މިއީ ތޫފާނެއްގެ ތެރޭގެ ހިމޭން ވަގުތުކޮޅަކަށް ވެދާނެ، ފަރުވާކުޑަ ނުކުރައްވާތި: މަބްރޫކް

ރާއްޖެ އިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ތިން މީހަކު ރަނގަޅުވެ، އުފާވެރި ޚަބަރުތަކެއް ލިބުމަކީ "ތޫފާނެއްގެ" ތެރޭގައި އޮތް ހިމޭން ވަގުތުކޮޅެއް ނުވަތަ ސަލާމަތުގެ އައްސޭރިއަކަށް ދެވުން ވެސް ވެދާނެ ކަމަށާއި ކޮވިޑް ބަލިން ދިވެހިންނަށް ރައްކާތެރިކަން އޮތީ ފަރުދީ ޒިންމާ އަދާކޮށްގެން ކަމަށް ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލްއަޒީޒް މިއަދު ވިދާޅުވެއްޖެ އެވެ.

ނޭޝަނަލް އިމަޖެންސީ އޮޕަރޭޝަން ސެންޓަރުން މެންދުރު ބޭއްވި ނިއުސް ބްރީފިންގައި އޭނާ އެހެން ވިދާޅުވީ، ރާއްޖެ އިން ކޮވިޑް ބަލި ޖެހުނު 13 މީހުންގެ ތެރެއިން ތިން މީހަކު ރަނގަޅުވި ކަން މިދިޔަ 24 ގަޑިއިރުގެ ތެރޭގައި ސަރުކާރުން އިއުލާން ކުރުމާ ގުޅިގެން، ފަރުދީ ފެންވަރުގައި ދެން އަޅަން ޖެހޭ ފިޔަވަޅުތަކުގެ މުހިންމުކަން ފާހަގަކުރައްވަމުންނެވެ.

އޭނާ ވިދާޅުވީ، މި ދެ ތިން ދުވަހު މި ލިބޭ "އުފާވެރި ޚަބަރުތަކަކީ" ކުރެވޭ ބުރަ މަސައްކަތުގެ ނަތީޖާ ކަމަށެވެ. އަދި މި ނަތީޖާ ދަމަހައްޓަން އިތުރަށް ގަދައަޅައި މަސައްކަތް ކުރަން ޖެހޭނެ ކަމަށް ވިދާޅުވި އެވެ.

މި މަހުގެ ހަތްވަނަ ދުވަހުން ފެށިގެން މިހާތަނަށް ރާއްޖެ އިން ކޮވިޑް ބަލި ޖެހުނު މީހުންގެ ތެރެއިން ފުރަތަމަ ރަނގަޅުވި ދެ މީހުންގެ ވާހަކަ ސަރުކާރުން އިއުލާންކުރީ ރޭގަ އެވެ. އެއީ ބަތަލާ އައިލެންޑް ރިސޯޓުގައި ޗުއްޓީ ހޭދަކުރަމުން އައި އިޓަލީގެ ދެމަފިރިއެކެވެ. ތިން ވަނަ މީހާ ރަނގަޅުވިކަން އިއުލާން ކުރީ މިއަދެވެ. އެއީ ރާއްޖެ އިން އެންމެ ފުރަތަމަ ކޮވިޑަށް ޕޮޒިޓިވްވި ދެ މީހުންގެ ތެރޭގައި ހިމެނޭ ކުރެއްދޫ އައިލެންޑް ރިސޯޓުގެ ޑޮކްޓަރެވެ. މި ތިން މީހުން ރަނގަޅުވުމާ އެކު، ރާއްޖޭގައި މިހާރު ތިބީ ކޮވިޑް ބަލީގެ 10 މީހެވެ. އެއީ ކުރެއްދޫ ރިސޯޓުގެ ބިދޭސީ މުވައްޒަފަކާއި ނުވަ ޓޫރިސްޓެކެވެ.

BREAKING: Raajje inn Covid ah faruvaadhin ithuru meehaku rangalhuvejje

The most trusted news source in the Maldives

Mihaaru

ރާއްޖެ އިން އެއްވެސް ދިވެއްސަކަށް އަދި ކޮވިޑް ބަލި ނުޖެހެ އެވެ.

މަބްރޫކު މިއަދު ވިދާޅުވީ، ތިން މީހަކު ރަނގަޅުވި ނަމަވެސް ވައިރަހުގެ ނުރައްކާތެރިކަން ހަނދާން ނައްތާލައިގެން ނުވާނެ ކަމަށެވެ. ކަމާބެހޭ ފަރާތްތަކުގެ އިރުޝާދުތަކަށް އަދިވެސް ބަދަލެއް ނާންނަ ކަމަށާއި އެ އިރުޝާދުތަކަށް އަދިވެސް ބޯލަނބަން ޖެހޭނެ ކަމަށް ވިދާޅުވި އެވެ.

"މި ނުރައްކާ އަދިވެސް އިންތިހާ އަށް ބޮޑު. އަޅުގަނޑުގެ އުންމީދަކީ ދިވެހި ހުރިހާ ރައްޔިތުން ވެސް ކަމާބެހޭ ފަރާތްތަކަށް ދޭން ޖެހޭ ފުރިހަމަ އެހީތެރިކަން ދިނުން. އެއާ އެކު، އިރާދަކުރެއްވިޔާ އަޅުގަނޑުމެންނަށް މިކަމުން އަރައިގަނެވޭނެ ދުވަހެޖެންސއް މިންވަރުކު ރެއްވުން،" ދަރުބާރުގޭގައި ބޭއްވި ނިއުސް ބްރީފިންގައި މަބްރޫކް ވިދާޅުވި އެވެ.

މި ވަގުތު ރާއްޖެ އޮތީ ތޫފާނެއްގެ ތެރޭގައި، ހިމޭން ވަގުތުކޮޅެއްގައި ކަމަށް ވެސް ވެދާނެ. ނޫން ނަމަ ސަލާމަތްވުމުގެ އައްސޭރި އަށް ދަތުރުކުރެވެނީ ކަމަށް ވެސް ވެދާނެ. ކަންވާނެ ގޮތް ބަރޯސާވާނީ އާންމުންގެ ފަރުދީ ޒިންމާ އަދާކުރާ މިންވަރުގެ މައްޗަށް: މަބްރޫކް

ކޮވިޑް-19 އާ ގުޅިގެން ރާއްޖޭގައި ސިއްހީ ނުރައްކަލުގެ ކުއްލި ހާލަތު އިއުލާނު ކޮށްފައިވާއިރު، ރިސޯޓުތަކުން އާންމުން ދިރިއުޅޭ ރަށްރަށަށް ދިއުން ވަނީ މަނާކޮށްފަ އެވެ. މި ހާލަތުގައި އޮއްވައި، މާލެ އަތޮޅުގެ ރިސޯޓަކުން ވަގަށް ފުރައިގެން މާލެ އައިސް ދިވެހި ދެ މުވައްޒަފަކު ފުވައްމުލަކަށް ދިޔަ މައްސަލައިގައި މަބްރޫކް ވަރަށް ބޮޑަށް ނުރުހުން ފާޅުކުރެއްވި އެވެ. އެ ދެ ދިވެހިން ފުވައްމުލަކުން ހައްޔަރުކޮށް، މިއަދު ވަނީ ބަންދުގައި ބައިތިއްބައިގެން ތަހުގީގު ކުރިއަށް ގެންދަން 15 ދުވަހުގެ މުއްދަތު އެ ސިޓީގެ މެޖިސްޓްރޭޓް ކޯޓުން ދީފަ އެވެ.

COVID-19: Resort akun filaigen Fuvahmulakah dhiya 2 dhuvessaku hayyaru koffi

The most trusted news source in the Maldives

Mihaaru

މަބްރޫކް ވިދާޅުވީ މިފަދަ ދަނޑިވަޅެއްގައި އެންމެ މީހެއްގެ ސަބަބުން އެތައް ބަޔަކު ނުރައްކަލަށް ހުށަހެޅިގެންދާ ކަމަށެވެ. އަދި އޭގެ އަސަރު އެންމެ ފުރަތަމަ ކުރާނީ ތިމާ އެންމެ ލޯބިވާ ނުވަތަ ތިމާގެ އާއިލީ މެމްބަރުންނަށްކަން ހަނދާނުގައި ބަހައްޓަން ޖެހޭނެ ކަމަށް ވިދާޅުވި އެވެ.

"އެހެންވެ އައިސޮލޭޝަނުގައި ހުރުމަކީ ނުވަތަ އަޅުގަނޑުމެންގެ ޑޮކްޓަރުންގެ ޓީމުން ދޭ އިރުޝާދާއި އެޗްޕީއޭގެ ނިންމުންތަކަކީ ލުއި ނިންމުންތަކެއް ކަމަށް ބަލައިގެން ނުވާނެ. މި ބަލީގެ ނުރައްކާ އަދިވެސް އިންތިހާ އަށް ބޮޑު،" މަބްރޫކް ވިދާޅުވި އެވެ.