ވެލާނާ އިންޓަނޭޝަނަލް އެއާޕޯޓުން ބަޔަކު ހިދުމަތް ހޯދަނީ-- ފޮޓޯ: މިހާރު
14 ޖެނުއަރީ 2020 - 11:27
5 comments
ވެލާނާ އިންޓާނޭޝަނަލް އެއާޕޯޓުން މިއަދު ހެނދުނު ކަރަންޓު ދިޔައީ އިންޖީނަށް ދިމާވި ޓެކްނިކަލް މައްސަލައަކާ ގުޅިގެން ކަމަށް އެމްއޭސީއެލުން ބުނެފި އެވެ.
މިއަދު ހެނދުނު އެއާޕޯޓުން ކަރަންޓު ދިޔައީ ވިއްސަކަށް މިނެޓަށެވެ. އެ ވަގުތު އިންޓަނޭޝަނަލް އަދި ޑޮމެސްޓިކް ޓާމިނަލުން ވެސް ވަނީ ކަރަންޓު ކެނޑިފަ އެވެ.
އެމްއޭސީއެލްގެ ކޯޕަރޭޓް ކޮމިއުނިކޭޝަންސްގެ ޖެނެރަލް މެނޭޖަރު ހަސަން އަރީފު ވިދާޅުވީ ކަރަންޓުގެ މައްސަލަ ހައްލުކޮށް މިހާރު އެއާޕޯޓަށް ކަރަންޓު ދޭން ފަށާފައިވާ ކަމަށެވެ. އަދި ކަރަންޓު ދިޔައީ އިންޖީނަށް ޖެހުނު މައްސަލައެއްގެ ސަބަބުން ކަމަށް އޭނާ ވިދާޅުވި އެވެ. އިންޖީނަށް މައްސަލަ ޖެހުނީ ހޫނު ގަދަވުމުން ކަމަށް ލަފާ ކުރެވޭ ކަމަށް ވެސް ހަސަން ވިދާޅުވި އެވެ.
ކަރަންޓު ކެނޑުނު ވަގުތު ބައެއް ހިދުމަތްތަކަށް ބުރޫ އެރި ނަމަވެސް މުހިންމު ބައިތަކަށް ބެކްއަޕް ސިސްޓަމްތައް ބޭނުންކޮށްގެން އެމްއޭސީއެލުން ވަނީ ކަރަންޓު ދީފަ އެވެ. އަދި ކުއްލިއަކަށް ކަރަންޓު ކެނޑުމުގެ ސަބަބުން ހިދުމަތް ހޯދުމުގައި ދިމާވި ދަތިތަކަށް އެ ކުންފުނިން ވަނީ މާފަށް އެދިފަ އެވެ.
We have now restored full power @VelanaAirport. We were able to manage critical areas by our back up system at the time of power failure. We apologize for any inconvenience that may have caused due to our sudden power failure.
— MACL (@MACLmedia) January 14, 2020
އެމްއޭސީއެލުން ކުރި ޓްވީޓް--
ހަސަން ވިދާޅުވީ ކުރިއަށް އޮތްތާނގައި މިފަދަ މައްސަލަތައް ދިމާވިޔަ ނުދިނުމަށް އެ ކުންފުނިން މަސައްކަތް ކުރަމުން އަންނަ ކަމަށެވެ. އެގޮތުން، އެއާޕޯޓުގެ ކަރަންޓު ކެޕޭސިޓީ އިތުރު ކުރުމުގެ މަސައްކަތް ކުރިއަށްދާ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަހޫ
14 January 2020
ހެޔޮ ނުވާނެ. ތިތަން ޕްރަވަޓައިޒް ކުރޭ. ސަރުކާރު ވިޔަފާރި ކުރުމަކީ އެއްވެސް އިރެއްގައި ކާމިޔާބު ކަމެއް ނޫން. ޓެކްސް ނަގައިގެން ގައުމު ހިންގާ. ވިޔަފާރި ތެރެއަށް ނުވަދޭ.
އަހޫ
14 January 2020
ގާބިލް ކަމެއް ނެތް އެއާޕޯޓު ހިންގުމުގެ.
ޔޯޔޯ
14 January 2020
"ހަސަން ވިދާޅުވީ ކުރިއަށް އޮތްތާނގައި މިފަދަ މައްސަލަތައް ދިމާވިޔަ ނުދިނުމަށް އެ ކުންފުނިން މަސައްކަތް ކުރަމުން އަންނަ ކަމަށެވެ." ކަރަންޓްދާ ކޮންމެ ފަހަރަކު ޒިންމާއިން ރެކެން ބޭނުންކުރާ އައްޑަނައަކަށް މިބަސް ހަދައިފ.
ސުލައިމާނު.
14 January 2020
މާލޭ ރެކޯޑް އެއަރޕޯޓުން އަނެއްކާވެސް ރެކޯޑެއް މުގުރާލީދޯ؟ ކަލޭމެނަށް ހީއެއްނުވޭ ދެން މާގިނަދުވަހަކު ތިޔަ ރިކޯޑް ހަދަހަދާ ތިބެވޭނެ ހެނެއް. މަޖުބޫރުން ނަމަވެސް ޖެހޭނީ ގަމާއި ހަނިމާދޫ ތަރައްޤީ ކުރަން.
މޯޑް
14 January 2020
އަދިވެސް ހުޅަގުފަޅިއަކަށް ކަރަށްޓެއް ނާދެ. ސުޓާފުން މިތިބީ ނުކައި ނުބޮއި ފެންނުވަރާ ފާހާނާ ނުކުރެވިފަ. ހެދުނު 8 ޖެހިއިރު ދިޔަކަރަންޓް ހަމައެކަނި ޓާމިނަލަށް ދިނީމަ އެވޭތަ މުޅި އެއާރފޯޓަށް ކަރަށްޓް ދިންކަމަށް. ސާފްމައުލޫމާތު ދީ ދޮގުނުހަދާ. މިހާރު ގަޑި 12 ޖަހާ ބޮޑްވީ. މިދެށް ބޮޑްވަރު