ގެއްލިގެން ހޯދަން އިއްޔެ އިއުލާން ކުރި އަންހެން މީހާ ފެނިއްޖެ ކަމަށް ފުލުހުން މިއަދު ބުނެފި އެވެ.
ހ. ލާމިޔާގައި ދިރިއުޅޭ 23 އަހަރުގެ އައިމިނަތު ނަޝާ ނާޝިދު ހޯދަން ފުލުހުން އިއުލާނުކުރީ އިއްޔެ މެންދުރެވެ.
ފުލުހުންގެ މީޑިއާ އޮފިޝަލަކު "މިހާރު" އަށް ވިދާޅުވީ ނަޝާ ފެނުނީ އިއްޔެ، އޭނާ ފެނުނީ ހޯދަން އިއުލާނުކުރި ފަހުން ކަމަށެވެ. ނަޝާ ފެނުނު އިރު ހާލު ރަނގަޅު ކަމަށާއި އޭނާއަށް އެއްވެސް އަނިޔާއެއް ލިބިފައި ނުވާ ކަމަށް ވެސް މީޑީއާ އޮފިޝަލް ވިދާޅުވި އެވެ.
ނަޝާ ގެއްލިގެން ފުލުހުންނަށް ރިޕޯޓުކޮށްފައި ވަނީ މިދިޔަ ބުދަ ދުވަހު އެވެ. މި މައްސަލައާ ގުޅޭ އިތުރު މައުލޫމާތެއް ހާމައެއް ނުކުރެ އެވެ.
