04 ޑިސެމްބަރ 2019 - 19:12
11 comments
ވަކި އަދަދަކަށް އަންހެނުން ކައުންސިލްތަކަށް އައްޔަންކުރާ ގޮތަށް ގާނޫނަށް އިސްލާހު ގެނައުން ގާނޫނުއަސާސީއާ މުޅިން ހިލާފު ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވުމުން ކުރީގެ މިނިސްޓަރު އަނީސާ އަހުމަދު މިއަދު ރައްދު ދެއްވައިފި އެވެ.
ގާސިމް ރޭ ވިދާޅުވީ ވަކި އަދަދަކަށް އަންހެނުން ކައުންސިލްތަކަށް އައްޔަން ކުރާ ގޮތަށް ގާނޫނަށް އިސްލާހު ގެންނަނީ ގާނޫނުއަސާސީގައި އޮންނަ އަސާސީ ހައްގުތަކާ ކަނޑައެޅިގެން ހިލާފަށް ކަމަށާއި އެގޮތަށް އެކަން ނުކުރެވޭނެ ކަމަށެވެ. ގާސިމް އިޝާރާތް ކުރެއްވީ ގާނޫނު އަސާސީގެ 17 ވަނަ މާއްދާގެ ހ. އަށެވެ.
އެ މާއްދާގައި ބުނަނީ "ހައްގުތަކާއި މިނިވަންކަން ލިބުމުގައި އެ މީހެއްގެ ނަސްލަށް، ނުވަަތަ އުފަންވީ ގައުމަށް، ނުވަތަ ކުލަޔަށް، ނުވަތަ، ޖިންސަށް، ނުވަތަ، އުމުރަށް، ނުވަނަ ޖިސްމާނީ ނުވަތަ ނަފްސާނީ ނުކުޅެދުންތެރިކަމަކަށް، ނުވަތަ އެ މީހެއްގެ ސިޔާސީ ނުވަނަ އެ ނޫން ވެސް ވިސްނުމަކަށް ނުވަތަ މާލީ ފުދުންތެރިކަމަށް ނުވަތަ ނިސްބަތްވާ އާއިލާ އަށް ނުވަތަ އުފަން ރަށަށް ނުވަތަ މި ނޫން ވެސް ކަންކަމަށް ބަލައި ތަފާތުކޮށްގެން ނުވާނެ" ކަމަށެވެ.
Anhenunnah gondi haassa kurun gaanoonu asaasee aa khilaaf: Gasim
The most trusted news source in the Maldives
Mihaaru
އަންހެނުންނަށް ހާއްސަ ކުރުން ގާނޫނު އަސާސީއާ ހިލާފު ކަމަށް ގާސިމް ވިދާޅުވުން--
އެކަމަށް ރައްދު ދެއްވައި، މަޖިލީހުގެ ނައިބު ރައީސްކަން ވެސް ކުރެއްވި އަނީސާ ކުރެއްވި ޓްވީޓެއްގައި ވިދާޅުވީ ގާނޫނު އަސާސީގެ 17 ވަނަ މާއްދާގެ ށ. އަކީ އަންހެނުން ބާރުވެރި ކުރުމަށް ކޯޓާ ކަނޑައެޅުން ފަދަ ކަންކަމަށް މަގުފަހި ކުރުމަށް ލިޔެފައިވާ މާއްދާއެއް ކަމަށެވެ.
އަނީސާ އިޝާރާތް ކުރައްވާ މާއްދާގައި ބުނަނީ "މުޖްތަމައުގެ އާންމު ހާލަތަށްވުރެ ނިކަމެތިކަމެއް ލިބިފައިވާ މީހަކަށް، ނުވަތަ ބަޔަކަށް، ހާއްސަ ރައްކާތެރިކަމެއް ލިބިދޭންޖެހޭ ބަޔަކަށް އެހީތެރިވެދިނުމަށްޓަކައި، ނުވަތަ ރައްކާތެރިކަން ލިބިދިނުމަށްޓަކައި ކުރާ ކަންތައްތަކަކީ ތަފާތުކުރުމެއް ކަމުގައެއް ނުވާނެ" ކަމަށެވެ.
Qaanoonu asaaseege ge 17 vana maadhdhaage shaviyani akee anhenun baaruverikurumah quota kan’daelhun fadha kankamah magufahi kurumah khaassakoh liunu maadhdhaa eh @qasimibrahim @MRM_Office @a_nadraa
— AneesaAhmed (@AneesaAhmed19) December 4, 2019
ގާސިމް ޓެގް ކުރައްވައި އަނީސާ ކުރެއްވި ޓްވީޓް--
ރައްޔިތުންގެ މަޖިލިހުގައި އޮތް ލާމަރުކަޒީ ގާނޫނަށް އިސްލާހު ގެނައުމުގެ ބިލްގައި ވަނީ ރަށްރަށާއި ސިޓީތައް ހިނގާނީ އަންހެނުންގެ ހައްގުތައް ރައްކާތެރި ކުރެވި، އަންހެނުންގެ ބައިވެރިވުމާ އެކުގައި ކަން ކަށަވަރު ކުރުމަށް ކައުންސިލްތަކުގައި އަންހެނުންގެ ދައުރެއް ކަނޑައެޅިފައި އޮންނަން ވާނެ ކަމަށެވެ.
ބިލްގައިވާ ގޮތުން ކައުންސިލަށް އިންތިހާބު ކުރާ މެމްބަރުންގެ ތެރެއިން 33 ޕަސަންޓް ހާއްސަ ކުރަންވާނީ އަންހެނުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
05 December 2019
ރާއްޖެ މިދަނީ ރަގަޅަކައްނުން.
1952
05 December 2019
ނުކުޅެދުންތެރިކަން ހުރި ބައެއް ކަމުގައި މިގައުމުގެ އަންހެނުން ބެލޭނެ ތަނެއް ނެތް.
އާންމު ހާލަތަކީ ބަލާމިންގަޑަކީ ކޮބާ؟
05 December 2019
މުޖްތަމައުގެ އާންމު ހާލަތަށްވުރެ ނިކަމެތިކަމެއް ލިބިފައިވާ މީހަކަށް‘ މީގެ ފުރަތަމަ މީހުނަކީ ނުކުޅޭ ދޭ މީހުން،
ބޯހަލާކު ނޮޓް ފެއަރ
05 December 2019
، ނަސީބެންނު މިކްސްކޮށް ކުޅިވަރު ނުކުޅޭކަން، އޭރުންއަންހެނުން ވީތިއްވެ، ފަށާނީވެސް ސެމީފައިނަލްއުން
ބަޑޭރި
04 December 2019
އެކަމަނާ މާނަކުރައްވާ ޤާނޫނުގެ މަފްހޫމަކާ އަންހެނުން ބާރުވެރި ކުރަން ކައުންސިލްތަކަށް 30% ކަޑައަޅާ ފާސް ކުރެވުނު ޤަނޫނަކާ ދިމަލެއްނުވޭ. މުޖްތަމަޢުގައި މިގައުގެ އާއްމު ހާލަތަށްވުރެ އަންހެނުން ނިކަމެއްޗެއްނޫން. ކެރެއްޏާ ނިކުމެ ކޮންމެދާއިރާއަކުން މަސައްކަތް ކުރިޔަސް ކުރިއަޢް އެބަދެވޭ. އެއްފަހަރު އަބިމީހާ ވިހާފަ އަނެއްފަހަރު ފިރިމީހާ ނުވިހައްޏާ އެއީ ހަމަހަމަ ނުވަނީކީނޫން. ފިތުރަތުގެ ގާނޫނު ބަލާލަބަލަ...
ޢަލީބެ
04 December 2019
ޢަނީސާ އަށް އަހަރެންބުނާނީ. ހާއްސަ އެހީއަށް ބޭނުންވާ މީހުނަށް ފުލެޓު ދިނުން އޯކޭ. ޕީޖީކަމާ ފަނޑިޔާރު ކަމާ ޑިފެންސް މިނިސްޓަރުކަމާ ނުވީތާކަށް ފިރިމީހާގެ ބަހެއްނާހާ ގަދަދައްކާފަ އުޅޭބަޔަކަށް އިތުރު އިހުތިޔާރުތަކެއް ދީނުމަކީ ހުޅަނގުގެ ސަގާފަތެކޭ. ދީންވެރިންވެސް ސިޔާސީ ނުވާނަމަ މިބުނީ ތެދެކޭ ބުނާނެ.
معمون
04 December 2019
ޤާނޫއެއްގައި ކަނޑައެޅިގެން 33% އަންހެނުންނަށް ލިބެން ޖެހޭނެކަމަށް ލިޔާ ނަމަ ހަމަ އެ ޤާނޫނުގައި 64% ފިރިހެނުންނަށް ލިބެންޖެހޭނެ ކަމަށް ވެސް ލިޔަން ޖެހޭނެ ކަމަށް ދެކެން. އެހެން ނޫން ނަމަ 33% އަންހެނުންނަށް ދިނުމަށް ފަހު ބާކީ 64% އިންވެސް އަންހެނުންނަށް ދިނުމަކަށް ހުރަހެއް ނެތް. އަންހެނުންނާއި ފިރިހެނުން ހަމަހަމަ ކަމަށް ދައުވާ ކުރާ ޒަމާނެއްގައި، އިންތިހާބު ކުރެވޭ މަގާމުތަކަށް ކުރިމަތި ލުމުގެ ފުރުސަތު ދެ ޖިންސަށްމެ އޮތް އިރު، ތަބަކަށް ލާފަ ދޭންވީ ތޯ
1828
04 December 2019
ރާއްްޖޭގެ ރައީސްކަމަށް އެކަނި އަންހެނުނަށް ކުރިމަތި ނުލެވެނީ. އެހެން ހުރިހާކަމަކަށް ހަމަ ކުރިމަތިލެވޭ. ވީއިރު ވަކި ޖިންސަކަށް ކޯޓާ ކަނޑައެޅުމަކީ ވަރަށް ދެކޮޅު ނުޖެހޭ ކަމެއް. ކައުންސިލްކަމަށް، މަޖިލިސް މެމްބަރުކަމަށް ކުރިމަތިލާކަށް އެއްވެސް ޖިންސަކަށް ހުރަހެއް ނެތް. ހޮވަނީ ވޯޓުންކަމަށް ވާތީ، އަންހެނުންވެސް ފިރިހެނުންވެސް ޖެހޭނީ އެމީހާގެ ޤާބިލްކަން ދައްކައިގެން ގިނަ ވޯޓް ހޯދަން.
ނަޖުމުއްދީން
04 December 2019
އަދިވެސް މައުމޫނުވަރެއް ނެތް.
އަނީސް
04 December 2019
އަސްތާ އަނީސާމެން ތިޔައުޅެނީ އަންހެނުން ހާދަ ނިކަމެތި ބަޔަކަށް ހަދަންދޯ. ހަމަހަމަ ކަމަށް ވާހަކަ ދައްކާއިރު މިއީ އަންހެނުން ދަށްކޮށްލުމެއް. ތަބަކަށް ލާފަ ގޮނޑި ދޭންޖެހޭތަ. ވާދަކޮށްގެން ހޯދަންވީނު. އޭރުން ފިރިހެނުންނާ އަންހެނުން ހަމަހަމަވާނީ.