ޕީޕީއެމްގެ ޖަލްސާއެއް: އެ ޕާޓީގެ ޓިކެޓްގައި އިންތިޚާބަށް ވާދަކުރަން 1،100 އަށް ވުރެ ގިނަ މީހުން ހުށަހަޅާފައިވޭ -- މިހާރު ފޮޓޯ/ހުސައިން ވަހީދު
27 ޖެނުއަރީ 2020 - 17:09
13 comments
އަންނަ ލޯކަލް ކައުންސިިލް އިންތިޚާބުގައި ޕީޕީއެމްގެ ޓިކެޓްގައި ވާދަކުރަން 1،100 އަށް ވުރެ ގިނަ މީހުން ހުށަހަޅާފައިވާ ކަމަށް ޕީޕީއެމް އިން މިއަދު ބުނެފި އެވެ.
އަންނަ އޭޕްރީލް މަހު ބާއްވާ ކައުންސިލް އިންތިޚާބުގައި އިދިކޮޅު ކޯލިޝަންގެ ފަރާތުން ޕީޕީއެމްގެ ޓިކެޓްގައި ވާދަކުރަން އެދި ހުށަހެޅުމުގެ ފުރުސަތު އެ ޕާޓީން ކުރިން އޮތީ ހުޅުވާލައިފަ އެވެ.
ޕީޕީއެމް އިން މިއަދު ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ސްޕޯކްސްޕާސަން ހީނާ ވަލީދު ވިދާޅުވީ އެ ޕާޓީގެ ޓިކެޓްގައި ވާދަކުރަން 1،146 ފޯމް އެ ޕާޓީއަށް ލިިބިފައިވާ ކަމަށާއި އޭގެ ތެރެއިން 14 އަތޮޅެއްގެ 51 ރަށެއްގައި ޓިކެޓް ދޭނެ މީހުން ކަނޑައަޅަން ޕްރައިމަރީ ބާއްވާނެ ކަމަށް އޭނާ ވިދާޅުވި އެވެ. އަދި ރާއްޖޭގެ ހަތަރު ސިޓީގައި ވެސް ޕްރައިމަރީ އޮންނާނެ ކަމަށާއި ޕްރައިމަރީތަކުގެ ގުރުއަތުލުން އަންނަ ބުދަ ދުވަހު އެ ޕާޓީގެ އޮފީހުގައި އޮންނާނެ ކަމަށް ވެސް ހީނާ ވިދާޅުވި އެވެ.
"ޕްރައިމަރީ މި އޮންނަނީ 7 ފެބްރުއަރީ ހުކުރު ދުވަސް. މެންދުރު ފަހުގެ ގަޑިއެއް ކަމަށް މި ބަލަނީ. ގަޑިވެސް ފައިނަލް ކޮށްފައި ހުރިހާ ކެންޑިޑޭޓުންނަށް އަންގަމުންދާނެ. ޕްރައިމަރީގައި މާލޭގައި ވެސް އަދި ކޮންމެ ރަށެއްގައި ވެސް އަދި އަތޮޅު ކައުންސިލަށް ކުރިމަތިލާ ދާއިރާތަކުގައި އެ އަތޮޅެއްގެ ކޮންމެ ރަށެއްގައި ވެސް ފޮށިތައް ބަހައްޓާ ގޮތަށް މިވަނީ ހަމަޖެހިފަ." ހީނާ ވިދާޅުވި އެވެ.
ހީނާ ވިދާޅުވީ ޕްރައިމަރީގައި ވާދަކުރާ ހުރިހާ ކެންޑިޑޭޓުންގެ މަންދޫބުން އައްޔަން ކުރަން ޖެހޭ ކަމަށާއި މިމަހުގެ ނިޔަލަށް އެ ފުރުސަތު އޮންނާނެ ކަމަށެވެ. އަދި ޕްރައިމަރީގައި ވޯޓުލާއިރު އިންތިޚާބު ކުރަންޖެހޭ އަދަދަށް ވުރެ ގިނައިން ނުވަތަ މަދުން ވޯޓު ކަރުދާހުގައި ފާހަގަ ޖަހާފައިވާ ނަމަ، ވޯޓު ބާތިލްވާނެ ކަމަށް ވެސް އޭނާ ވިދާޅުވި އެވެ.
އިންތިޚާބުގެ ކަންކަން ބަލަހައްޓާ ކޮމެޓީގެ މެމްބަރު އަދި ރައްޔިތުންގެ މަޖިލީހުގެ މަޑަވެލި ދާއިރާގެ ކުރީގެ މެމްބަރު މުއާޒް މުހައްމަދު ރަޝީދު ވިދާޅުވީ ޕްރައިމަރީގެ ވޯޓާސް ލިސްޓާ މެދު ޝަކުވާ ހުށަހަޅަން ހުޅުވާލި ފުރުސަތުގައި އެންމެ ބޮޑަށް ލިބުނީ ޕާޓީގެ ބައެއް މެމްބަރުންނަށް ނޭނގި އެ ޕާޓީގެ ދަފްތަރުން އެ މީހުންގެ ނޭނގި ވަކިވެފައި އޮތް މައްސަލަ ކަމަށެވެ. އެހެންވެ، އެ މީހުންގެ ނަން ލިސްޓުން އުނިކުރަން ޖެހުނު ކަމަށާއި އަދި މައްސަލަ ހައްލު ކުރުމަށް ފަހު ގިނަ ރަށްރަށަށް ލިސްޓް ފޮނުވަމުންދާނެ ކަމަށް ވެސް އޭނާ ވިދާޅުވި އެވެ.
"ފުވައްމުލައް ކަހަލަ ބޮޑެތި ރަށްރަށުގައި އަދިވެސް މި އުޅެނީ މައްސަލަތައް ހައްލު ނުކުރެވިގެން. އިރާދަކުރެއްވިއްޔާ ފުވައްމުލައް ކަހަލަ ބޮޑެތި ރަށްތަކުގައި ވެސް މިއަދު މައްސަލަ ހައްލުކޮށްފައި މިރޭގެ ވަގުތެއްގައި ކެންޑިޑޭޓުންނަށް ލިސްޓް ފޯރުކޮށްދޭނަން." މުއާޒް ވިދާޅުވި އެވެ.
އޭނާ ވިދާޅުވި ގޮތުގައި ޕާޓީގެ ޓިކެޓްގައި ވާދަކުރަން ހުށަހެޅި ފަރާތްތަކުގެ ތެރެއިން ޝަރުތު ހަމަވާ ފަރާތްތައް ބެލުމުގެ މަސައްކަތް ކުރަމުންދާ ކަމަށާއި އޭގެ ތެރެއިން ޝަރުތު ހަމަނުވާ ފަރާތްތަކަށް އެކަން އަންގަމުންދާނެ ކަމަށެވެ. އަދި ޝަރުތު ހަމަވާ ފަރާތްތަކަށް ވެސް އެކަން އަންގާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕީޕީ ނުހޮވޭނެ
28 January 2020
30 އަކަށް މީހުން ހޮވުނަސް ސާބަސް ތި ޕީޕީ އަށްވުރެ ގިނަ ގޮނޑި ގާސިމް އިބްރާހީމް އެކަނިވެސް ނަގާނެ ޕީޕީގަ މިހާރު އޮތީ އެޕާރޓީގެ އިސް މީހުން މުއްބާރުކޮށްގެން ތިބުން ޔައުނީ އެމީހެއްގެ އަތުގަ ހުރި އެއްޗެއް އެމީހަކު ނެތް އެއްޗަކަށް ހަދާ ފިލާނެ ދިމާލެއް ބަލައިގެން ތިބުން ކޮންމެ މީހަކުވެސް އުޅެނީ ކަރަދެއް ކުރަން ތިމާމީހާއަށް ޖެހިދާނެތީ ބިރުން އުޅޭހެން އުޅެނީ އަދިވެސް ދަނީ ފެތެމުން ފެތޭ ދޯނިން ފުމެއް ތައްޔާރަށް ތިބީ
މދި މުދ
28 January 2020
ޕޕމ އަކަށް ލާމަރުކަޒީ ނިޒާމް ހިންގަން ނޭގޭނެޔޯ ލާމަރުކަޒީ ނިޒާމް އޮޅާލި ބައެއް
ޝެލަރީ
28 January 2020
ހިނާ ހާދައަލޭ ހާދަ އަލޭ ހާދަ އާވެގަނެގެން ތިއުޅުއްވާނީ އުމުރުން ދުވަސްވީމަ ވެދާނެ ދެއްތޯ މިކަހަލަ ގޮތެއް
ހަނުހުންނަ މީހާ1
28 January 2020
މިރަށު ޕީޕީއެމް މީހުން މި އުޅެނީ ކޮންފާޑަކަށް. އެކަކުވެސް ކެޑިޑޭޓަކަށް ވާކަށްބޭނުމެއްނޫނޯ އަދި ނުވިތާކަށް އެމްޑީޕީ ޕުރައިމަރީ އާއި ދިމާކޮށް އިންތިހާއަށް ޕީޕީކޔދިން އެމްޑީޕީއަށް ވަދެފި އެމީހުން ބޭނުންމީހަކު އެމްޑީޕީގެ ތެރެއިން ނެރެވޭތޯޔޯ.
ގޮބޮޅިއަލީ
27 January 2020
ކިޔާ އާދޭސް ކޮށްގެންވެސް މިރަށުން ޕޕޕ ނަމުގަ ނުކުންނާނެ މީހަކުނުވި
ކާފަބޭ2020
28 January 2020
ތިޔަހިތް ވަރުގަދަފަހުލަ ވާނަށް ރަށުގެނަންޖަހާލަން ވެސްނުކެރުނުދޯ؟ ތިޔައުފަށްދަނީފިތުނަނޫންތޯ؟ހެޔޮ ވިސްނުން އެންނެރައިއްޔަތުންނަށްދެއް ވާށި!!
ލ.ހުޅަގު ދެކުނު ދާއިރާ
27 January 2020
ލ އަތޮޅު ކައުންސިލްގެ ރައީސް ކަމަށް ފޮނަދޫ ދާއިރާ ގެ މީހެއް އަދި މާވަށު ދާއިރާގެ ރައްޔިތަކު ކުރި މަތި ލުމުގެ ފުރުސަތު ނެތީ ކޮންކަމަކާއި ބިރުން ތޯ އަދުރޭ ކުރެން ސުވާލު ކޮށްލަން ބޭނުމެވެ.
އަހުމަދުބޭ
27 January 2020
ކާކުތަ މިހާރު ޕީޕީއެމް ހިންގަނީ ؟ ޕީއެންސީގެ ވެސް ރައީސްތަ؟ ދެން ޕީއެންސީގެ ޕުރައިމަރީއެއް ނުބާއްވާތަ؟ އަދި ނުކުންނަނީ ކިތަށް ކެނޑިޑޭޓުންތަ؟
ސަމަރޭ
28 January 2020
ޕީ އެން ސީ އަކީ ޕީ ޕީ އެމްގެ ދަރި. ޕީ ޕީ އެމް ގެ ކޮންމެ ކަމެއްގައިވެސް ހިފައި އެރަހައްޓަން ހުރި ފަރާތެއް
މޫސާ އަންވަރު
27 January 2020
ލޯކަލް ކައުންސިލް އިންތިޚާބުގައި އިންތިޚާބު ކުރަންޖެހޭ އަދަދަށްވުރެ މަދު ކެނޑިޑޭޓުންއަށް ވޯޓުދީފައިވާ ވޯޓު ކަރުދާސް ބާޠިލް ކުރުމަކީ ދިވެހިރާއްޖޭގެ ސްޕްރީމް ކޯޓުގެނަންބަރު 24/އެސްސީ-ސީ/2011 ގެ ޙުކުމާއި ޚިލާފު ކަމެއް. ލޯކަލް ކައުންސިލް އިންތިޚާބުގެ ޕްރައިމަރީ އެއްގައިވެސް އެފަދަ ވޯޓެއް ބާޠިލް ނުކުރެވޭނެ. ސްޕްރީމް ކޯޓުގެ އަމުރަކާއި ޚިލާފް ޕްރައިމަރީއެއް އިލެކްޝަންސް ކޮމިޝަނުން ބަލައިގަނެގެންނުވާނެ
އަދުރޭ ހ
28 January 2020
ކަލެއާ ކޮންބެހޭކަމެއް މިއީ ހޭބަލިވަނީ ކީއްވެތަ
އަޒީޒު
28 January 2020
ސްޕްރީމް ކޯޓުގެނަންބަރު 24/އެސްސީ-ސީ/2011 ގެ ޙުކުމާއި އެއްގޮތަށް ތި ފާޅު ކުރެއްވި ޚިޔާލަށް ތާއީދު ކުރަން. ނަމަވެސް އެ ޙުކުމް އަލުން މުރާޖައާ ކުރަން ޖެހޭ ކަމަށް ދެކެން. އިންތިޚާބުގެ މަޤުބަދު ގެއްލިގެން ދާތީ.ކޮންމެ ދާއިރާ އަކުން ވަކިވަރަކަށް ހޮވަން އުޅޭ އިރު 7މީހުން ކުރިމަތިލާ ދާއިރާގައި ވޯޓުލާން ތިބި އެންމެން އެތަނުން ހަމައެކަނި އެކަކަށް ވޯޓުލީމާ ދެންވާނީ ކިހިނެއް
އަސޭލާ1
28 January 2020
އެއްކަލަ މޮޔަ ސޮރު. ހާހާ