ހުޅުމާލެ ހޮސްޕިޓަލް ރޭޑިއޮލޮޖީ ޑިޕާޓްމަންޓް. -- ފޮޓޯ: ނިޝާން އަލީ
13 ނޮވެމްބަރ 2018 - 14:14
68 comments
އާސަންދައިގެ ހަރަދުތައް އިންތިހާ އަށް ބޮޑުވުމާ ގުޅިގެން، ހޭދަތައް ކޮންޓްރޯލް ނުކުރެވިއްޖެ ނަމަ އެ ހިދުމަތް ހުއްޓާލަން ޖެހިދާނެ ކަމަށް އަންނަ އަހަރުގެ ބަޖެޓުގައި އިންޒާރު ދީފި އެވެ.
ފިނޭންސް މިނިސްޓަރު އަހުމަދު މުނައްވަރު ރައްޔިތުންގެ މަޖިލީހަށް މިއަދު ހުށަހެޅުއްވި ބަޖެޓުގައި ބުނެފައި ވަނީ 40 ޕަސެންޓް ކޭސްތަކަށް ހިދުމަތް ދެވެނީ މާލެ ހޮސްޕިޓަލްތަކުން ކަމަށެވެ. އަދި އަތޮޅު ހޮސްޕިޓަލްތަކާއި ރީޖަނަލް ހޮސްޕިޓަލްތަކަށް ވުރެ މާލޭ ހޮސްޕިޓަލްތަކުގެ އަގު ބޮޑު ކަމަށް ރިޕޯޓްގައި ބުނެފައި ވެއެވެ.
އެ ރިޕޯޓްގައި ބުނެފައި ވަނީ އާސަންދަ އިން ދެވޭ ހިދުމަތްތައް ބޭނުންވާ މިންވަރަށް ވުރެ އިތުރަށް ބޭނުން ކުރުމާއި، ޓްރީޓްމަންޓް ގައިޑްލައިނެއް ނުވަތަ ބަލި މީހުންނަށް ދެވޭ ފަރުވާ ރިކޯޑު ކުރެވޭނެ ފަދަ ސިސްޓަމެއް ނެތުމުން، ދެވޭ ހިދުމަތްތައް ޑުޕްލިކޭޓް ވުން ފަދަ ކަންކަން މައިގަނޑު ސަބަބުތަކުގެ ތެރޭގައި ހިމެނޭ ކަމަށެވެ. އެގޮތުން އެފަދަ ކަންކަން އިސްލާހު ކުރުމަށް އަންނަ އަހަރު ސްޓޭންޑާޑް ޓްރީޓްމަންޓް ގައިޑްލައިނެއް އެކުލަވާލުމުގެ މަސައްކަތް ކުރާނެ ކަމަށް ބަޖެޓް ރިޕޯޓްގައި ބުނެފައި ވެއެވެ.
އެގޮތުން އިން ޕޭޝަންޓުންނާއި އައުޓް ޕޭޝަންޓުންނަށް ބަލާއިރު، ކޮންމެ 1،000 މީހެއްގެ ތެރެއިން 143 މީހުން އެޑްމިޓްކޮށް، އެވަރެޖްކޮށް އަހަރަކު 5.6 ފަހަރު ހޮސްޕިޓަލުގެ ހިދުމަތް ހޯދާފައިވާ ކަމަށް އެ ރިޕޯޓްގައި ބުނެފައި ވެއެވެ.
އަދި އެހެން ގައުމުތަކުގައި ވިއްކާ ބޭހުގެ އަގަށް ބަލާއިރު، ރާއްޖޭގައި ވިއްކާ ބޭހުގެ އަގު 15 ޕަސެންޓާ 75 ޕަސެންޓާ ދެމެދު އަދަދަކަށް ބޮޑުކަމަށް ބުނެފައި ވެއެވެ. އެގޮތުން ބޭހަށް ކުރާ ހޭދަ ކުޑަކުރުމަށް އިންޓަނޭޝަނަލް ހޯލްސޭލް ކުރާ ފަރާތްތަކާ ގުޅިގެން ބަލްކުކޮށް ގަތުމާއި، ޖެނެރިކް ބޭސް ޕްރޮމޯޓް ކުރުމާއި، ކޯ ޕޭމަންޓް ނަގަން އިސްލާހުތައް އަންނަ އަހަރު ފަށާނެ ކަމަށް އެ ރިޕޯޓްގައި ބުނެފައި ވެއެވެ.
އެފަދަ އިސްލާހުތަކެއް އަންނަ އަހަރު ނުގެނެސްފި ނަމަ އާސަންދަ ހިމެނޭ ގޮތުން ދައުލަތުން ސިއްހީ ހިދުމަތް ފޯރުކޮށްދިނުމަށް ކުރާ ހޭދައިގެ ކޮންޓްރޯލް ގެއްލި ވަރަށް ބޮޑަށް އިތުރު ވެގެން ދާނެ ކަމަށް ފާހަގަކޮށްފައި ވެއެވެ. އަދި ރާއްޖޭގެ ޒުވާން އާބާދީ މިހާރު ބޮޑު ނަމަވެސް، މުސްކުޅިން ގިނަ އާބާދީ އަކާ ދިމާލަށް ދަތުރު ކުރާއިރު ސިއްހީ ހިދުމަތްތަކުގެ ހަރަދު އިތުރުވެގެން ދާނެ ކަމަށް ބަޖެޓް ރިޕޯޓުގައި ބުނެފައި ވެއެވެ.
އެހެން ކަމުން މިހާރު މި ކަންތައްތަކަށް ތައްޔާރުވެ، ފިޔަވަޅު އަޅައިފި ނަމަ ސިއްހީ ގޮތުން ހޯދަމުންދާ ކުރިއެރުން ދަމަހައްޓައި، ދައުލަތުގެ ހަރަދަށް ބުރަ ބޮޑު ނުވާނެ މިންގަނޑެއްގައި ދެމެހެއްޓިދާނެ ކަމަށް ފިނޭންސް މިނިސްޓްރީން ފާހަގަކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިއްތި
17 November 2018
ޚަރަދު ކުޑަ ކުރުމަށް ރައްޔިތުން މަޖިީހުގެ މެންބަރުންގެ މުސާރަ މަދުކުރުމަށް ފެނޭ
ބެރިންމަދޫ ކުޑޭ
15 November 2018
ހޭދެބައިވެގެން ޕޯޑިއަމްފެނުނީ އަރާހުރެފައި ކޮންމެމީހަކައް އެއްލައްކަރުފިޔާ އޭ ހުސްނުވާއާސަންދަ އޭކިޔައިގެން ކިތަންމެބާރައް ހަޅޭލެވިޔަސް ތިޔަކަން ފަށަންވެގެން ވާހަކަދެއްކި ދުވަހުވެސް ބުނިން ތިޔަކަން ދާއިމީކޮއް ނުކުރެވޭނެއޭ ތިޔަ އުސޫލަކުން.
ބެރިންމަދޫ ކުޑޭ
15 November 2018
އާސަންދަ އަކީ ކޮންމެ މީހަކުވެސް އެއްޗެއް ދައްކައިގެން ބޭސްކުރެވޭނިޒާމަކައްވާން ޖެހޭ. ބޮލަކައް މަހަކު -/20ރ@ ލާރިދައްކައިގެން ލިބޭ ހިދުމަތަކައް އާސަންދަވެއްޖެނަމަ ބަޖެޓްއިން އާސަންދައަށް ކުރަންޖެހޭހޭދައިގެ ބައެއް ސަރުކާރުތަކަށް ލުއިވެގެންދާނެ.
އަބްދޫ
15 November 2018
މަދަނަ ބޭސް ފަރުވާގެ ސްކީމް އެމްޑީޕީ ނަސީދުގެ ސަރުކާރުން ބަގުރޫޓް ކޮށް އާސަންދަ ހެދިކަމުގާ ވިޔަސް ބޭސްފަރުވާ ކޮށްދެނީ އެލައިޑް އިންސޫރަންސް އިން.މިކަމުގެ ސަބަބުން ދަވްލަތަށް ބޮޑުގެއްލުމެއްލިބޭ .ބޭރުގެ ހޮސްޕިޓަލް ތަކުން ސަރުކާރަށް ބޭސް ނުކޮށްދޭތި އެލައިޑް މެދުވެރިކުރަންޖެހުމުން އެކުންފުނިންކުރާހަރަދުތަކަށް އެކުންފުންޏަށް ވެސް ފައިސާދޭންޖެހޭނެދޯ އަދި ފައިދާ ވާންވެސް ޖެހެނެދޯ. މިއިވެސް އެމްޑިޕީސަރުކާރުގެ ސަބަބުން ހެލްތުސްކީމް ބޮޑުވުމެއް ދޯ
ވަޙީދު
15 November 2018
65 އަހަރުގެ މީހުންނަށް ބޭނުންވާނީ ކާނާއި އަންނައުނު. ދެން ބަލަހައްޓާނެ މީހަކު. އެމީޙުންނަށް ފައިސާ ދޭނެ ކަމެއްނެތް.
ފާގަތި
15 November 2018
ދޮންބޭ ކޮބާ ބޭސްފރުވާ
ވަޙީދު
15 November 2018
އެމީހުންނަށް ވެސް 2 ވައް ދޮންކޭލާއި ކިރުތައްޓެއް ދޭނީ، އެއިރުން ބައްޔެއް ނުޖެހޭނެ.
ވަޙީދު
15 November 2018
އާސަންދައިގެ ބަދަލުގައި ކިރުތައްޓަކާއި ދޮންކެޔޮ ވަކެއް ދޭން ނިންމީ. ކޮންމެ ދުވަހަކު ދޮންކޭލާއި ކިރު ބޮންޏާމު ބައްޔެއް ނުވާނެ. ދެން ކޮން އާސަންދައެއް.
ދޮގެއްތަ؟
15 November 2018
މިހާރު ސަރުކާރާ ހަވާލު ވަނީ ތިކަން ދެމެހެއްޓޭވަރު ފަންވަރެއް ހުރި ބައެއް ނޫން. ނުވާނެ ތިކަމެއް. ދެން ކިޔާނެ ލާރި އެއް ނެތް. ވަގަށް ނެގީ. ވައްކަން ކުރީ. މިވަރެއްގަ 5 އަހަރު ނިމި ހިނގައިދާއިރުވެސް ތިބޭނީ. ކުރެވޭނެ ހަމަ އެއް ކަމެއްވެސް ނޯންނާނެ.
ތެދެއްތޭ
15 November 2018
ކަލޯ ދޮގެއްތާ. އާސަަންދައިގެ އަސްުލު ބެލެނިވެރިޔަކީ އެމްޑީ÷ިގެ ސަރުކަރު. އެހެންވީމާ ކަލޯމެން ބޭނުންހާ އެއްޗެސް ނުކިޔޭނެ. މި އާސަންދަ މިފަހަުރ ފުޅާކޮށް މުޅިރާއްޖޭގެ ފެނާ ކަރަންޓްވެސް އިންޝާﷲ ވަރަށް އަގުހެޔޮކޮށް އާޚިރުގަ ހިލޭކުރެވޭވަރު ކުރާނަން. ބަލަންތިނޭ. ދިރުއުޅުން އެއީ ހަމަ ތާހިރު ސަލާންނުޖަހާ ތާށިކަންނެތް އެއްޗަކަށް ބަދަލުކޮށްލާނަން. ނޯކޮރަޕްޝަން. ނޯވައްކަން. ނުހަލަލު ލާރި ގެޔަށް ވެއްދުން ނިމުނީ.
ވަޙީދު
15 November 2018
5 އަހަރަށް އެމީހުން ވެރިކަމުގައި ބައިތިއްބާނެ ކަމަށް ހީފުޅު ކުރެވެނީ ތޯ؟
އަބްދޫ
14 November 2018
މިހާރު ވެރިކަމަށް މިއްންނަނީ މަދަނަ ކިޔާ ހެލްތް ސްކީމް ހިންގަން ނޭގުނު މީހުން.މަދަނަ ހިންގަން ނޭގިގެން ބަގުރޫޓް ވުމުން އާސަންދަ ކިޔާނަންބަދަލުކުރީ މިހާރުގެ ހާލަތުން އާސަންދަ ނުހިންގޭނެ ވާހަކަ މިކިޔަނީ. ކުނިމެނޭޖް ނުކުރެވިގެން މާލެ ގޮނޑުކުރި މީހުން ވެރިކަމަށް އައިސް ވެމްކޯ އަށް ހަދާނީ ކިހިނެތް ކަމާމެދުވެސް ކަންބޮޑުވާންފަށައިފި.
ބުރުސޫރަ
14 November 2018
ޚަރަދު ކުޑަކުރަންޏާ އެންމެ ފުރަަތަމަ ކުރަންވިކަމަކީ މެމްބަރުންގެ މުސާރަ ކުޑަކުރުން. ކޮންފަދަ ކަމެއްތަމީ. ދެ ވަޒީފާ އަދާނުކޮށް އަތާ އަނގަޔާ ދިމާނުވާ ކިތައްމީހުން އެބައުޅޭ. މި 85 މީހުންނަށް ފުލްކޮށް މުސާރަ...
އިމަނާ
14 November 2018
ސިވިލްސާވަންޓުންގެ މުސާރައިން %7 ބޭސްފަރުވާއަށްނަގާފައި، މ މެމްބަރުންނަށް %7 މުސާރައަށް އިތުރު ކޮށްލަނިކޮށް ދެކޮޅު ޖެއްސިދާނެކަމަށްފެނޭ. މިއީ އާސަރުކާރަށް ފަސޭހަކަމެއް.