ހެލްތު މިނިސްޓަރު އަބްދުﷲ އަމީން، ރާއްޖޭގެ ހުރިހާ ސިއްހީ ޚިދުމަތްތެރިން މަސަައްކަތަށް ނުކުންނަން އަމީން ގޮވައިލެއްވި
15 މާޗް 2020 - 16:08
6 comments
ކޮވިޑް-19 ރާއްޖޭގައި ފެތުރުން ހުއްޓުވަން ކުރާ މަސައްކަތުގައި ހުރިހާ ސިއްހީ މަސައްކަތްތެރިން ބައިވެރިވުމަށް ހެލްތުމިނިސްޓަރު އަބްދުﷲ އަމީން މިއަދު ގޮވާލައްވައިފި އެވެ.
ކޮވިޑް-19 އަށް ޓެސްޓްކުރާ 5000 ކިޓް ޑަބްލިއުއެޗްއޯ އިން ރާއްޖެއަށް ހަވާލުކުރަން ނެޝަނަލް އިމަޖެންސީ އޮޕަރޭޝަންސް ސެންޓަރު (އެެންއީއޯސީ)ގައި މިއަދު ބޭއްވި ރަސްމިއްޔާތުގައި އަމީން ވިދާޅުވީ ބަލިފެތުރުން ހުއްޓުވަން ކުރާ މަސައްކަތުގެ އެންމެ ބޮޑު ކާމިޔާބީއަކަށް ވާނީ ފެތުރޭ މިންވަަރު ލަސްކުުރުން ކަަމަށާއި އެކަމުގައު ރާއްޖޭގެ ހުރިހާ މުއައްސަސާތަކަކުން މުހިއްމު މަސައްކަތްތަކެއް ކުރަމުން އަންނަ ކަމަށެވެ
"އެހެންވީމާ އަޅުގަނޑު، ސިއްހީ ހިދުމަތުގެ މަސްއޫލިއްޔަތު ހަވާލުވެ ހުރި މީހެއްގެ ހައިސިއްޔަތުން، އަޅުގަނޑުމެންގެ ސިއްހީ ދާއިރާގެ ހުރިހާ ބޭފުޅުން އިނގޭތޯ، ވަޒީފާހައި ހުރި ބޭފުޅަކަށް، ވަޒީފާގައި ނެތް ބޭފުޅަކަށް، ޗުއްޓީގައި ހުރި ބޭފުޅަކަށް ނުބައްލަވައި މިޚިދުމަތަށް ނުކުމެވަޑައިގަތުމަށް އަޅުގަނޑު ގޮވައިލަން، އޭނާ ވިދާޅުވި އެވެ.
ނުކުމެވެން ތިބި ސިއްހީ ހިދުމަތްތެރިންގެ ނަން ނޯޓްކުރާނެ
އަމީން ވިދާޅުވީ ޕަބްލިލް ހެލްތުގެ މަސައްކަތް ކުރިން ކުރެއްވުމަށް ފަހު މިހާރު އެ މަސައްކަތުގައި ނޫޅުއްވާ ބޭފުޅުން ވެސް މަސައްކަތަށް ނުކުންނެވުމަށް ގޮވައިލައްވާ ކަމަށާއި އެގޮތަށް ނުކުންނެވޭ ހާލަތުގައި ތިއްބެވި ބޭފުޅުންގެ ނަންނޯޓް ކުރެވޭނެ އިންތިޒާމް ހަމަޖައްސަވާނެ ކަމަށެވެ.
"އަޅުގަނޑުމެން، ރަށްރަށުގެ ހުރިހާ ހޮސްޕިޓަލްތަކާއި ހެލްތު ސެންޓަރުތަކުގައި އިންތިޒާމް ހަމަޖައްސާނަން ތިޔަ ބޭފުޅުން ނަންނޯޓްކުރެވި ، ޚިދުމަތަށް ނިކުންނެވޭ ހާލަތުގައި ތިއްބެވި ބޭފުޅުންނަކީ ކޮބައިތޯ [ބަލަން]،" އޭނާ ވިދާޅުވި އެވެ.
ކޮވިޑް-19 އަަށް ޓެސްޓްކުރާ 5000 ކިޓް ޑަބްލިއެޗްއޯއިން ރާއްޖެއަަށް ހަދިޔާކުރުމުގެ ރަސްމިއްޔާތުގައި ހެލްތު މިނިސްޓަރު އަމީން (މ)، ޑަބްލިއެޗްއޯގެ މަންދޫބު ޑރ. އަރުވިންދު މާތޫރު އަދި އައިޖީއެމްއެޗްގެ ސީއީއޯ ސަލީމް ބައިވެރިވެވަޑައިގަންނަވަނީ.
އޭނާ ވިދާޅުވި ގޮތުގައި މަސައްކަތަށް ނިކުމެވެން ތިބި ހެލްތު ޕްރޮފެޝަނަލުންނަކީ ކޮބައިތޯ ބެލުމަކީ ތައްޔާރުވުމުގެ ގޮތުން ކުރަން ޖެހޭ ކަމެކެވެ. ރާއްޖެއަށް މިހާރު ކުރިމަތިވެފައިވާ އާއްމު ސިއްހަތުގެ ކުއްލިި ހާލަތުންއ އަރައިގަނެވޭނީ އޭނާ ވިދާޅުވި ގޮތުގައި ރާއްޖޭގެ ހުރިހާ ސިއްހީ ހިދުމަތްތެރިންގެ މަސައްކަތުންނެވެ.
"އެހެެންވީމާ އިރާދަކުރެއްވިއްޔާ ހުރިހާ ޚިދުމަތްތެރިން، ސިއްހީ ހުރިހާ ޚިދުމަތްތެރިންނާ ސިއްހީ ފަންނުވެރިން އަދި ސިއްހީ ތަޖުރިބާ ކާރުންގެ އެހީގައި އަޅުގަނޑުމެންގެ ރާއްޖޭގައި މިއޮތް ހާލަތުން އަރައިގަނެވޭނެކަމަށް އަޅުގަނޑު ގަބޫލުކުރަން،" އަމީން ވިދާޅުވި އެވެ.
ރާއްޖޭން ކޮވިޑް-19 އަށް ޕޮޒިޓިވް ވި މީހުންގެ އަދަދު މިއަދު ވަނީ 13 އަށް އަރައިފަ އެވެ. ރާއްޖޭގައި އެބަލި ޖެހުނު މީހުންގެ ތެރެއިން ހާލުބޮޑުވެ، އައިސީޔޫގައި ފަރުވާ ދެމުން އަންނަނީ އެންމެ މީހަކަށެވެ. ބަލި ފެތުރޭތީ ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށް، ރައްކާތެރިކަމުގެ ގިނަ ފިޔަވަޅުތަކެއް ވަނީ އަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަތޫ
15 March 2020
އަމީން ތި ކުރައްވާ ހިތްވަރަށް ސާބަސް ހައްގު
ގަމާރުސޯ
15 March 2020
ދެން ކުރިއެކޭ އެއްފަދައިން ހެލްތު މިނިސްޓަރު ކުރަމުން ގެންދިޔަ އަގުހުރި މަސައްކަތަށް ގޮންޖަހަމުން ދިޔަ ސިޔާސީ ހުރިހާ މީހުން ގޭގައި ކަރަންޓީނުކޮށްފައި ބައިތިއްބަންވެސްޖެހޭ. އިއްޔެވެސް ފެނުނު ކޮންމެވެސް މީހަކު ސިޔާސީ މެޑަލް ނުޖެހިގެން ޑިސްއިންފެކްޓު ކުރަންށޭ ކިޔާ މާލެ ކޮންމެވެސް ސަރަހަދެއްގައި ޑްރާމާ ކުޅެނިކޮށް
ހެލްތުޥޯކަރު
15 March 2020
އޯކޭ އެކަމަކު އޮނިގަނޑުދޯ
ލަމް
15 March 2020
ވަރަށް ރަނގަޅު ވާހަކަފުޅެއްް. މި ވަގުތު މިއީ ހުރިހާ ތަފާތުތައް އެއްފަރާތް ކޮށްފައި ގައުމީ ހިދުމަތުގައި އެންމެން އަތުގުޅާލަންވީ ވަގުތު
ދޮންމަނިކު
15 March 2020
ހަމަ އެޔާއެކީ ހުރިހާ ސިޔާސީ ޕާޓީތަކުގެ އަޑުގަދަ ކުރައްވާ ހުރިހާ ބޭފުޅުން ގެޔަށް ވަޑައިގެން އަމިއްލަ ފުޅަށް ކަރަންޓީނުގަ ރީތިކޮށް އަގަމަޑުން ލައިގެން ތިއްބަވާ. ސިއްހީ ދާއިރާގެ ފަންނީ ބޭފުޅުން ކުރައްވާ މަސައްކަތަށް މޮޅެތި ފާޑުވިދާޅުވުން ހުއްޓާލައްވާ.
ޔެސް ސަރ
15 March 2020
ތިޔަ ކުރައްވާ ހިތްވަރަށް ސެލިއުޓް. ޢެކަމު އަތަށް ގޮވަން ކައިރިވީމަ ދޯ. ހިދުމަތް ތެރިން ސަލާމަތުގައި ތިބެ މަސައްކަތް ކުރެވޭނެ ނިޒާމު އަވަސް ގޮތަކަށް ގާއިމު ކޮށްދޭން ޖެހޭ. ޢެހެން ނޫނީ ބޮޑު ވެއްޓުމަކަށްވާނެ- ގޭގަހުރި ޑޮކްޓަރު.