކައުންސިލުން ވަނީ އެ ޕާޓީގެ ހުރިހާ ޒިންމާތަކެއް ރައީސް ޔާމީނާ ހަވާލު ކޮށްފަ އެވެ. އެކަމަކު މައުމޫނާއި އެމަނިކުފާނާ އެކު ތިއްބެވި ޕާޓީގެ މެމްބަރުން ވިދާޅުވަނީ، ޕީޕީއެމްގެ އިންތިހާބީ ލީޑާޝިޕް ނޫން ފަރާތަކަށް ޕީޕީއެމް ހަވާލުކޮށް ހިންގުމަށް ކޯޓުން ހުކުމްކޮށްފައި ނުވާ ކަމަށެވެ.
އިންތިޚާބީ ރައީސަކީ އަދިވެސް މައުމޫން ކަމަށް އެ މީހުން ގަބޫލުކުރެ އެވެ. އެކަމަކު ރައީސް ޔާމީނާ އެކު ތިއްބެވި ޕީޕީއެމްގެ މެމްބަރުން ވިދާޅުވަނީ ޕާޓީގެ ސައްހަ ރައީސަކީ އެމަނިކުފާނު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުމީހާ 2
03 October 2018
އެކި ކުލަ ނަގައިގެން ކުލަ ޖައްސާށެވެ. ވަކި ކުލައެއް ޖެހިގެން ދޭތެރެ ނުޖައްސާށެވެ.
ސަނީ
03 October 2018
އެމްޑީޕީ ކުދިން މިކަމާ އުފާކުރަންވީ ސަބަބެއް ނެތް. އެހެނީ އެމްޑީޕީ ކުދިންނަކީ ޕާރޓީގައި އިންތިޚާބީ ރައީސެއް ނެތި އެންމެ ގިނަ ދުވަހު އުޅުނު ކަމުގެ ރެކޯރޑް ހަދާފައި އޮތް ޕާރޓީއެއް. 2012ވަނަ އަހަރުވެސް ޕާރޓީގެ ރޫހާނީ ލީޑަރު ހިތްޕުޅާނުވީމާ އިންތިޚާބީ ރައީސް އާ ނައިބު ރައީސް (ޑރ. ޑީޑީ އަދި އަލްހާން) ފަހާ، ގޭންގްތައް ހަދައިގެން މަގުތަކު ހަޅޭއްލަވަމުން ދުވެ، މަގާމުން ދުރުކޮށް ހެދި ހަދާން އެބަ ހުރި ވަރަށް ސާފުކޮށް.
ތުނޑު ހަސަނު
03 October 2018
އުންމީދުކުރި ވަރަށްވުރެވެސް ހަލުއިކޮށް އަދި މާބޮޑަށްވެސް ރަނގަޅަށް ހެޔޮ ބަދަލުތައް އަންނަމުންދާއިރު، ނާޖާއިރު ބާރާއި ގަދަބަދަވިކަން ދައްކައިގެން މަކަރާ ޖަހައިގެން ދުނިޔެ ކޭ ދުވަސްތައް މާޒީވަމުން ދާތަން ފެނިއުފާކޮށް ﷲ އަށް ޙަމްދުކޮށް ޝުކުރު ކުރަމެވެ.
ސުލްތާން
03 October 2018
އިންސާނާ ޚަލްގުކުރައްވާ އެއިންސާނާއަށް ބާރުދެއްވި ފަރާތަކީ ގަދަކީރިތިވަންތަ ﷲ، އެކަމަށް އިންސާނާ ހެކިވެ، އިންސާނާގެ ބަލިކަށިކަން ގަބޫލުކުރާނީ ކޮންދުވަހަކުންތޯ؟
ހެހެ
03 October 2018
ޕީ ފީ ހަލާކުވެގެންދާތަން މިޔޮށްފެއްނަނީ
ތޮށަލިތަކުރު
03 October 2018
އިރާދަ ކުރެއްވިއްޔާ ޕީޕީއެމް. ހަލާކުވާނީކީ ނޫނެވެ. އަސްލަށް ރުޖޫޢަވާނީއެވެ. ޕީއޭ. ކިޔާ ޕާޓީއެއް ހަދައިގެން އުޅެއުޅެ އެއާގުޅޭނެ އިތުރު ބަޔަކު ނުވީމާ މަކަރާއި ހީލަތުން މައުމޫނުގެ ބޮލަށް އެރިގެން ހެދި ޕާޓީ ގަދަބަދަވިކަމުން ޖަހައިގަނެގެން ތިބި ޕީއޭ. ގެ ބައިގަނޑުއަތުން ޕާޓީ އަތުލެވި އެވެރިން ބާކީވާނީއެވެ.
ކީއްވެތޭ
03 October 2018
ޕީޕީއެމްގެ ކޮންގްރެސް ބަލައިނުގަތުމަށް އިލެކްޝަންސް ކޮމިޝަނުން ނިންމައިފި ނަމަ އެނިންމުން ފުރަތަމަ ވާނީ ބާތިލް ނިންމުމަކަށޭ ސަބަބަކީ ޕީޕީއެމް ކޮންގްރެސް ބޭއްވުން ނުހުއްޓުވޭނެ ކަމަށް ތަމެން ކުރިން ބުނެފައިވާތީވެ ފައުންޑޭޝަން އަޅާ ގެ ރާނާ ނިމުމުން ފައުންޑޭޝަން ނުނަގާ ތަމެން ތިޔާ ބުނަނީ ގެހުރި ތަނުން ގެ އެއްކޮށް ނަގާށޭ އެކަން އެގޮތަށް ނުވާނެއޭ ތަމެންނަށް ދެން ވޯޓް އޮޅުވާލައިގެން ކިހާ ކަޓެއް ލިބުނުތޭ ކީއްވެ ޔޫވީލައިޓް އަޅުވައިގެން ނޫން ގޮތަށް ހުރިހާ
ދޯގޖޗ
03 October 2018
ކޮންގްރެސް ބޭއްވޭނެޔޭ ބުނީ އެކަމަކު ބޭއްވިގޮތް ކަމުނުދޭ.
ބަރުބާދު
03 October 2018
ކަލޯ އަލިފާނެއް ފެނެއް ވަކިނުވިޔަސް ކޮމެންޓްކުރެވޭތޯ ބަލާތި، އަޅެފަހެ މުޅިއުމުރު އޮތީ ގުރައިދޫގަތަ؟.
އަބްދުﷲ
03 October 2018
ހަމަޔާ އިންސާފުން ކަމެއް ކުރުން މިރާއްޖޭގަ ނެތީތަ؟. ބާރެެއްލިބޭ ދުވަހު ބާރެއްނެތްމިހާ ކަތިލާ އުސޫލުން ހުރިހާ ކަމެއް ކުރަންޔާ ކީއްކުރާ ގާނޫނެއް. ކީއްކުރާ މަޖިލިސްއެއް. ކީއްކުރާ ކޯޓްތަކެއް. ކީއްކުރާ މިނިވަން މުއައްސަސާތަކެއް؟؟.
އަހުމަދުބޭ
03 October 2018
އަބުﷲ ތިޔަހުރިހައި އެއްޗެއް ތިޔަކިޔަނީ، ޔާމީނަށެވެ، މަޖްލިސް ހަލާކް ކޮއްލީވެސް ޔާމީންއެވެ، މިނިވަން މުއައްސަސާވެސް ހަލާކްކޮއްލީވެސް ހަމަ ޔާމީންއެވެ، ހަމަޔާ އިންސާފް މިގައުމުގައި ނަގައިލީވެސް ހަމަޔާމީން އެވެ. ބާރެއްލިބުނުދުވަހު ބާރުގެބޭނުންވެސް ނުހަމަގޮތުގައި ބޭނުން ކުރީވެސް ހަމަޔާމީނެވެ،
ސަކީނާ
03 October 2018
ސާފްކުރަންވީ ހުރިހާ ތަނެއްވެސް.
ހުއްޓޭބެ
03 October 2018
އެދުވަސް މާޒީ ވެއްޖެއެވެ. މިހާރު މިފެންނަނީ ބާރު ލިބުނު މީހުން ނާޖާއިޒް ގޮތުގައި އެބާރު ބޭނުންކޮށްގެން ހާވާފަހުރި ހަޑިތައް ފިލުވައި ސާފުކުރާ ތަނެވެ.
އައިކުޑްލައިކް
03 October 2018
ޕީޕީއެމްގެ ކޮންގްރެސް ބަލައިނުގަތުމަށް އިލެކްޝަންސް ކޮމިޝަނުން ނިންމައިފި ނަމަ އިލެކްޝަންސް ކަމިޝަން ގެ މެމްބަރުން އެތިބީ ގާނޫނު ތަކާއި ޚިލާފުވެފައޭ ސަބަބަކީ ޕީޕީއެމްގެ ނަމުގައި ރިޔާސީ ކެންޑިޑޭޓަކު ކުރިމަތިލީ އެހެން ކަމަށްވާނަމަ ޕީޕީއެމް ނަމުގައި ކުރިމަތި ލި ރިޔާސީ ކެންޑިޑޭޓްގެ ނަންވެސް ބާތިލް ވާން ޖެހޭނެއޭ އަލުން ޖެހޭނީ ރިޔާސީ އިންތިޚާބެއް ބާއްވަން ކަން އެއީ މަމެންނަށް އިނގޭ އެއްޗަކީ އައި ރިއަލީ ލައިކް އިޓް އޯއް ޔޭއް އައި ކުޑް ލައިކް އިޓް ޓިލް
ހާހުންގާނު
03 October 2018
ރިޔާސީކެންޑިޑޭޓުގެ ނަން ބާތިލްވެއްޖެއްޔާ އަލުން ބާއްވަކަށް ނުޖެހޭނެދޯ؟ އޭރުން ދެންހުރިކެންޑިޑޭޓް އޮޓޮމެޓިކުން ހޮވުނީ. ޢެވަރުވެސް ނުވިސްނޭދޯ؟
ބޭބެ
03 October 2018
ރައިސް ޔާމީނަށް ގޮތް ހުސްވީތަ؟ ވެރިކަން ގެއްލުނީ!! ޕާޓީ ގެއްލުނީ!! ދެން؟ ޕީޕީއެމް ކޮންގްރެސް ހުއްޓުވަން އިލެކްޝަންގައި އެދުނީމަ ބުނީ ކޮންގްރެސް ހުއްޓުވޭނެ އެއްވެސް ގާނޫނީ ހަމައެއްނެތޭ މިދާކަށްދުވަހު!! ދެން މިހާރު މިވީ ކިހިނެތް؟ ނުރުހުނީތަ؟ ހަގީގަތުގައި ކޮންގްރެސް ބާޠިލްކުރެވޭނެ ނުވަތަ ބަލައި ނުގަނެވޭނެ ގާނޫނީ ހުއްޖަތެއް އޮތީތަ؟ ދެން ކޯޓްތަކުން ކިހިނެތް ހަދާނީ؟ މުޅިންވެސް ސުވާލު!! ވަރުދެރަވީމަ ބޭނުން އެއްޗެއް ހަދަނީތަ؟ ގާނޫނީ ހަމައިންތަ މިދަނީ؟
ޕާޓީ
03 October 2018
ރައީސް އިތުރު ޕާޓީއެއް ހެދުމުގެ ވިސްނުން ގެންގުޅެން ފެނޭ. ޔަގީން ޕާޓީ ރަޖިސްޓްރީ ކުރުމަށް ހުށަހަޅާ ފޯމުތަކުން ވެސް މައުމޫން އަށް އެނގިގެންދާނެ، ރޔ އަށް ތާއީދު އޮތްވރު
ޕްރޮފެސަރު
03 October 2018
ތެދެއް. 50×4=2ލައްކަ ފޯމް ލިބޭނެ. އަވަހަށް ޕީއޭ ހަދާ
ތޮށަލިތަކުރު
03 October 2018
ނުހޮވުނަސް ހުވާކުރާތަން ހުވަފެނުން ދެކުން އަދިވެސް ނުހުއްޓޭތަ.