އާ ކަރަންޓު ވިއުގަ އަންނަ އަހަރު ނިމޭނެ: ސްޓެލްކޯ

ސްޓެލްކޯގެ މެނޭޖިން ޑިރެކްޓަރު މުޣުނީ: އެކުންފުނީގެ ކަރަންޓު ވިއުގައިގެ މަސައްކަތް އަންނަ އަހަރު ނިމޭނެ ކަމަށް ކުންފުނިން ވަނީ ބުނެފައި-- ފޮޓޯ: ހުސައިން ވަހީދު/މިހާރު

އިދުހާމް ނައީމް، މިހާރު

24 ނޮވެމްބަރ 2019 - 16:30

2 comments

ހުޅުލެ، ހުޅުމާލެ އަދި މާލޭގެ ކަރަންޓު އެއް ވިއުގައަކުން ގުޅާލުމަށް ސްޓެލްކޯއިން ކުރިއަށްގެންދާ މަޝްރޫއު އަންނަ އަހަރުގެ އޮގަސްޓް މަހުގެ ނިޔަލަށް ނިމޭނެ ކަމަށް އެ ކުންފުނިން ބުނެފި އެވެ.

ކަރަންޓުގެ މި ނިޒާމަކީ ގްރޭޓާ މާލެ ރީޖަނަށް މެދުކެނޑުމެއްނެތި ކަރަންޓު ފޯރުކޮށްދެވޭނެ ކެޕޭސިޓީ އާއި ދުރު ރާސްތާ ޕްލޭންތަކާ އެކު ސްޓެލްކޯއިން ކުރިއަށްގެންދާ މަޝްރޫއެކެވެ. މި މަޝްރޫއު ނިމި ޚިދުމަތްދޭން ފެށުމުން މާލޭ ސަަރަހައްދުން ކަރަންޓު ކެނޑުމުގެ މައްސަލަ އަށް ހައްލު ލިބޭނެ ކަމަށް ސްޓެލްކޯއިން ވަނީ ބުނެފަ އެވެ.

ގްރޭޓާ މާލެ ރީޖަންގެ ކަރަންޓް އެއް ވިއުގައަކުން ގުޅާލުމުން ކެޕޭސިޓީ ކުރިއަރައިގެންދާއިރު މާލެ އަށް ކަރަންޓު މަދުވެގެންދާ ވަގުތު ނުވަތަ މާލެއިން ކަރަންޓު ކެނޑިގެންދާ ވަގުތުތަކުގައި ހުޅުމާލެއިން މާލެ އަށް ކަރަންޓު ފޯރުކޮށްދެވޭނެ ކަމަށް ސްޓެލްކޯއިން ބުންޏެވެ. އަދި ހަމައެގޮތުން ހުޅުމާލެއިން ކަރަންޓު ކެނޑިގެންދާ ވަގުތުތަކުގައި މާލެއިން ހުޅުމާލެ އަށް ކަރަންޓް ފޯރުކޮށްދެވޭނެ ކަމަށް ވެސް ސްޓެލްކޯއިން ބުންޏެވެ. މި މަޝްރޫއުގެ 45 ޕަސެންޓް މަސައްކަތް މިހާރު ވަނީ ނިންމާފަ އެވެ.

މި މަޝްރޫއުގެ އިތުރުން ކަރަންޓް ކެނޑޭ ހާލަތްތަކުގައި އަވަހަށް މައްސަލަ ހައްލުކުރެވޭނެ ނިޒާމެއް ގާއިމުކުރުމުގެ މަސައްކަތް ކުރަމުން އަންނަ ކަމަށް ވެސް ސްޓެލްކޯއިން ބުންޏެވެ. އެގޮތުން "ޑިސްޓްރިބިއުޝަން ސްކާޑާ"ގެ ނަމުގައި ސްޓެލްކޯއިން މިހާރުވަނީ މަޝްރޫއެއް ފަށާފަ އެވެ. މި މަޝްރޫއުގެ ސަބަބުން ކަރަންޓް ކެނޑޭ ހާލަތްތަކުގައި އަވަހަށް މައްސަލަ ހައްލުކުރުމުގެ އިތުރުން ކަރަންޓް ކެނޑެން ދިމާވާ މައްސަލަތައް ކުރީބައިގައި ދެނެގަނެވި މައްސަލަ ހައްލުކުރުމުގެ ފުރުސަތު ފަހިވެގެންދާނެ އެވެ. މި މަޝްރޫއުގެ ދަށުން ކަރަންޓް ދޫކުރުމަށްޓަކައި ސަބް ސްޓޭޝަންތައް އިތުރުކުރުމަށް ވަނީ ހަމަޖެހިފަ އެވެ.

ކަރަންޓު ސްޓެލްކޯ

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާއަދާލަތު1

24 November 2019

މާލޭގައި ހުރި ޖަނަރޭޓަރުތައް މާލެއިން ބޭރު ކުރެވޭނެ ގޮތެއް ހޯދުން މުހިންމު. މިހާރުވެސް އަޑުގަދަކަމާއި ބޭރުކުރާހާ ދުމާހެދި މިއުޅެނީ ސްޓެލްކޯ ހިސާބުގައި ދިރިއުޅުމަށް ދަތިވެގެން. ދަތުރުދާނެ ރަށެއް ހިއްކުމުގެ ބަދަލުގައި އިންޖީނުގެތައް ތިލަފުށި، ގުޅީފަޅު ނުވަތަ ފަޅެއް ހިއްކައިގެން ނަމަވެސް މި ތޮއްޖެހިފައިވާ މާލެއިން ބޭރުކޮށްދެއްވުން އެދެން.