ސާކު ގައުމުތަކުގެ ވެރިންގެ ޓެލެކޮންފަރެންސްގައި ރައީސް-- ފޮޓޯ: ރައީސް އޮފީސް
15 މާޗް 2020 - 18:03
104 comments
ކޮވިޑް-19 ފެތުރޭތީ ރާއްޖޭގެ ޓޫރިޒަމަށް އަންނަމުންދާ ހީނަރުކަން މިހާރު ކުރިއަށް ދާ ގޮތަށް ދެމިގެން ހިނގައްޖެ ނަމަ ދައުލަތަށް މި އަހަރު ލިބޭ އާމްދަނީގެ ތެރެއިން 135.9 މިލިޔަން ޑޮލަރު (2.5 ބިލިޔަން ރުފިޔާ) އާއި 446.6 މިލިޔަން ޑޮލަރު (6.9 ބިލިޔަން ރުފިޔާ) އާ ދެމެދުގެ އަދަދަކަށް މަދުވާނެ ކަމަށް ލަފާ ކުރެވޭ ކަމަށް ރައީސް އިބްރާހީމް މުހައްމަދު ސޯލިހު މިއަދު ވިދާޅުވެއްޖެ އެވެ.
އިންޑިއާގެ ބޮޑުވަޒީރު ނަރެންދުރާ މޯދީގެ އިސްނެންގެވުމަކަށް، ސާކްގެ އަށް ގައުމުގެ ވެރިން މިއަދު ފެއްޓެވި ވީޑިއޯ ކޮންފަރެންސްގައި ރައީސް ވިދާޅުވީ ރާއްޖެ އަށް ޓޫރިސްޓުން އަންނަ އަދަދު، ރާއްޖޭން ބަލި ފެތުރުމުގެ އެތައް ހަފްތާއެއް ކުރިން ފެށިގެން ދަށަށް ދާން ފެށި ކަމަށެވެ. އެގޮތުން މިދިޔަ ފެބްރުއަރީ މަހު ރާއްޖެ އަށް ޓޫރިސްޓުން އައި ވަރު މިދިޔަ އަހަރާ އަޅާބަލާއިރު 14.3 ޕަސެންޓުން ދަށަށް ދިޔަ ކަމަށާއި މާޗްމަހުގެ ފުރަތަމަ 10 ދުވަހުގެ ތެރޭގައި 22.8 ޕަސެންޓްގެ ދަށް ވުމެެއް ކުރިމަތި ވެފައިވާ ކަމަށް އެމަނިކުފާނު ވިދާޅުވި އެވެ.
"ޓޫރިސްޓުން އަންނަ އަދަދު މިހާރު ދަށަށް ދަނީ ވަރަށް ބާރަށް، މިހާރު މިދާ ގޮތަށް ދަންޏާ މި އަހަރު ނިމޭ އިރު 35 ޕަސެންޓްގެ ދަށްވުމެއް އަޅުގަނޑުމެންނާ ކުރިމަތިވާނެ،" ރައީސްް ވިދާޅުވި އެވެ.
އެމަނިކުފާނު ވިދާޅުވި ގޮތުގައި ޓޫރިޒަމަށް އަންނަ ކޮންމެ ހީނަރު ކަމަކުން ރާއްޖޭގެ އިގުތިސާދަށް ވަަރަށް ބޮޑެތި މައްސަލަތަކާ ކުރިމަތިވާނެ އެވެ. ޓޫރިޒަމުން ލިބޭ އާމްދަނީ އަކީ ރާއްޖޭގެ ޖީޑީޕީގެ ހަތަރުބައިކުޅަ އެއްބަޔަަށް ވުރެ ބޮޑު މިންވަރެއް ކަމަށާއި ރާއްްޖެ އަށް ލިބޭ ބޭރު ފައިސާގެ ތިންބައިކުޅަ ދެބައި ހިއްސާކުރަނީ ވެސް އެ އިންޑަސްޓްރީން ކަމަށް އެމަނިކުފާނު ވިދާޅުވި އެވެ.
"ވަޒީފާ އުފެދޭ ނުވަތަ އާމްދަނީއެއް ލިބޭ ކޮންމެ އެހެން މަސަައްކަތެއް ސީދާ ގޮތެއްގައި ނުވަތަ ނުސީދާ ގޮތެއްގައި ބަރޯސާ ކުރަނީ ޓޫރިޒަމް އިންޑަސްޓްރީ އަށް،" ރައީސް ވިދާޅުވި އެވެ.
ސާކްގެ ވެރިންގެ ވީޑިއޯ ކޮންފަރެންސްގައި ރައީސް އިބްރާހީމް މުހައްމަދު ސޯލިހު ވާހަކަ ދައްކަވަނީ. އެމަނިކުފާނު ވިދާޅުވީ ރާއްޖޭގެ އާމްދަނީ ވަރަށް ބޮޑަށް ދަށަށް ދާނެކަމަށް.
ރާއްޖޭގެ ޓޫރިޒަމް އިންޑަސްޓްރީއަކީ ސާކް ސަރަހައްދުގެ އެހެން ގިނަ ގައުމުތަކެއްގައިވާ ވިޔަފާރީގެ ގޮތުން ގުޅިފައިވާ އިންޑަސްޓްރީއަކަށް ވާތީ ރާއްޖެ އަށް މިއައި ދަތިކަމުގެ އަސަރު، ރައީސް ވިދާޅުވި ގޮތުަގައި ސާކް ގައުމުތަކަށް ވެސް ކުރާނެ އެެވެ.
ރާއްޖެއަކީ އިމްޕޯޓްކުރާ މުދަލަށް ބަރޯސާކުރާ ގައުމަކަށް ވާތީ، ރާއްޖެއަަށް ލިބޭ ބޭރު ފައިސާގެ އަދަދު މަދުވެއްޖެ ނަމަ ރާއްޖެއަށް ބޮޑެތި މައްސަލަތަކާ ކުރިމަތިވާނެ ކަމަށާއި އާމްދަނީ ދަށްވުމަކީ ކޮވިޑް-19 ހުއްޓުވަން ކުރާ މަސަައްކަތަށް ވެސް ހުަރަސްތައް އެޅޭނެ ކަމެއް ކަމަށް އެމަނިކުފާނު ވިދާޅުވި އެވެ.
"އެހެންވީމާ ފުރިހަމަ، ތަފްސީލް ސަރަހައްދީ ސްޓްރެޓެޖީއެެއް އެކުލަވައިލަން [އިންޑިއާގެ] ބޮޑުވަޒީރު ނަރެންދުރާ މޯދީ ހުށަހަޅުއްވާފައިވާ ހުށަހެޅުއްވުމަށް އަޅުގަނޑު ފުރިހަމައަށް ތާއީދުކުރަން،" ރައީސް ވިދާޅުވި އެވެ.
އެގޮތުން އެކުލަވައިލާ ސްޓްރެޓެޖީއެއްގައި މައިގަނޑު ތިން ކަމެއް ހިމަނަން އެމަނިކުފާނު ގޮވައިލެއްވި އެވެ. އެގޮތުން ހިމަނަން ޖެހޭ ފުރަތަމަ ކަމަކީ ސަރަހައްދީ ގައުމުތަކުގެ ހެލްތު އެޖެންސީތައް ގުޅިގެން މަސައްކަތްކޮށް، މައުލޫމާތު ބަދަލުކުރުމުގައި ހުރަހެއް ނެތްކަން ކަށަވަރުކުރުން ކަމަށާއި ދެވަނަ ކަމަކީ އިގުތިސާދީ ގޮތުން ކުރިމަތިވާ މައްސަލަތަކަށް ލުޔެއް ދިނުމުގެ ޕެކޭޖެއް އެކުލަވައިލުން ކަމަށް ރައީސް ވިދާޅުވި އެވެ.
"ތިން ވަނަ ކަމެއްގެ ގޮތުން، ކޮވިޑް-19 އާ ހަނގުރާމަކުރުމުގެ ތަފްސީލީ ސްޓްރެޓެޖީއެއްގައި، ދިގުމުއްދަތުގެ ރިކަވަރީ ޕެކޭޖެއް ހިމެނެންވާނެ،" ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެކްސްޓް
16 March 2020
ލޮކްޑައުން އަކަށް ނުދަންޏާ ތޮޔަށްވުރެންވެސް ގިނަ ޑޮލަރު ގެއްްލޭނެ. ޑޮލަރު މަތިން ހަދާންކޮށް ކަރުނަ އެޅުން ހުއްޓާލަފަައި ރައްޔިތުންގެ ސަލާމަތާއި ރައްކާތެރުކަން ކަށަވަރު ކުރޭ
އޭނަ
16 March 2020
ކޯޗެކޭ ކިޔާކަށް. ރޯގާ ޖެހިގެން އުޅުނަސް ބޭރަށް ދަނެ މާސްކެއް ނިލިބޭ. ސެނެތައިޒާ އެއް ނުލިބޭ . ނުވީ ތަނަކަ ޕޮލިސް ގަ ވެސް ނެތް އަތް ދޮޗެލަން ބޭނުން ކުތާނެ ސައިބޯނި ކޮޅެއް. އެއްވެސް ރައްކާރެތި ކަމެއް ނެތް ރައްޔިތުންނަށް ދެން ވެސް ކިޔާ ލާރި ލާރި އޭ
ދެރަ
16 March 2020
ބަލަ ރިސޯޓް ތާކުގަވެސް އެތިބީ ހަ މަ ލޯބިވެތި ދިވެހި ރައްޔިތުން . ޢެ މީހުންގެވެސް ލޯބިވާ އާޢިލާ އެއް އޮންނާނެ. ޢެ މީހުންނައްވެސް ރައްކާތެރި މާހައުލެއް ހޯދާދޭން ޖެހެ .ކުޑަދުވަސް ކޮޅަކައް ނަމަވެސް ގެސްޓުން ގެނައުން މަޑުޖައްސާލަން ޖެހެ . ހުރިހާ އެން މެންގެ ސަލާމަތާ ރައްކާތެރިކަމައް. ޜައީސް މީހާ ވިސްނަން ޖެހެނީ ހަމަ އެކަނި މާލެ މީހުންނާ މެދަކު ނޫން.
ދެރަ
16 March 2020
އެކުތިވިސްޓަށް ބުނެލަން ބޭނު މީ ރިސޯޓް މުއައްޒަފުން ޗުއްޓީގަ ތިއްބާވެސް ދާން ޖެހޭ ގޮތަށް ރިސޯްޓްތައް ބަންދު ކޮށް، ވައިރަސް ތެރޭގަ އެ މީހުން ބަންދު ކޮށްފަ އެތިބީ ސަރުކާރު ހެޔޮފުޅުވީ މަހޭ. ޢަދިވެސް ހުއްޓާނުލާ ފަތުރުވެރިން ގެނނަނީ އެހއންވެހޭ. ގެސްޓަކު މާލެ ނާރައިފިއްޔާ ކަލޭ މެންނައް އޯކޭ. ޑޮލަރު ލިބެނިކޮށް.
އެމެރިކާ
16 March 2020
ވައްކަމޭ ކިޔާގެން އައި ސަރުކާރު ޤައުމު ލޫޓުވާލަނީ އަޅުވެތިކަމުގެ ރަހަ ދިވެހިން ކަރުބުޑުން ލާން ފަށައިފި.
ޝޮކްތެރަޕީ
16 March 2020
ރައިސް ޔާމިން އެއޮތީ ސަބިތުކޮއްދީފަ. އިންޑިޔާއާ ދުރައްޖެހުނީމަ ރާއްޖެއަށް އައި ތަރައްގީ. އިންޑިޔާ އުޅެނީ ރާއްޖޭގެ ހުރިހާ މުހިމްމު ތަންތަން ނަގާފަ އިންޑިޔާއަ ބަރޯސާ ކުރުވަން. ދިވެހިންނޭ މިނިވަން އިގުތިސޯދެށް ނެތި ރާއްޖެ ކުރިޔަކަށް ނުދާނެ.
ޢަނީ
16 March 2020
އެހެން ގައުމު ތަކުގެ ރައީސުން ދެނީ އުންމީދު. މިރައީސް ގަންނަވަވަނީ ބިރު.
ފުއްލާދުލި
16 March 2020
ރިސޯޓު ބޯއިސް ކެނޑިނޭޅި އަބަދު ޝަކުވާގަ، 80000 ރުފިޔާގެ ސަވިސްޗާޖު ލިބުނުއިރު ވެސް އެވަރުވެސް މަދުވެފަ. އަރާމު އެކޮމޮޑޭޝަނާއި ފެސިލިޓީސްތަކާ ބޭނުން އެއްޗެއް ކެވޭނެ ގޮތް ހަދާދިނިމަވެސް ހަޅުތާޅުގަ. ބައެއްގެ ސިޔާސީ މަންފާއެއް ހޯދަން ޓުއަރިޒަމް ހުއްޓުވާލުމަށް މަސައްކަތްތައް ހުއްޓާލަން ޖެހިދާނެކަމުގެ އިންޒާރު ކެނޑިނޭޅި ދެމުން، އެތައް މިލިއަން ޑޮލަރެއް އިންވެސްޓުކޮށްފަ ހަދާފަ ތިބި ވެރިން ބިރުވެރިކަމުގަ. މިހާރު މިވީ ގޮތް ރިސޯޓުބޯއިސް އަށް ފެނޭތޯ.
ދީފް
16 March 2020
ތި ރިސޯޓުގަ ވާޒީފާގަ ނޫޅޭތި ނޭގެނި މި ހާރުވެސް ރިސޯޓުތަކުގެ ވެރިން މިކަ މުންވެސް މަންފާނަގަނި ތި ރިސޯޓެއްގެ ވެރިއެއްތަ ނޫނީ ބާލިބޭ މީހެއްތަ
ރާއްޖެގެ މިނިވަންކަން
16 March 2020
މިޤައުމު އަނެއްކާވެސް މިނިވަންކުރަން ޖެހިފަ މިއޮތީ. މި އަނިޔާވެރި ހިންނުބައި ސަރުކާރު އަޒުލްކުރަންޖެހޭ މިނިވަންކަން ނުގެއްލެނީސް.
އަހަރެން ނުދެކެން
16 March 2020
މިރާއްޖޭން އިންޑިޔާގެ ނުފޫޒުން ސަލާމައް ވެގެންނޫނީ ރާއްޖޭގެ ކުރިއެރުމެށް ނުލިބޭނެ..