ރައީސް ޔާމީނާއި ރައީސް މައުމޫން---
29 އޮކްޓޯބަރ 2018 - 12:50
32 comments
ވެރިކަން ކުރާ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ ބާރުތައް، ގާނޫނީ ގޮތުން އިންތިޚާބު ކޮށްފައި ހުރި އެ ޕާޓީގެ ކުރީގެ ރައީސް މައުމޫން އަބްދުލްގައްޔޫމާ ހަވާލު ކޮށްދިނުމަށް އެދި އެ ޕާޓީގެ އާންމު މެންބަރަކު ސިވިލް ކޯޓަށް ހުށަހެޅި މައްސަލައިގެ ފައިލްތައް ސުޕްރީމް ކޯޓަށް މިއަދު ގެންގޮސް އެ މައްސަލަ ދަށު ކޯޓުން ބެލުން ހުއްޓުވައިފި އެވެ.
ޕީޕީއެމްގެ ބާރުތައް މައުމޫނާ ހަވާލު ކުރުމަށް އެދި ޕާޓީގެ އާންމު މެންބަރަކު ސިވިލް ކޯޓަށް ހުށަހެޅި މައްސަލައިގެ ޝަރީއަތް މިދިޔަ އާދިއްތަ ދުވަހު އެ ކޯޓުގައި ވަނީ ފަށައިފަ އެވެ.
ގދ. ތިނަދޫ ބީޗް ރެސްޓް އަހުމަދު ރަޝީދު ޕީޕީއެމާ ދެކޮޅަށް ހުށަހެޅި މައްސަލައިގައި ބުނެފައި ވަނީ ޕީޕީއެމްގައި މިހާރު އޮތް ލީޑާޝިޕް ސައްހަ ނޫން ކަމަށެވެ. އަދި ޕީޕީއެމުން ދާދި ފަހުން ބޭއްވި ކޮންގްރެސް ބަލައިނުގަތުމަށް އިލެކްޝަންސް ކޮމިޝަނުން ނިންމާފައިވާތީއާ އެކު، މި ދައުވާގައި އެދިފައި ވަނީ ކުރީގައި އޮތް ގޮތަށް މައުމޫނާ އެ ޕާޓީގެ ލީޑަޝިޕް ހަވާލު ކޮށްދިނުމަށެވެ.
އެނގިފައިވާ ގޮތުގައި އެ މައްސަލައިގައި ކޯޓަށް ވަޑައިގަންނަވާ ވަކީލުންނަށް ސިވިލް ކޯޓުން މިއަދު އަންގާފައިވަނީ ސުޕްރީމް ކޯޓުގެ އެންގުމަށް އެ މައްސަލައިގެ ފައިލް އެކޯޓަށް ފޮނުވާފައިވާ ކަމަށެވެ.
އެ މައްސަލައިގެ ޝަރީއަތް މި މަހު 15ގައި ސިވިލް ކޯޓުގައި ފެށުމަށް ފަހު އިތުރު އަޑުއެހުމެއް މިހާތަނަށް ނުބާއްވަ އެވެ. އެއީ އެ މައްސަލަ ބައްލަވާ ފަނޑިޔާރު ޗުއްޓީ އަށް ވަޑައިގަތުމުންނެވެ. ސުޕްރީމް ކޯޓަށް މައްސަލައިގެ ފައިލް ގެންދިޔަ އިރު އަންނަ ބުރާސްފަތި ދުވަހަށް އެ މައްސަލައިގެ އިތުރު އަޑުއެހުމެއް ވަނީ ތާވަލުކޮށްފަ އެވެ.
ޕީޕީއެމްގެ ތެރޭގައި އުފެދުނު މައްސަލަތަކުގެ ތެރޭގައި، ރައީސް ޔާމީންގެ ފަރާތްޕުޅުން ސިވިލް ކޯޓަށް ހުށަހެޅުމުން، އެ ކޯޓުން މީގެ ދެ އަހަރު ކުރިން ނިންމާފައިވަނީ، ޕާޓީގެ ކައުންސިލުން ވަކި ގޮތަކަށް ކަނޑައަޅަންދެން ޕާޓީގެ މުސްތަޝާރުގެ ބެލުމުގެ ދަށުން ޕީޕީއެމް ހިންގުމަށެވެ. ސިވިލް ކޯޓުގެ އެ ހުކުމާ އެކު، ރައީސް ޔާމީންގެ ރިއާސަތުގެ ދަށުން ބޭއްވި ކައުންސިލް ބައްދަލުވުމެއްގައި ވަނީ ޕާޓީ ހިންގުން، ރައީސް ޔާމީނާ ހަވާލުކޮށްފަ އެވެ.
ޕީޕީއެމްގެ އަސާސީ ގަވާއިދު ބުނާ ގޮތުން، އެ ޕާޓީގެ މެމްބަރަކު ރާއްޖޭގެ ރައީސުލް ޖުމްހޫރިއްޔާގެ މަގާމު ފުރުއްވަމުން ގެންދަވާ ނަމަ، އެ ބޭފުޅަކީ ޕާޓީގެ މުސްތަޝާރެވެ.
އަންނަ ނޮވެމްބަރު މަހުގެ 17 ވަނަ ދުވަހު، ހިނގަމުން މިދާ ރިއާސީ ދައުރު ނިމުމުން، ޕާޓީގެ މުސްތަޝާރުގެ ހައިސިއްުޔަތު ރައީސް ޔާމީންގެ ކިބައިން ވަކިވެގެންދާނެތީ، ހުސްވި ސެޕްޓެމްބަރު މަހުގެ 28 ވަނަ ދުވަހު ޕީޕީއެމްގެ ކޮންގްރެސްގެ ޚާއްސަ ބައްދަލުވުމެއް ބާއްވައި، ޕާޓީގެ ރައީސްގެ މަގާމަށް ވަނީ ރައީސް ޔާމީން އިންތިޚާބު ކޮށްފަ އެވެ.
ނަމަވެސް، ކޮންގްރެސްގެ އެ ބައްދަލުވުން ބޭއްވީ އިޖުރާއާތުތަކާ ޚިލާފަށް ކަމަށް ބުނެ، އިލެކްޝަންސް ކޮމިޝަނުން ވަނީ، އެ ކޮންގްރެސްގެ ނިންމުންތައް ބަލައިނުގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިދީދީއައްޑޫސިޓީ
29 October 2018
މިހެންވީމަ، މައްސަލަ ކޮންމެ ގޮތަކަށް ކޮންމެ ކޮޅަކަށް ނިމުނަސް އަނެއް ފަރާތަކަށް، ދެން އިސްތިއުނާފް މަރުހަލާ އެއް ނޯންނާނެތާ! ދެރަކަމެއް!
އަދުހަމް
29 October 2018
ޕީޕީއެމް ގެ ވެރިފަރާތް ހޯދަން ފަނޑިޔާރަކު ކުރަންޖެހޭ މާބުރަ މަސައްކަތެއް ނެތް. އަހަރުމެން ވޯޓް ނުދިނަސް އެފަރާތަކީ ރައީސް ޔާމީން. ހައްގަކީ ހައްގު . ބާތިލް އަކީ ބާތިލް.
އައްސަދު
29 October 2018
މިގައުމުގެ 96,000 ރައްޔިތުން 23 ސެޕްޓެމްބަރ ގައި ބަސް އިއްވީ , ޕީޕީއެމްގެ ލީޑަރ އަކީ ރައީސް ޔާމީން އޭ. ދެން އޭރު ޖަލުގައި އޮތް އިއްޒަތްތެރި ރައީސް މައުމޫން މަސައްކަތްކުރެއްވީ މިދެންނެވި މީހުންގެ އިހުސާސް އާއި ދެކޮޅަށް. އަދުލުވެރި ހުކުމެއް ދެން ފަނޑިޔާރު ކުރައްވާ. ޕީޕީއެމްގެ ވެރިފަރާތް އަކީ ކާކުހޭ 4 އަހަރުގެ ކުއްޖަކު ކާރީ އަހާލީމާ ބުނީ 'ރައީސް ޔާމީން" އޭ. ބްރިޖް އެޅީވެސް ރައީސް ޔާމީން އޭ. ކިހާ ރަނގަޅުހެއްޔޭ. ކަމަނަ މިހާރު ވަރަށް ދެރަވެފަޔޯ މިހުރީ އިބޫ އަކީ ރައީސޭ މީހަކު ބުންޏޯ. އެއީ ދޮގެއް ދޯއޭ.
އަލީޔ
29 October 2018
ވޯޓުލީ ޕީޕީއެމް ގެ ރައީސް ހޮވަންތަ؟ އެހެން ވިއްޔާ ތި ރައީސަކީ އިބޫތާ!
މުހަންމަދު
29 October 2018
ދިވެހިންނަކީ މޮޔައިންނެއްނޫނެވެ. އަދި ތިޔަ ހީކުރާހާ ޖާހިލުންނެއްވެސް ނޫނެވެ. ހީވެސް ނުކުރާހާ ކައިރިން މިތިބީ ތިޔަ ޖަހާ ސަކަރާތް ބަލާށެވެ. ތިޔަ ހިންގާ ޖަރީމާގެ ފުރިހަމަ ޒިންމާ ނަންގުވާނެ ދުވަސް މާދުރެއް ނޫނެވެ. ވޯޓާއި ކުޅެން އުޅެ ނުވީމާ, ތިޔަ އުޅެނީ ކާކުބުނެގެން ކީއްކުރަންކަން އެގެއެވެ. ބަލަންތިބީމެވެ.
ޑރ.ނިޝާތާ/ހިތަދޫ/ ޔޫ ކޭ
29 October 2018
މީނާ ކީއްވެގެންތޯ މިއުޅުއްވަނީ... ރާއްޖޭގެ ނިކަމެތި މަސްވެރީންނާއި އެކިގޭގޭގައި މީސްމީހުންނަށް ހަވާދު ފުނޑައިދީގެން ފައިސާކޮޅު އެއްކޮށްގެން މާލެ މީހުނަށް ބޮޑެތި ކުލި ދީގެން ބުރަ މަސައްކަތުން ދަރީންނަށް މަތީ ތަޢުލީމު ހޯދަވާދެއްވައިފައިވާ ނިކަމެތި ދަރީންގެ ފެންވަރަށް ތަޢުލީމު ލިބިފައި ނެތަކަށް 4 ދަރީންވެސް އެކަނި އުޅެވޭވަރުކޮށްދީފައިތިވަނީ އެތަކެއްމިލިއަނުން.. އާދެ! ޕުރޮފިސަރ ހަސަން އަކީ މީގެ މިސާލެއް، ޕުރޮފިސަރ އަބުއްލޯ ސައީދު، ޕުރޮފިސަރ ނަސީރު
ޑރ.ޝަހުޒާ / ހިތަދޫ / އައްޑޫ
29 October 2018
ޕީޕީއެމް އަކީ ރައީސް ޔާމިނުގެ ޕާޓީއެއް. މައުމޫނަށް ދޭކަށް ނުޖެހޭނެ... އަޅުގަނޑު ގާތަށް ފޯރމުގައި ސޮއިކުރައްވަން ވަޑައިގަތީ އޮނަރަބުލް އެމް ޕީ އަބުދުއްރަހީމު އަބުދުއްލޯ ވިދާޅުވި ޔާމިނު އަބުދުއްގަޔޫމުގެ ވަރައް ބޮޑު އެދުމަކޭ ޕީ ޕީ އެމް އަށް ޒުވާނުން އަދި ތަޢުލީމީބޭފުޅުން ގުޅުމަކީ އެއިރު އެމަނިކުފާނު އެއީ ރާއިސެއްވެސްނޫން... ވީމާ މިއަދުގެ ރައީސު ޔާމިނުގެ ބުރަމަސައްކަތުގެ ސަވަބުން އެމަނިކުފާނައްޓަކައި އަޅުގަނޑުމެން ދެމި މިތިބީ. މައުމޫނު ނުވެސް ދަންނަ
އަލީ - ޕީޕީއެމް
29 October 2018
ލޮލް... ތިއުޅެނީ އޮޅިގެން. ޔާމީނު ޕީޕީއެމް އަށް ސޮއިކުރި އިރު ޕީޕީއެމް އަށް އުމުރުން ކިހާ ދުވެހެއް ވެއްޖެތޯ ބައްލަވާ!
އަމީލް
29 October 2018
ޢެބަ ރަނގަޅުވޭ
ދޮންކެޔޮ ނިހާން
29 October 2018
ޕީޕީއެމް އަކީ ރައީސް ޔާމިނުގެ ޕާޓީއެއް. މައުމޫނަށް ދޭކަށް ނުޖެހޭނެ
ބަންގަޅީ ސޮރު / މާލެ
29 October 2018
މައުމޫން އާޕާޓީޔެއް އުފެއްދުން ބުއްދިވެރި! އަޑުއިވޭގޮތުގައި މައުމޫނުގެ ނިދުމަށްވެސް އުނދަގޫވާކަމަށްވަނި ސިޔަސީ ޕާޓީގަނޑެއްގެ ވެރިކަން ނެތުމުން...ޕީ ޕީ އެމް އަކީ ރައީސު ޔާމިނުގެ ބުރަ މަސައްކަތުން އެމް ޕީ އަދުރޭ މެންފަދަ އެތަކެއް ބޭފުޅުންގެހީވާގި ބުރަމަސައްކަތުން ޔާމިނުއަށް ކާމިޔާބު ލަނޑުދަނޑިއަކާއި ހަމައަށް ގެނެވިފަވާ ޕާޓީއެއް.. ވޯޓު ނުލެވުނު 27،431 ޕީ ޕީ އެމްގެ މެމްބަރުންނާއި ވޯޓު ލެވުނުކަމަށް 96،000 މީހުން މިތިބީ ރައީސުޔާމިނުއާއި އެކު..
އެމްޢާރުއެމް
29 October 2018
މައުމޫން އާޕާޓީޔެއް އުފެއްދުން ބުއްދިވެރި! ޕީޕީއެމް ގަ އޮތީ ހުސްދަރަނި!!
ހުތާ
29 October 2018
ސްޕްރީމްކޯޓުގެ ދިގުއަތް ފެންނަން ފެށީމީ އަނެއްކާ، ސުވާލަކީ ކުރިން މުޝްތަޝާރާ ހަވާލުކުރަން ކުރިއަށް ގެންދިޔަ މައްސަލ ސިވިލްކޯޓުގައި ކުރިއަށް ގެންގޮސް ނިންމާލަން އޯކޭވެފަ މިފަހަރު މިވީ ކިހިނެތްތޯއެވެ؟