ހަނިމާދޫ އެއާޕޯޓާއި އިތުރު ދެ އެއާޕޯޓެއް ހަވީރު 6 ގައި ބަންދުކުރަނީ

ހަނިމާދޫ އެއާޕޯޓް: އެތަނުގެ މެޓް އޮފީހުގެ ކޮޓަރިއެއްގައި ސްޕައި ކެމެރާ ހަރުކޮށްގެން އޮރިޔާން ކާޑު ހަދަން އުޅުނު މައްސަލައެއް ވަނީ ފެންމަތިވެފައި. -- ފޮޓޯ/މިހާރު

ޝުރުފާ މުހައްމަދު، މިހާރު

01 އެޕްރީލް 2020 - 20:57

4 comments

ކޮވިޑް-19އާ ގުޅިގެން ފްލައިޓްތަކުގެ ހަރަކާތްތައް މަދުކޮށް ހަމައެކަނި ދުވާލަށް ބަދަލުކޮށްފައިވާތީ ތިން ރީޖަނަލް އެއާޕޯޓެއްގެ 24 ގަޑިއިރުގެ އޮޕަރޭޝަންތައް ހުއްޓާލަން ނިންމައިފި އެވެ.

ޓްރާސްޕޯޓް މިނިސްޓްރީން ކޮށްފައިވާ ޓުވީޓެއްގައި ބުނެފައިވާ ގޮތުގައި، ހިދުމަތުގެ ގަޑިތަކަށް ބަދަލު ގެންނަން ނިންމާފައިވަނީ ހަނިމާދޫ އެއާޕޯޓް، ކާނޑެއްދޫ އެއާޕޯޓު އަދި ފުވައްމުލަކު އެއާޕޯޓުގަ އެވެ. މި ތިން އެއާޕޯޓުން ވެސް ދެން ހިދުމަތް ދޭނީ ހެނދުނު ހަޔަކުން ފެށިގެން އިރުއޮއްސި ހަޔަކާ ހަމައަށް ކަމަށް ޓްރާންސްޕޯޓް މިނިސްޓްރީން ބުނެފައި ވެއެވެ.

އެހެންނަމަވެސް މެޑިކަލް އިވެކުއޭޝަން ފަދަ ހާލަތެއް މެދުވެރިވެއްޖެ ނަމަ ރޭގަނޑު ފްލައިޓްތައް ބާއްވާނެ ކަމަށް ވެސް ބުނެފައި ވެއެވެ. އެގޮތުން އެފަދަ ހާލަތެއް މެދުވެރިވެއްޖެ ނަމަ ތިން ގަޑިއިރު ކުރިން އެ މަޢުލޫމާތު އެއާލައިން އޮޕަރޭޓަރުގެ ފަރާތުން އެއާޕޯޓަކަށް އެންގެވުމުން ފްލައިޓް ހަރަކާތުގެ ކަންކަން ކުރިއަށް ގެންދެވޭނެ ކަމަށް ވެސް މިނިސްޓްރީން ބުންޏެވެ.

ކޮވިޑް 19 ގެ ޙާލަތާއި ގުޅިގެން ގެ ފްލައިޓް ޙަރަކާތްތައް ވަރަށް ބޮޑަށް މަދުކޮށް ހަމައެކަނި ދުވާލުގެ ވަގުތުތަކަށް ބަދަލުކޮށްފައިވާތީ، ރީޖަނަލް އެއަރޕޯޓްސްގެ ފަރާތުން ހިންގާ އެއަރޕޯޓް ތަކުގެ ތެރެއިން 24 ގަޑިއިރު ޚިދުމަތް ދެމުންގެންދާ ހަނިމާދޫ އިންޓަރނޭޝަނަލް އެއަރޕޯޓް،
— Ministry of Transport and Civil Aviation (@MoTCAmv) April 1, 2020

ކޮވިޑް-19އާ ގުޅިގެން ދަތުރުތައް ކުރުން މަދު ކުރުމަށް އަންގަމުންދާއިރު، ގިނަ ދަތުރުތައް ވަނީ މެދުކެނޑިފަ އެެވެ. މީގެ ކުރިން ފުރި ބާރުވެފައި އޮންނަ ވެލާނާ އިންޓަނޭޝަނަލް އެއާޕޯޓާއި ޑޮމެސްޓިކް އެއާޕޯޓު ވެސް މިހާރު އޮންނަނީ ފަޅަށެވެ.

ދަތުރުތައް މަދުވެ ހަރަދު ނުލިބުމާ ގުޅިގެން ބައެއް އެއާލައިންތަކުން ވަނީ ދަތުރުތައް ހުއްޓާލައިފަ އެވެ.

ގދ. ކާޑެއްދޫ ފުވައްމުލަކު އެއާޕޯޓް ޓްރާންސްޕޯޓް މިނިސްޓްރީ ހަނިމާދޫ އެއާޕޯޓް ހެލްތު ޕްރޮޓެކްޝަން އެޖެންސީ

4 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

01 April 2020

ރާއްޖޭގެ އެންމެބޮޑުއާބާދީކަމަށްވާ އައްޑޫސިޓީގެ ރައްޔަތުންނަށްބޭނުންވާ ސާފުބޯފެނާއި ކާޑުގެ ބާވަތްތަކާއި ކުޑަކުދިންގެކާނާއާއި އެއްގަމުމަހާއި ތަރުކާރީއާއި މޭވާގެބާވަތްތައްވެސް ލިބެނީ މާލެއިންގެނެސްގެންކަމުގައިވާއިރު މާލެއިން ގަމަށް ކާގޯ އުފުލޭނެވަރުގެ ބޮޑު ފްލައިޓެއް ބާއްވާދިނުން ވަރަށް މުހިންމު. # ޢަދި މާލެއާއި ދެމެދު ދަތުރު ހުއްޓާލި ކަމުގައިވިޔަސް ކޮޅުމަޑުލާއި އައްޑުއާއި ދޭތެރޭ ހުރި އެއަރޕޯޓް ތަކުން ގަމަށް ފްލައިޓް އޮފަރޭޓް ކޮށްދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިލިއަފީފު

02 April 2020

ސީޝެލްސް އިން ފޮނުވާނެ އައްޑޫއަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާނާ.

02 April 2020

އާބާދީ ބޮޑަސް އައްޑޫއައް ތިޔަހިދުމަތް ދޭ ކައްނުޖެހޭ އެހެން ރައްރަށުމީހުންވެސް ތިބީ ތިހާލުގަ އައްޑޫ މީހުން ހީނުކުރާތި މިރާއްޖޭގެ ވިޔަފާރި ތަ ކާ ދައުލަތުގެ ބައިތުލްމާލަ ކީ އައްޑޫގެ އެއްޗެއް ކަމައް ތިޔައީ ވަރައްބޮޑު ކުއްހީއެއް ކޮމަންޓު ކުރަން ނީނދެ ދަނޑުހައްދަބަލަ މި ކޯ