ނޮޅިވަރަމް ދާއިރާގެ މެމްބަރު އަރީފު (ވ)، ޖޭޕީއަށް ސޮއިކުރައްވައި ފޯމު އެ ޕާޓީގެ ލީޑަރު ގާސިމަށް ހަވާލުކުރައްވަނީ-- ފޮޓޯ: ޖޭޕީ
22 ނޮވެމްބަރ 2018 - 21:48
15 comments
ނޮޅިވަރަމް ދާއިރާގެ އެމްޑީއޭ މެމްބަރު ހުސައިން އަރީފާއި ކުރީގެ ޑިފެންސް މިނިސްޓަރު މޫސާ އަލީ ޖަލީލު ޖުމްހޫރީ ޕާޓީ (ޖޭޕީ) އަށް މިއަދު ސޮއިކުރައްވައިފި އެވެ.
އެ ދެ ބޭފުޅުން ޖޭޕީއާ ގުޅިވަޑައިގަތީ އެ ޕާޓީގެ އޮފީހުގައި ބޭއްވި ރަސްމިއްޔާތެއްގަ އެވެ. ދެ ބޭފުޅުންގެ ފޯމާ ހަވާލުވެވަޑައިގަތީ ޖޭޕީގެ ލީޑަރު ގާސިމް އިބްރާހިމެވެ.
މީގެ ކުރިން 2014 ވަނަ އަހަރު ބޭއްވި ރައްޔިތުންގެ މަޖިލީހުގެ އިންތިޚާބުގައި އަރީފު ނޮޅިވަރަމް ދާއިރާ ކާމިޔާބު ކުރެއްވީ ޖޭޕީގެ ޓިކެޓުގަ އެވެ. ނަމަވެސް ދައުރުގެ ވަކި ހިސާބަކުން އޭނާ ވަނީ އެމްޑީއޭއާ ގުޅިވަޑައިގެންފަ އެވެ.
ކުރީގެ ޑިފެންސް މިނިސްޓަރު މޫސާ އަލީ ޖަލީލު (މ) ޖޭޕީއަށް ސޮއިކުރައްވަނީ-- ފޮޓޯ: ޖޭޕީ
ކުރީގެ ރައީސް އަބްދުﷲ ޔާމީންގެ ސަރުކާރުގެ ދެ ވަނަ ޑިފެންސް މިނިސްޓަރަކަށް ހުންނެވި މޫސާ އަލީ ޖަލީލު ޖޭޕީ އަށް ސޮއިކުރައްވާފައިވަނީ ސިޔާސީ ކަންކަމުގައި ގިނަ ދުވަސްތަކެއް ވަންދެން ދުރުގައި ހުންނެވުމަށްފަހު އެވެ. ވަޒީރުކަމުން އޭނާ 2015 ވަނަ އަހަރު ވަކިކުރެއްވީ ކުރީގެ ރައީސް ޔާމީންގެ ދެކަނބަލުން ދަތުރުކުރެއްވި ލޯންޗުކޮޅުގައި އެއްޗެއް ގޮއްވާލި ހާދިސާއާ ގުޅިގެންނެވެ.
ރައީސް ޔާމީންގެ އެންމެ އަރިސް ބޭފުޅުންގެ ތެރޭގައި ހިމެނިވަޑައިގަންނަވާ، ފަރެސްމާތޮޑާ ދާއިރާގެ ޕީޕީއެމްގެ މެމްބަރު ހުސައިން މުހައްމަދު ލަތީފް ވެސް އިއްޔެ ވަނީ ޖޭޕީއަށް ސޮއިކުރައްވައިފަ އެވެ. ބިލެއްދޫ ދާއިރާގެ މެމްބަރު އަހުމަދު މުބީނާއި އިސްދޫ ދާއިރާގެ މެމްބަރު ގާރީ އަހުމަދު ރަޝީދު ވެސް ދާދި ފަހުން ވަނީ ޖޭޕީއާ ގުޅިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
23 November 2018
މިއީ ވަރަށް ދެރަވަރު ކަމެއް. “މިފަދަ މީސްމީހުން އުޅޭގޮތުންނާއި އަމަލުތައް އަދި ބަސްމަގު ހުންނަގޮތުން ޔޫނިފޯމް އަޅާ މުއައްސަސާތަކުގައި ތިބި ތެދުވެރި އިހްލާސްތެރި އަމާނާތް ތެރިކަމާއި ލޯތްބާއި އެކު ޖޯޝުންފުރިގެންވާގޮތަށް ހިދުމަތް ކުރުމުގައި ދެމިތިބި މީހުންނަށްވެސް ހުތުރު އަރާ އެމީހުންގެ ޤަދަރާއި އިއްޒަތާއިމެދުވެސް ޝައްކުގެ ނަޒަރަކުން ބަލާނެ ފުރުސަތު ހުޅުވިގެންދޭ” ކޯންޗެއް މަދުވެ ކޯންޗެއް ހޯއްދަވަންތޯ ތިފަދަ ދަރަޖައަކަށްވެއްޓި ނިކަމެތިވެގަންނަނީ؟!
އިބްރާ
23 November 2018
އެއްކޮޅުގަ ރަޢިއްޔތުން އަނެއް ކޮޅުގަ ބާޣީން
ކެނެޑީ
23 November 2018
ބަޣާވާތް އެޕިސޯޑު 2 - ކަމިންގ ސޫން ޑައިރެކްޓެޑް ބައި .............
މޭނުބައި
23 November 2018
ހާދަ ބަޣާވާތް ވަސް އެބަދުވައޭ!
ޖަމްބު
23 November 2018
ފައިސާއާއި ވަޒީފާދިމާލައް މީހުންދާނެ އެކަމަކު ވޯޓަކާހަމަޔަ ދާއިރު ލިބޭނީ ޒީރޯ
ވާލުސޮރު
23 November 2018
ހިތަށްއަރާ ހާސަރު (ޅެންބައިތަކުން) "ފެން އޮތްތަނަށް މަސް ދާނެ"ކަން ހުރިހާ ކަތުން ދަންނަންޖެހޭ، ކަންޒު ގެ(ޖަމްޢު) "ކުނޫޒް" ކީ މަޤްސަދު ބަލައިލަންވެސް ޖެހޭ.
އަނެއްކާ
23 November 2018
މީނަ މި ތައްޔާރުވަނީ އަނެއްކާވެސް ބަޣާވާތަކަށްތަ؟ ހުރިހާ މީހުން ހަމަ ކުރަނީ
ޏަޖީބް
23 November 2018
ށސާބަހޭ ގާސިމް އެއްގޮތަކައްވެސް ބޭނުންހާ އެއްޗެއް ހެދިޔަ ނުދޭތި..ތީ ދިވެހިދަރިއެއް.
ފިރިމީހާގެ އަނބިމީހާގެފިރިމީހާ
22 November 2018
ގޮތްބަލާލަން ފިރިމީހާގެ އަނބިމީހާގެ ފިރިމީހާއަށް ދިވެހިރައްޔަތުންގެ ތާއިދު އޮތްވަރުބަލާލަން.. ހަމަ އެކަނި މަސަލް ތިވަރުގަދަ ކުރެވެނީ، އަދި ތިތާނގައި ރައްޔަތަކު ދަންނަ ބަޔަކުނެތްކަން މިދިޔަ އިންތިޚާބުގައި ރައްރަށުން ވަނީ އެނގިފައި.. އިބޫއަށް ވޯޓުދީ ތާއިދުކުރީ އެބޭފުޅާގެ ގައިގައި ވާ މަހާ ލޭގެތެރޭގައި ހަރާންއެއްމެ މާއްދާއެއްވެސް ހިމެނިފައިނުވާތީ ރައްޔަތުންގެ ލޯބި!މެޑަމްފަޒޫއަކީ ހައިލީ އެޑިއުކޭޓެޑްކަނބަލެއް. ވަޒީފާފަހަތުންނުދުވޭ.!!އަނބިމީހާއެކަމަކު
ބަރުމަލާނީ
22 November 2018
ވަރަށް އަވަހަށް ބަރުލަމާނީއަކަށް ދާނެކަމަށް ލަފާކުރެވޭ. ރައީސަކީ އިބޫ. ބޮޑުވަޒީރަކީ ނަޝީދުބާ؟ ނޫނީ ގާސިމުބާ؟